日山 (海運大廈)

營業中

休息中

Hiyama 日山 is the first overseas branch of the highly acclaimed Michelin-starred Sukiyaki specialist, Hiyama in Tokyo.  The restaurant has been gaining a steady fan since its inception in 2019, advance reservation is strongly recommended.At Hiyama, you may expect nothing but the finest, melt-in-your-mouth Wagyu cuts, accompanied by the secret sukiyaki sauce that was flown directly to Hong Kong from the Tokyo store, so it comes as no surprise that it delivers the most traditional and authentic Jap

📍Hiyama 日山（尖沙咀）尖沙咀廣東道3-27號海港城海運大廈3樓OTE302號舖米芝連推介，襯住海港城有coupon，加上店舖長期預約滿，有reserve 位即刻gogogo🤩🤩⭐️人氣之選👉壽喜燒 A5 和牛嚴選部位及野茶盛💰498+1😋😋😋😋/5壽喜燒由侍應攞過黎，俾你影張相再拎返入廚房整，再serve 俾你，唔係喺你面前整，👉烧 A5 和牛扒伴日式芥未酸汁💰438+1😋😋😋😋/5望落去個樣好似好熟咁，其實入口即溶，就咁食個牛已經好好食，點左汁反而遮蓋左個牛味回頭: Ys，大前提要有coupon😆

預早一個月前book，星期六夜晚6:00/8:00pm兩場（呢下港式D)，揀左6:00pm等多啲時間落格。我哋2個人去，安排坐4人枱，有足夠空間，如果想坐海景則邊既位book時要講定。我地一人一個梅Set，食壽喜燒，其中一個set追加左一件A5西冷和牛肉片(highly recommend)，A la carte加左一份蘆筍燒牛舌(好食不過以份量計算貴)同兩份和牛三吃壽司(都值得試)，飽到上心口。日山出名食牛同壽喜燒，所以睇完幾個set既details, 梅包3塊A5和牛肉片，其他set(貴啲)但係都係包2塊，多左既係sashimi，時令魚等，如果你鍾意試唔同類型嘅嘢食，其他sets唔錯。不過如果主要黎食牛壽喜燒(同我地一樣)，直接揀梅Set性價比最高。服務好好(雖然你會feel到佢哋有時有啲趕，擔心趕唔切下一場開始)，不過D staff趕極其實都好有禮貌，keep住留意每一枱既客有咩需要。Conclusion: 一定會再幫襯。

平身都幾鍾意食壽喜燒🥹但覺得佢真係有啲貴好彩！有海港城coupon同埋睇完Alfred 介紹條片，睇落唔錯值得一試🫣不過想食都唔易Book我打過好多次電話都無人聽我係去到鋪頭Book架入去條路就好靚記得當日book嗰陣佢有同我哋講個座位睇唔到海景點知睇到最後望住個海食嘢都開心啲當然食招牌嘅野食🤣前菜有3款食完前菜後會比碟和牛我哋打卡😂打卡成果第一塊第二塊好食最後甜品都好食好濃嘅柚子味如果有coupon 都好值得一試

日山Hiyama 食評作為一個超鐘意壽喜燒嘅為食妹，曾經係京都一間百年壽喜燒老店體驗過一次畢生難忘嘅正宗壽喜燒，但係衣家無得去日本，暫時都未有得再食😫難得香港有間米芝蓮一星嘅日本餐廳出名壽喜燒就當然要慕名去試下😊不過因為晚市太貴，我哋選擇咗價錢平一截嘅午市😝一坐低就waiter就問要唔要Sparkling water或者礦泉水，當時因為覺得冷氣有啲凍就叫咗杯熱水，後來望一望drink menu先發現原來呢兩樣飲品係要另外收費🙈Lunch Menu有9個Set Lunch 可以選擇，有和牛、豚肉、鰻魚等等，除咗鐵膽壽喜燒之外，我哋再叫咗個唔係好常見嘅銀鱈魚西京燒。壽喜燒A5和牛嚴選部位及野菜盛 $488 🌟🌟🌟🌟壽喜燒係有專人煮完分好哂之後先拎嚟我哋個位，我覺得呢樣嘢有少少可惜嘅，個人比較prefer係自己個位整完自己夾嚟食。煮之前waiter會拎碟和牛嚟介紹同俾我哋影相先😝 食落未去到入口即溶，不過咬兩啖都已經可以吞落去，medium rare個塊再綿少少，醬汁唔會一食落就好甜同好鹹，甚至可能會有人覺得唔夠濃味，我自己就覺得OK嘅，而配料都係常見嘅冬菇、豆腐、洋蔥、蒟蒻絲，全部都係好易

論味道和手藝，Hiyama 鋤焼無疑水準甚高。雖然為了遷就香港口味，沒有加鋤焼應有的糖，然而減糖小妹沒有意見，一樣味美。只是有些環節和缺憾，還是要批評一下。日本料理上菜是有規矩的，規矩是有用的，並非繁文縟節。因為如此鋪排令每一道菜味道表現最好，箇中亦有美學意思，缺乏美的欣賞，糟蹋了料理長一番心思呢（例如懷石料理中的「箸休」，是小碗湯品，目的是 cleanse the palatte between the dishes，其名也有「讓筷子小休一會」的意思。）那天我們除了  lunch sets，也加了「刺身の三品盛り」，刺身理想當然是先付け、前菜、茶碗蒸し之後，鋤焼之前上。但刺身卻遲遲未上，到我們差不多吃完主菜，再追加牛肉時才上，此刻吃刺身為時「已晚」，palatte 已經習慣濃郁的肉汁。不評刺身質素一般，唯沒有山葵則不可原諒了。再看米飯，盛飯的碗邊緣黏了飯粒數顆，不是小妹 fussy，這是料理功夫和認真程度的問題，飯盛到那個模樣，大不及格喔。而且總有點感覺米飯是混米。再者，是不是全日本米？這個希望有高明指點小妹了。先付け、前菜、茶碗蒸し中，那凍番茄梅酒啫喱味道配和最佳。鋤焼牛肩胛（肩ロ

📍日山這家預約困難店，我預早一星期訂位就搞掂亦可能復活節期間唔可以用商場coupon 關係復活節當日中午1:30pm 輕鬆入座當然，walk in 仍然是不可能，要食就打電話預約。入口門兩邊竹林，打卡靚位，點都影翻張午市價錢有五種$368、$408、$468、$538、$598 我直接點$598 有兩個部位A5 和牛。前菜. 梅酒啫喱和牛肉醬芋泥茶碗蒸啫喱酸酸甜甜，食完好開胃。刺身主菜一份肩胛位、一份冷雪侍應好細心，先比客人影好相，再安排係前面即煮，雪花分布唔錯。第一份浸係生雞蛋醬入面，配上白米。第二份底底放有蒟蒻麵，配上壽喜燒汁，風味各有不同甜品柚子雪葩Taste : 7.5/10 Service : 7.5/10 Environment : 7.5/10Revisit : 7.5/10

🍽記得係朋友請我食嘅生日飯～嗌咗佢哋嘅lunch set，我就試咗北海道海膽雜錦魚生飯！😋好足料好新鮮，一個人有小小食唔曬！印象中我好鍾意佢嘅蒸蛋haha！最開心係食嘅時候見到海景，天氣好嘅話會好開心～💰兩個人around $700，包括嘢飲

生日飯！多謝太太安排😘先來一條長長的竹林走廊，一個唔錯的打卡位，第一次到店真係有點期待室內是甚麼裝修和格局，疫情只能幫襯吃中午，有位未滿座，餐廳一邊有窗口及另一邊是和室，今次安排了坐入邊，無得睇靚景囉。Lunch是有套餐，價位由$268-$498，我們order了燒A5和牛扒伴日式芥末酸汁$438及壽喜燒A5和牛嚴選部位及野菜盛$498，相機吃先，好味不用多講，只是投訴這個價錢份量太少吃唔夠喉呀，壽喜燒2片牛比你睇完職員就會攞走煮好再比你，都話第一次幫襯，所以我無留意要準備影相就收走咗，不過見到d靚花紋，好想快d有得吃！大家可以初體驗一下，疫情易訂位，想試就要快d去訂位啦！

如果你係喜歡食壽喜燒, 相信你一定聽過日山這家店.   日山源自日本東京, 目前在香港有兩家分店，分別係尖沙咀和沙田. 作為一家多年奪米芝蓮既餐廳, 其賣點係所提供的牛肉為日本A5黑毛和牛!  本人一直都想試試日山的美食, 無奈尖沙咀分店一直人氣高企, 之前試過打電話去訂位, 但當時尖沙咀店的該月和下個月午市時段都full booking.  有幸上月中再次打電話去訂位, 被告知月底和4月均有午市空位, 當然即刻預留座位.  不過要來日山用膳, 當然要指定海景位置.  來到店內, 幸好店員安排了一個有張8人桌既小房間, 房間有落地大玻璃, 露台有棵松樹，可享維港景, 又有幾分日式味道.  房間空間十分闊落. 一張8人座既長桌, 只有我們兩人用膳, 十分舒暢.今次我和朋友都點左一個壽喜燒a5和牛及野菜盛既lunch set。 lunch set會包埋前菜（細蕃茄啫喱、肉醬芋泥團、茶碗蒸）、主菜（一片西冷、一片肩部位既和牛）、以及甜品（柚子雪葩）。日山既壽喜燒特別之處是師博吾會係你枱邊燒牛，而是由侍應和你溝通你想要嘅生熟度，然後侍應會同師傅溝通，燒好再將牛肉拎去俾你，上菜嘅時候牛肉已經浸喺

因為疫情關係，座位淨係可以坐兩個人，咁啱好好彩，佢竟然返咗一張大枱俾我哋仲要係向海，所以坐得好闊落，坐得好舒服，而且服務員態度亦都好好，好貼心，所以值得一讚！！下次會再幫襯！

近排疫情咁緊張，大家見我無乜點po嘢，都知我好小心，依家都未望到車尾燈幾時可以出去食飯，唯有望返以前嘅相。呢間日山之前睇過YouTuber介紹，想去好耐，但係一路都無時間打返個食評，一於趁而家介紹返😌。一去到我同朋友叫咗👇🏻👇🏻🥘🥩壽喜燒A5和牛嚴選部位及野菜盛可以話係佢哋嘅signature 依家逐項介紹。🥢前菜-梅酒蕃茄啫喱、和牛汁煮小芋頭丸、茶碗蒸梅酒蕃茄啫喱甜甜酸酸，前菜之中真係靠晒佢去開胃味道比想像中更好🤤而和牛汁煮小芋頭丸同茶碗蒸真係好普通，喺呢個價位之中我期望會更高🥲。鹿兒島A5 和牛有兩個部位:🥩肩胛位5成熟5️⃣牛味勁重，配埋佢嘅蛋汁正到一個點，原本我仲諗住A5會唔會太肥膩,估唔到配佢呢個壽喜燒汁會咁出色。🥩西冷7成熟7️⃣對比起肩胛位個人認為七成熟有點過火，而西冷呢個位就算A5和牛仍然不夠油脂，完全感覺唔到食緊A5級既和牛。。總括來講，環境服務其實都好好👍🏻但係呢個價錢我希望會有更好嘅食物質素，成份餐真真正正滿意嘅只有肩胛位嘅A5和牛😍除非對呢間野特別有愛，如果唔係我不會推薦大家去呢一間嘢😂

日山每日都full booking，終於今日嘅3:00俾我地book到位，仲有得坐喺窗邊望住海，一嚐佢嘅和牛壽喜燒啦！🐰壽喜燒A5和牛嚴選部位及野菜盛🐰套餐包括: 前菜，主菜(包括日本米飯，漬物及麵豉湯)同甜點。🔸前菜三款:👉🏻梅酒車厘茄啫喱🍅粒車厘茄去左皮，淡淡嘅梅酒甜味，非常清新👉🏻和牛芋頭小丸子和牛醬有濃郁牛味，芋頭軟滑👉🏻日式蒸蛋有一層薄薄嘅湯羹喺面，蛋都幾滑，不過我覺得啲蔥同啲蛋嘅味有啲唔夾🔸和牛壽喜燒🥩一個set只有兩塊和牛🥲一塊肩胛肉，一塊西冷部份。店員會先將和牛俾你影相，之後就會拎去烹調。👉🏻第一片肩胛肉和牛，配上生雞蛋同壽喜燒汁，上層有京蔥，下層有豆腐。呢款肉未帶到太大驚喜俾我，蛋不是太香。不過豆腐幾香豆味。👉🏻第二片西冷和牛，配上壽喜燒汁，上層係甜豆同冬菇，下層有洋蔥同芋絲。呢塊牛好好味，入口即溶，好想牛味，同前一塊完全唔同。仲有冬菇非常入味👍🏻👉🏻日本米飯軟硬適中，好香飯味，入口係甜甜地架🍚🔸柚子雪葩個人覺得可以唔洗咁甜另外，店員招呼殷勤，非常周到，每道菜式都會向你詳細介紹。亦將每張枱抹得乾乾淨淨，徹底消毒，令我食得好安心。評分：7.5/10👍🏻價錢：$498/s

✨前菜 頭盤 蒸蛋梅酒啫喱啫喱帶淡淡梅酒清香 車厘茄酸甜 幾清新開胃芋頭配和牛肉醬芋球有好淡嘅芋香 口感綿密和牛肉醬 味道香濃 兩樣野加埋都幾夾茶碗蒸面層有層玻璃芡 元貝粒鮮味 蛋夠嫩滑 正常水平✨壽喜燒A5和牛嚴選部位及野菜盛首先注意呢度嘅壽喜燒唔係席前料理店員會先奉上肉品 比你過目影相然後會拎去旁邊主理和牛選用左鹿兒島A5和牛當日供應嘅兩個部位係肩胛肉同肉眼大大片 睇落油花亦唔錯 但當日兩個肉嘅部位 都唔係好啱我心水肩胛肉 廚師建議五成熟相對偏瘦嘅部位 肉質比較結實縱使係A5級數 但仍然帶有咬口 唔算好滑有油脂香 但就唔會有入口即溶嘅感覺肉味相對較濃 調味適中配上蛋汁 京蔥 豆腐沾蛋汁食令口感更滑溜 亦因為沾左蛋汁減輕左壽喜燒汁嘅濃豆腐 有淡淡豆香 嫩滑肉眼 建議煮至七成熟油脂豐富 帶甘香 肉質腍滑 口感軟嫩但調味略嫌有啲過濃 配四季豆 冬菇 蒟蒻麵 洋蔥四季豆爽脆 冬菇入味 洋蔥香甜蒟蒻麵爽彈 因為沾左壽喜燒汁 味道都偏濃✨日本米飯飯粒分明 軟硬適中 帶黏✨麵豉湯麵豉湯 味道濃 但未算鹹 冇乜配料點綴普通✨甜點柚子雪葩 柚子味突出 幾清新混左啲柚子皮同柚子果肉冰感唔係好重 質感細

今日去海港城日山食午飯😋，全個月只訂到今日有位食，請假黎食都低，非常美味，我地食咗，海鱸魚🐟西京燒、壽喜燒A5和牛同清酒煮鮑魚，前菜非常靚同好味，賣相一流，西京燒鱸魚好好味，和牛雪花正，味道都very good 👍🏻，最後仲用咗5張優惠券，全部食咗6佰幾，非常低食😘，最後最後要多謝各位服務員，他們態度非常好又貼心，萬分感謝🙏