早幾日見到IG有人share呢間全港首間台式酸菜魚 今日就即刻嚟試吓 成間鋪都印咗好多漫畫 門口餐牌、好似真係未試過食台式嘅酸菜魚 見到平日Lunch menu 超抵食 可惜平日唔係呢頭返 用Qr code 落單 無雙腸血旺魚就係睇到佢個簡介之後好想食 臭豆腐！大腸！鴨血！仲要係辣 鍾意食呢啲嘅人一定要嗌呢個（雖然應該呢度主推酸菜魚、哈哈 呢個呢係啦～未到就好似係台式嘅臭臭鍋、再加上魚片、其實又幾夾 除咗有好多魚片之外、仲有好多芽菜、木耳、金菇、鴨血有成4-5大舊、豆腐都有兩款、唔洗驚唔夠飽因為佢仲有王子麵 原來呢一款似凍豆腐嘅先係佢哋嘅臭豆腐！ 食落去都幾臭 普通人應該1人1鍋完全無問題 但如果大家想嗌小食，可能就多啲一齊share會好啲～因為份量都多～ 嗌左3款～ 因為款款都想試 甜不辣好香脆推 呢個係炸魷魚鬚 味道都唔錯、不過我覺得粉可以薄啲～咁就會好食啲啦，不過台式嘅好似都係啲粉係咁 反而覺得呢個小酥肉係三個面最好食 好入味香辣又脆口 一啖接一啖 整體嚟講都幾驚喜 好鍾意臭臭鍋魚片

呢間舖頭都食過好幾次 記得好耐之前都食過，估唔到到而家都仲咁多人食 因為記得之前食要排隊 平日嘅收工都坐滿人 今次揀咗麻糬嚟試，下次想試吓豆腐花 用Qr code落單 介紹咗我最鍾意食嘅嘢先 去到台灣我最鍾意叫蕃薯苗嚟食 基本上只要嗰間餐廳有我都一定會叫 係香港好少餐廳有 雖然唔及台灣好食 但喺香港嚟講已經算好好食 起碼菜係嫩嘅先🉐 呢個刈包都唔錯 啲酸菜同五花肉都好食 台南擔仔麵～其實細食嘅人啊叫一碗已經好飽哈哈我哋兩個人食一碗都ok 個茄子都唔錯，好嫩滑 珍珠奶茶就OK啦味道正常 最後甜品揀咗麻糬 都幾特別、分別有個芋泥醬同埋紫薯脆片可以點

之前喺沙田分店食過 咁啱今日嚟到銅鑼灣 見到呢間分店好靚 而且見到都幾多人食 見到佢menu唔同左想試下又 發現個Menu都靚咗好多 基本上每枱都有叫嘅天天海南雞 真心唔錯 特別鍾意中間個醬佢辣得嚟好fresh 啲雞好滑，中間又有層啫喱，雞皮又唔肥 真心 呢個飯真係就咁食都好香 必須讚吓佢個兜、保溫好好 食到後期啲飯都仲熱好食好多 呢兜$39差唔多有成三碗飯㗎都唔算貴 石斑魚份量都幾多 有少少辣、入面仲有酸菜、芋絲、秀珍菇同埋本菇～ 魚肉係無骨架幾滑 至於個湯覺得有啲太辣同酸 不過誠意十足、蝦非常大 見到好多人食一鍋鍋嘅野下次都想試吓

有朋友介紹呢間日本野 搵日收工即刻過嚟食 環境非常之靚 非常日本🇯🇵 朋友其中一樣推介嘅就係呢度嘅生蠔🦪 其實都算抵食 超大隻、勁新鮮！ 海水味岩岩好 一定要再encore 串燒選擇都好多 但比佢呢個menu吸引到 燒雞翼我最鍾意食 加埋蜜糖一齊燒個皮脆卜卜 好好食 至於沙律就正常、不過都算幾大兜 其實大部份嘢都非常高水準 我影出嚟嘅都好食 真心推介大家試一試 麵包勁脆蟹膏非常香十分邪惡 仲有大推呢個 呢個壽司絕對值得一張close up 見到都想再食

平時都成日飲開NUTTEA 因為勁鍾意食佢個堅果奶蓋 之前仲睇過有人將佢做代餐，非常健康 比起平時嘅肥仔水 飲完都唔會內疚 第一次去葵芳分店，都幾多打卡位 平時最鍾意飲繽紛火龍果奶蓋茶 今次都叫咗 不過今次多咗蘆薈 有cross over 冰固定，但揀左無糖，再健康啲 正哇超多果肉奶蓋好creamy好香 好鍾意用佢個匙羹筆嚟食 朋友就叫咗牛油果堅果奶 真材實料，見到落左勁多牛油果 飲完都真係飽飽地呀會 個杯都好靚 推介大家 想飲珍珠奶茶嘅時候不如轉呢杯 好飲啲又健康啲

朋友想食韓燒就帶左佢嚟平昌 之前食過旺角分店，都係第一次去樂富 裝修好似新好多 朋友勁鍾意睇韓劇 所以呢度左右兩邊牆身都好多圖畫 岩哂佢鍾意打卡 平日都幾多人㗎 今日就揀左大君menu 任食 呢兩頁餐牌上嘅嘢都可以有任食架 飲品區 一如以往我都係揀飲無糖茶 已經咁邪惡食韓燒 前菜同生菜都係任食架 有泡菜同埋豆芽refill 左一次都 我地逐次食完先會再叫～唔會哂野～ 煎餅勁好食推介大家 蝦都叫左幾轉 肉🥩主要都係叫牛肉 今次自己比較鍾意食個鰻魚 非常抵讚，見到店員不停換烤盤 同埋見到隔籬枱食好似係固定嘅dinner set 下次都想試吓

平時食麻辣串串 可能都$10一串、但路過見到呢度任食都只係$208 仲要任飲任食、好抵 環境乾乾淨淨、而家咁熱最緊要冷氣夠 嗌多幾樣小食都抵返哂 呢個係棒棒雞、原來佢係芝麻醬撈雞 好開胃 大推呢個！ 水煮豬紅、好滑又入味！ 呢個真心好食 仲叫咗碗麵都唔錯 最抵係飲品都任飲 出面手搖飲買杯都$20 最後到主角串串 見佢寫住第一次食建議叫小辣、就揀左小辣 果然小辣都幾辣基本上有嘅串串都叫咗嚟試～ 一定要叫娃娃菜同豆卜、超索汁正 覺得有雞翼好搞笑 泡椒牛肉好好食 牛肉有好多款口味、食落去似滑牛嘅口感 我自己本身鍾意食菜同瓜 所以只要個汁好食～全部野都好食 食咗好多 最後食返碗冰粉收尾 推介大家

有朋友同我講呢到出左一人火鍋🍲 仲話唔錯唯有襯星期六放假即刻去試試 好闊落好大間 平時食嘅一人一鍋嘅台式火鍋都無呢個調味料區 有真係加分 我必落蔥同蒜 佢仲有辣椒乾正 用手機落單叫咗咁多野勁飽 推介藥膳麻辣鍋 味道夠濃、夠辣 湯底包嘅鴨血都好滑好入味 豆腐就一般、本身唔鍾意食蜂巢豆腐 蔬菜有油麥菜、金菇、蕃茄、粟米、芋頭、丸、芋絲、同埋底下有好多椰菜🥬 另外我加點左甜不辣 仲可以加點好多配料 好食而且店員都會主動幫手加湯 呢個蕃茄墨汁墨魚扒湯麵🍜比想像中出色好多 因為朋友想食個墨魚、而且見到佢好似係新品定係期間限定、就叫咗嚟試 首先個蕃茄湯好甜、好似飲落去都有啲牛骨湯味 蕃茄量又多 最重要係個墨魚扒 入面真係粒粒墨魚、超爽口 炸得都好好食 非常足料呢個推介 嗌咗兩杯飲品一杯係仙草奶茶一杯係奶綠 味道正常～可以濃啲 不過好似奶茶好飲過奶綠 最後跟火鍋加咗個甜品 佢本身$48、但係跟餐只要+$28 超大碗兩個人都食唔哂 好抵食 朋友果然無介紹錯 下次再試其他野

辣嘢向來都係我嘅最愛 今次試呢間麻辣佬 Menu 都幾多選擇 見到有火鍋、烤魚、串燒、干鍋、辣子，泡椒⋯ 有好多唔同嘅煮法 環境都乾淨、有卡位幾好 本身都會送啲餐前小食 個貢菜好食 叫咗兩個涼拌嘅小食 泡椒雞腳非常入味 爽辣 仲有一個麻辣牛腱 上面仲有啲青瓜 覺得呢個就一般啦 個人鍾意牛腱有多啲筋 同埋呢個辣係辣醬辣油嘅味～ 如果用新鮮指天椒整可能更好食 比較驚喜嘅就係呢個泡椒田雞 推介大家食呢個 食過田雞好多唔同嘅煮法 都係覺得用濕嘅煮法田雞肉比較滑 好食 最後，仲叫咗自選干鍋 揀咗螺、有十幾隻大大隻 蜆 秀珍菇、茄子、同埋面頭勁多嘅即炸薯片 自己揀鍾意食嘅餸 食到勁飽

最近成日去食壽司郎 發現黃埔間壽司郎附近開咗間新嘅Cafe 個裝修幾靚、個style好正 最重要係勁大間呀 空間感十足 絕對係飲咖啡傾偈好地方 比自己激死我本身係想食避風塘香辣軟殼蟹意粉 但我禁咗三文魚菠菜意粉 唯有下次再試啦～ 意粉份量十足、魚都好大舊～ 不過魚有進步空間，可以再嫩滑啲～ 估唔到菠菜汁都唔差試下都幾特別 蕃茄肉醬長通粉 啲醬夠多、撈落好食 個炸魚薯條，超大份 有3大塊魚柳 側邊個沙律個醬都幾特別 我食到青蘋果醬味 薯條都夠脆 呢個芭菲都好多料下、入面有啲脆脆、麻糬、抹茶醬、士多啤梨、應該仲有啲抹茶啫喱、雪糕、仲有蛋糕 影相出嚟真係幾靚、但份量多啲會更好 整體都唔錯