中環附近素菜選擇唔多，但今日終於比我搵到間我最滿意嘅素菜，仲要係中東素菜！仲要夠飽又好味，賣相擺盤都一流！ 1️⃣ Spiced Rice🍚 蕃紅花果仁飯，上枱時陣陣蕃紅花味😍，已且金黃色超靚🤩，入面仲有果仁，提子同開心果粒🥳，飯底用牛油炒起，唔會太濕，非常易入口😋 2️⃣ Smoky Hummus 🥠 食得中東菜當然要食個鷹嘴豆醬啦！最特別風味係佢灑滿煙燻嘅Paprika。將整個醬昇華😙 3️⃣ Golden Spiced Cauliflower 🥦 呢個亦係我最愛嘅菜式之一！主要用左椰菜花，薄荷同葡萄乾！底盤用上帶有薄荷味嘅鷹嘴豆蓉😚，已且椰菜花燒得剛剛好！食落口一d都唔乾呀！ 4️⃣ Charred Broccoli 🥦🥬 呢個菜式都有驚喜！用哂西蘭花同烘烤左嘅羽衣甘藍😚，食落口脆卜卜！而且西蘭花係非常大棵！緊重要係用左Sumac 傳統醃料😚，成個菜式個味帶哂出黎！ 5️⃣ Roasted Eggplant 🍆 最後係茄子配糙米🍚，茄子係特別配上石榴烘烤，食嘅同時可增強茄子甜味，加埋蕃茄醬一齊食，酸酸甜甜，差d要加飯呀😙 整體黎講，成個用餐過程都好開心同滿足，店員會主動講解餸菜特色同用料，又會了解你嘅意見！係非常貼心嘅，而且環境都坐得舒服😚 不過佢plant base menu 暫時只於星期一同二供應，希望佢遲d可以每天供應🤣🤣

今日放工唔想煮飯就決定係大圍站附近食飯，經過有間門面好靚嘅餐廳，餐牌上都多食物選擇，仲要有威靈頓牛扒😍，於是就被吸引左入去。由於選擇困難症，所以直接叫左個二人餐😝 1️⃣精選新鮮生蠔 生蠔🦪好新鮮同鮮甜，仲要大隻，又重海水味。無諗過鋪頭細細都有咁高質生蠔！ 2️⃣傳統凱撒沙律🥗 沙律夠大碟，菜都好新鮮👍🏽，咬落超爽！而且都夠芝士碎同埋麵包😋 3️⃣蒜香牛油田螺酥皮盒🐌🍞 呢款都叫人好驚喜係呢度都有田螺食😋，而且無任何草泥味，酥皮盒非常鬆脆可口😋，配埋田螺一齊食，非常入味😚 4️⃣蟹肉龍蝦湯🦞 龍蝦湯底超濃！蟹肉都食鮮呀，而且龍蝦湯望落非常濃郁，入口超香龍蝦味😌 5️⃣香煎日本帆立貝蕃茄醬意大利麵🍝 帶子超大隻🤩，仲要係大大兩隻！而且蕃茄醬超濃郁！意粉軟硬度煮得剛剛好！ 6️⃣慢煮美國威靈頓牛柳🥩 係香港好覺得好難食到威靈頓牛，但估唔到就係居住地方附近就有得食🥹，太感動！外面酥皮香脆，層次豐富😍，而且入面都有秘製醬，包住牛柳一齊食🤤，超好味！而且牛柳超入味又軟熟，熟成度剛剛好！呢個菜真心推介😙 7️⃣士多啤梨奶凍🍓及朱古力慕絲🍫 最後就係甜品，個奶凍入口好香濃奶味，配埋士多啤梨醬酸酸甜甜😋，另外朱古力慕絲入口香濃幼滑，配埋咖啡仲正呀👍🏽 呢間隱世西餐值得要比大眾知，原來大圍都有咁好食嘅西餐，仲要主打好少地方食到嘅威靈頓牛柳🥹。另外佢其他餸菜都好高質，已經約定朋友下次再黎食☺️

係沙田買完傢俬肚餓，咁岩想食泰菜時就搵到間係新城市食，環境都夠寬敞，平日唔洗等位就衝去食啦！同行人數唔算多，叫左3樣野都好飽！ 1️⃣大蝦柚子沙律🦐🍊 未食過一間泰國菜嘅柚子沙律咁重本！佢嘅西柚係非常大舊😍，啖啖果肉，又唔苦！配埋佢嘅糖漿🍯，乾蒜🧄，同埋蝦，超好食😍 2️⃣黃咖喱大蝦🦐🥘及印度薄餅🥠 黃咖喱超多！佢嘅咖喱唔係平時食開嘅咖喱汁，佢係加左蛋🥚去炒嘅咖喱，食落係有口感😋，大蝦🍤亦都炸過，咬落口脆卜卜，肉質仍保持彈牙！外殼炸得香脆可口，連殼食埋都得呀哈哈！配埋印度薄餅，香脆惹味🤤，成塊沾滿咖喱就非常好食🤩。 3️⃣泰式金邊粉🍝 個金邊粉煮得都好靚，上面有一層蛋網🍳，拆開後就係足料金邊粉🤤，碟邊亦配上芽菜，砂糖，辣椒🌶️，花生粒🥜，非常傳統👏🏽，粉條炒得夠哂火喉，唔會太乾同淋，重要係配料都非常足料！加埋魚露超好食🤤！係必食餸菜之一！ 店鋪空間闊落，店員招呼周到👏🏽今次同屋企人食人數唔多食唔到太多野，下次要叫多d朋友黎試多d菜😳

原來宜家科學園都開左唔同餐廳同舖頭，可能配合隔離屋苑配套，而今晚食嘅中菜都值得一讚！ 1️⃣八方秘制牛肋骨🐂🦴 呢舊骨犀利🤩，一上枱已嘆為觀止！舊舊肉都好大舊😍，d秘製沖食落似牛腩汁味👍🏽，食落口又非常淋同Juicy😋，食呢味餸最好要配埋白飯🍚！ 2️⃣芥末沙拉鮮果脆蝦球🍤 呢味餸都好令人開胃😚，芥末嘅辣口感再加酸酸甜甜嘅沙律醬，好易令人不停咁食😋，而且蝦球炸得香脆可口又彈牙😆，同埋碟上都有好多菠蘿，食起上黎都唔會太膩！ 3️⃣濃湯海味雜菜煲🍲 叫左咁多肉當然要叫煲菜啦！煲菜比我想像中大而且足料呀！有蝦乾🦐，魷魚🦑，瑤柱，等等，令到煲菜係非常入味！而且，粉絲都好多絕不吝嗇！吸哂湯嘅精華食落去超滿足🤤 餐廳環境寬敞舒服，今晚同朋友食得好舒服😌，店舖職員友善，下次可以帶家人朋友再食食😙

近期香港開左唔少1人燒肉舖，雖然話就話1人，其實都可以同朋友一齊去嘅😀😀 今日真係肉肉肉，叫左兩set😍，每份都超靚又吸引！ 1️⃣特選三重套餐(十勝A5和牛肩胛肉，汁燒牛胸花，味噌豬五花） 呢個套餐係超滿足，一款高級牛🥩，配另一款牛部位同豬腩肉🐖，上枱時已經見到雪花紋超靚！燒嘅時候已經見到油脂慢慢滲出黎🤤。店舖提供有辣同唔辣嘅醬油🫗，亦都提供簡單嘅鹽同胡椒🧂，想食出肉嘅真正味道，覺得用鹽，胡椒已夠好夠味😋，因為部份肉都有燒汁或味噌醃製，所以唔洗落咁多醬料！牛肉然唔洗講係肉質嫩滑牛味超出啦👍🏽，A5和牛入口油脂就湧出黎！其他牛都唔輸蝕😆，一樣重牛味！ 套餐包左一碗味噌湯🥣，漬物同飯🍚，配埋牛肉一齊食碗飯好快就食完！有一刻衝動想加飯！ 2️⃣牛繁套餐(牛胸花，特選肩胛牛，薄牛舌） 牛舌薄薄一片，非常易燒又入口😚，肩胛牛都係肉質滿滿嘅部份，唔想咁肥嘅都可以選呢個🥰 其實牛繁仲有好多套餐選擇，而且人來人往，相信都係晚飯唔錯嘅選擇😋

成日都覺得旺無咩食，同埋覺得樓上cafe 果類舖頭好普通，但今次機緣巧合下到坊旺角樓上cafe，都令我改觀哂。 餐廳位置寬敞，食物種類都多！同朋友一齊食都試到好多唔同款食物😚 1️⃣凱撒沙律🥗 個凱撒沙律好特別用一個玻璃罐裝住🫙，上埋鋪上煙三文魚🐟，原來沙律醬料已經撈好，倒出黎就可以食到，同埋佢地有埋凱撒沙律獨有嘅半生熟蛋🥚，超好味😋 2️⃣香草白酒芝士藍青口配法包🍲🥖 藍青口都好大隻，又新鮮，而且芝士醬勁厚身😍，將麵包沾上勁香濃白酒味嘅芝士🧀🥂，超好味！ 3️⃣炸椰菜花🥦 第一次食炸椰菜花😍，椰菜花炸到金黃色脆卜卜😳，咬落去食到菜嘅質地又有香脆嘅口感，絕對係一款健康零食，哈哈！ 4️⃣水牛城雞翼🍗 水牛城雞翼都炸得剛好！外脆內軟😋，沾埋酸忌廉就更加好食！ 5️⃣燒花魚一夜干🐟 一夜干都比得想像中大條😳，肉質鮮甜又唔腥🤩 6️⃣西班牙海鮮飯🥘 主食叫左個海鮮飯🥘，海鮮料都絕不吝嗇，而且蕃茄醬汁🥫都夠濃郁😋，飯粒又粒粒鮮明火喉剛好！ 7️⃣伊比利亞煙燻豬架🐖 佢嘅豬架都非常推薦！煙燻味勁重，豬架肉質厚但非常軟淋，食落去淡淡肉🤤，仲會有煙燻味嘅餘香！另外油脂分布都平均👍🏽，配埋墊底嘅薯蓉同蔬果，可以中和豬架嘅油膩感😋 8️⃣青檸鹹檸檬梳打🍋/薰衣草蜜糖梳打🍯/熱情果接骨木花茶🍹 飲品款式都有好多選擇，同埋飲品調配勁有心思，就好似接骨木花茶用傳統中式花樽⚱️，配搭裝飾花，成件事好睇得黎仲要好飲😆 總括黎講，餐廳食物同飲品都好多選擇，亦感受到廚師用心炮製，後來發現佢地不定期有live music 同 新增唔少cocktail ，要約定朋友再黎！

終於有機會再黎食啦，荃灣好食嘅泰國野唔算太多，而泰玖係我心中排名都唔錯架！餐廳樓高兩層，空間寬敞，裝修走工業風。晚餐都食得好飽又有飲品😝


1️⃣泰式炸蝦餅 🍤
蝦餅新鮮炸起上枱😍，咬落口脆卜卜，啖啖蝦肉又彈牙🤩，炸粉唔算厚又食到蝦嘅鮮味！



2️⃣泰式海鮮粉絲沙律🥗
第一次見有粉絲沙律😳，原來凍食都唔錯！粉絲爽口彈牙😝配埋其他蔬菜食落都好飽肚呀😋，海鮮配料新鮮之餘數量都絕不吝嗇👍🏽，非常超值！



3️⃣金不換抄軟殼蟹🦀
首先一上枱個金不換味🌱已經好出啦🤩，超香味！軟殼蟹炸得脆卜卜！非常香脆可口😝，而且配埋其他根莖類蔬果😚，勁豐富呀！



4️⃣蒜香炒泰國椰菜苗🥬
蒜香超出😋，椰菜苗真係要泰國鋪先食到😂，椰菜唔油又新鮮，炒出黎火喉剛好又無濃！



5️⃣士多啤梨活性乳酸菌思樂冰🥤
杯飲品勁靚又夠特別😳，未試過益力多溝士多啤梨🍓再變成思樂冰😋，酸酸甜甜非常開胃又健康哈哈！



6️⃣新鮮椰青🧉
食泰菜最緊要叫椰青🧉！椰青水超鮮甜😚，生津解渴🤩而且椰肉超鮮甜，成個食哂哈哈！



即使第二次黎都無失望之餘仲帶黎更多驚喜😋，野食水準保持質素😝，碟碟都CP值高，抵食夾大件，食物的定價貼地，亦有做午市套餐。下次黎荃灣想食泰菜都可以揀佢呀！

一直都想試中環街市嘅餐廳，趁今日早收工於是就想試想食嘅新加坡菜😁😁 中環街市地下都嘅食鋪有一部份以foodcourt 形式經營，可能因為時間尚早所以唔算多人😜 揀左一個套餐同小食，都食到好飽呀！ 1️⃣亞峇慢煮豬手飯配蘇東魚丸雞湯🐖🍚 豬手件數夠多😍，色澤都好深色👍🏽，一定吸左唔少慢煮汁😋，肉質超滑充滿濃郁骨膠原😚，絕不肥膩，食多幾件都無問題🤣配埋油飯一流，附送嘅魚湯🐟都好鮮甜，超好食。 2️⃣清新雞胸肉沙律🐓🥗 雞胸出奇地勁滑又新鮮無雪藏味🤩，蔬菜🥬同蕃茄🍅等其他蔬果都好充足，令到今日嘅晚餐有均衡營養😁😁 整體黎講，價錢以中環黎講唔貴又大份，晚餐真係可以再黎幫襯，試埋其他好味菜式☺️☺️

係大埔打完波緊係搵d野食醫肚，成日見到人話Home 好正，就試下佢手勢😬 1️⃣ 溫泉蛋素煙肉凱薩沙律🥚🥗 溫泉蛋煮得剛剛好👍🏽，吉穿後將菜點上蛋汁🤤，超好味！配埋素煙肉食落夠哂健康！加埋曬上嘅巴馬臣芝士🧀，好好食！ 2️⃣ 黑松露牛肝菌芝士薄餅🍄🧀🍕 薄餅餡靚邊脆😙，一上枱就充滿黑松露同牛肝菌香味🤩，而且係有勁爆多芝士！個邊夠鬆軟香脆🥳，勁易入口，好食過出面連鎖店多多聲👏🏽 3️⃣ 龍蝦汁海鮮鐵鍋燉飯🦞🦐🦑🥘 燉飯亦都好出色🤤，燉飯似足西班牙海鮮飯做法，佢出色之處係勁香濃龍蝦汁🦞😙，差唔多樣樣海鮮都有🤩，魷魚🦑，青口，蝦🦐，蜆🐚同大大蟹柳🦀，勁豐富😬，而且飯粒火喉控得好好，超軟熟😋 4️⃣ 餐湯 佢地餐湯都絕不客氣，勁多松露同蘑菇😍，仲要勁creamy! 勁想飲多幾碗呀 哈哈 原來大埔有間咁好嘅餐廳😙，下次都要叫多d朋友一齊黎試先！

終於黎到一間想試好耐嘅餐廳😝，個店名係說出我嘅心聲😳走過十萬八千里找到你🥹 除左意景情懷正之外，食物都正呀！同行朋友叫左一飯一意粉😋，仲有兩杯飲品呀😍 1️⃣忌廉龍蝦汁甲羅燒貓耳朵🦞🦀🐱🦻🏽 貓耳朵👂塊塊都掛滿濃郁忌廉龍蝦汁🤩，貓耳朵軟熟度適中有口感👏🏽，配埋新鮮甲羅燒😳，將蟹嘅鮮味同龍蝦味配上🤤，整個意粉都好好食！ 2️⃣三文魚籽龍蝦汁意大利飯🦞🐟🍛 意大利飯煮得粒粒熟透👍🏽，龍蝦汁香濃出味🤤，配上長長蟹柳🦀同粒粒三文魚籽🐟，超鮮味👍🏽，更重要係個擺盤同碟超靚！儀式感滿滿😍 3️⃣紅寶石巧克力草莓鮮奶🍓🍫🥛 叫左佢地最出名嘅飲品，每一啖都係草莓粒🍓，牛奶鮮甜好味，配埋朱古力🍫少少苦澀味，中和成杯嘅甜味👍🏽 4️⃣手工黑芝麻☕️ 杯Latte 好睇又好飲😳，個拉花係無臉男哈哈！襯哂杯黑芝麻latte 嘅顏色配搭😬😬 餐廳裝修佈置超靚，食物水準不錯，置身於花海下心情靚d，用餐體驗更昇華😍