御膳

營業中

休息中

約朋友喺呢度食飯，靜靜地唔嘈雜，係唔錯的飯聚地點！我哋叫咗一個「花龍蝦餐」麻辣滷水拼盤：牛肚好林，麻辣青瓜雞絲，我揀咗小辣，豬腸好入味金銀蒜蒸大蟶子：有粉絲墊底，火侯較得啱啱好芝士焗龍蝦🦞：芝士非常濃味好厚肉，超正潮州滷水鵝：佢個滷水汁好好味，調教得恰當，鵝片索咗滷水汁嘅味，份外惹味⋯⋯薑蔥炆龍躉腩：舊舊都啖啖肉士多啤梨骨：酸酸甜甜，我最鍾意，佢嘅肉質亦都好林，容易食上湯浸西蘭花🥦蟹油炒麵：我喜歡這種質感，夠爽口，用芽菜、蔥、洋蔥黎炒，好香最後還有芒果布甸：可落花奶這個四人餐食得好開心，四人餐嘅份量亦都好足，大家都食得飽飽的，而侍應嘅服務亦非常好，我哋已經約定下個月再嚟食

今天一行四人，朋友一早預訂好私房菜，期待期待。花膠扒羊肚菌餐(4人)大蜆雜菌豆腐湯~蜆新鮮大隻，配合菌類味道清甜。麻辣鹵水拼盤(可走辣)~三款鹵水肉類都非常吸引，爽口金錢肚、麻香手撕雞及肥美鹵水豬腸各有特色。蒜蓉粉絲蒸蟶子皇(4只)~勁大隻蟶子皇，蒸的時間啱啱好，一啲都唔韌，最適合蒜蓉蒸，粉絲反而係放底，索滿汁更美味。薑蔥炒大肉蟹(1只)~師傅鑊氣好夠，炒得勁香，感覺似豉油王炒法，新鮮肉蟹大大隻，蟹肉香甜。另外也可選花雕雞油蛋白蒸，避風塘炒，胡椒炒或四川香辣炒。薑葱炆龍躉腩~這個也要一讚，龍躉油爆後再炆，非常香口，啖啖肉。士多啤梨骨~清新士多啤梨味撲鼻，炸香一字排富口感，喜愛吃肉的朋友一定不可以錯過。花膠扒羊肚菌~炆淋咗的花膠煙韌入味，羊肚菌獨特的味道很配合。上網查一查，羊肚菌對腸胃好有益，也有補腎補腦等功效，亦可增強免疫力預防感冒。蟹油銀芽炒麵~上菜時見到成座山的炒麵，份量好足夠，炒得好香也爽口，大家都好踴躍。另送甜品芒果布丁~味道唔會太甜，加少少花奶不錯呢。聽聞看師傅當晚的預備，還可能有芝士/雲呢拿布丁或椰汁紅豆糕。一定要提，這私房菜餐廳可以為客人編菜單，免開瓶費及切餅費，全店免加

很久沒有去飲宴， 也不能夠一班親朋戚友上酒樓聚餐， 突然好想食中菜， book了 觀塘商廈中的私房菜-- 御膳。私房菜收費以每位計已包加一，茶芥， 價錢亦隨著唔同人數有所不同， 可以參考網上嘅餐牌睇吓菜式啱唔啱食， 私房菜好處就係可以同餐廳溝通 為你設計專屬菜單～我們一行四人 ，齊人就上菜😋。揀了『花膠扒羊肚菌餐』 每位$360免加一前菜：麻辣鹵水拼盤走辣一樣咁惹味， 鹵水甘香，唔會太鹹， 而且仲帶點點麻香， 提醒我本來這是麻辣的～牛肚薄薄的夠爽入味，唔韌～麻醬青瓜雞絲， 醬汁調教得恰到好處。鹵水大腸， 有薄有厚， 好入味。😋大蜆雜菌豆腐湯蜆肉好鮮甜， 湯底似以魚和豆腐熬成湯，很清甜， 無添加味精，配合雜菌和豆腐， 豐富美味，每人喝了兩碗有多！薑蔥炒肉蟹選了這個最傳統簡單做法， 突顯肉蟹嘅鮮甜。 四月不是蟹的當造季節，未見爆膏爆肉嘅情況， 還好大廚用秘製醬油爆炒得特別惹味， 薑蔥尤其盡吸蟹嘅精華。 依然係最舐舐脷嘅海鮮菜式！薑蔥炆龍躉腩肉夠厚，連着腩位入囗盡是魚香， 龍躉肉泡過油也特別香口！蒜蓉粉絲蒸聖子皇火喉掌握得好好👍👍， 肉質鮮甜爽嫩。 要知道蟶子蒸過少少時間已經唔爽， 經驗好重

古代的御膳是做給皇帝吃的，現今世代，御膳就是一家私房菜，主廚廚藝功架絶對有足夠鑊氣，讓食客帶著滿足的心情地離開。 御膳私房菜都是以人數餐食為主，地方座位充足，場地可以包房或包廳，還可以按客人預算金額編製菜單。 這夜是以4人份量編製的菜單，菜式以海鮮和潮州菜為主之外，份量也絶對足夠，套餐還包括了甜品，每位大約HKD363，絶對超值。******************************麻辣鹵水拼盤，包括了豬大腸、手撕雞和牛肚。牛肚鹵水味道最入味。豬大腸都幾彈牙，味道也不錯。手撕雞是香麻辣味道，又不會太辣，作為第一道小食，確實能開胃。砂鍋什菌龍躉骨湯，龍躉一味二食，龍躉骨便煮作湯，除了什菌，還加入豆腐，整個湯非常之鮮甜，豆腐滑溜無比，什菌也有不少，絶對是真材實料烋成的龍躉骨湯。花雕蛋白蒸大肉蟹，大肉蟹提供不同烹調煮法，當中包括了花雕蛋白，避風塘、薑蔥、胡椒和四川香辣，我們便選上了花雕蛋白蒸。整碟花雕蛋白蒸大肉蟹送上枱時，花雕味香濃，蛋白都很滑口，大肉蟹多肉又鮮甜，蟹鉗更滿滿花雕酒香味，大肉蟹的蟹膏也不少，吃得非常之滿足。荔茸百花卷，用上芋頭、芹菜和新鮮大海蝦，炸成條狀，因為是4人餐，

一行四人上嚟坐低，叫咗個四人套餐，呢個花菇扒鵝掌餐，每位388每免加一， 當中包括麻辣鹵水拼盤， 呢個鹵水拼盤，好有潮州風味，食落完全係好似去咗潮州咁，食落就非常滿意啦。大蜆雜菌豆腐湯， 大蜆真係冇講錯，真係好大個蜆，而且一開二， 食落仲係好有感覺，因為佢能夠生湯劏一開二嚟煮湯，功夫有返上下。花雕蒸蛋白龍躉球， 白碟襯蛋白睇落就一啲都唔覺有嘢，加埋個龍躉球都係白嘅，所以上枱嘅時候，除咗見到啲配菜綠色之外，呢碟嘢真係唔覺有啲有嘢但，一匙落去嘅時候，啲蛋白蒸出嚟真係好滑㗎 ，龍躉球好滑，正。一隻大肉蟹佢有幾個選嘅，有花雕蒸，雞油蛋白蒸啦，避風塘炒，薑蔥炒啦，胡椒炒啦，四川香辣炒啦，咁多個炒，我哋揀咗個避風塘炒，大蟹一上碟，好味呀！蒜香撲鼻，入口香脆，幾乎食蒜多過食蟹。跟住花菇扒鵝掌六份，扣得啱啱好，可以食多食都得。一個士多啤梨骨酸甜適中的士多啤梨味卜，又香又甜，所以呢個骨最緊要炸得靚脆，所以冇得彈。加個上湯匙浸時菜，食得肥膩嘢多，食番個上湯，菜青清口味， 啱啱好 。蟹油銀芽炒麵 ，諗住咁多嘢，食唔落啲炒麵啦，點知呢個炒麵 ，我哋竟然係一條都不留呀，入埋我哋個口 ，可以證明呢度啲，師傅果然有

今天終於約到朋友來一起來這家在觀塘出名的私房菜吃晚餐，主打中式菜式，環境私隱度也高。餐廳環境裝修簡單整潔，坐得舒適。餐牌也有多款菜式組合可供選擇，美味吸引。砂鍋什菌龍躉骨湯熱騰騰，整窩端上，味道鮮甜無比。材料都很豐富，有什菌，豆腐和炒過的龍躉⻣，令湯呈乳白色，魚香味散發，香甜而惹味。花雕蛋白蒸龍躉球煮法高超，蛋白蒸得剛好熟，水潤而滑溜，入口即溶，蛋香味濃郁，帶有淡淡的花雕酒味，龍躉肉質軟稔而厚身，彈牙爽甜。白胡椒爆炒南非鮑魚4只用白胡椒爆炒令味道香濃惹味，辣度適中，醬汁濃郁，滲入鮑魚當中。鮑魚也大隻厚肉，鮮甜彈牙，令人食不停口。金華玉樹雞半只雞的份量很多，醬汁清甜，雞肉嫩滑爽口，多汁香甜，金華火腿味道鹹香十足，和雞肉的味道很配搭。蟹油銀芽炒麵顏色有光澤，蟹油味道香濃而美味，令炒麵更爽口彈牙，炒得爽身而入味，芽菜鮮甜爽脆。甜品 芒果布丁芒果味道濃郁，香甜多汁，布丁滑溜軟稔，冰凍可口，淋上淡奶吃很夾。

My parents suggested to meet up for dinner tonight and knowing that they loved Cantonese cuisine, I decided on Imperial. Imperial was a private dining restaurant located inside one of the industrial buildings at Kwun Tong. They allowed customers to book private room and to customize the  menu based on their budget. We ordered a 4 person dinner set, priced at $1450. 砂鍋什菌龍躉骨湯 - The soup was clear and sweet, with no MSG tasted. It absorbed the essence of the giant grouper fish bone, and have tofu a

觀塘工厦好多美食，如果去開觀塘差不多找食的人都知道，各式其式任君選擇，今日難得一家人齊齊整整，大家都喜愛食私房菜，有家的感覺呢！朋友介紹觀塘敬運工業大廈就有一間啦！仔女工作時間比較忙，好想給他們好好享受一下，慢慢食又可聽聽他們分享工作上的感受。地方不算大，座位鬆動闊落，也有房間供應，侍應生禮貌招呼，今晚好多人啊！好奇之下啲客人坐咗去邊呢，原來呢層是有三個單位㗎，所以來食嘅朋友一定要先book位呀！好彩我都係預先book咗位呢 👍😍選了花菇扒鵝掌餐~每位$388免加一麻辣鹵水拼盤~ (走辣)鹵水好入味，鹵香味濃又淋完全入晒味，因為小兒不吃辣，]如果食得辣 我覺得有些辣更好味。大蜆雜菌豆腐湯~蜆真係好大隻呀！而且是開邊係兩邊都有肉呀！外貌好靚，真係花巧手工，配雜菌豆腐，要趁熱飲呀。👍😀花雕蛋白蒸龍躉球~龍躉球好大塊而且厚厚肉的，入口啖啖肉再配蛋白食，另口腔裏面有少少花雕味好香醇，不愛飲酒的我，也感覺飲咗少少酒。大肉蟹一隻~(可選花雕雞油 蛋白蒸 避風塘炒 薑蔥炒 胡椒炒 四川香辣炒 )女兒喜歡食避風塘炒，當然就下佢啦！不過是走辣嘅！原來走辣也很入味，因為蟹肉厚厚一大隻，非常吸引，蒜香也食埋

政府放寬限聚令後陸續相約朋友吃飯，難得四個也愛吃私房菜，預定了觀塘御膳，選了肉類菜式較多的套餐。麻辣鹵水拼盆(可走辣)拼盤包括豬大腸、手撕雞及麻辣豬肚。大豬柔軟富彈性，每片厚肉入味，乾淨無油無雜質。手撕雞絲絲肉質緊緻，豬肚則爽口麻辣惹味。砂鍋什菌龍躉骨湯魚湯呈奶白色，入口鮮香順滑，味道香甜濃郁。湯里還有什菌等，增加湯底甜度，更顯美味。每人約兩碗多，不會不夠喉。花雕蛋白蒸龍躉球特選的龍躉片肉質鮮嫩紮實，配上同樣幼滑的蒸蛋白同食，入口綿絮細膩，加上幽幽的花雕酒香，味道醉人。雪映銀絲4只炸蝦粉厚度適中，外皮酥脆內里蝦肉晶瑩剔透，口感柔嫩。白胡椒爆炒南非鮑魚4只鮑魚個頭大而厚肉，肉質爽口彈牙。白胡椒香濃微稠帶點辛辣，更添鮑魚鮮美，微辛嗆中嚐到鮮甜。士多啤梨骨整支很大，肉黏附在主骨上，肉質結實彈牙爽口。士多啤梨醬濃稠香甜帶微酸，惹味卻不膩口。金華玉樹雞半只蟹油銀芽炒麵上湯浸時菜另送:甜品芒果布丁布甸質感超水潤滑嫩，芒果汁比例高，香甜可口。總括來說，在觀塘工廠大廈竟有如此高質私房菜實屬罕有，價錢合理，食物水準高。

朋友生日話想食中菜, 另一個朋友就介紹食D間御膳,講到好好味咁, 一於就去試下佢招牌御膳炒飯炒到粒粒分明, 味道好好, 普通既炒飯都可以咁好味蟹油銀芽炒麵D個朋友話必叫, 話食過D度既炒麵就唔想食第二度, 我覺得係誇張左既, 但D度既炒麵的確係正, 好有鑊氣, 蟹油吊起個鮮味士多啤梨骨酸酸甜甜咁, 好開胃, 而且都有幾多舊, 幾抵食花雕蛋白蒸龍躉球D個係創意菜式, 創新得黎又好味, 而且龍躉球口感好好, 而且又夠魚味, 用料上乘金華玉樹雞D個朋友話係懷舊菜黎, 但我未食過, 可能我唔係佢年代啦, 但總結都好好味, 火腿味滲入雞度, 食出雞既另一層次金湯海皇翅生日又可以點冇翅既, D個完全滿足朋友既要求, 用料足, 味道佳鮑汁扒花膠扒花膠夠晒高貴, 岩晒生日飯, 而且骨膠原夠, 食完一定更靚麻辣鹵水拼盆，金錢肚，豬大腸，手撕雞咩都有, 實有款岩口味, 我地個個都好鐘意食總結樣樣都好好味, 朋友好開心

上星期六, 外母生日, 今次BOOK左間出左名好好味既私房菜食, 希望佢食得開心啦蟹油銀芽炒麵炒得好香口, 蟹油味令炒味更好味, 好食生煎東星班足12兩, 抵! 用咁新鮮嘅靚魚去生煎，係非常好味，同埋煮過野食既朋友都知, 生煎係要花用多時間慢慢煎, 功夫菜白胡椒爆炒南非鮑魚鮑魚 X 白胡椒 係一個好新鮮既組合, 估唔到係出奇咁夾, 而且鮑魚質素好好大蜆燉蛋又係新派菜食, 係D度就食到咩叫創意!潮州鹵水鵝鹵水汁好香，好野味，而且沒有墊豆腐底架避風塘炒大肉蟹套餐嘅蟹係一斤2，幾大隻，有大中小辣，微辣走辣，有生蒜有炸蒜，聽聞好多客人食完蟹會打包啲蒜，第2天煮麵或者煮牛肉豬肉大蜆什菌豆腐湯湯底係魚湯底, 一個字, 鮮!麻辣手撕雞手撕雞，伴青瓜絲，口感好，可以走辣，套餐嘅第一道菜，開胃值得一提係餐廳免開瓶費，免切餅費，可以包場包房, 外母都好滿意, 大滿足!

外貌買相係冇問題嘅，但係味道太濃味，仲要係我覺得餸菜唔夠熱，因為可能一煮就煮三枱客人，送上嚟嘅餸菜已經唔係好熱，我覺得如果可以多問客人意見嘅話我覺得佢哋會做得更加好但我覺得可以稱讚嘅係佢哋嘅龍蝦芝士 嗰個芝士汁係幾好食嘅，但係有少少偏鹹聖子都幾好食 可惜唔夠熱唯一最熱嘅就係炒時菜 我哋大家認為個士多啤梨骨麻麻哋，個士多啤梨味好似小朋友食既紅色藥水味道如果可以多問問客人味道如何去改善我相信會有好大改善因為始終私房菜都唔係平 我哋叫呢個餐係$420一位 買單要二千幾蚊 我希望可以食到有質素嘅食物

認識位於觀塘敬業街工廈內的御膳私房菜，全因閨蜜極力推薦，除菜式美味外，免開瓶，切餅費，又可訂房，還可自訂菜單， 好友歡聚，大宴親朋，一樣合適，尤以海鮮，小炒最為耍家。閨蜜說得興高采烈，激起我的食慾，決定訂位跟先生去品嚐。店員推介最新主打--- 70 頭日本溏心吉品乾鮑餐，心中甚喜，用鮑魚變化出不同款式的佳餚，令人期待。🎯 鮑汁涼拌鮑魚仔先來開胃前菜，鮑魚仔精緻可愛，配上清爽小青瓜，立時打開了味蕾新感受～🎯 荔茸燴原隻吉品鮑魚 2 隻上枱香氣撲鼻而來，剛炸好的芋頭蓉包裹著 爽口鮮蝦，內脆外軟，香甜軟糯，口感豐富，主角鮑魚炆得軟淋入味，鮮香彈牙，不失大將之風。🎯 砂鍋鵝掌扣原隻吉品鮑魚 2 隻在衆多鮑魚菜式中，鵝掌扣鮑魚，一定是我的最愛。 鵝掌炆得軟淋，把鮑魚汁的鮮甜精華完美吸收，膠質豐富，可以美顏且口感嫩滑，令人回味無窮。🎯 避風塘大肉蟹整隻肉蟹霸氣地屹立在菜色的中央，被炸得香脆的蒜茸包圍，霸氣十足， 蟹件炸得香脆，蒜味極濃，入口蟹汁爆出，鮮嫩無比，絕對合格有餘。🎯 御膳炒飯由於先生太喜歡食飯，頂著飽飽的肚子，還要再來一碟， 炒飯配料豐富，蝦，牛柳，帶子也用料十足，色香味俱全。除了菜式

難得放大假，帶媽媽去食好東西。媽媽喜歡吃中菜，經朋友介紹來到這家觀塘的隱世工廈吃私房菜。食好些當然要食豪些，我們點了二人70頭日本吉品糖心乾鮑套餐，再追加了花雕雞油蛋白蒸肉蟹。先講講乾鮑套餐。我們都是第一次吃碟碟菜式都是鮑魚的套餐，非常興奮。鮑汁涼拌鮑魚仔這個前菜的的殷殷，爽脆的青瓜粒加上爽滑彈牙的鮑魚仔配上鮑魚汁，感覺清新越咬越有鮮味。荔茸燴原隻吉品乾鮑兩隻這個菜式賣相精緻，甚有貴氣。荔茸圓球上放上一隻色澤金黃，將元寶般的吉品鮑，然後再淋上鮑汁，相當吸引。吉品鮑裙邊密集，黏糯柔韌，幼滑味濃，有嚼口又帶糖心。炸荔茸一點也不油膩，香芋味濃厚又滑，且內有乾坤，藏着一隻又爽口又彈牙的大蝦， 很驚喜。砂鍋鵝掌扣原隻吉品乾鮑兩隻這個菜式感覺矜貴，鵝掌及吉品鮑色澤柔潤亮麗，閃令令的感覺。鵝掌扣得很腍及入味，骨膠原滿滿，雖然腍但鵝掌沒有散掉，這裏很加分。吉品鮑不用多說，同樣鮮甜芳香，有糖心。鮑汁扒時菜吃個蔬菜清清口腔，芥蘭翠綠鮮嫩，入口鬆脆，沾上鮑汁，味道一流。鮑汁燴原隻吉品乾鮑飯兩隻套餐的最後一道菜色，是夢寐以求的鮑魚撈飯。米飯均勻的沾滿了濃厚鮑汁，上面放上一隻吉品鮑。鮑魚汁撈飯確是冇得彈，軟硬適