位於天后嘅《Sooo Oyster Grill & Pasta》店內氣氛唔錯，坐低慢慢傾慢慢食慢慢嘆。

生蠔有幾款選擇，今日食熟嘅，焗蠔~
大大隻蠔，加入蒜蓉焗特別惹味，蠔身脹卜卜，蠔味香濃。香烤牛骨髓配蒜蓉法包~
呢個牛骨髓特別肥美，鋪上香脆蒜蓉包，非常美味，仲有少少新鮮沙律菜一解肥膩。招牌海鮮焗飯~
海鮮材料豐富，包括大蝦、帶子、青口、魷魚、魚柳及蜆，海鮮精華完全融入焗飯，相當滋味巨峰提子梳打特飲~
非常唔錯，製作認真!自家製果仁奶凍~
這個甜品將奶凍加入忌廉冷藏，仲有可口焦糖果仁，多重味覺享受，為這晚餐劃上完美的句號。

平日lunch time都有套餐提供，意粉/主菜加餐湯及飲品，很受區內上班族歡迎

位於上環永樂街《Green Orange》 格調唔錯，最啱同情人燭光晚餐。 先來兩杯香檳醒醒胃🥂麵包橄欖油醋~ 黑毛豬火腿凱撒沙律~
新鮮沙律菜採用羅馬生菜，脆卜卜，好爽口， 黑毛豬肉味夠甘香，一啲都唔韌，唔覺肥。 烤虎蝦海鮮濃湯~
香滑龍蝦湯底，味道濃郁，材料仲有帶子及青口。 黑松露雜菌忌廉意粉~
意粉夠彈牙唔會太淋，雜菌包括大啡菇、蘑菇、本菇等，黑松露忌廉醬汁掛滿每條意粉特別美味。 紐西蘭肉眼牛扒~
揀咗五成熟，配青醬，仲有bb蘆筍，肉質鮮嫩，切開粉紅色好可愛啊！ 意式奶凍~奶凍又香又滑，唔會太甜; 紐約芝士蛋糕~芝士口感夠rich，唔怕夜加杯咖啡更理想。

完成大project係時候要慶祝下，遇上今日有人生日，食餐好嘅。 前菜-胡麻沙律~ 新鮮沙律菜，開開個胃。 茶碗蒸(燉蛋)~ 蒸得香滑，入口滑捋捋，當中材料包括雞肉，特別有銀杏。 牡蠣~ 季節性，今期採用岩手縣山田真蠔，配柚子啫哩，蠔入口勁鮮甜。 季節刺身(二品) 1. 間八刺身~ 配黑松露酸汁，唔係週圍食到間八，今次用酸酸地黑松露配搭，感覺好清新。 2. 慢煮鮟康魚肝~ 入口即溶，脂肪味濃，又香又滑，食過返尋味。  熱食-香煎油甘魚~ 配黃椒汁，仲有日本小辣椒(微辣)。
手握壽司 A. 春子鯛昆布漬~ 呢款鯛魚，入口口感較實淨。 B. 新鮮帶子~ 配青檸汁，清新感覺。 C. 秋刀魚壽司~ 好少食生嘅秋刀，配合食用花幾特別。 D. 清酒蒸鮑魚~ 特別喜歡鮑魚嘅味道。 E. 銀雪魚壽司~ 入口味道感覺魚脂含量高，正！再配合三星漬(麵豉醬)，可以提升味覺享受。 F. 炙燒左口魚邊~ 輕輕炙燒迫出魚油，又香又滑，油脂豐富，感覺有點邪惡。 G. 大拖羅壽司~
吞拿魚腩，介乎大拖羅同超拖羅之間，上面加咗少少芥末籽，咬落去魚油慢慢滲入牙縫，冇其他刺身可以代替。 H. 雲丹(北海道馬糞海膽卷)~ 入口甘香，海膽好新鮮。 馬糞海膽炙燒和牛手卷~
配合炙燒和牛，味覺層次倍增。 麵豉湯~
材料包括豆腐、紫菜、蜆肉、腐皮，熱辣辣香噴噴。 日本豆腐雪糕~
食埋呢個甜品就真係完美啦。

好耐冇食鐵板燒，這天來到朋友推介嘅佐敦「龍亭」。餐廳處於內街位置，不容易發現，招牌有點氣勢但外面看不出是日式鐵板燒餐廳，相當有神秘感～

餐牌價錢由數百元到千多元不等。揀定好要了中等級數《七道菜套餐》😋前菜-三文魚沙律~
加入柚子醋及意大利黑醋，龍珠果酸酸甜甜好醒胃。 魚子醬溫泉蛋~
溫泉蛋夠香好滑，加上魚子醬更加矜貴～鵝肝多士~
配手打檸檬忌廉及秘製菠蘿汁，鵝肝入口即溶，夾果味醬汁配合多士，三文治食法超正！海鮮揀咗兩款-虎蝦及東星斑~
鐵板燒食海鮮魚都唔常見，呢度食到東星斑，魚皮煙韌，肉質結實，唔錯！宮城縣黑豚扒~
櫻桃蘿蔔配菠蘿醬汁、蒜蓉牛油，黑豚扒肉質夠嫩，一啲都唔韌，整體非常美味！澳洲牛柳~
配炸蒜片，竹炭鹽/wasabi，五成熟牛柳剛剛好。原板海膽海鮮炒飯~
鐵板餐炒飯特別好食，一啲都唔油，粒粒香口，今次仲加足－板海膽，提升味覺享受。最後甜品是日式雪糕，豆腐雪糕味道夠香濃，非常滿足！

每次經過都好想買，今日獎勵自己完成任務，一口氣買咗三個泡芙。 《西樹泡芙》耐不耐都有季節限定，也有新款推出，今日有兩款朱古力，揀咗其中一個款～ 朱古力三重奏~ 朱古力一向都係大眾最受歡迎嘅味道，呢個朱古力泡芺層次感好豐富，朱古力味啱啱好，濃郁但不太甜。 泡芙口感鬆脆酥化，內裏軟棉有蛋香，和澎湃嘅奶油，啖啖滋味邪惡極了～ 士多啤梨乳酪~🍓🍓 有水果的泡芙都唔容易做，忌廉要打得夠企身support到水果重量，乳酪泡芙都係一個好選擇。 紅豆抹茶布丁~ 綠茶同紅豆一向都好夾，呢個款式一定成功贏到唔少日本甜品控的歡心。 苞芙店大多設於繁忙的車站商店，亦方便偶然需要甜點的心靈慰藉～

又到weekend, 梗係搵朋友吹下水傾下偈輕鬆下,今日嚟到觀塘廣場嘅《校長燒肉》 想燒烤烚吓烚吓、刺身，小食乜都有😋😋

觀塘分店地方寬敞，大量卡位，玻璃窗位就更開心。肚餓嘅朋友一坐低就差不多有得食啦，推廣優惠期間有雞煲，熱辣辣香噴噴稍嫌雞件沾上炸粉太厚太膩。烤肉、魚生、熟食、火鍋...... 包羅萬有，梗係有飲品任飲，仲有多款甜品，應有盡有。套餐包括升級刺身通行證，有刺身：赤蝦，螺片、吞拿魚、三文魚等等⋯⋯赤蝦新鮮甜美大大隻，可以encore 👍🏻😋 烤肉款式也不少：牛柳、豚肉、雞翼、雞扒、豬頸肉、魚柳、多春魚......最喜歡食雞軟骨，有唔同味道，送啤酒一流。另一邊見到火鍋材料， 烚啲蔬菜菇類食吓中和烤肉。甜品有我喜歡嘅冰粉，芝士蛋糕、菓凍、泡芙...... 全部bite size 可以試多幾款。雪糕雪條一定唔少得，仲有冰菠蘿、冰西瓜懷舊款式。飲品款式多元化，啤酒有兩三款，配烤肉最爽。唔飲酒亦有港日韓台非酒精飲品✨熱飲仲有人氣花茶組合，選擇甚多！

我哋揀咗最早時段唔會太多人，食得舒服啲價錢又優惠啲❣️

喺新都城二期有間唔太起眼嘅韓式小店，隱藏不少韓國街頭美食，傳統料理，價錢大眾化，而且有好多套餐選擇！先來泡菜小碟，也不失傳統😋韓閣炸雞特餐
包括炸雞4件（可選：甜辣味/蜂蜜牛油味/甜酸味）、鴨胸雜菜沙律、芝士薯條、熱飲2杯，非常豐富！

揀咗蜂蜜牛油味，雞皮好乾身好鬆脆，一啲都唔硬唔油膩，而且啖啖肉，蜂蜜牛油味道好夾，好平均！雜菜沙律十分爽脆。
芝士薯條份量超大，外脆內軟也不油膩，正！荔枝梳打
更可以加$升級飲品，荔枝梳打清新夠氣。 鑊仔辣醬炒魷魚配香烤豬腩牛午餐
同樣份量十足，炒魷魚嘅醬汁十分惹味。
豬腩肉和紅蘿蔔吸滿醬汁，熱辣辣的越吃越過癮。 甜辣年糕泡麵跟餃子
食韓國菜點可以冇泡麵，甜辣年糕。
呢兩種平民美食加埋就係韓國小食精粹！
泡麵有彈性配甜辣湯底和餃子，味道唔錯！

好耐冇去尖沙咀金巴利街食韓國菜。在那條街覓食總離不開韓國菜，今晚就帶屋企人去食韓烤放題。
餐廳設置於地庫一層。
多款優質肉類，每位加$38便可升級享用加拿大Prime grade 雪花牛，A3雪花牛，帆立貝、帶子、法式羊架和紅炆牛肋骨。飲品選擇唔算太多，不過都足夠，主打係烤肉。泡菜味道正常發揮。

超級推介依度嘅法式羊架，大大件厚切，肉質軟腍而且勁juicy，羊羶味唔算太濃烈，肉味香濃，非常優質。Prime grade 雪花牛薄身，油脂勁香，入口融化美味，已經encore 了幾次😋👍🏻。 牛舌厚切，每邊略燒一會，入口特別肥美唔韌。帶子好厚肉又大隻，鮮甜美味！ 海虎蝦新鮮有蝦味。
推介燒銀鱈魚，超多魚油極肥美。一品料理也十分吸引。
當然必試升級選擇，紅炆牛肋骨。 平常單點石鍋料理都要百幾二百蚊。
超濃味牛肋骨炆得又腍又入味，紅蘿蔔吸滿牛嘅精華同醬汁極之入味！ 鰻魚石鍋飯，味道唔錯。 湯品試了牛肋骨湯和海帶湯，海帶湯偏鹹了一點。海鮮煎餅，比較一般。 生菜及韓國麵豉醬，配烤肉特別地道又更健康。

今晚6人可以試到更多一品料理和湯，非常盡興！

一直都想再品嚐人氣大熱嘅泰國特色菜— 「火山排骨」🗻今晚終於有機會!
朋友帶路到尖沙咀亞士厘道樓上特色泰國餐廳。
餐廳內四周都有特色牆，有party room 嘅氣氛🥳 仲設有戶外嘅座位，啱晒多人聚會😍✨火山排骨
上枱時見到份量超驚人絕對足夠3-4人份量

對應這款火山排骨一定要落手落腳，狠狠地撕開，才夠風味～調教嘅辣汁真係好刺激味蕾，吃到忘我。😍大頭蝦冬蔭公湯(小）🦐🦐
小的份量都足夠3人。冬陰公湯味道濃郁勁嗆喉，酸辣直攻上腦好醒神。大頭蝦有膏亦十分鮮味。😋👍🏻黃咖哩炒蜆
咖哩、洋蔥和蛋味道勁香，超夠鑊氣，蜆肉大隻飽滿。一定要配這裏的 蒜蓉包！入口鬆脆不乾不硬，好出色。塗上蒜蓉沾上香濃嘅黃咖喱醬汁絕對係天下美食！👍🏻👍🏻乳酸梳打、青檸梳打及荔枝梳打
飲品也同樣出式，清爽夠氣，配泰式辣也非常合適～🍹蟹肉炒飯🦀
真材實料，香噴噴嘅炒飯充滿蟹鮮嘅味道。仲感覺到有些軟嘅蟹殼～芒果糯米飯🥭
特別喜歡呢度嘅芒果糯米飯，泰國芒果有獨特嘅香味，椰汁糯米飯香甜軟糯，相當精彩。👍🏻

話說這個暑假好多人都報復式去咗旅行，咁我未有時間旅遊唯有報復式消費住先～

揀咗一間有點時光倒流，忘記現實嘅餐廳「香江花月」吃火鍋。

餐廳由打開門口一刻，已經被那種懷舊情懷吸引，而且很有電影咁。打卡位極多，確實要預留一啲時間四處打卡~因為啟動開餐之後會更加忙碌❣️✨

所有菜式都係精雕細琢，裝飾得美輪美奐先放上枱。
粉紅夢幻套餐
本月份限定套餐✨「粉紅玫瑰牛乳鍋」人氣Barbie粉紅 盡現眼前。兩朶玫瑰花由牛乳、火龍果製成。湯底是牛乳湯，奶白色感覺好sweet 好滑溜～

套餐包括店家招牌火鍋配料。
太極兩儀
造型滿分
红酒浸安格斯牛、黑松蛋牛乳浸梅花豬肉片
每片牛肉，豬肉做出玫瑰花瓣造型。
安格斯牛滲滿紅酒香氣，嫩滑有牛脂香。
梅花豬肉片，爽甜不靭有肉香。
七色餃子
顏色鮮艷奪目，以為只係餃子皮唔同顏色，原來每一隻餡料都有不同。例如有蟲草花豬肉、有蝦肉、冬菇豬肉，豐富美味，都幾大隻～火鍋點心
放在美輪美奐的中式陳架上，做形精緻。有兔仔蝦餃，鰻魚燒賣，水晶奶皇包、南瓜水晶包…留意火鍋點心唔可以淥得太耐。尤其係水晶包和蝦餃。七色丸
同樣做到七種顏色嘅丸子，都係唔同款式有蝦丸花枝丸，魚丸等，好彈牙質感較實淨。粉紅墨魚滑
加入紅肉火龍果成了好特別嘅粉紅墨魚滑。
肉質柔軟得來有彈性，好吃得很！花花綠綠
唔講唔知完來是一大盤綜合蔬菜～
竟然好似插花藝術咁插滿唔同品種嘅蔬菜。
每款都新鮮，有椰菜花、油麥菜、西洋菜、生菜、娃娃菜….

飲品方面出品超靚～靚到唔捨得飲😊奇幻歷險
先唧出一個球體在飲品上，再注入類似煙霧效果，有水晶球幻彩特效，好有打卡feel。
有蜜瓜味和加入奇異果汁，味道創新！😋
花月豪庭🥗💐
玻璃器皿，瓶口放滿藍莓、奇異果、哈密瓜、食用花瓣💐🌺🌹，很有視覺效果！
底味係蘋果汁加上鮮奶，口味創新！砵仔糕
比較似紅豆糕，玫瑰花造型，加上金箔更顯貴氣。
另追蹤社交平台送甜品，份量都好大，有椰汁糕和桂花糕。椰汁糕做到懷舊幻彩顏色～

食物飲品由頭到尾都令你狂熱打咭，味道出品質素唔錯，七彩餃子尤其有驚喜。