御膳

營業中

休息中

話說呢間私房菜有兩個不同嘅朋友都有提起過話好好食，難得朋友仔生日，就有藉口食大餐啦！如果未去過嘅朋友仔，要留番啲時間搵個位置，因為對於好似我唔熟觀塘嘅人來講，都要啲時間去搵，不過工廈就係有一個好處！地方夠大，講返正題先!首先老闆娘同埋夥計嘅招呼要讚一讚,佢哋超級細心,會睇住我哋食嘢嘅速度慢慢上菜,同埋適當嘅時間,就會上菜同埋同你換骨碟，講吓啲嘢食先，我哋食海鮮餐，隻蟶子大隻到呢！不過可能整嘅時間耐左少少，香口就夠啦！不過就老咗少少！重點黎啦！避風塘炒蟹！！！一嚟到隔離枱見到都嘩嘩聲！點解？因為隻蟹咁大我哋只有兩個女仔！不過千祈唔好睇小我哋！因為佢炒得超香。同埋超好肉，我哋係完整食晒嘅😆另外仲有個牛柳都係超正！非常咁juicy !!呢個真係要一試！食完最後先聽到介紹嘅朋友仔講，原來呢度嘅士多啤梨骨係非常出名！下次一於再嚟食埋佢