御膳

這間擁有13年歷史的私房菜位於觀塘敬運工業大廈，主打手工粵式海鮮料理，由經驗豐富的主廚掌舵，每道菜均用心烹調，堅持選用每日新鮮到貨的生猛游水海鮮—「不時不食」，明碼實價且價錢相宜。店內環境寬敞舒適，裝潢採用中式為主，牆上張貼不少影視名人曾光顧的合照。晚市時段設有二至十二人套餐，豐儉由人，更可按預算及口味設計菜單，小朋友不強制計人頭，可另加小菜或飯麵，適合家庭聚會、公司晚宴及團年春茗等。全日免開瓶費、免切餅費及免加一，自備酒水更可提供冰桶、酒杯及食用冰；代蒸壽桃包亦免費；完成指定任務可免費換汽水。兩位用設計菜單 - $1180滷水鵝肝鵝腎(慶祝生日送，不限正日)鵝肝在滷水中慢燉入味，粉潤細緻好綿密，入口有微微化開，有濃郁的鵝肝香氣；鵝腎保持煙韌有勁，兩者均充滿滷水香料的風味。脆皮玻璃乳鴿1隻採用炸子雞方式，重複以油澆淋上乳鴿身，外皮烤得薄如蟬翼，色澤金紅油亮，薄脆不膩，裡面的鴿肉卻依舊嫩滑多汁，帶著淡淡的鹹香與脂香，越嚼越香。白胡椒韭黃炒鱔柳(例牌)全新菜色，一片片鱔柳結實彈牙有嚼勁，處理得極為乾淨而不腥，大火爆炒帶有鍋氣與焦香，自家研磨白胡椒的香氣更濃鬱立體，韭黃鮮嫩多汁，鹹鮮中帶著微微辛香。芝士龍蝦(12兩)肥美飽滿的龍蝦緊密有嚼勁富彈性，鎖住豐富的肉汁好鮮甜，金黃色的芝士有微微拉絲，完美融合醇厚香濃。蒜蓉粉絲蒸大元貝(2隻)大元貝的貝肉碩大飽滿，質地緊實彈嫩，充滿著鮮甜的汁水，蒜蓉的香氣完全釋放，粉絲吸飽了蒜蓉醬汁與貝肉的鮮汁，軟糯入味且鮮香十足。士多啤梨骨排骨炸得外酥內嫩，肉質軟腍多汁而不柴，均勻裹上酸甜的士多啤梨醬汁，不僅中和排骨的油膩感，還增添了果香的清爽，甜而不膩、酸而不澀。蒜蓉炒時菜新鮮翠綠的小棠菜纖維細緻，清脆帶有甜味。蟹油銀芽炒麵麵條炒得乾爽彈牙，有蟹油獨特而濃郁的鮮香，銀芽脆嫩爽口增添層次感，鮮香十足又不油膩。抹茶奶凍質地細膩嫩滑得入口即化，清香淡雅的抹茶帶微微的甘醇，甜度剛好而不膩，奶香味與抹茶味平衡得恰到好處，撒上酸甜有嚼勁的無花果乾，清爽解膩。…查看更多

餐廳提供粵式私房菜, 餐單可以自己選擇, 也可以交給師傅全權負責, 粵式Omakase大家又試過未 🤭 餐廳不會囤積食物, 絕對確保食材新鮮, 所以打自來吃之前最好諮詢問一問, 如有需要, 最好預先訂貨 😉 設計菜單 4人份 $2,080滷水鵝肝鵝腎這個是生日優惠, 每枱只要有人生日就會送1份, 本身2款滷水都新鮮, 加了微甜的滷水汁, 帶點清爽, 最適合當頭盤!白胡椒爆炒南非鮑魚胡椒由師傅親自磨, 再研製成秘製醬汁, 包含非常香的胡椒味, 醬汁太美味, 我們都全喝了 😋 鮑魚比較軟腍, 同時有咬口, 只吃1隻有點不足夠 😬香煎龍蝦這種煮法一般餐廳比較少見, 一上碟已經嗅到龍蝦煎過的香氣 🔥 師傅已經幫我們切成一件件, 有啖啖肉的效果 🤗 不止龍蝦肉新鮮彈牙, 連龍蝦殼都醃上味, 部份位置更可以連殼都吃掉!茅台紅蔥油蒜子碌白鱔這個比龍蝦更誇張, 滿滿炒蒜香味, 茅台已經蒸發了, 所以不會有酒味。白鱔煎到脆邊, 中間白鱔肉非常厚身, 完全沒有腥味, 平時不愛吃鱔的我覺得這個菜式特別出色!! 🤩荷羽雞利用荷葉將雞包住, 雞內放入米飯, 乳鴿, 雞肉, 足足蒸了3小時多! 米飯吸收了乳鴿和雞肉流出來的精華肉汁, 結果雖然米飯偏濕, 但超入味 🥰 極黑豬叉燒即叫即燒, 燒到微微燶邊, 蜜糖醬汁完全覆蓋每一件叉燒, 不會太甜, 唯一問題是叉燒太瘦, 當中吃了件帶少少肥膏的叉燒, 味道即刻昇華 😚臨尾用綠茶布甸做結尾, 非常滿足!師傅用心煮, 菜式在其他餐廳未必吃到。另外客人可以自備酒水, 慶祝生日都不會收切餅費, 訂廂房也沒有最低消費, 適合一大班人聚會或慶祝生日!! 👍🏻…查看更多

朋友最近生日，我專程同佢去咗觀塘嘅「御膳」食飯。與別不同之處，這裡竟可自訂菜單，讓我們提前設計了一餐啱心水嘅海鮮餐。免開瓶費，自帶的幾支酒，侍應立即奉上冰桶酒杯，令人讚賞。店家推薦「茅台紅蔥油蒜子碌白鱔」，煲仔上桌香氣四溢，熱氣騰騰，原粒蒜子配搭茅台香，白鱔外脆內嫩，鑊氣十足，真心推介。芙蓉海寶炒龍蝦球賣相精緻＆非常足料，用咗兩隻龍蝦起肉，龍蝦肉入口爽口彈牙，與花枝蝦球炒，好好味。龍躉骨雜菌豆腐湯奶白色魚湯底鮮濃醇厚，龍躉骨邊肉細嫩，豆腐滑溜，雜菌增添口感。真材實料，每一口都是精華！古法蒜子焗大肉蟹煲仔上桌「炸炸」作響，蒜香撲鼻。原粒蒜子焗至金黃甘香，大肉蟹飽滿鮮甜，蟹肉緊實吸盡蒜香。鑊氣十足，無需醬汁，單單鮮味已令人回味！汕頭滷水鵝鵝肉深浸滷汁，色澤油亮。入口鹹香恰到好處，肉質軟嫩不柴，脂香豐腴。滷汁醇厚回甘，送酒佳品！生炒臘味糯米飯香氣撲鼻！糯米飯油潤甘香，臘腸油香滲透每顆米粒，飯粒煙韌彈牙，加上醬油炒香，鑊氣十足。店家不僅送上抹茶布丁，因我們慶祝生日更贈滷水鵝肝鵝腎。上傳美食照還獲贈汽水，加分。今餐都幾滿意，下次有機會嘅話，都會再嚟。…查看更多

友人生日剛好在中秋佳節附近，便選了這間之前試過的高質私房菜與他慶生順道慶祝中秋 提前預約後與餐廳在WhatsApp確認好菜單，根據人數及口味去調整，非常個性化！ 主打海鮮並日日新鮮到貨，所以我們訂的菜式也是以海鮮為主 🎉生日優惠：滷水鵝肝鵝腎，非常入味！ 🥢滷水拼盆［手撕雞、豬大腸、金錢肚］同樣入味，豬大腸洗得乾淨，配上餐廳特製的辣椒油更惹味！ 🥢茅台紅蔥油蒜子碌白鱔餐廳表示是全新菜色，白鱔炸香過令其外皮香脆而肉油香爽彈😍應該是用了茅台所以特別香甜，但並沒有任何酒味！令不好鱔的我亦愛上！大量的蒜子亦十分香甜 🥢即磨胡椒炒大肉蟹 新鮮白胡椒煮成的汁香而不辣，大大隻肉蟹肉厚鮮甜 🥢蟹油銀芽炒麵及蒜蓉炒時菜均炒得很香！ 附送甜品 - 抹茶奶凍香滑奶凍帶有抹茶香味，上面加了點無花果凍乾，非常清甜 * 全店免加一*免開瓶費，歡迎自帶酒水/蛋糕，提供冰桶酒杯*可代客人收酒/蛋糕等*用餐時即時將菜式上傳到任何社交媒體可換汽水…查看更多

囡囡又大一歲喇，又要係煩惱同佢喺邊度食生日飯🎂嘅時間!上網搜尋資料，我到呢間位於觀塘嘅私房菜， 已經開左13年，而且服務非常吸引!餐廳可以喺我訂座之後，照我地嘅喜好同 budget，去 Taylor Make唔同嘅餐單,真係夠曬貼心🩷:我哋今晚就訂咗一個3️⃣人餐:首先有精緻嘅開胃前菜🥓極黑豬叉燒 - 肉質軟嫩無比，蜜糖焦香恰到好處，外層微脆，內裡脂香豐腴，是令人回味無窮嘅頂級叉燒。🦞🍲果皮冬瓜魚湯浸龍蝦- 湯頭鮮甜醇厚，帶陳皮清香。龍蝦肉緊實彈牙，完美吸收湯汁精華，口感與味道層次俱佳。🦐茄汁香煎大海蝦 - 海蝦夠曬大隻，煎得好香。茄汁酸甜好開胃，同蝦膏嘅濃郁鮮味形成完美搭配!🥬大澳蝦醬生啫芥蘭 - 鑊氣十足！蝦醬鹹香惹味，均勻包裹係爽脆芥蘭上，上枱嘅時候夠曬熱辣辣，正!🥘招牌御膳炒飯 - 炒飯乾身分明，夠足料。火候掌控精準，米飯粒粒彈牙，香氣濃郁，盡顯師傅功架。🦪53℃ 冰鎮麻辣花螺 - 冰鎮口感爽脆彈牙，再淋上花雕酒，同麻辣味相應，真係辣得好過癮! 🍮自家制甜品- 綠茶味好清新，食完仲未嘅餸菜，食返個清淡嘅甜品，真係啱啱好!我哋今晚仲自帶咗生日蛋糕🎂，餐廳原來免切餅費，仲免加一(如果你帶酒嚟飲，仲可免開瓶費添)下次真係要約埋朋友或者同事過嚟聚餐先!🤩…查看更多

脆皮玻璃乳鴿1隻: 乳鴿燒到皮脆肉軟，唔會有乳鴿嘅羶味!茅台紅蔥油蒜子碌白鱔: 依款新菜式真係有驚喜😋白鱔夠肥美 魚肉夠厚，而且口感爽彈💕 配上大量蒜頭粒、紅蔥同乾蔥 非常有鑊氣😆🦀避風塘炒大肉蟹: 招牌菜確實名不虛傳!! 辣炸蒜好惹味，大肉蟹蟹鉗超多肉夠鮮甜😋蒜蓉粉絲蒸蟶子皇2隻: 蒸蟶子火口剛剛好，蟶子鮮甜嫩口，配上粉絲超吸汁👍🏼上湯浸時菜 (白菜)🍚招牌御膳炒飯: 炒飯夠晒鑊氣，有帶子、蝦仁同肉粒，粒粒分明 好香口!附送甜品 - 抹茶布甸💚…查看更多

這晚，與大女兒臨時想吃頓好的，想起朋友推薦「御膳私房菜」，便決定前來一試。店員的態度親切，不公式化，樂於介紹菜式，喜歡這種輕鬆直接的互動。💯食物美味，誠意滿分1. 白胡椒韭黃炒鱔柳（最新推介） 店員推介的新菜，果然令人眼前一亮。選用厚肉的白鱔起片，口感之彈牙爽脆，十足新鮮。自家研磨的白胡椒，香氣霸道而溫潤，不像普通胡椒般嗆喉，反而帶出鱔肉的鮮甜，與韭黃的清香交織，鑊氣十足。一道菜，便見證了廚房不甘於守舊的創新精神。2. 芝士龍蝦 龍蝦即叫即劏，新鮮度無可挑剔。蝦肉飽滿緊實，鮮甜無比。濃郁的芝士醬汁香而不膩，完美地裹住每一塊龍蝦肉。簡單的搭配，憑藉食材新鮮與恰當火候，便成就了一道經典美味。3. 醬香茅台炆嫩鴿（煲仔上） 熱辣辣煲仔上桌，香氣四溢。乳鴿肉質細嫩不柴。茅台酒香經過烹煮後滲入每一絲肉纖維。醬汁濃郁甘香，令人忍不住吃個精光。4. 極黑豬叉燒（即叫即燒） 這道叉燒絕對是「遲來先上船」的精彩，因為要即燒，要25分鐘。叉燒帶著焦糖般的閃亮光澤與微燙溫度。半肥瘦，入口外層焦香微脆，內裡肉質鬆化，是我近年吃過最令人回味的叉燒之一。綠茶布丁店家免費贈送的甜品，絕非敷衍之作。布丁質感細滑，綠茶味清新自然 。「御膳私房菜」成功融合了私房菜的精緻用心與街坊小店的親切隨和。食材新鮮、烹調認真、菜式常有新意。🫰🏻極黑豬叉燒，強烈建議必點！…查看更多

今晚呢餐私房菜冇得頂，堅正！👍同班friend慶祝生日🎂，專登按照喜好訂造菜單，氣氛又好，唔似集團酒樓咁悶，成晚好溫馨好熱鬧！🍽️ 是日晚餐精選 🍽️最正係富貴金龍，用原條兩斤沙巴龍躉，一魚兩食🐟：✨ 流沙黃金 - 鹹蛋黃醬多到漏，超邪惡超好味！✨ 吉列椒鹽 - 外脆內嫩，送酒一流！金華玉樹雞 - 雞肉超滑，火腿鹹香，好味！古法蒜子焗大肉蟹 🦀 - 蒜頭焗到淋晒，香到暈，啖啖肉！香芒沙律大蝦球 🍤 - 蝦球彈牙，個芒果醬酸酸甜甜，好夾！蒜蓉粉絲蒸蟶子皇 - 真係「皇」咁大隻😱，粉絲吸晒精華！花膠響螺煲雞湯 - 湯料分開上，足料到呢～飲完成身暖粒粒❤️荷香龍躉球蒸飯 - 啲飯索晒魚油荷葉香，食到唔停口！🎁 生日驚喜老闆好好人，送咗滷水鵝肝鵝腎！鍾意呢間餐廳因為好有特色，佢哋專做粵式海鮮，大師傅手功好，日日新鮮貨，海鮮明碼實價，有2至12人套餐，豐儉由人，推介！…查看更多

【適合慶祝好地方｜度身訂做菜單✨】公司慶功一行10人，突登黎搵師傅設計菜單夠晒心思，每道菜都睇到功力～上網訂左啲酒，店家幫我收貨，我地放工就直接去開飯。免開瓶費又幫我地收貨，very good 。菜單如下：🫰🏻新菜式｜推薦茅台紅蔥油蒜子碌白鱔煲仔上熱辣辣，白鱔厚肉皮脆，茅台香滲入蒜子裏面，食完成口香～避風塘炒大肉蟹蒜粒係即炸㗎！脆卜卜又唔油膩，夠鑊氣，惹味，送酒1流，蟹肉鮮甜，我地叫了小辣，啱啱好。仲有特辣、大、中、小、微辣可以選擇。香芒沙律大蝦球蝦球即炸熱辣辣，夾住新鮮凍冰冰嘅沙律，冷熱交融好過癮～菊子魚（沙巴龍躉兩斤）用成2斤龍躉做！皮脆肉滑，配自家製柚子醬，清新解膩，正！生炒糯米飯臘腸潤腸臘肉落足料，炒得乾身唔油膩，飯粒分明有咬口～脆皮炸子雞要用2日時間整！上檯前仲用熱油慢慢淋，個皮先至脆！我地加左個海參伴花菇！花菇濃香厚實，與軟糯彈牙的海參同燴，兩者飽吸醬汁，鮮味融合。慶祝生日即送滷水鵝肝鵝腎，唔使正日都有👍💗佢地仲有好多貼心服務· 自備酒水嘅話會提供冰桶、酒杯、食用冰📍觀塘敬運工業大廈12樓📞9222 8210#工廈隱世廚神 #記得訂位 #私房菜來講性價比高#觀塘#功夫菜#海鮮#聚會推介…查看更多

今次同朋友黎食呢間私房菜慶祝生日, 位置好隱蔽, 唔係朋友介紹都唔會識黎 😆 佢本身有好多唔同款式套餐, 除此之外都可以叫師傅為你度身訂造套餐, 有驚喜之餘亦可以食啲平時較少點既餸菜 😚以下係今晚菜單, 供4個人食, 總數$2,096:極黑豬叉燒白胡椒爆炒南非鮑魚香煎龍蝦茅台紅蔥油蒜子碌白鱔荷羽雞上湯浸時菜仲有凡慶生都會送1碟滷水鵝肝鵝腎, 可以用黎做頭盤 😊基本上食物都好有水準, 尤其南非鮑魚, 煙韌 彈牙, 白胡椒醬又香又惹味, 我地將啲醬汁飲晒 😋 香煎龍蝦煎到金黃色, 成隻蝦醃到連殼都入晒味! 白膳同樣有脆炸口感, 加上用蒜頭一齊煎, 白膳充滿爆香過既蒜味! 餐廳有廂房可能訂, 無最低消費, 客人可以自行攞酒水, 而且唔會收切餅費, 絕對岩一班人黎慶祝生日。…查看更多

今晚同朋友去觀塘工廠區搵食，竟然搵到間「隱世高手」級嘅御膳私房菜！最驚喜係性價比，每人平均先$400，就可以食到龍躉球、大肉蟹、蟶子、荷羽雞，的確係抵！ 仲有個細節好加分——訂檯之後店家就主動跟進菜單類型，問清楚大家口味同需求，務求啱晒每位客人，呢份專業真係好難得！ 講返服務，因為我哋話要慶生，店家直接送咗滷水鵝肝同鵝腎，呢個優惠著數一定要拎！建議大家去慶生記得話俾店家知，有驚喜架！仲有啊，我哋自己帶咗啤酒，坐低冇幾耐侍應就主動拎冰桶同酒杯過嚟，反應超快，完全唔使多講，抵讚！ 滷水拼盤：有手撕雞、金錢肚、豬大腸，每樣都滷得好夠味，鹹香啱啱好，送酒一流。冬瓜瑤柱海鮮羹：冬瓜入口好清甜，有瑤柱蝦球，羹好滑溜，飲落好舒服。 花雕蛋白蒸龍躉球：用40幾斤重嘅花尾躉先劏出嚟嘅肉，入口超彈牙！下面嘅蛋白底夠滑，咬落仲有淡淡花雕香，鮮到冇得彈。即磨胡椒炒大肉蟹：佢哋用嘅係自家研磨胡椒，香氣夠晒！蟹個頭大，蟹肉滿滿又清甜，胡椒味唔會蓋過蟹鮮，食得好過癮。蟶子：新鮮到咬落有汁，鮮甜夠味，係海鮮控必點！ 士多啤梨骨：排骨煮得好腍，唔會老鞋，帶住士多啤梨嘅甜味，小朋友都鍾意食。 - 荷羽雞：呢個真係招牌！用清遠雞挖空，裏面塞滿滷水乳鴿、鹿茸菌同米飯，再用荷葉包實慢蒸3個鐘以上。雞肉咬落又嫩又多汁，滿滿荷葉香；內餡嘅飯吸晒雞汁同鴿汁精華，一粒都唔會剩！ 雖然工廠區有啲遠，但講到呢個價錢，要喺大酒樓食到同等質素嘅餸？根本係笑話一樁！下次朋友聚會或者慶生，我肯定再揀呢度！…查看更多

與中學同學約在觀塘「御膳私房菜」慶祝生日，一踏入店就感受到親切的家常氛圍，這晚的菜式更盡見功夫。 👑主角椒鹽瀨尿蝦皇一人一隻超滿足，殼脆易剝，肉質飽滿結實，椒鹽香氣裹着蝦肉，越嚼越香，下酒又下飯。清蒸東星斑（14兩） 絕對值得稱讚，魚皮緊緻不破，肉質雪白彈牙，淋上的豉油鮮而不鹹，完美突顯魚的清甜，入口滿是海鮮的鮮活感。 蟹油銀芽炒麵同樣驚喜，蟹油香氣濃郁不膩，炒麵根根分明，夠鑊氣，銀芽爽脆多汁，每一口都有蟹油的鮮與麵的彈，吃完仍意猶未盡。店家超貼心，知道是生日不僅送了滷水鵝肝鵝腎，鵝肝綿密、鵝腎爽脆，鹵味醇厚；還額外送了甜品，甜而不膩剛好解膩。最驚喜的是，將食物相上傳社交平台，店家還送了汽水，細節滿分。 這晚既有好友相聚的溫暖，又有美食，御膳私房菜的用心，讓生日慶祝變得格外難忘。…查看更多

御膳私房菜觀塘敬業街65-67號敬運工業大廈12樓F室就嚟聖誕節喇，公司要搞Christmas Party，老友推介位於觀塘的私房菜，剛好經理生日，就和經理去睇場，順道慶生。環境舒適闊落又有私隱度。店長親自介紹餐廳設備，態度親切，賓至如歸。餐廳免收服務費、開瓶費及切餅費，只收茶錢$4/位。鹵水鵝肝鵝腎（生日優惠）：鵝肝和鵝腎好味又好食。即磨胡椒炒大肉蟹：廚師用即磨白胡椒炮製的招牌菜，大大隻肉蟹十分好肉，蟹件炮得外層酥脆，內層肉質結實入味，食到舐舐脷。茄汁香煎大海蝦：大海蝦煎得香脆可口，茄汁收得剛好。茅台紅蔥油蒜子碌白鱔：大白鱔的鱔肉身厚彈牙，鱔皮爽滑有咬口，原粒蒜子炮得鮮味好食。上湯浸西蘭花：青綠鮮甜。蟹油銀芽炒麵：銀芽炒麵爽口好味又不油膩。甜品係抹茶布甸配無花果碎：靚靚賣相，清清甜甜。汽水：網上讚好，餐廳就免費贈送。…查看更多

老友生日，我哋去咗位於觀塘敬業街65-67號敬運工業大廈12樓F室的<御膳私房菜>食晚餐，環境舒適，私隱度高。我哋點咗🥢鹵水鵝肝鵝腎：生日優惠菜式，鵝肝鵝腎非常入味又好食。🥢茄汁香煎大海蝦：茄汁味濃，大海蝦煎得香脆可口。🥢即磨胡椒炒大肉蟹：餐廳的招牌菜式，用即磨白胡椒製作，大肉蟹的肉質結實入味，連蟹腳都好好肉。🥢茅台紅蔥油蒜子碌白鱔：餐廳的極受歡迎菜式，大白鱔肉厚皮滑，十分美味又有咬口，原粒蒜子炮得鮮味可口。🥢上湯浸時蔬：西蘭花青綠鮮甜又美味。🥢蟹油銀芽炒麵：銀芽炒麵炒得爽口不油膩，唔錯。🥢甜品汽水：甜品係抹茶布甸配無花果碎，清甜好食。…查看更多

📍觀塘敬業街65-67號敬運工業大廈12樓F室終於試到收藏已久嘅「御膳私房菜」！工廈隱世店，驚喜滿分～訂位時WhatsApp溝通菜單，可以自選或交俾師傅發辦👨‍🍳 今次生日宴，每道菜都見匠心！🌟 前菜雙拼▫️醬香茅台滷乳鴿 $392/4隻 = （$98/隻）滷得入味，茅台酒香提升層次！餘韻縈繞🍶▫️滷水鵝肝鵝腎（生日贈送）鵝肝綿滑甘香，鵝腎爽脆，滷水汁恰到好處🎁🔥 主菜精選▫️極黑豬叉燒 $168即叫即燒，柳梅位軟嫩多汁，蜜糖香甜不膩🍯 必食！▫️白胡椒爆炒南非鮑魚 $544/8隻=（$68/隻）師傅親自研磨白胡椒，香氣突出鮑魚鮮味🌊🍚 臘味糯米飯 $220👉 全晚MVP！ 一上枱香到呢～🤤▫️料多過米：臘腸、潤腸、臘肉、花生樣樣足▫️炒到乾身唔油膩，米粒分明，炒得有口感▫️臘味油香滲透每粒米，食完成個人暖笠笠☀️$220絕對值回票價！秋冬必食，唔嗌走寶❄️🐟 招牌雙味龍躉▫️富貴金龍 $620原條沙巴龍躉一魚兩味：✅ 流沙黃金 - 鹹蛋黃包裹✅ 吉列椒鹽 - 外脆內嫩一次過滿足兩個願望！🍲 其他精選▫️大蜆燉蛋 $230嫩滑燉蛋配鮮甜大蜆，簡單見功力🥚▫️冬瓜瑤柱海鮮羹 $168清甜滋潤，海鮮料足☀️💫 整體評價食材即日來貨夠新鮮！師傅功力深厚，價錢對得住質素。服務貼心，會因應客人喜好調整菜單～…查看更多