御膳

朋友最近生日，我專程同佢去咗觀塘嘅「御膳」食飯。與別不同之處，這裡竟可自訂菜單，讓我們提前設計了一餐啱心水嘅海鮮餐。免開瓶費，自帶的幾支酒，侍應立即奉上冰桶酒杯，令人讚賞。店家推薦「茅台紅蔥油蒜子碌白鱔」，煲仔上桌香氣四溢，熱氣騰騰，原粒蒜子配搭茅台香，白鱔外脆內嫩，鑊氣十足，真心推介。芙蓉海寶炒龍蝦球賣相精緻＆非常足料，用咗兩隻龍蝦起肉，龍蝦肉入口爽口彈牙，與花枝蝦球炒，好好味。龍躉骨雜菌豆腐湯奶白色魚湯底鮮濃醇厚，龍躉骨邊肉細嫩，豆腐滑溜，雜菌增添口感。真材實料，每一口都是精華！古法蒜子焗大肉蟹煲仔上桌「炸炸」作響，蒜香撲鼻。原粒蒜子焗至金黃甘香，大肉蟹飽滿鮮甜，蟹肉緊實吸盡蒜香。鑊氣十足，無需醬汁，單單鮮味已令人回味！汕頭滷水鵝鵝肉深浸滷汁，色澤油亮。入口鹹香恰到好處，肉質軟嫩不柴，脂香豐腴。滷汁醇厚回甘，送酒佳品！生炒臘味糯米飯香氣撲鼻！糯米飯油潤甘香，臘腸油香滲透每顆米粒，飯粒煙韌彈牙，加上醬油炒香，鑊氣十足。店家不僅送上抹茶布丁，因我們慶祝生日更贈滷水鵝肝鵝腎。上傳美食照還獲贈汽水，加分。今餐都幾滿意，下次有機會嘅話，都會再嚟。…查看更多

友人生日剛好在中秋佳節附近，便選了這間之前試過的高質私房菜與他慶生順道慶祝中秋 提前預約後與餐廳在WhatsApp確認好菜單，根據人數及口味去調整，非常個性化！ 主打海鮮並日日新鮮到貨，所以我們訂的菜式也是以海鮮為主 🎉生日優惠：滷水鵝肝鵝腎，非常入味！ 🥢滷水拼盆［手撕雞、豬大腸、金錢肚］同樣入味，豬大腸洗得乾淨，配上餐廳特製的辣椒油更惹味！ 🥢茅台紅蔥油蒜子碌白鱔餐廳表示是全新菜色，白鱔炸香過令其外皮香脆而肉油香爽彈😍應該是用了茅台所以特別香甜，但並沒有任何酒味！令不好鱔的我亦愛上！大量的蒜子亦十分香甜 🥢即磨胡椒炒大肉蟹 新鮮白胡椒煮成的汁香而不辣，大大隻肉蟹肉厚鮮甜 🥢蟹油銀芽炒麵及蒜蓉炒時菜均炒得很香！ 附送甜品 - 抹茶奶凍香滑奶凍帶有抹茶香味，上面加了點無花果凍乾，非常清甜 * 全店免加一*免開瓶費，歡迎自帶酒水/蛋糕，提供冰桶酒杯*可代客人收酒/蛋糕等*用餐時即時將菜式上傳到任何社交媒體可換汽水…查看更多

囡囡又大一歲喇，又要係煩惱同佢喺邊度食生日飯🎂嘅時間!上網搜尋資料，我到呢間位於觀塘嘅私房菜， 已經開左13年，而且服務非常吸引!餐廳可以喺我訂座之後，照我地嘅喜好同 budget，去 Taylor Make唔同嘅餐單,真係夠曬貼心🩷:我哋今晚就訂咗一個3️⃣人餐:首先有精緻嘅開胃前菜🥓極黑豬叉燒 - 肉質軟嫩無比，蜜糖焦香恰到好處，外層微脆，內裡脂香豐腴，是令人回味無窮嘅頂級叉燒。🦞🍲果皮冬瓜魚湯浸龍蝦- 湯頭鮮甜醇厚，帶陳皮清香。龍蝦肉緊實彈牙，完美吸收湯汁精華，口感與味道層次俱佳。🦐茄汁香煎大海蝦 - 海蝦夠曬大隻，煎得好香。茄汁酸甜好開胃，同蝦膏嘅濃郁鮮味形成完美搭配!🥬大澳蝦醬生啫芥蘭 - 鑊氣十足！蝦醬鹹香惹味，均勻包裹係爽脆芥蘭上，上枱嘅時候夠曬熱辣辣，正!🥘招牌御膳炒飯 - 炒飯乾身分明，夠足料。火候掌控精準，米飯粒粒彈牙，香氣濃郁，盡顯師傅功架。🦪53℃ 冰鎮麻辣花螺 - 冰鎮口感爽脆彈牙，再淋上花雕酒，同麻辣味相應，真係辣得好過癮! 🍮自家制甜品- 綠茶味好清新，食完仲未嘅餸菜，食返個清淡嘅甜品，真係啱啱好!我哋今晚仲自帶咗生日蛋糕🎂，餐廳原來免切餅費，仲免加一(如果你帶酒嚟飲，仲可免開瓶費添)下次真係要約埋朋友或者同事過嚟聚餐先!🤩…查看更多

提起觀塘的私房菜，相信不少朋友都會想到「御膳」。特別之處在於事前一早可以跟餐廳洽談菜單的詳情及預計開支。他們提供度身訂造的菜單，主打多款新鮮海鮮料理，性價比相當不錯，今次一試果然有驚喜！ 這次品嚐了幾道特色菜式： 🍶 醬香茅台滷乳鴿 ～ 一上枱就已經贏咗！聞到陣陣好香嘅酒，同一般濃油赤醬嘅滷水鴿完全唔同。睇落深啡色嘅鴿皮閃令令，好吸引。咬落去第一感覺係鴿皮帶點微脆，然後係意想不到嘅軟嫩肉質，一啲都唔「鞋」口。最大嘅驚喜係，茅台嘅香氣唔係得個聞字，係真真正正滲透咗入肉裡面，味道真係好獨特好好味，食完之後個喉嚨仲會留有淡淡回甘，令人再三回味流沙黃金蝦🦐，我個人覺得係全晚最好食嘅！啲鹹蛋黃完全包實晒成隻蝦，碟底差唔多搵唔到多餘嘅蛋黃碎，師傅真係好有功夫同耐性。牛油味勁香，加上啲蝦本身又新鮮又爽甜。重點係個蝦頭！裡面啲橙紅色蝦膏塞到滿滿，豐腴咁甘香嘅嘢，我忍唔到口。🦞 上湯龍龍蝦 ～ 烹調手法傳統而見功架。靈魂在於那碗澄澈如水卻鮮味濃郁的高湯，以之煨煮令龍蝦肉在保持緊實爽彈之餘，蝦肉火候掌握得恰到好處，鮮甜無比。整道菜風味純粹，強烈推薦配搭個人喜愛嘅酒。這份滷水拼盤份量很足，有金錢肚、手撕雞和豬大腸。我一般在外面不太敢點內臟，怕洗不乾淨。不過這裡的豬大腸和金錢肚真是滷得入味，味道夠香卻不會死鹹。豬大腸煮得超軟嫩，很好入口，而且裡面還留著一點點油脂，吃起來更滑口。手撕雞的麻油味很濃，感覺下手重了些，吃起來比較油，但麻香味十足。雞肉絲本身很滑嫩，搭著脆口的青瓜絲，嚼起來很過癮。如果能把雞皮去掉，我覺得會更完美。整體來說，是道非常吸引人的頭盤。白胡椒爆炒南非鮑魚 ~ 鑊氣十足🌶️，在猛火快炒下瞬間鎖緊肉汁，形成外微焦而內裏溏心的絕妙口感。鮑魚厚身彈牙，靈魂在於大量現磨的白胡椒粒。 那種溫辛帶辣的香氣，完美襯托出鮑魚的鮮甜，唔會搶戲，反而將成道菜嘅味道提升到另一個層次，食完覺得好暖胃，滋味無窮！甜品 ~ 綠茶布丁 🍮 以清新茶香收尾，點綴的無花果碎增添口感，恰到好處。 特別欣賞餐廳的貼心安排：提供食用冰🧊，免收開瓶費🍾、切餅費🎂& 加一服務費，非常適合聚餐慶祝！整體菜式有心思，海鮮處理尤其出色。每人平均消費唔洗$400，但就可享有龍蝦、鮑魚、乳鴿、海蝦等等。還有店方事先跟進菜單的類型，務求符合各人要求，更是專業難得，性價比極高 。 雖然地方較遠，就這個價錢而言，要往大酒樓吃到這樣素質，就比較難了。可以打 tel : 9222 8210 搵師傅設計菜單…查看更多

最近發現觀塘工廈有間高質中菜館！！餐廳主打每日新鮮到貨海鮮，我哋嗌咗上湯龍蝦、鮑魚、扇貝、龍躉，又真係足料又靚料🔥❝ 香芒沙律大蝦球賣相睇落平平無奇，食落又幾有驚喜！蝦球彈牙爽滑，芝士味濃，配搭芒果幾清新✨❝ 極黑豬叉燒餐廳用上半肥瘦叉燒，外層有少少燒香，味道鹹中帶甜，不錯不錯☺️❝ 冬瓜果皮魚湯浸龍蝦店員話係新推出菜式，推薦我哋試吓！上枱嗰陣見到一整隻龍蝦有少少嚇親🫨問返原來係用足14両龍蝦，真係好足料😍 咬落肉質有鮮味帶彈牙口感，食落仲有少少冬瓜同陳皮香👍🏻❝ 白胡椒爆炒南非鮑魚鮑魚肉質肥厚，非常鮮嫩～ 配上白胡椒能夠提鮮，但唔會搶咗鮑魚鮮味，挺好吃呢😋❝ 蒜蓉粉絲蒸大扇貝唔係講笑，大扇貝係真心大隻🤣🤣🤣 有手掌心咁大！蒜蓉同粉絲多到好似唔使錢咁，惹味又好味，咁足料得唔得㗎🥹❝ 花雕雞油蛋白蒸龍躉球一上菜已經聞到好香花雕味！！蛋白同龍躉嘅熟度剛好，龍躉仲有超多魚膠，用料真係靚😍❝ 脆皮玻璃乳鴿是日最喜愛菜式！！乳鴿皮脆肉嫩又多汁，原隻上又好打卡able🤣 食完好想encore多隻😭❝ 蒜蓉炒白菜仔我哋嗌咗二人份量，細細碟就啱晒喇😛蒜蓉炒菜係常見配搭，不過啲白菜仔係好！鮮！甜！細節見真章，餐廳用料靚唔靚，大家係感受到的🥹🫶🏻 ❝ 蟹油銀芽炒麵炒麵香得嚟又唔會太油膩，而且鑊氣十足✨ ❝ 綠茶布丁（甜品）平時酒樓食開都係紅/綠豆沙，今次見有日式甜品都幾創新，決定試試佢😛 估唔到又幾香濃滑溜，裏面仲要有唔同層次，食完好滿足😆❝ 滷水鵝肝鵝腎慶祝生日就有得送一碟滷水鵝肝鵝腎🎂 雖然係免費送，但係份量都絕對唔hea🙌🏻 唔使生日正日都用得，訂座嗰陣講聲就得喇💪🏻餐廳而家仲做緊打卡送汽水優惠🥳 不過最難得係免加一、冇切餅費/開瓶費，慶祝生日/朋友公司聚會啱晒🤪…查看更多