御膳

營業中

休息中

工厦內的隱世中菜館，食材高質，服務殷勤，要不是友人的推介，就會錯過享受美食的好機會啊！鮑汁扒花膠餐什菌大蜆豆腐湯中菜少不了湯水，奶白湯底，鮮甜。大蜆鮮美，保持嫰滑。手撕雞有點微辣，醒胃。伴以青瓜絲，口感爽脆。鮑汁扒花膠主角上場了！嘩啦啦⋯⋯成隻碟咁大！入口軟腍，口腔內感受到漿口，骨膠原爆燈！蟶子火喉控制得宜，鮮嫰十足。好欣賞蒜茸經過炸的處理，更加惹味。大肉蟹另一驚喜！原隻肉蟹，有氣勢！肉質嫩滑，又鮮又甜，絕對優質。底層的蒸蛋白亦不可放過，滑溜口感，散發酒香。薑蔥炆龍躉腩啖啖肉，調味比軟濃郁，惹味。士多啤梨骨甜酸的味道，再次喚醒味蕾！夠入味。蟹油炒麵食到呢個時候，肚子己飽到不得了！但見到炒麵的賣相又好吸引。炒得乾身，配搭芽菜，增添爽口感，好味！最後是芒果布甸甜品作為今晚美食的完滿結束了。

三年前喺呢度食飯，美好嘅回憶帶領我三年後再嚟到。今日之後相信唔會再嚟。因為食物嘅質素大不如前。其中一道菜，薑蔥炆龍躉，簡直令我o嘴。四人份量嘅餐竟然只有五件只有兩隻手指大嘅魚。胡椒大肉蟹，炒完就上碟，冇擺盤。使用胡椒粉調味無用胡椒粒。蒜蓉蒸蟶子，過咗火。金華玉樹雞，啲雞無雞味得嚟又鞋。菌皇扣鵝掌，雖然用咗四種菌，但係啲菌好似煲咗湯咁，冇哂鮮味。蟹油炒麵，只係豉油炒麵，冇蟹味。懷疑佢係唔係菜單寫錯字。甜品係雲呢拿奶凍。好似用啲好差嘅雲呢拿精。冇雲呢拿香味只有苦味。

要食精緻好食既中菜無咁上下價錢真係食唔到🤑，誤打誤撞係友人介紹下黎到呢間高質價錢合理私房菜，見到openrice好評如潮，果然無介紹錯😆上菜速度會按時就住上，同友人食足兩個鐘⏱最啱慢慢傾慢慢品嚐新鮮海鮮😋下次一定要帶埋屋企人食👨‍👩‍👧‍👧-叫左一個 花膠扒羊肚菌餐$900/二人👫🐑🍄 同 眼闊肚窄既我地再叫多個 酸菜墨魚頭🐙-手撕雞🐣-細細份勁開胃😆即刻打開我豪食大門，鬼斧神工般既刀功將青瓜切到一絲絲，平時食青瓜最怕會好草青味，食得出呢個手撕雞將青瓜醃過同瀝水處理🐣出色出色🥰少少辣🌶濃濃芝麻香💕雜菌大蜆豆腐湯🐚-奶白色既湯非常誘人🤍店員仲好貼心幫我地筆湯，配料方面：豆腐採用左百福果種滑豆腐🤍、秀珍菇mix各種雜菌🍄、莞茜🌿、無沙勁大隻蜆開半🐚，total都有成4️⃣碗，鮮味十足，大片海洋味道🌊大肉蟹🦀（花雕雞油蛋白蒸/避風塘炒/薑蔥炒/胡椒炒/四川香辣炒）-⭕️⭕️推薦推薦推薦⭕️⭕️一定要揀🌸花雕雞油蛋白蒸🥚，睇圖都睇到個蛋白滑到要溜出黎，絕對係屋企點都做唔到，蛋白同蟹肉兩者煮到恰到好處，蟹肉超級鮮甜，肉蟹個殼堅硬無比，好彩師傅扑爛左，唔洗用蟹鉗都輕易拆骨🦴超級新鮮同鮮甜！薑蔥炆龍躉腩-四大件

同事們聯誼，近近地搵响公司附近，見網上食評幾高，一於去試吓。網上訂枱後有專人whatsapp餐單，人多要預先選餐，由於第一次惠顧所以揀咗個每位＄370試吓。其中一道蟶子，到現場先講無貨改黃金蝦，廚房送咗辣味雞翼尖。整體食物味道是不錯，夠鑊氣，黃金蝦就比較遜色，唔夠咸蛋黃味；花膠不能用排形容，味道是好味的。餐單：麻辣鹵水拼盤砂鍋大魚頭豆腐湯🆗️薑沖炆龍躉腩大肉蟹２只(可選花雕雞油蛋白蒸，避風塘炒，薑沖炒，胡椒炒，四川香辣炒）蒜蓉粉絲蒸蟶子皇6只(或流沙黃金蝦）士多啤梨骨花膠扒羊肚菌🆗️蟹油銀芽炒麵甜品：椰汁紅豆糕

母情節晚飯，叫了「御膳」的到會。滿$2000就免費送上門，值得稱讚既係保溫做得好好，打開黎既時候仲好熱。 士多啤梨骨真係好好食，一D都唔酸，甜甜地，幾開胃。古法豉油雞肉質好滑，好入味，正！東星有二食，芥蘭炒球同椒鹽骨。不過條魚有D多骨…薑蔥炒大肉蟹好入味啊

私房菜，就是去到餐館，然後便安排一個私房形式，主廚以自家主廚功力，煮下這一頓的美食。更沒想到，在家也可以享食私房菜。御膳也期於疫情期間，增加了速遞私房菜服務，只要下了訂單和時間，下午5時至8時送貨，免運費，車邊取，隧道費，橋費，偏遠地區再報價，便會有人送上私房美食到屋苑之下，就可以在家中享受美味私房菜，確實讓人感覺窩心。******************************下班回家，便相約好御膳取貨時間，便會有人提前打電話，相談時間和車邊取位置，確實很窩心。回家一看，2大手推袋，當中包括了一個長盒，先打開長盒。打開長盒一看，一個用保鮮包實的錫紙盒，還有一個架和2個加熱器。撕開保鮮紙，再打開錫紙盒，放在一個支架之上。然後點著加熱器，就放在錫紙盒之下，耐心等候加熱。沒想到酸菜烤魚，原價HKD360，以優惠價HKD288就可以享用，還要是用上青班魚，烤魚湯汁配料，還有不少豆卜， 茶樹菇 ，鵝紅， 大豆芽，材料十分，這裏絶對足夠4人食用。真的沒想到，就這樣加熱烤魚，是否足夠弄熱整個烤魚窩，一直在等，大約10分鐘，便開始冒點熱氣出來，再多等幾分鐘，就可以吃。先試青班魚，魚一點都不細條，滿滿

之前常常出街食，而家疫症問題我都會留意左好多外賣速遞，外賣自取相關的資訊，留意到這間之前有食開嘅私房菜餐廳竟然都有做外賣速遞，而且仲送到屋企樓下！避風塘炒大肉蟹+御膳炒飯＄448套餐有一隻大肉蟹是重點，避風塘的炒飯非常入味，而且又香，可以撈白飯食。大大隻肉蟹，啲肉超級豐富，而且蟹鉗非常大份，簡直是大滿足！而且味道亦非常新鮮，鮮甜。炒飯方面也是比較有味道的，味道有鹹香，而且也有一些大蝦及帶子粒，海鮮有十足鮮味又爽口，每一粒米飯都炒得均勻。 送到來嘅時候仲熱辣辣，可以直接享用，下次我再試試其他，再來跟大家分享！

從未見過飲食業遇上如此寒冬，打擊似乎是一浪接一浪，大家在疫境求存，真是攪盡腦汁，務求有一線曙光。近日除了點心大戰，相信外賣取餐亦是另一戰場，不少酒店推出百零蚊外賣，確實是匪夷所思，家陣有餐廳更進一步，幾遠都送。或者大家會諗，其實樓下茶餐廳都有同樣服務，又何必老遠去訂？講真吖！4人一檯政策，家中多一位成員已經不用考慮，踫上了喜慶日子，又想食得好少少，叫外賣未嘗不是一個好方法。位於觀塘工業大廈內的御膳，半年前曾再次到訪，水準依然，而電話落order無須加10%服務費，但會按地區遠近加收費用。今次選擇了4人套餐，送餐時間可先跟餐廳聯絡以作安排。前菜可以在手拍青瓜、桂花糖蕃茄或風味雞亦尖中選擇其中一樣。而今次見會點避風塘炒蟹，特意來點清爽的青瓜，平衡一下口感。老實說，青瓜幾脆口，但點嫌陳醋輕盈，個人始終喜愛重口味。大肉蟹一只（可選花雕雞油蛋白蒸、避風塘炒、薑沖炒、胡椒炒或者四川香辣炒） 之前講過，選擇了避風塘口味，因如蛋白蒸怕運送過程中會震散。肉蟹足一隻，香辣蒜粒極多，夠鑊氣，建議自己煲定白粥，將蒜粒用作拌粥都好好食。 豉椒炒蜆打開盒蓋依然冒著熱氣，炒得好惹味，同蟹一樣，送啤酒一流。碧綠

之前都有去御膳食私房菜，通常都好多人一齊食，飲下酒傾吓計，但係因為最近疫情問題，都少咗出街食飯，最近睇返OpenRice見到佢有外賣速遞，就試吓佢個大肉蟹同堂食有冇分別！避風塘炒大肉蟹+士多啤梨骨 ＄420呢個價錢仲包埋運輸，真係OK抵食！個大肉蟹真係超級經典，依然好有質素，大大隻，裏面啲肉係爆曬出嚟，而且油香十足，肉質鮮甜，夠晒入味。當然依種蟹係冇咩膏嘅～士多啤梨骨個份量都OK，同堂食差唔多，側邊仲有啲士多啤梨粒粒，酸酸甜甜D肉又唔乾，非常開胃！

近日都多左係屋企食飯，但成日自己煮都悶悶地咁岩見到以前去食過ge 私房菜宜家有做外賣😍即刻就嗌黎回味一下外賣好方便，係whatsapp 落單就可以佢地會送到樓下，自己落去拎...送到黎ge 時候，用保溫袋包住...我住得唔太近御膳，但佢都keep 到溫度...唔勁整番熱都ok一開盒其實同係餐廳食一樣都係擺得好靚本來諗住轉碟，都難得再擺，破壞左個美感🤣味道依然出色大肉蟹係新鮮ge, 而且啖啖肉🤤避風塘ge 料就好好送飯...大家都好滿意古法豉油雞入味又嫩滑...唔洗一陣就已經比我地清晒如果大家唔想自己搞咁大陣象，叫私房菜外賣真係岩晒

想吃新鮮美味的海鮮，又不想到大排檔人流太多的地方，不妨考慮到樓上的私房菜，例如在觀塘敬運工業大廈12樓這間御膳。正門外有酒精搓手液讓食客消毒雙手。手拍青瓜一坐下來，當然要吃些前菜，這份嫩綠爽口的手拍青瓜也做得不錯，酸酸的醋汁加上蒜蓉，香口又開胃。薑蔥炒大肉蟹這隻大肉蟹份量的確是很巨大，蟹鉗非常厚身，煮法有三種可以選擇，這份是用薑蔥炒的，最能夠保持蟹肉的原汁原味，鮮甜嫩滑。豉椒炒大蜆豉椒香氣怡人，大蜆也已經吐沙，蜆肉飽滿多汁。碧綠炒龍躉球龍躉魚肉經滾油爆香後，更顯得結實鮮甜，龍躉魚脂感重，非常香口，西蘭花吸收了魚汁的鮮甜精華，份外美味。士多啤梨骨這道菜絕對是生炒骨的進化，將菠蘿換成一樣酸酸甜甜的士多啤梨，顏色更鮮豔之餘，士多啤梨的香味比菠蘿更濃，真正色香味俱全。蟹油炒麵外貌看上去平平無奇的炒麵，只能吃落口中才能感受到它的可口，蟹油比普通一般炒麵用的豬油，味道更純更清，而且還帶一點海鮮味道，絕對是上乘佳品。上湯浸時菜用濃湯浸綠嫩白菜仔，味道清新而不會過淡。最後還有自家製作的芒果布甸作為飯後甜品。

有老友話我知觀塘有間樓上私房菜好唔錯，上星期已經卜左，今晚食餐勁既。呢間位於觀塘工業大廈既私房菜，唔好睇佢門面細細，但入到去就別有洞天，枱大位置又唔迫，坐得舒服，而且仲有獨立房間，絕對係一班朋友吹水食飯既聚腳點。前菜我地揀左青瓜，酸酸辣辣非常醒胃。薑葱炒大肉蟹，唔係講笑，呢隻蟹我諗有斤半，薑葱味足之餘炒得唔會過火，隻蟹仲有肉汁係啲肉入面，真係令人食指大動。炒龍躉球又係值得一提，魚肉彈牙，調味一絕,份量仲唔少。士多啤梨骨炸得蘇脆，酸酸甜甜，食到停唔到口。最後黎個蟹油炒麵，炒麵乾身，蟹油味真係不得了，原來同炒麵係咁夾。食飽飲醉，原來店員同我地講仲有外賣服務，足不出戶就可以享受美食，呢間私房菜以後睇黎可以列入我飯堂之一啦。

食到佢地既外賣喇~~今晚唔想出去搵野食~上openricce搵下搵下,,,搵到御膳佢原來區區都送,,,我超suprise~跟住我見到佢個避風塘炒大肉蟹加士多啤梨骨餐,,我即刻嗌左,,,黎到都呆左,,,我本身諗坐黎到都會出哂倒汗水存喇~但算啦~唔好出街佞,,點知黎到我係心心眼左~佢每一盒都用保溫袋袋住,,,,一拆盒所有野都仲係暖架~一開波就食左個蟹鉗先,,,,哎呀,,,好入味呀,,,好多肉,,,佢地細心到就己經每部份都幫人打爛哂D蟹殼喇一啖蟹肉,,加一啖炸蒜,,,極品呀~~~跟住再開埋個士多啤梨骨餐,,,一打開有重重的士多啤梨味,,,勁厚肉,,,夾小小肥膏,,唔太多,,岩岩好~呢個送飯係正既~同埋好開胃呀~同屋企人搶住食~平時食咕嚕肉都食到厭,,,所以覺得呢個好新鮮,,,,食完己經想番兜。再嗌多個啫啫芥蘭煲,,,,份量多,,,佢仲擺左蝦乾入去~好鐘意,,,

講起私房菜點可以唔提觀塘既御膳，今次已經係第3次去，帶埋幾個朋友去捧下場先。呢度最好就係啲位夠曬闊，坐得舒服，又有獨立房間，私隱度相當之高。手拍青瓜，酸辣咸甜味道非常平均，作為前菜真係非常醒胃。大肉蟹就緊係要配薑葱，蟹肉炒得唔會過火，薑葱入味，而且真係好大隻，無花無假。炒龍躉球鮮味十足，肉質彈牙，食落好新鮮，調味亦都相當好，回味無窮。士多啤梨骨，汁黎講做得相當好，甜酸得宜。炒麵加左蟹油非常惹味，麵身亦炒得夠乾，難得美食。原來仲有送外賣服務，咁以後唔使落黎都可以食到咁高質既私房菜。

之前在社交平台見到御膳有外送服務，套餐有不同組合，今天下雨了，不想買菜，就決定試試看。車到之前會打電話confirm，有交帶。食物用保温袋裝。送到黎都仲好乾淨，最怕d外賣又濕又油，而且膠盒都係比較有質素的。避風塘炒大肉蟹+古法豉油雞半隻$458大肉蟹炒得很香，蟹肉新鮮肥大，辣辣的很惹味，避風塘炸蒜也很好下飯，色香味俱全，甚有大排檔風味。古法豉油雞半份也蠻大份的，非常鮮味，而且肉質相當嫩滑，不會過熟，豉油汁入味，葱油是新鮮做的，真心好吃。總的來說，食物不單很乾淨好吃，在家吃的感覺可以食得更自在，更重要的是不用自己煮，也不用洗東西。下次會再order!