御膳

營業中

休息中

今晚舊友聚會，約在觀塘工廈中嘅御膳。原本朋友打黎約飯局時，我仲意為係之前新聞 話嘅感染群組嗰間，跟住朋友急住解釋，唔係呢間，係同區另一間。餐廳係專做私房菜，即係廚師會睇當日最靓最鮮嘅食材，所以質素一定有所驚喜。什菌大蜆豆腐湯--簡單鮮甜嘅味道，而且湯料十足，只可惜未算是大蜆。香芒沙律大蝦球--朋友話呢度係招牌菜，佢每次黎都必點，事實真係唔錯,豐富嘅沙律，配搭薄粉但又炸得香脆嘅大蝦球，加上師傅秘製醬汁好滿足。姜葱大肉蟹鑊氣十足，炒得夠乾身又唔太咸。生煎東星班通常新鮮魚都會選擇蒸，而師傅選擇做生煎，鎖住鮮甜肉汁，外皮香脆肉質依然保持嫩滑白胡椒爆炒鮑魚嘩，成隻匙咁大，白胡椒汁掛住做個點綴，都ok百花雞--呢度我好期待，因為通常喺電視飲食節目先睇到，平時酒樓都好少做，因為多工。但同想像中有所出入。只可以話係欣賞師傅嘅功夫。上湯浸時菜蟹油炒麵--外表普通嘅炒麵，食落真係有蟹油嘅香味，好味芒果布甸總括樓面同事服務有禮，餐廳環境衛生，出菜快，我會再來

聽講觀塘工廠有間幾好食既私房菜，今次去試試先今次叫左四樣野，有蒜蓉粉絲蒸開邊龍蝦、芝士海蝦脆麵、香芋雞煲同埋清蒸黃皮老虎斑。蒜蓉粉絲蒸開邊龍蝦：龍蝦份量都算多算大隻，而且開曬邊方便食，一叉落去就啖啖肉👍🏻 龍蝦肉質唔會太霉太腍，食落都算彈牙，好食😋芝士海蝦脆麵：脆麵炸到脆卜卜好正，加上大量芝士醬，芝士醬唔會太鹹又唔會太淡，啱曬我依啲芝士控🤤海蝦大概有8隻，都幾大隻，肉質彈牙香芋雞煲：依個真係不得了呀，個香芋整到入口即溶，又腍又入味，好食到一啖接一啖👍🏻再加埋啲雞好滑，值得一試😋😋清蒸黃皮老虎斑：條老虎斑又係好大條🤣即使條魚禁大條但啲肉唔會鞋，個火控制得幾好👍🏻加埋香蔥豉油就梗係好食

自從疫情好轉開放番晚市堂食，開始報復式出街食飯。今次同屋企人黎到觀塘依間幾出名既私房菜，地方舒適得黎食材都好高質，冇令我失望。富貴金龍，好大份，係用左原條2斤沙巴龍躉做，每件魚都炸到外脆內軟，好香口避風塘炒大肉蟹，好耐冇食過避風塘炒蟹，辣辣地再有埋鍋味好正，蟹肉都十分 juicy上湯花龍蝦，龍蝦好新鮮，肉質彈牙爽口，入面啖啖龍蝦肉，完全值依個價蒜蓉粉絲蒸蟶子皇，蟶子超鮮甜，粉絲索哂 d 佢既肉汁，配埋蒜蓉好香好開胃。古法豉油雞，雞肉好嫩滑，份量都幾多下，肉又唔會太肥膩，唔錯荔茸百花卷，賣相已經吸引，好特別，入面有用左芋頭、芹菜同埋新鮮大海蝦做，食落去好鬆化，芋頭味好香濃，值得一試

平時最鍾意去私房菜食，呢度亦成為我半個飯堂，喜歡佢有私人空間，最適合一大班朋友一齊敘吓，飲吓酒食吓飯，今次仲有大有細，點會唔揀嚟呢😁大蜆雜菌豆腐湯大大隻蜆又無沙，魚湯底鮮甜芝士花龍蝦芝士愛好者必定喜歡，芝士味濃厚，龍蝦彈牙爽口，個個都讚不絕口菌皇伴大鵝掌大大隻鵝掌炆得好入味又淋，連埋菌皇一齊食一流香芒沙律大蝦球芒果沙律非常清新，大蝦球好有口感，大小朋友都喜愛金華玉樹雞金華火腿配雞好夾，鹹香十足，雞滑又入味富費金龍每件魚都炸得酥脆可口，仲好Juice，呢個真係好考廚師技巧👍🏻

老公生日想食避風塘炒蟹, 見到這間好多好評就試下, 整體來說啲食材唔得, 好失望.叫咗個套餐$930：雞翼尖（送的, 最好味道這碟）、麻辣手撕雞（一般）、雜菌豆腐大蜆湯（唔新鮮, 蜆肉腥）、 避風塘炒蟹（唔新鮮, 蒜唔脆, 蟹肉食落口梅的）、白胡椒香爆南非鮑魚（一啲凍一啲暖, 唔知佢想點） 、流沙黃金蝦（唔新鮮, 蝦肉又是梅）、蒜蓉粉絲蒸聖子皇（好味道）、炒芥蘭（菜好老）.價錢可以, 味道可以, 服務可以, 但食物咁嘅質素, 唔會再幫襯

近排疫情好轉之後，食肆都多咗好多人食嘢，而且亦都好耐無同屋企人食飯，因為屋企人大家工作時間要夾。記得呢間食過唔錯，同屋企人食飯，咩時間都一樣咁開心😊—————————😇十八香炒辣蟹：加四十元就可以試呢款十八香味道，咁特別嘅煮法，梗係要試吓，聽侍應講話因為呢種煮法嘅香料係要特別準備，仲要另外買罐啤酒煮，咁特式嘅味道，一於就食呢個煮法👏，味道果然係好出色，蟹肉新鮮，肉甜又帶點辣又有好香的黑胡椒味道，啤酒的香氣揮發在蟹內，連D蔥都一樣咁好食，秘製的香料就煮成一個十八香的炒辣蟹👍——————————😍八寶鴨：想食就一定要提早兩日預定，好在我一早就訂好枱，仲訂埋呢隻咁特別又真正起左骨嘅八寶鴨😉入面又足料，材料多到未食已經流晒口水。入面有「瑤柱、蝦乾、蓮子，金華火腿、龍眼肉，紅棗，薏米，冬菇，芋頭，栗子， 糯米」😉😋鴨又炆得夠腍，裹面嘅食物仲入晒味，而家回味反都流晒口水出嚟😛—————————😄荷香龍躉球蒸飯魚🐟直情係我至愛，仲要係龍躉，荷葉嘅香氣蒸出來已經夠哂飄香，仲加埋龍躉蒸出來魚的鮮味，飯真係好味到呢！平日不太愛吃飯的我都要食反碗😂—————————-🤗砂鍋大魚頭豆腐湯又係我的至愛，魚頭、豆

朋友極力推介一間比較隱蔽嘅私房菜，地方舒適，又可自帶酒品，免開瓶費👍🏻 士多啤梨骨 好香士多啤梨味，酸酸甜甜好開胃 大蜆什菌豆腐湯 完全冇沙嘅大蜆湯，魚湯底清甜鮮味✨ 麻辣手撕雞 手撕雞肉嫩，重麻油香，少少麻麻辣辣非常惹味 蟹油銀芽炒麵 蟹油味濃郁，炒麵做得非常好，唔會油冧冧 30頭南非吉品鮑魚扒鵝掌 勁滿足既南非吉品鮑😋，肉質彈牙，鵝掌炆得岩岩好，肥美鬆化 生煎東星斑十二兩 有成12両重嘅東星班夠晒份量 而生煎係第一次品嚐，外脆肉嫩，大小朋友都好喜歡💕

朋友敘舊當然要搵D坐得舒服又唔怕嘈到人既地方啦😁今晚特意過嚟觀塘食私房菜，喺工業區內雖然非常隱蔽✨最開心可以自帶啤酒，紅酒，或其他酒類，免開瓶費🥳麻辣手撕雞 🐔手撕雞肉嫩，少少麻辣非常惹味大蜆什菌豆腐湯什菌豆腐增加魚湯底鮮甜，每粒蜆都大大隻又冇沙👍🏻胡椒粉炒大肉蟹我最喜歡肉蟹啖啖肉，胡椒粉勁香濃惹味🦀蟹油銀芽炒麵食完蟹再食呢個蟹油炒麵，口腔內既蟹味持續保存.. 重點係… 唔油💯，朋友勁讚，手慢都無得食😁麻辣雞煲雞肉嫩而且相當入味，配啤酒一流🍺花膠扒羊肚菌女士最愛既花膠扒，配埋羊肚菌既獨特香味，養顏又可增骨膠原🥰蒜片牛柳粒餐廳是用牛柳，真正既牛柳粒，唔似外邊其他餐廳用西冷，散點的話290g ,$240

美味佳餚，私房菜絕對係選擇之一屋企人最鍾意中菜芝士花龍蝦試咗個邪惡煮法，芝士徹底溶化，龍蝦真係做到可以鎖緊肉汁，彈牙鮮甜，而且唔係得虛殼，好多肉胡椒炒大肉蟹，黑胡椒粒和青胡椒炒香，配上新鮮大肉蟹咁大嘅巨形蟹箝肉厚到呢真係太吸引啦 濃濃的黑胡椒味道蟹肉被香濃惹味的黑胡椒炒過胡椒香辣不嗆喉，而且不會蓋過蟹的鮮甜 蒜蓉粉絲蒸蟶子皇，粉絲簡直係精髓，因為吸左蟶子皇的鮮甜，而且蒜蓉惹味，配飯一流麻辣鹵水拼盆，呢個辣唔會頂唔順，反而夠滋味，同普通鹵水唔同啊，唔會鹹~

好耐冇同朋友敘舊今晚特意過嚟觀塘食私房菜，喺工業區內雖然非常隱蔽，但喜歡佢地方寬敞，坐得舒適💯麻辣滷水拼盤有金錢肚、豬大腸、手撕雞豬大腸非常入味，手撕雞肉嫩，少少麻辣非常惹味薑蔥炆龍躉腩薑蔥汁濃厚，龍躉腩啖啖肉，怕食骨朋友岩哂😆芝士花龍蝦 🦞芝士帶有奶香忌廉味，龍虾隻隻肉厚飽滿，爽口彈牙，鮮甜無比😋避風塘骨第一次食避風塘骨，非常惹味，送酒一流🍻上湯浸時菜食咗咁多肉肉，食番清淡蔬菜清清口腔富瑤炒飯炒飯抄得好乾身好香，唔會油淋淋👍🏻雲呢拿布丁香濃雲呢拿味，做飯後甜品100分 😋網上訂座仲會送小食🤭

等到頸都長終於開晚市，當然要約埋老友食好D同飲番幾杯吹吹水啦，朋友介紹呢間位於工廈既隱蔽中式私房菜館，菜式選擇多，海鮮新鮮且份量十足，今晚一定好滿足😁大蜆雜菌豆腐湯每粒蜆都大大隻又無沙，魚湯底鮮甜，配豆腐雜菌好夾👍🏻麻辣鹵水拼盤有豬腸、牛肚、青瓜，炆得好淋入味，小小麻辣好醒胃，送酒一流🍻花雕雞油蛋白蒸大肉蟹嚟到巳勁香，雞油蛋香好滑，肉蟹份量亦唔細，啖啖肉好滿足😋上湯花龍蝦龍蝦當然係重頭戲，大大隻咬落彈牙，麵炸得脆脆，吸哂上湯龍蝦精華，超正🤤金湯海皇翅湯頭非常鮮甜，同平時婚宴食嘅爭好遠，翅既份量唔少，非常美味嘅湯羹💯荔茸百花卷百花卷做得好酥脆，外脆內軟，非常出色🅰️

非常感謝他們預備的盤菜，瑤柱非常好味道，鮑魚也是煑得恰到好處。年廿九第一次食，call Gogovan 要收HKD 143 😡,第二次自己去拿，御饍哥哥仔已經早我們一步在街口等我們提取，謝謝。

團年飯，聚會時候到了～一家人👨‍👩‍👧‍👧係屋企食盆菜冇辦法啦夜晚冇得出去⋯⋯呢間用既食材上乘，之前堂食佢哋嘅質素都好高所以見到佢哋宣傳圖，都對佢哋嘅盤菜都好有信心提早預訂就可以取了超級豐富！多款食材，每一款屋企人都好滿意啊大大的鮑魚，美味的大花菇仲有原隻南非鮮鮑魚、日本瑤柱、古法鼓油雞、潮州鹵水鵝皇、醬油炆豬腩肉丶鮑汁炆花膠丶醬皇炆蘿蔔、古法炆豬皮、蠔皇炆大花菇、南乳炆枝竹豬手！盆菜既醬汁無添加味精，全部原汁原味！濃郁味道，可以加水～咁樣就可以食完再打邊爐🍲擺下啲蔬菜落去，其實我哋都食唔落因為份量太多了！八人盤菜個份量都食唔晒再加上所有材料都好新鮮，唔會有雪藏味道

薑汁炒芥蘭加入芥蘭用大火炒香，芥蘭有獨特的甘香，跟香辣的薑，會十分搭配，加上蒜头爆香會更加滋味，又唔會好單調金銀蒜蒸龍躉腩鮮滑的龍躉腩，真係好多肉，最緊要無咩骨，非常方便我同朋友覺得好滋味，而且墊底嘅粉絲一流，吸收晒精華！椒鹽豆腐，熱辣辣上，加上脆脆的外皮，裡面好熱要小心食啊！唔好食得太快麻辣滷水拼盤少少麻辣配上滋味鹵水，原來都一樣禁夾又開胃花雕雞油蛋白蒸大肉蟹大肉蟹肉質爽口彈牙，新鮮滋味加上花雕雞油蛋白都好夾，少少酒味絕對無問題，唔會話遮蓋肉蟹的鮮甜，反而提鮮！潮州滷水鵝鹵水唔會影響原汁原味的天然鵝肉甜味，唔會死鹹反而剛剛好滿足的晚餐，大家都好滿意，而且我地自己帶酒，免開瓶費又可以節約一筆費用啦！

環境要好，味道都要夠好同屋企人一定要食餐好蟹油銀芽炒麵彈牙又有蟹香 ，有先爆香韭黃及銀芽，有試過其他炒麵，有時候炒得不夠乾身，有時候太油膩，呢間有大量芽菜我最愛蒜蓉粉絲蒸蟶子，因為蒜蓉味道滲入蟶子之中，而蟶子的鮮味被粉絲充份吸收。蟶子殻上鋪上粉絲，超級入味而且鮮甜，味道好夾香芒沙律大蝦球，簡單食材都可以好豐富，大蝦都新鮮鮮甜，彈牙好味！東星斑椒鹽骨，媽媽話東星斑是深海魚中上品，估唔到有呢個料理方法，椒鹽惹味又有口感避風塘炒蟹，其精髓絕對係蒜蓉！新鮮螃蟹搭配佢地秘製的避風塘佐料，超級惹味，加上熱騰騰送上，大家都好鐘意！大蜆什菌豆腐湯（魚湯底）大蜆索曬d湯汁，而且鮮甜味出，唔會有沙或者唔新鮮，豆腐夠滑而不散開，魚湯味道濃郁同埋佢地盆菜一直到農曆新年，都可以食！朋友仲提我話 網上訂座有小食送，更加抵啦~