薑汁炒芥蘭 加入芥蘭用大火炒香，芥蘭有獨特的甘香，跟香辣的薑，會十分搭配，加上蒜头爆香會更加滋味，又唔會好單調 金銀蒜蒸龍躉腩 鮮滑的龍躉腩，真係好多肉，最緊要無咩骨，非常方便 我同朋友覺得好滋味，而且墊底嘅粉絲一流，吸收晒精華！ 椒鹽豆腐，熱辣辣上，加上脆脆的外皮，裡面好熱要小心食啊！唔好食得太快 麻辣滷水拼盤 少少麻辣配上滋味鹵水，原來都一樣禁夾又開胃 花雕雞油蛋白蒸大肉蟹 大肉蟹肉質爽口彈牙，新鮮滋味加上花雕雞油蛋白都好夾，少少酒味絕對無問題，唔會話遮蓋肉蟹的鮮甜，反而提鮮！ 潮州滷水鵝 鹵水唔會影響原汁原味的天然鵝肉甜味，唔會死鹹反而剛剛好 滿足的晚餐，大家都好滿意，而且我地自己帶酒，免開瓶費 又可以節約一筆費用啦！

極尚大喜屋一向都係放題界encore 首選 今次我就同朋友仔去左銅鑼灣個間 好快已經安排座位俾我地 座位夠哂寬落 依家仲轉左用QR code 落單更加方便又環保添 放題首先當然要食刺身先啦 刺身水準唔錯 件件都好大件 由其係三文魚 油脂分佈好平均 大赤蝦都好鮮甜美味 除左刺身我地都有叫壽司同海膽手卷 海膽夠哂鮮甜 另外仲有芝士鰻魚玉子燒真係超級惹味 我地都encore左幾次 熟食方便都唔錯 燒鰻魚 爆炒鱔球 芝麻雞翼 西京燒 其中呢幾款我地都有再encore 除左QR code落單之外 出面都仲有飲品區 熟食區 甜品區 有好多種類俾大家選擇 整體食物都好有水準 下次都會再黎食

之前係觀塘食過覺得唔錯 咁岩同男朋友係旺角行街 諗唔到食咩 就去左試一試呢間旺角分店 入到去 整體環境都ok 不過比起觀塘就細d 但都坐得幾舒服 我地都係嗌左一個二人餐 前菜係忌廉南瓜湯同胡麻沙律 兩樣野都好好食 由其是南瓜湯 奶味香濃 好正 我地仲加左個小食拼盤 有三款熱辣辣的炸物 好惹味 主菜我地就揀左溫泉蛋煙肉野菌黃金卡邦尼扁意粉&安格斯牛肉手工竹炭漢堡配薯角 兩樣主菜都份量十足 意粉就比較港式卡邦尼 重忌廉味 而漢堡的牛肉十分juicy 肉味亦好濃 配埋爽脆蕃茄 真係好好味 最後我地加左一客抹茶心太軟做甜品 呢個真係有驚喜 中間流出濃濃的抹茶醬 食落去又唔會太甜 配埋曲奇味雪糕 認真一絕

未試過法國菜式美食 估唔到呢度都好有情調 裝修得有心思仲有露台啊 不過嗰日落雨就冇得出去 裝修有風格，而且都有唔同set 飲杯紅酒🍷開心下先 先食返呢度既生蠔 🦪款式多仲有半價Pinky、Krystale 價錢都比較抵，同埋夠creamy又有海水味 首先麵包已經有唔同口味 仲可以有唔同味道嘅醬料 香草茄子醬、辣肉腸南瓜醬，我自己就比較鍾意茄子🍆的味道 比較想食白露筍溫泉蛋配黑松露荷蘭醬 黑松露味道真係比較突出 溫泉蛋香味濃郁又唔會太搶味 一片片的黑松露非常豐富 飲埋蟹肉紫椰菜忌廉湯 鮮香蟹味非常濃郁 如果鍾意蟹一定飲！ 白味增蛋黃醬焗皇帝蟹腳 大大舊肉，而且好容易起 非常有口感又熱辣辣 主菜我仲有朋友推介要試吓呢個法式焗龍蝦龍蝦肉質彈牙又結實，鮮甜原味 甜品真係期待～雪芭凍冰醒神 茉莉花玫瑰茶一杯清腸胃 baileys慕絲配麵包糠，仲有馬卡龍同埋蝴蝶酥！

今晚朋友生日約食飯，同事推介左呢一間係觀塘駱駝漆既cafe，我見網上d人介紹都唔錯，同埋有好多貓，朋友又係貓奴，咁就一於book黎試下，俾個驚喜佢 cafe環境好寬敞，座位都好舒服，貓貓俾我想像中多，隻隻都好乖好可愛，朋友見到超級鍾意 我地睇完個餐牌之後叫左個二人餐，另外再加左個滋味2人小食拼盤 二人餐有兩份餐湯同沙律，可以簡兩樣主菜，我地簡左挪威煙三文魚水煮蛋黃金卡邦尼扁意粉同埋巴馬火腿拉絲水牛芝士手工簿餅，個意粉味道較得好好，個汁好濃，簿餅都冇令我失望，芝士真係拉到絲，好正小食拼盤有3款野食，份量好足，仲有我最愛既薯條 原本打算叫多個奶凍做甜品，不過呢一餐太滿足我地都食唔落lu，唯有下次先再食啦

今日行過長沙灣保安道街市附近見到呢間燒味舖d燒味飯賣得咁平，雙拼燒味飯都係22蚊，又有好多人買緊野，望落d燒味都幾靚仔，所以就買左幾樣野返屋企加料 叫左半隻招牌至尊燒鵝，盒燒鵝真係好大盒，皮脆肉嫩好juicy，肥瘦又適中，唔會太多肥膏，又唔係瘦到好韌好難咬之前係其他舖頭都有買過燒鵝，不過一係就太肥咬落成口油，一係就太瘦好韌好難咬，所以我覺得呢次隻燒鵝好正，下次經過都會再買 仲有叫埋叉燒同原味手撕雞，叉燒唔算好肥都瘦瘦地，不過食落都ok，手撕雞個份量都好多，d肉都好juicy好滑，下次要試埋個麻辣手撕雞

今晚突然想鋸扒就去左呢間我成日去既餐廳 佢既價錢都算親民 百令蚊包左湯 主菜 同埋野飲 重點係佢d扒既質素比出面既好 我推薦大家要試佢既T骨牛扒 肉質非常嫩滑 5成熟岩岩好 提一提佢杯凍啡都好好飲 大家行過可以試下

星期日同媽媽去左花墟買花 買完後見到呢間點心鋪 又諗起好耐無同媽媽飲茶 就入左去試下 點心既質素都中上 我極度推薦大家要試佢既糯米雞同馬拉糕 我覺得真係超好味 而價錢亦唔係特別貴 如果大家行開行埋可以一試

係旺角朝早做完野 諗住食番個靚早餐就去左呢度 佢既價錢都三十令蚊 但我極鐘意佢個沙嗲牛麵同杯凍奶茶 沙嗲味極濃 而且d汁係會掛係d麵到 實屬重口味之選 而杯奶茶既奶味亦非常香滑 飲完真係成日個心情都舒暢哂

難得放假 同媽媽去左呢度飲茶 星期六佢都有下午茶特價時段 我地嗌左幾樣點心 整體食物水準都不錯 特別係馬拉糕 佢蒸出黎十分之鬆軟 亦有濃濃既奶香味 暫時算係我食過咁多間最好食的 另外 衛生環境狀況亦幾好 推薦大家可陪屋企人黎呢度試下