御膳

營業中

休息中

觀塘工廈除了開倉特別多外，其實特色餐廳私房菜都多，今日就去左間幾隱蔽又唔多人識去的御膳私房菜。今次係二訪，好似成年冇來了一來唔係成日去觀塘二來冇人陪，今次好友話想食海鮮叫我諗，我決定同佢來食。話明想食海鮮，那麼緊要來個海鮮二人餐呢！ 有避風塘炒大肉蟹一隻， d炸蒜辣椒超香口忍唔住留左d 配最後來的蟹油炒麵拌住食， 肉蟹大隻亦夠惹味。 涼拌小菜係手撕雞，人手撕開的雞絲拌勻青瓜絲仲有芝麻的香味好清爽。另一海鮮驚喜之作蟶子，長長肉厚鮮甜的蟶子簡單清蒸絕對夠贏。 愛吃肉的我見到士多啤梨骨都流口水，食落酸甜夠軟腍唔會硬。 蒜蓉炒芥蘭亦唔錯唔會過老。食哂所有野後來再終極甜品，芒果布丁， 我們很滿足。