影片
更多
2021-11-04
142 瀏覽
御膳觀塘敬業街65-67號敬運工業大廈12樓F室近幾年潮流好興食上樓私房菜，不過聽到好多朋友都話唔係間間都咁好食，質素好參差，所以黎之前都做晒功課，見到呢間位於觀塘區既<御膳> 係網上好多評價都好高，而且位置好方便，係地鐵站行過黎只係幾分鐘，收工約埋朋友黎呢到聚會就岩晒啦菜單係黎之前餐廳已經同我confirm左，所以人齊坐低就已經可以上菜啦，首先係飲碗靚湯先啦，今日例湯係鮮甜既大蜆什菌豆腐湯，跟住再上埋頭盤麻辣手撕雞，餐廳好細心仲會預先問定如果唔食辣既朋友，可以揀走辣，值得一讚蒜蓉粉絲蒸蟶子皇好似對筷子咁長既蟶子皇真係好正，餐廳處理得岩岩好，唔會蒸得太耐搞到好韌，配合埋蒜蓉粉絲，真係無得頂呀芝士焗花龍蝦主菜黎啦，見到已經覺得好吸睛，龍蝦可以選擇3款烹調方式，分別係芝士，香煎或者上湯，我地當然係揀芝士啦。。食落芝士味好濃郁鋪滿晒龍蝦既表面，加埋墊底既炸麵一齊食就最正，而龍蝦本身都好新鮮，肉質 鮮嫩彈牙白胡椒爆炒南非鮑魚除左龍蝦之外，呢款鮑魚都係重點推介，餐廳用左白胡椒炒，非常惹味，真係一試難忘呀薑蔥炒龍躉腩用薑蔥炒好惹味，龍躉腩本身肉多骨少，加埋外脆內軟既口感，讚呀潮州鹵
觀塘敬業街65-67號敬運工業大廈12樓F室
近幾年潮流好興食上樓私房菜，不過聽到好多朋友都話唔係間間都咁好食，質素好參差，所以黎之前都做晒功課，見到呢間位於觀塘區既<御膳> 係網上好多評價都好高，而且位置好方便，係地鐵站行過黎只係幾分鐘，收工約埋朋友黎呢到聚會就岩晒啦
菜單係黎之前餐廳已經同我confirm左，所以人齊坐低就已經可以上菜啦，首先係飲碗靚湯先啦，今日例湯係鮮甜既大蜆什菌豆腐湯，跟住再上埋頭盤麻辣手撕雞，餐廳好細心仲會預先問定如果唔食辣既朋友，可以揀走辣，值得一讚
蒜蓉粉絲蒸蟶子皇
好似對筷子咁長既蟶子皇真係好正，餐廳處理得岩岩好，唔會蒸得太耐搞到好韌，配合埋蒜蓉粉絲，真係無得頂呀
芝士焗花龍蝦
主菜黎啦，見到已經覺得好吸睛，龍蝦可以選擇3款烹調方式，分別係芝士，香煎或者上湯，我地當然係揀芝士啦。。食落芝士味好濃郁鋪滿晒龍蝦既表面，加埋墊底既炸麵一齊食就最正，而龍蝦本身都好新鮮，肉質 鮮嫩彈牙
白胡椒爆炒南非鮑魚
除左龍蝦之外，呢款鮑魚都係重點推介，餐廳用左白胡椒炒，非常惹味，真係一試難忘呀
薑蔥炒龍躉腩
用薑蔥炒好惹味，龍躉腩本身肉多骨少，加埋外脆內軟既口感，讚呀
潮州鹵水鵝
鹵水鵝既份量都算幾多，好重鵝肉味，食左幾款海鮮，食返個鵝肉中和下，絕對係最佳既選擇
蟹油銀芽炒麵
估唔到呢個炒麵都幾大碟，本身去到尾聲都有d飽，但試左一啖又覺得幾好味，因為餐廳炒得好乾身感覺唔會太油膩， 唔錯
張貼
