影片
港鐵尖沙咀/尖東站 B2 出口, 步行約3分鐘
繼續閱讀
電話號碼
21161735
98517951 (WhatsApp)
開飯介紹
由日本藉主廚坐鎮的鐵板燒餐廳，為多款海鮮及肉類食材自家調配多款獨特的汁醬，並配上各款清酒給你極尚的和食體驗。鐵板燒爐置於店中，讓你近距離觀賞廚師的烹調技術。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
朋友約食飯，安排左一餐鐵板餐，都安排好喇！唔使諗,一於跟佢去🤭三日月位於尖沙咀金馬倫道23號金馬倫廣場2樓B號舖。地方都幾容易搵，地方都算大，環境都幾舒服，可以選擇坐吧檯，見住廚師為你準備美食！店員服務都非常好，廚師每做好一樣菜，店員都會講解食材，服務到好位！三日月一人前鐵板餐：前菜：沙律+三小點火龍果雜菜沙律，清新開胃！三小點分別有牛蒡，日式豆腐，雞肉刺身,作為一個開胃菜都唔錯，幾有特色！極上刺身,有赤身魚，魷魚，油甘魚，口感細緻，肉質鮮嫩！廣島蠔,肉質肥美，帶有淡淡嘅海水味！鮮活南非鮑魚：未煮嘅時候好新鮮，喺度掙扎，煮熟咗，入口肉質鮮嫩彈牙，配埋紫菜昆布口感更上一層！茶碗蒸：一開蓋陣陣黑松露香味，蛋蒸得好嫩滑，魚籽，木耳絲令到蛋嘅層次多咗！深海野生白鱈魚：擺盤精緻，魚肉鮮甜，肉質嫩滑，加上白汁，蔬菜汁，入口味道更豐富！帝王虎蝦：見住師傅將蝦拆件煎，上菜時再砌返好，呢個過程都係一種享受，蝦肉彈牙，蝦鬚鬆脆,唔錯！鹿兒島黑毛豬肩：擺盤好有意境，肉質juicy惹味，油脂越食越香！加埋蒜片簡直一流！鹿兒島黑毛豬薄燒卷：黑毛豬卷住雜菜雜菇，口感豐富！鐵板炒飯：一個有生命嘅炒飯，因為放咗木魚絲，飯嘅熱力令到木魚絲鬱嚟鬱去，好有畫面！味噌湯,入口濃郁，唔會太鹹，湯啱啱好！甜品：紅豆綠茶大福,甜度適中！呢個做呢一餐噶收尾剛好！
繼續閱讀
今日唔使返工，兩個人出嚟行街，行到攰搵個地方食午餐，發現有間樓上舖，好高級嘅日本料理，裝修簡約、清新，座位舒適、寬敞。睇咗餐牌，見到午市套餐好特色，而且價錢合理，所以入咗去。我哋一行二人，夥計安排咗我哋坐吧枱，對住廚師，前面就係鐵板，可以睇住廚師處理食材、接着即刻喺鐵板上面燒俾我哋食。我哋分別叫咗兩款唔同嘅午市套餐share嚟食，諗住可以試多幾款菜式。首先來一份三色前菜，其中煙燻雞肉好特別，生雞肉經過煙燻處理，鹹鹹地，肉質鮮嫩，有少少似食緊三文魚刺身嘅感覺。接着有「火龍果沙律」，夥計全菜嘅時候都會細心咁為我哋介紹每一味菜式，呢一個菜式係用日本火龍果製成，特別香甜。跟住廚師將食材攞俾我哋先過目，包括咗龍蝦、和牛。俾我哋影完相之後，廚師就喺我哋面前即刻煎。首先係「香煎龍蝦」配合蝦膏製成嘅醬汁，好香口，龍蝦肉已經拆左殼，容易食用，而且肉質非常鮮嫩。接着係牛扒厚切、同埋牛扒薄切配合蔥花，造成卷狀狀。兩款牛扒都同樣好食，各有特色。伴碟有蒜頭片，脆卜卜，好香口。另外仲有「三文魚籽松露蒸水蛋」，入面有蜆肉同埋帆立貝，用料十足。最後係「櫻花蝦酸梅醬炒飯」配鰹魚湯，可以自行製成茶漬飯，酸梅汁令到炒飯顏色變成粉紅，味道清新可口，加咗鰹魚湯之後，酸梅味更加出眾，櫻花蝦炒到脆卜卜，好好味，而且好特色。
繼續閱讀
會反復去吃的日式鐵板燒🌟顏值高環境好！龍蝦🦞和牛🥩限定甜品🍮連泡飯出品都可以這麼好看😍每次來都座無虛席！澳洲龍蝦🌟美國Prime肉眼薄燒9道式午市套餐 💰498🌟Appetizer 前菜➕沙拉🐤肉刺身茄子醬蒜和沙拉前菜，酸酸的胃口完全被打開～🌟Fresh Live Australian Lobster 鮮活澳龍活澳龍直接上鐵板！新鮮的就是不一樣，肉質彈牙鮮甜，不得不說這擺拍真的是花了心思的，紫薯粉搭配可食鮮花混合新鮮龍蝦，視覺的盛宴🌟US Prime Ribeye Beef Roll 美國肉眼薄燒卷➕ Teppanyaki Grill Veggie 鐵板燒日本野菜好juicy的和牛肉！薄切和牛包裹菇類和蔬菜，湯汁浸滿太鮮美！伴現的🇯🇵野菜，這一口下去回味無窮🌟Chawanmushi 茶碗蒸用魚湯蒸的茶碗蒸也太鮮了！魚子點綴營養健康～🌟Teppan Fried Rice 鐵板炒飯➕ Lobster Miso Soup 龍蝦味噌湯粒粒分明的炒飯好有嚼勁！倒入魚湯變身泡飯，加入芥末調鮮，太有創意～🌟Dessert 甜品🇯🇵大廚手繪板限定吐司，太可愛的snooby！用心滿滿❤️
繼續閱讀
今日我去咗尖沙咀一間樓上嘅鐵板餐廳，食咗個澳洲龍蝦同美國Prime肉眼薄燒嘅9道菜午市套餐，真係超級滿足！一坐低，餐廳環境幾靚，氣氛又輕鬆，啱啱好適合放鬆。呢個套餐包咗前菜、沙律、茶碗蒸、鐵板燒日本椰菜、鮮活澳洲龍蝦、鐵板炒飯、龍蝦味噌湯同埋甜品，好豐富！首先上嚟嘅前菜有三樣，分別係茄子、鮮雞肉片同埋帶子裙邊。茄子煮得軟滑，搭配上醬汁，味道好入味；鮮雞肉片則鮮嫩，肉質滑口，帶子裙邊就更加驚喜，鮮味十足，係開胃之選😋😋😋然後上嚟嘅沙律，沙律新鮮，清爽可口，搭配嘅醬汁唔會過於重口味，正好中和返前菜嘅濃郁。接下來就係茶碗蒸，茶碗蒸滑滑地，上面有鰹魚汁，入面有木耳絲，唔會太鹹！鐵板燒日本椰菜上嚟時，保持咗脆口感，搭配少量嘅醬汁，味道清新，真係好好味。然後就係我最期待嘅鮮活澳洲龍蝦，龍蝦一上嚟就令人眼前一亮，色澤金黃，香氣撲鼻，肉質鮮甜，根本冇得輸，真係一個好享受！再者，鐵板炒飯上嚟，粒粒分明，裡面有好多櫻花蝦同蔥花，炒得香噴噴，特別係可以分兩次食，先食一半，另一半再加鏗魚湯食，更加好味，真係一個好搭配！最後，甜品方面有紅豆和果子整體來講，以呢個價錢，呢間餐廳真係值得一試！我肯定會再返嚟！
繼續閱讀
今日朋友同我慶祝生日，知道我喜歡食日本鐵板燒，特意帶我來這間位於尖沙咀金馬倫廣場2樓「三日月」，朋友已經為我揀咗個龍蝦午市套餐$498，呢個價錢都好吸引。 聽講呢間鐵板燒店係由日藉主廚主理，今日有幸見識到日本主廚嘅精湛廚藝，而且每道菜嘅擺盤都非常精美。🎀 前菜三小碟煙燻雞肉·汁煮茄子·帶子裙邊第一次食到咁薄嘅雞肉，肉質非常鮮嫩又有著淡淡嘅煙燻味。汁煮茄子煮到好軟糯，醬香濃郁。帶子裙邊夠晒惹味。🎀 水果蔬菜沙律兩片火龍果配埋時令沙律菜，再配搭上清新嘅柚子醬汁，酸酸甜甜，口感好清新。🎀 鮮活澳洲龍蝦呢隻龍蝦夠晒大隻，師傅把龍蝦一開二，每人半隻。龍蝦肉質非常爽口兼彈牙，配上蝦膏煮成嘅濃郁醬汁，再加埋擺盤上嘅紫薯粉和香草汁，口感層次非常豐富。🎀 茶碗蒸用鰹魚湯汁煮成嘅茶碗蒸，再在上面鋪上三文魚子，而茶碗蒸嘅底部有埋木耳絲，整個口感層次非常豐富，而且味道好鮮甜。🎀 美國PRIME肉眼薄燒卷師傅用美國肉眼包裹著厚厚嘅香菰絲、青蔥和芽菜，再慢慢把肉眼卷煎香，還配上三款醬汁，分別有燒汁、麵豉汁和芝麻醬汁。呢個薄燒卷香氣四溢，入口即化。師傅還配上自己親手炸嘅獨子蒜，又香又脆，好味到停唔到口。🎀 鐵板燒日本野菜師傅用上日本南瓜、秋葵、蓮藕、冬菇，全部材料都非常新鮮而且煎到好香口。🎀 鐵板炒飯師傅用咗櫻花蝦、酸梅乾、木魚花、白飯魚乾等材料來炒飯，師傅炒到啲飯香噴噴，而且夠乾身兼粒粒分明，食落口感好豐富。原來呢碗炒飯有兩種食法，師傅介紹食咗半碗飯後，再把預備好嘅鰹魚湯倒入飯內變成湯泡飯，呢壺鰹魚湯個味好香濃，令到整碗湯泡飯味道更提昇。🎀 龍蝦味噌湯師傅把龍蝦頭熬製而成嘅味噌湯，整個湯更為突出、而且又有龍蝦肉食，口感超正。🎀 甜品櫻花味大福餅，味道清甜。🎀 生日蛋糕餐廳勁有心思，為我預備咗近期大熱嘅劃碟蛋糕🎂幫我慶生，除咗有啫喱果凍外，重有香桃味嘅蛋糕，而且劃碟好鬼靚。
繼續閱讀
您可能會有興趣的...