生記飯店

營業中

休息中

很久沒食過生記，今次終於可以大快朵頤。先來生拆泥猛肉丸粥，最吸引是附上的油炸鬼，泥鯭肉及肉丸，魚香味滿滿而不腥，粥底鮮甜。當然必食蝦籽古法扣柚皮，朋友們都大讚，柚子皮軟糯，有陣陣甘味，能將簡單食材發揮得淋漓盡致，師傅應該用了很多時間準備，不過因為人生第一次食，算是體驗吧。生記招牌古法鹽焗雞，有鹹香，同事雞肉能保持嫩滑。果然是招牌菜。

今日揀左間米芝蓮同屋企人食晚飯，係楝唔起眼既大廈，但都爆晒場，上到去先發現飯店已經拎左多年的米芝蓮，難怪平日都好多人。七味椒鹽豆腐粒 - 外層薄皮、內裡豆腐夠滑，上枱熱辣辣，只係賣相有進步空間。生煎蓮藕餅 - 蓮藕混合埋豬肉香芹等壓到半吋厚煎，煎到面層少少脆，內裡就啱啱好熟，時間火候握掌握得好好，食落又香又彈牙。招牌 古法鹽焗雞 （半隻）- 推薦，外皮又薄又脆，雞肉嫩滑，無肥膏，輕輕的鹽焗更突出雞味。薑蔥蜆芥牛肉煲 - 一上枱就飄出薑蔥蜆芥既香，味道較濃味，牛肉又夠腍。椒鹽鮮魷 - 鮮鱿新鮮，肉質彈牙，唔會好多粉漿。砂鍋鮑魚雞粒焗飯 - 飯粒粒粒分明，好足料，上枱時好香。清炒唐生菜 - 都係用煲仔上枱，比平常更香，但就唔似啫啫煲咁濃味。總括：味道行先，擺盤唔夠完美。想試下懷舊中菜要提前預訂，今次比較可惜試唔到琵琶鴨。

外國親戚返香港，全家十幾人好期待再去生記食飯，因為疫情前佢哋返嚟香港食咗一次，非常難忘。但係今次餐飯真係令人非常失望。唔知係咪搬咗新鋪之後換咗廚師呢，每樣餸菜都冇以前咁好食。全家最期待嘅豬潤係最失望，非常鞋，同以前非常滑嘅質感好唔同，而且刀工差咗好多，好大舊，完全唔合理嘅size，而呢碟豬潤浸波菜，原本係最下欄嘅食材，埋單竟然加一後超過$400蚊。碟蜜汁叉燒放低得8件，要多碟先夠食，結果16舊叉燒盛惠$376加一，個價錢真係5星酒店級數，但味道絕對唔係嗰個質數。其實我哋最嬲係，外國親戚嘅小朋友有花生敏感，點菜之前再三問侍應有冇用花生油，同有啲乜嘢餸菜係有花生，侍應不停話冇，點菜時我都要求佢幫我哋入廚房問廚師確認，再三重新小朋友好嚴重嘅。點知第一碟餸係叉燒，小朋友擺咗一舊入口即刻發作。經理埋嚟都一路話冇花生，後來收錢時仲堅持話問過叉燒師傅都話冇。咁我哋都冇嘢好講，都好疑惑點解食完叉燒會花生敏感發作？後來問從事中式餐廳嘅朋友，原來香港酒樓同餐廳一般係用花生醬醃叉燒嘅，好明顯侍應根本冇幫我哋問廚師，又或者根本都冇人認真看待對食物敏感嘅嚴重性。好彩小朋友當場嘔晒出嚟，食藥休息之後冇事。大家都對

💙 生記飯店始創於 1976 年，主打傳統粵菜，至今已經營業咗48年了。其中仲有13年獲得米芝蓮推薦。近排喬遷左到灣仔駱克道新店，決定和朋友黎一試究竟😋💙 新店都保留咗傳統嘅感覺，一入到門口就見到大大光猛嘅招牌，後面就係一整牌嘅米芝蓮推薦展示。地方光猛，如果有私人聚會亦都可以以間起私人空間。💙 平日時間都好多人等位食飯，建議如果想你食嘅人首先訂定定位，便可勉強等待之苦😊💙 難得嚟到呢度一定要食一啲平時比較食要食嘅菜。所以第一度已經決定咗嗌上湯枸杞浸厚切猪膶 $188呢個係生記招牌菜之一。嚟到都俾佢啲豬潤嚇親，因為好耐冇見過咁肥厚嘅豬潤啦！平時見開嗰啲都係好薄同埋乾柴咁。真係好似好耐冇見過豬膶大過塊雞胸肉🤣咬落去口感仲不得了！竟然係彈牙然後中間有啲半熟嘅感覺！第一次食豬潤係呢種感覺😳 原來食材選用左本地農場供應的新鮮黃沙豬膶。烹調時先煮至八成半熟，然後餘下上枱前再用枸杞熱湯灼至僅熟。唔怪得豬膶口感咁鮮嫩！另外菜色仲配上辣豉油。鍾意食豬潤嘅朋友必點！👍🏼💙 招牌生拆泥鯭肉丸粥 (四人份) $188用傳統瓦煲上，熱度保持得很好😊 泥鯭去皮拆骨，唔擔心會食到魚骨。除咗泥鯭仲有肉丸。泥鯭粥口感綿

呢間生記飯店, 我舊老闆成日去, 成日叫我BOOK台, 一直想黎試下係唔係真係咁好食。今夜就同D朋友黎試下佢，佢唔係地鋪, 係個三湘大廈入面既三樓。我估唔BOOK台上到去可能要等, 因為今日平日, 都好FULL個場好熱鬧。我地叫左4個餸, 1個菜, 1個炒飯, 好豐富第一碟黎左個 生煎蓮藕餅一碟有8大件, 每件都好厚實, 食到蓮藕爽脆, 鯪魚肉同豬肉打得夠彈口, 好有厚道。薑蔥蜆芥西冷牛內煲, 呢個幾特別, 通常都係蜆芥鯪魚球, 呢度有蜆芥牛內, 仲要係西冷只係148, 唔算貴。厚厚既牛肉唔銀,, 每片都有半隻手掌咁大片,岩哂食肉獸, 夾埋粒蜆芥一齊食, 蜆芥咸香加埋大片牛肉，唔錯唔錯。古法鹽焗雞, 待應一擺底, 我地幾個對望, 我地叫炸子雞咩? 問一問先知, 呢個真係古法鹽焗雞, 無炸子雞咁油膩而且皮脆肉滑, 唔乾唔柴, 不過就略為咸左DD。椒鹽鮮魷就普通不過不失, 炸得夠香口, 鬆脆, 鮮魷都算厚肉。砂鍋鮑魚粒雞粒炒飯, 最後上個飯, 大家都飽飽地, 話飽話飽最後都清哂, 切粒鮑魚都幾大粒, 好有咬口, 唔會太咸, 唔覺唔覺食哂成碗。雖然係老字號, 又唔算好貴, 4個人, 平均25

雖然前排米芝蓮名單好多花生，不過大家都好服生記飯店，最近都專登同屋企人過嚟佢間新店食。我一坐低即刻點樣要叫家傳手磨生煎蓮藕餅，佢哋煎到金黃香脆，帶蓮藕同鯪魚嘅香氣同味道，食到停唔到口。叫返啲健康嘅菜式balance下，涼瓜菜脯煎蛋，蛋炒到啱啱好，少少滑蛋。蝦籽古法扣柚皮，必叫嘅手工菜式，柚皮煮到腍哂又入味，容易入口，配合蝦籽真係好滋味。菠蘿生炒骨，夠哂鑊氣，生炒骨肥瘦適中，邊位炒到有小小脆。招牌古法鹽焗雞，皮脆肉嫩，色澤吸引，就咁食或者配合薑蓉食都咁惹味。薑葱焗生蠔，非常完美嘅最後一道主菜，生蠔夠哂肥美，咬落啖啖肉。用咗肥肉同醬汁一齊煲，不論薑蔥同生蠔都煮到好香口，我哋食完生蠔之後忍連配料都食哂。飯後當然唔少得餐廳嘅白糖糕做甜品，一味免費送嘅甜品都可以成為餐廳嘅名菜，就知道佢一啲都唔簡單。有好似蛋糕一樣軟綿綿嘅質感，配合香甜嘅味道，令我哋食過返尋味。

生記搬咗嚟三湘大廈之後，來過2次食晏，有一次是新年時一圍12人。兩次都覺得老粵菜做得幾好，服務不嬲都係好一般，都習慣以前生記係咁㗎啦。 復活節假期嘅星期日專登訂位帶屋企人由九龍過嚟灣仔食晏，兩日前訂位（其實嗰日去到只係得五六台客），星期日早上11點再特登打電話過嚟訂豬膶枸杞，當時接電話嘅阿叔叫我”有㗎啦唔使訂，你來就可以啦” 我哋1点去到，蝦多士佢話冇我都算啦，佢竟然話豬膶都冇！我話訂咗，嗰位阿叔就唔理我擰轉身行咗去，跟住另一個侍應指示我去櫃位同另一位阿伯講佢竟然話”豬潤未到”，咁我問佢點解之前應承我，佢都係話”豬潤未到”跟住就擰歪面唔再睬我! 😡一句對唔住或者唔好意思都冇，我哋一家人唯有起身走！🤬可能我唔係豪客，又或者佢哋嘅服務方針係要零尊重先啱！好彩嗰日我唔係請客，如果唔係就尷尬死！😤

生記已經開左接近半個世紀 係老字號嘅中菜館仲榮獲13次米芝蓮推介 證明食物好有水準平日晚未夠7點已全場爆滿 記得一定要訂位呀懷舊金錢雞呢道懷舊手工菜好少地方有得食 梗係要試下啦一層肥一層瘦豬肉夾住雞肝 好神奇地塊肥肉一啲都唔油膩 帶少少爽口加左麥芽糖去燒 成個配搭香甜甘香枸杞浸豬膶一張相話你知乜野係招牌菜 每枱必食第一次食到咁正嘅豬膶 爽脆腍滑冇腥味厚切更加食到外脆內嫩嘅口感 加埋蒜子勁香生煎蓮藕餅豬肉加入蓮藕碎 食落好爽口 煎到金黃香脆古法鹽焗雞同平時喺其他酒樓食到嘅鹽焗雞好唔同呢度嘅雞皮金黃香脆 雞肉嫩滑多汁 難怪係米芝蓮推薦菜懷舊蝦多士超多蝦嘅蝦多士 多士上面有座蝦肉山咁蝦肉鮮甜爽口 多士香脆 加上芝麻 酸甜醬汁 有啲後悔淨係叫左4件咁少 唔夠喉蒜香九肚魚炸粉夠薄夠脆 九肚魚好滑好鮮甜 蒜香突出又冇椒鹽咁鹹 唔錯食完埋單仲送左大大碟白糖糕做甜品清甜得嚟帶d微酸 口感鬆軟 爽滑Q彈絕對會再幫襯呢間懷舊中菜

聽過生記的名字已數十次，但今次才是第一次來。是剛搬到的新店，既被稱為米芝蓮經典粵菜，當然有所期待。朋友指名要黃沙豬潤，我必食义燒、生炒骨，但中午原來是沒有泥鯭弼，於是改了手磨生煎蓮藕餅，古法製鹽焗雞、椒鹽九肚魚。原來新鮮黃沙豬膶，係好搶手難買，要與供應商保持良好關係才可確保優質貨源，所以每日只能限量供應。黃沙豬膶與一般豬膶不同，食落好有質感，不乾身，好有水份，但我不好豬膶，尤其那味道，不過湯及枸杞有鮮味的。生炒骨完全不覺有粉醬，肉嫩，而且汁濃郁，好醒胃。义燒最見真章，見證師傅的功力。朋友之前已食過數次，她說依舊好味，相信師傅依然保持水準。至於炒麵及白糖糕，就不過不失。

生記飯店多年來都是城中食家飯堂，久仰大名，搬到新位置後，今年又成為米芝蓮推介餐廳。這幾天復活節假期，一家人決定留港消費，終於有機會一嚐這家實力派中餐館。椒鹽魷魚鬚，鮮嫩的魷魚鬚，炸至香脆並灑上椒鹽調味。口感酥脆，搭配著濃郁的椒鹽風味，非常美味。是一道不可錯過的開胃菜。上湯枸杞浸厚切豬膶，豬膶當然是主角，浸泡在濃郁的上湯中，並加入了枸杞的香氣。豬膶肉質鮮嫩多汁，與湯汁的滋味完美融合，帶來豐富的口感和營養價值。生煎蓮藕餅，這道傳統的家常菜百吃不厭，蓮藕餅煎至金黃酥脆，下飯佳品。嚐過開胃小吃，生記的燒味同樣精彩，首先是叉燒，嫩滑的叉燒肉質鮮嫩多汁，表面烤至微焦，帶有甜味和獨特的香氣。它的口感豐富，非常美味。經過烤製後的乳豬呈現出金黃色的外皮和嫩滑的肉質。它的味道鮮美，肉質鮮嫩多汁，是一道令人垂涎欲滴的菜品。古法鹽焗雞，鮮嫩的雞肉經過鹽焗後保留了雞肉的原汁原味，口感清爽，搭配著微鹹的風味，非常美味可口。咕嚕肉，外酥內嫩。口感酥脆多汁，帶有甜酸的風味，非常開胃。接著是柚皮，這個時候上一道清新的冷盤，開胃提神，柚皮口感爽脆，帶有淡淡的柚子香氣。我們吃得興起，意猶未盡，還點了杏汁白肺湯、砂鍋菜煲、砂

生記飯店家傳手磨生煎蓮藕餅煎蓮藕餅充滿精心磨碎嘅蓮藕香氣，當中亦包含濃郁鯪魚味。蓮藕帶出細膩口感同微妙甜味，突出傳統手工製作嘅技巧同獨特滋味。涼瓜菜脯煎蛋涼瓜菜脯煎蛋散發出誘人香氣，色澤亮麗。蛋煎得剛剛好，內裡鬆軟。搭配著涼瓜同菜脯，增添口感層次，而又健康豐富。蝦籽古法扣柚皮蝦籽古法柚子皮口感清香獨特。柚皮軟綿綿，味道微酸甜，入口即溶，與蝦籽嘅鮮味非常夾。呢道菜唔係度度都食到，所以份外驚喜。菠蘿生炒骨菠蘿生炒骨色澤鮮豔，香氣誘人。生炒骨口感鮮嫩多汁。菠蘿酸甜味同生炒骨嘅甜味非常口感，令人回味。生記招牌古法鹽焗雞生記招牌古法鹽焗雞係一道非常傳統嘅經典菜式。雞肉經過鹽焗處理，保持鮮嫩多汁嘅口感，並且非常入味。外皮酥脆，肉質鮮美。俾到人一種難忘嘅滋味同滿足感。薑蔥焗生蠔薑蔥焗生蠔滋味濃郁。肥美嘅生蠔，以薑蔥爆香，再以香氣相互襯托，經過焗烤後，用沙煲盛載，保持住豐富嘅風味同口感。熱辣辣嘅生蠔口感豐富滑爽入味，薑蔥增添咗一絲辣味同清新感。白糖糕餐廳嘅餐牌上面係冇甜品類，但偏偏餐廳嘅其中一道出名菜式就係白糖糕。餐廳為我哋免費送上呢一度經典嘅甜品，作為一個完美嘅結尾。白糖糕口感柔軟，味道香甜，質地綿

今年嘅米芝蓮其中一個推介係大家都好熟悉嘅生記飯店，好多人都奇怪，點解佢會重新上榜，原因佢搬咗舖之後，米芝蓮就當新店處理，位置就喺大家應該都好熟悉嘅三湘大廈。新店比舊店大好多，有勁多房，幸好有朋友識人，攞咗一間細房，比以前舊店更加舒適，當然地點上可能冇咁方便，但係我又覺得其實交通都四通八達，唔難去唔難搵。當日太過輕敵，冇諗過七點幾蝦多士都已經賣晒，不過幸好都有其他精彩菜式，大家去食飯記得要預留。冇食幾年，當然最掛住佢嘅上湯枸杞浸厚切豬膶，比起漢發麵家我覺得佢嘅豬膶做得較為高貴，而且個湯加上豆苗後特別鮮甜。第二個菜式一定係掛住佢嘅家傳手藝生煎蓮藕餅，呢個係絕對出色，基本上完全冇失色冇退步。燒味又係出色，同附近嘅喜萬年各有特色，我都幾鍾意佢哋叉燒，乳豬同古法鹽焗雞，後者嘅脆皮，尤其出色，叉燒係半肥瘦嘅感覺，好得。好多人都話佢嘅咕嚕肉好出色，可能之前食革新會個咕嚕肉太強，呢個冇上次咁好嘅經驗，但係如果你唔係非常高要求呢個絕對合格有餘。另外佢嘅柚皮都係傳統嘅手藝，同好多間城中出色嘅中菜同樣做得好好，仲有杏汁白肺湯都係傳統嘅好野。不過最出色嘅係佢嘅砂鍋菜式，食咗個砂鍋菜煲已經感受到佢嘅厲害，最推介

呢間餐廳入選米芝蓮必比登推介 (2023-2024)，門口既牆上面掛滿左證書，一眼望落去都幾有氣勢架。餐廳地方好大，但午市客人唔多，我地坐果個廳什飯時間就只有2枱客人，但服務員算幾熱心，會主動過黎加茶加水，又會推介菜式比我地。但整體價錢偏貴，而且食物好細碟，性價比唔太高。《$168 椒鹽鮮魷》 ⭐️⭐️⭐️⭐️鮮魷肉質彈牙，食落完全唔韌，另外粉漿好薄，唔會食到成口油淋淋，調味剛剛好，唔係一味勁落椒鹽味粉，咸味唔會蓋過魷魚本身既味道。《$148 菠蘿生炒骨》⭐️⭐️⭐️⭐️有鑤氣，排骨炸到外脆內軟，啖啖肉。個汁都好開胃，唔會太酸唔會膩，亦都唔會話好厚身，加埋青椒同菠蘿，色香味美。《$90 是日燒味 - 叉燒 (午市優惠價)》⭐️⭐️⭐️⭐️午市一份得6-7舊，有蠔油豆做伴碟。雖然切得算厚身，但收$90仍然覺得唔太抵食。半肥瘦既叉燒燒到有少少燶邊，肉質彈牙又唔柴，配蜜汁甜甜地好好食。《$90 馬蹄蒸肉餅》⭐️⭐️⭐️肉餅好厚身，有質感，咬落肉質鬆化，有彈性，而且滑嫩，可惜食唔到馬蹄口感。《$90 韭黃蝦仁炒蛋》⭐️⭐️蝦仁爽彈有蝦味，可惜個蛋炒得有少少老，冇左滑既感覺。味道唔會咸，正正常常既家庭小菜。人均消費：$150環境

公司聚會，居然發現這裏的好好吃豉油皇中虾🦐虾肉色泽金黄、口感鲜嫩，咬起来弹牙鸡油咸肉蒸海马友海马友用鸡油咸肉蒸，肉质爽滑和鲜味即烧BB猪选用是优质的BB猪肉，香味四溢，皮脆肉质鲜嫩多汁。生煎莲藕饼每一口都能品尝到莲藕的鲜甜和饼皮的香脆，必食推七味腰果牛柳粒牛柳粒嫩滑多汁，🥜 腰果的香脆和独特的口感，为这道菜增添了层次感渝味爆肥肠肥肠脆爽入味，口感劲道，伴着一些青辣椒，吃起来有点像虎皮尖椒，我真的太爱❤️这个了👍

今年年初遷往新地址(其實都係灣仔區)，己有多年榮獲米芝蓮推介；咁啱有位外國朋友旅行黎探我，我緊要盡地主之誼，帶佢地試下傳統粵菜，等佢地返到老家，推廣下香港，挀興經濟，夜繽紛一下🌟雖然新裝修，但都保留左傳統舊式中菜館既味道💥蜜汁叉燒應該用左梅頭部位，肥瘦適中，咬落肉質鬆軟，肉汁鮮味；再配上特製蜜汁醬，入口帶有甜味，配合得剛好! 仲帶有微焦香，十分喜歡!💥蒜香九肚魚即叫即炸，外脆內軟，唔會太油膩，肉質好嫩滑好淋，有魚味加上蒜香炒過，更加香口惹味💥薑蔥焗生蠔薑蔥炒得非常好味，生蠔夠大隻而且嫩滑唔無腥味，啖啖肉好味道💥家鄉梅菜扣肉扣肉做到香濃而不膩，入口即化，呢D先係極至；梅菜甜甜的，好好餸飯，水準一流!💥金銀蒜蒸魚雲魚雲肥美，入口鮮甜嫩滑；同時用左新鮮蒜蓉蒸，惹味至極；再用茄子伴底，吸晒魚油香和蒜香既精華，咬落滋味無比!💥乾炒牛河河粉經過特殊烹調保持彈性和口感，配上嫩滑牛肉片簡直係完美搭配；再加入左芽菜、九王等爽口配料，增添豐富度和口感層次!🌟雖然係老字號飯店，但各員工既服務態度非常好! 本想叫馳名既"家鄉缽仔焗魚腸"，可惜己經沽清! 所以請緊記要BOOK定枱同訂埋呢款餸，鋪位係大左，但人都