生記飯店

營業中

休息中

雖然前排米芝蓮名單好多花生，不過大家都好服生記飯店，最近都專登同屋企人過嚟佢間新店食。我一坐低即刻點樣要叫家傳手磨生煎蓮藕餅，佢哋煎到金黃香脆，帶蓮藕同鯪魚嘅香氣同味道，食到停唔到口。叫返啲健康嘅菜式balance下，涼瓜菜脯煎蛋，蛋炒到啱啱好，少少滑蛋。蝦籽古法扣柚皮，必叫嘅手工菜式，柚皮煮到腍哂又入味，容易入口，配合蝦籽真係好滋味。菠蘿生炒骨，夠哂鑊氣，生炒骨肥瘦適中，邊位炒到有小小脆。招牌古法鹽焗雞，皮脆肉嫩，色澤吸引，就咁食或者配合薑蓉食都咁惹味。薑葱焗生蠔，非常完美嘅最後一道主菜，生蠔夠哂肥美，咬落啖啖肉。用咗肥肉同醬汁一齊煲，不論薑蔥同生蠔都煮到好香口，我哋食完生蠔之後忍連配料都食哂。飯後當然唔少得餐廳嘅白糖糕做甜品，一味免費送嘅甜品都可以成為餐廳嘅名菜，就知道佢一啲都唔簡單。有好似蛋糕一樣軟綿綿嘅質感，配合香甜嘅味道，令我哋食過返尋味。