生記飯店

營業中

休息中

𓍕 𓍕 𓍕榮獲12屆米芝蓮推薦，開業47年的老字號生記飯店，遷址到灣仔駱克道新店後，仍每晚人山人海，深受食客追捧。這裏可以嚐到一些已經幾近失傳的功夫粵菜，例如砵仔蒸魚腸、金錢雞等，的確要資深的老師傅才懂得怎樣做。𓂁家傳手磨生煎蓮藕餅 $128有八大件，件件厚實。外表煎香，一口咬下去藕肉清甜爽脆，非常甘香。𓂁懷舊金錢雞 $168金錢雞是雞肝、肥肉、瘦肉三層相近，肥肉帶來了油脂香，瘦肉中和了肥肉的膩，雞肝甘香可口，整體配搭香而不膩，果然是名菜。𓂁古法荷葉蒸雞 （半隻） $238必點推薦！這裏的古法荷葉蒸雞份量非常大，將本製雞加上紅棗、金針菇、冬菇、雲耳、蒜頭等配料，放在荷葉裡蒸。配料雖然簡單，但連同雞的精華和荷葉的香氣，原汁原味，非常下飯！𓂁白糖糕這裏的招牌飯後甜點，沒有白糖糕的酸味，口感鬆軟有彈性，跟外面吃到的真的是高一個層次。果然是老字號，幾道小菜看似家常但絕不簡單。完全可以體現師傅的手工，在外面根本吃不到。非常推薦大家來一試。𓍕 𓍕 𓍕

得到契B仔一家邀請，抱住期望一試呢間連續十一年得獎米芝連，以懷舊菜式聞名嘅高價粵菜館。乳豬全體，無肥膏而且皮夠薄脆，一讚。蓮藕餅個人認為只屬一般。薑蔥蠔薑蔥爆得好香，調味亦恰好，好味。酥炸生蠔，見到炸漿有啲大舊，加上呢排食得太多熱氣嘢，我無試。枸杞豬膶，豬膶似厚切牛舌般咁厚，口感好滑，有驚喜，招牌菜之一。蝦膠滿滿嘅蝦多士，面頭鋪滿芝麻，能做到多士唔油膩，跟甜酸汁好匹配，值得一試。古法蒸魚腸，以陳皮僻去腥味，我只食到陳皮味同蛋，但食唔到魚腸，反而食到好似有叉燒～吓？怪怪哋。小食之一椒鹽豆腐，無乜味。三黃燒雞，雞唔肥膩且有鹹香味，唔似一般燒雞或炸雞，食得出廚師嘅用心。蒸鹹鮮，馬友魚好滑，香蔥加鹹鮮味如配飯或粥會好夾，可惜已經太飽。又一招牌菜梅子蒸蟹，好新鮮嘅煮蟹方法，但就蓋過蟹嘅鮮甜，不過梅子味調教得好好，好醒胃。最後用白糖糕作結尾，無過度發酵嗰種酸味，個人覺得甜咗少少，充滿懷舊味道嘅一餐，可惜有一點點名過於實，值得一讚侍應服務好殷勤。

身邊很多朋友都常提起生記的食物質素頗高,得到車胎人的推介加持是自然而然的事情,然後與友人終於在這晚約到飯局;從灣仔地鐵站出來,跟著Openrice大神的地圖指引,十多分鐘路程就來到了生記飯店;由地下乘搭載人電梯,一開門就見到醒目的招牌;說明已訂枱後,侍應生引領我到左邊大堂;映入眼簾的是全場以柔亮白色為主調,配上紅絨面布座椅,一派典雅氣氛的港式酒樓風格!餐具光潔新淨,連帶沖泡後的鐵觀音烏龍茶也顯得份外香醇!餐牌上的食物款式選擇繁多,主打粵菜,而且有創新有懷舊菜;與好友們交流一番後,決定好菜式就叫來侍應生落單;前菜/小食逐一登場:子薑皮蛋,爽滑的皮蛋,溏心蛋黃很軟滑,配搭起甜酸微辣的子薑,剛好平衡了皮蛋微微的鹼水味,有口感又有層次!順德蜆蚧鯪魚球,新鮮熱燙兼爽彈的鯪魚球,點上濃味的蜆蚧醬,完全帶出鯪魚肉的鮮味!甚少粉漿的鯪魚球,應該是用手工不斷翻撻魚肉,才形成爽滑彈牙的質地!懷舊蝦多士,用傳統做法做出來特別香脆可口,又不帶油膩!蝦膠的鮮味混雜著煙燻味,咀嚼間散開芝蔴的油香及多士的甜美,尤其點上酸甜汁後,解膩之餘整體更特別圓融滑溜,完成度很高!紅燒妙齡乳鴿,經大火油炸後,特製滷汁的香味完全滲

生記出名老飯店懷舊菜！今日帶著媽媽及外國回來的姐姐一起來吃了外間已經很難找到的懷舊菜，包括煎釀鯪魚,蝦多士,焗魚腸,金錢雞,蝦子柚皮再加一個燉湯。食物不是太驚艷，因為兒時媽咪實在煮得太好味！但反而我想講是這裡的員工服務好好！！！並不是什麼老飯店服務差，我們不是熟客，沒有叫什麼貴價食物，但員工好有禮，介紹食物我們，稱好食可以再來，試唔到太多餸下次可以再來，員工亦主動替我們拍照！一家人食到開心飯最緊要！值得表讚！

今晚的晚上是滿足的謝謝生記，我打電話預約座位時由6位加至去11位，，打了4次，接線的同事都好好，很有禮貌回應，我真的不好意思。謝謝生記，製作美味的美食，好好味👍👍最有驚喜是蒸雞，好好味。會推薦大家一起去食晚飯，真心的製作。

This Shengji restaurant was founded in 1976.Very famous.Many friends have eaten here for decades. know all the guys and bosses.Salt and pepper fish skin,Shredded squid with salt and pepper,It's my favorite.There are a lot of seafood to eat.The most famous sign is his roast chicken.！招牌的枸杞豬忍，好正！很少吃飯很大個，很脆。很爽口！黃金炸魚皮，裹了咸蛋黃的魚皮。焦香爽脆，強烈推薦

這天跟著爸爸到到有50年老字號的生記飯店吃粵菜。這家飯店來頭不少，皆因它已經榮獲13屆米芝蓮推薦，而且更有多位如奧雲及傑斯等世界星級球員名將幫襯。紅燒妙齡乳鴿乳鴿送上來時熱辣辣，肉香四溢，入口有滷水香，外皮微脆有油香，但不會感到油膩，鴿肉嫩滑多汁，超讚。順德蜆芥鯪魚球鯪魚球外層炸至金黃色，香口爽彈，零骨絲，吃時蘸點蜆芥醬會更惹味。豉蒜涼瓜爆西冷牛肉西冷牛肉非常軟嫩，涼瓜偏爽身，入口除了有滿滿豆豉及蒜蓉香，最特別加了點陳皮絲，帶出一份橘皮香。瑤柱帶子蛋白炒飯炒飯香噴噴，飯粒炒得非常乾身，而內裏於了大量帶子粒粒及瑤柱絲，還有蔬菜及蛋白，口感豐富，每一口都有滿滿瑤柱香。

以前去過 修頓對面舊舖。 其實都係好一般。咁今次見到咁多人寫到咁好， 再去幫襯下，點知。。。又中伏預先訂座位 ， 可能冇預訂啲貴價菜 ，被安排喺收銀機前面坐，冇錯，係收銀機前面，全晚老細坐喺收銀枱內，距離我哋唔夠兩尺 ，聽曬我哋講話內容 ，人生第一次。。。由於係收銀枱前， 伙記成晚喺我哋側邊啜啜轉，又係我哋側邊大叫 加單嘅內容畀老細知， 係呢D稍後為高級D嘅食店， 係非常難得 嘅體驗 。。。嘢食就一般啦，完全唔值呢個價位。。。完全只sell老字號，充滿唔憂做心態。。。。外面好多食店，環境，食品，服務都好過佢。

今日嚟到灣仔嘅生記飯店，呢個舖頭應該係佢新搬來嘅，google 地圖喺謝斐道，但係呢其實大廈入口亦都可以喺駱克道入嚟。我本來以為呢間舖頭都係比較貴嘅私房菜，但係食晏嘅時候，佢推出啲$72嘅菜喎。菜嘅份量唔係好大碟，但係你點兩個都夠你食嘅，可以話係一個貴價嘅兩餸飯，不過呢度坐得好舒服，招呼亦都好好！中午嘅時候都算坐滿一個廳。食物係有質素嘅，蝦仁炒蛋幾好食，椒鹽鮮魷都幾好食。我諗簡簡單單請朋友食吓飯，呢個地方都係一個幾好嘅選擇！當然佢仲有好多鮑參翅肚你可以揀啦！

生記飯店作為一家開咗47年嘅粤菜老字號，已經榮獲咗12屆嘅米芝蓮推薦，主打各款懷舊手工菜式，精緻又美味，承載住數十年嘅粤菜傳式，呈現經典風味😉😉🤩🤩😉😉🦐蝦籽古法扣柚皮🦐 $118 相當花時間製作嘅一道手工菜，柚皮需經過多次蒸煮，去除苦澀味，先可以確保柚皮吸收醬汁精華，食到食材嘅鮮香滋味，蝦籽鹹香，為柚皮提鮮提香🐷上湯枸杞浸厚切豬潤🐷 $188新記招牌菜之一，選用新鮮本地黃沙豬潤，上枱時剛剛好灼至僅熟，豬潤口感鮮嫩，已用薑酒醃製除腥，枸杞份量畀得大方，上湯清香美味，到店必點之選🐮薑蔥蜆芥西冷牛肉煲🐮 $148薑蔥蜆芥相當惹味，較少見到塔配牛肉，味道原來都好夾，醬汁鹹香，牛肉嫩滑，下飯一流🐥紅燒妙齡乳鴿🐥 $78乳鴿即叫即炸，鮮香暖滑，每一啖都有肉汁迸發，令人停唔到口仲有多款手工粤菜想一一品嚐，不愧為米芝蓮級食府，水準之高令人難忘！晚飯時間更加座無虛席，如果要嚟食飯就一定要預先訂位喇🥰🥰🥰😙😙😉😉生記飯店地址灣仔駱克道353號三湘大廈3樓#生記飯店#生記#粵菜#廣東菜#米芝蓮#米芝蓮推薦#老字號#經典菜式#手工菜式#小菜#粤式小菜#厚切豬潤#上湯枸杞#泥鯭粥#生炒骨#蝦多士#燒味#粵菜#

一行九人到這裡食晚飯，可能系星期五嘅關係，全場滿座。炸子雞，好大隻，皮脆肉汁豐富，可惜雞脾部位吾太熟，肉帶粉紅。薑蔥豬膶，豬膶厚切爽口，重點系大量嘅蔥，好食。叉燒，帶點肥而且鬆軟多汁，喜歡半肥瘦的一定合口味。蝦多士，比較普通，個人喜歡鳳城原隻蝦放在多士上的人做法。椒鹽鮮魷，魷魚好新鮮彈牙，但份量細。焗魚腸，魚腸較少，果皮不夠所以吾香。土魷肉餅，家庭餸，冇乜特別。醉掌亦、皮蛋酸薑、金銀蛋莧菜、蒸勝瓜冇試。壽桃包，蓮蓉吾香蛋皇死實冇油，只係夠熱，一般。敬送白糖糕吾酸充滿空氣感好食，芝麻卷就普通。埋單$2872/9 位。

由佢舊舖食到新鋪，一直都知道佢地服務態度欠佳，但食物方便有質素所以都會忍住氣去食點知今次連食物都差到不得了，一行四人叫咗六個餸，其中泥鯭肉丸粥，粥裏面有骨，差啲哽親，完全冇鮮味，粥底亦都好稀上湯枸杞浸豬潤，呢個簡直係災難，喺個豬膶鞋到不得了，仲要唔太新鮮薑蔥生蠔，個蠔腥到爆炸，薑蔥全部謝晒，好似一早整定咁樣蓮藕餅，呢樣係唯一最好食嘅最後佢哋送咗個白糖糕，酸嘅我唔知係變壞咗，定係本身係咁嘅味？最後想講講佢啲服務態度，全部啲服務員都感覺唔優做，唔太想理你咁，問多兩句都勁大聲呼喝返嚟轉頭，食到臨尾佢哋仲搬枱搬凳製造聲音趕走你，唯一做得幾好嘅係佢會主動分粥依間嘢請我都唔會再去

米芝蓮推薦嘅粵菜必食鹽焗雞I've arrived at this Michelin-recommended Cantonese restaurant, which has maintained its status for 12 rounds now, recently had a location change. I tried four different dishes, all of which were pretty good but my absolute favorite was their Salt-Baked Chicken, the real treasure of the establishment and a crowd-pleaser for many years. 💖 They also have limited supplies of their Sliced Pork Liver, which is super refreshing, fresh and tender. Usually, I don't dare to eat this, but whe

人大了，漸漸懂得欣賞中菜🥢特別係香港最人容易接觸到嘅粵菜😋生記飯店最出名嘅小菜有好多而家搬咗舖位，新址鄰近屋企，即刻約埋朋友去試下～🐷菠蘿生炒骨 生記出品既菠蘿生炒骨外皮炸到好脆，入面好軟又Juicy，淨係肉既調味已經好正。外面酸甜岩岩仲有好新鮮既菠蘿粒。口感層次豐富，細緻又美味。🐤招牌古法鹽焗雞古法製鹽焗雞一上枱就已經會哇一聲。皮薄多脆，皮下脂肪少但好夠香，肉質又嫩滑。食食下周圍望見到每一枱都會叫。🤍蒜蓉粉絲蒸扇貝扇貝非常之大隻新鮮，爽口彈牙。蒜蓉粉絲入晒味。🍚瑤柱帶子蛋白炒飯炒飯粒粒分明非常乾身，加咗芥蘭粒，增加咗口感。帶子份量超級多調味啱啱好唔會太鹹。食一啖有蛋白嘅，仲會增加咗滑嘅口感。

很久沒食過生記，今次終於可以大快朵頤。先來生拆泥猛肉丸粥，最吸引是附上的油炸鬼，泥鯭肉及肉丸，魚香味滿滿而不腥，粥底鮮甜。當然必食蝦籽古法扣柚皮，朋友們都大讚，柚子皮軟糯，有陣陣甘味，能將簡單食材發揮得淋漓盡致，師傅應該用了很多時間準備，不過因為人生第一次食，算是體驗吧。生記招牌古法鹽焗雞，有鹹香，同事雞肉能保持嫩滑。果然是招牌菜。