生記飯店

營業中

休息中

今日揀左間米芝蓮同屋企人食晚飯，係楝唔起眼既大廈，但都爆晒場，上到去先發現飯店已經拎左多年的米芝蓮，難怪平日都好多人。七味椒鹽豆腐粒 - 外層薄皮、內裡豆腐夠滑，上枱熱辣辣，只係賣相有進步空間。生煎蓮藕餅 - 蓮藕混合埋豬肉香芹等壓到半吋厚煎，煎到面層少少脆，內裡就啱啱好熟，時間火候握掌握得好好，食落又香又彈牙。招牌 古法鹽焗雞 （半隻）- 推薦，外皮又薄又脆，雞肉嫩滑，無肥膏，輕輕的鹽焗更突出雞味。薑蔥蜆芥牛肉煲 - 一上枱就飄出薑蔥蜆芥既香，味道較濃味，牛肉又夠腍。椒鹽鮮魷 - 鮮鱿新鮮，肉質彈牙，唔會好多粉漿。砂鍋鮑魚雞粒焗飯 - 飯粒粒粒分明，好足料，上枱時好香。清炒唐生菜 - 都係用煲仔上枱，比平常更香，但就唔似啫啫煲咁濃味。總括：味道行先，擺盤唔夠完美。想試下懷舊中菜要提前預訂，今次比較可惜試唔到琵琶鴨。