宴．鐡板燒 (亨環‧天后)

營業中

休息中

喺網上搜羅咗一啲Omakase嘅資料，見到一間樓上鋪好特別，佢係鐵板燒混合日式料理，今日抽咗啲時間嚟品嚐一個特別嘅午餐。午餐頭盤係日式刺身，好新鮮。之後係「日本北海道甜粟米」配「靜岡溫室蕃茄」作為前菜，呢味係冷盤，北海道粟米超級香甜，令人印象深刻。接着有油甘魚壽司同埋鯛魚壽司，師傅喺你面前即叫即做，好新鮮，好好味。跟住就係熱盤，喺鐵板燒之前，師傅會先俾你睇睇佢用嘅食材，今次有帶子、大蝦、和牛同埋鵝肝。燒帶子配合三文魚子同埋青醬一齊食，好鮮甜、好惹味。燒大蝦，製作方法好特別，先取出蝦頭入邊嘅蝦膏，造成醬汁，再放返上蝦肉上面，蝦膏非常濃味，非常推介。香煎鵝肝配多士，鵝肝好香滑，外脆內軟，入口即溶，配合多士，將多餘嘅油分吸走，鵝肝入口唔會好油膩。而多士吸左鵝肝嘅油，亦都非常香脆好味。牛扒有兩種煮法，第一種：香煎厚切牛扒，肉質鮮嫩，食到牛肉嘅鮮味。第二種：薄切牛扒，夾住蔥花一齊煎，非常香嘅蔥味，帶出牛肉嘅鮮味，非常欣賞呢個煮法，真係一試難忘。結尾有麵豉湯同埋炒飯，炒飯加入咗好多櫻花蝦，脆卜卜，用料十足，好香好好味。兩個人都食到好飽好飽。午市套餐價錢合理，食物質素好高，性價比高，值得一試。

平時🐷都想食鐵板燒，難得放假就帶我去食鐵板燒，餐廳主打午市套餐，又有得追加食刺身同鵝肝，梗係試下，餐廳仲要環境開揚，對住維港景色👍午市套餐仲已經有活生生的鮑魚，必試❤️追加真鯛、太刀魚、深海池魚刺身刺身新鮮鮮甜，口感滑嫩，搭配少許醬油和芥末，由淡既真鯛吃起至深海池魚鐵板南非鮑魚鮑魚肉質嫩滑，未食前師傅就比我地睇鮑魚好生猛，鐵板煎得香脆，唔洗任何配料，已經原汁原味。 鐵板美國頂級牛肉牛肉厚切成粒，肉質鮮嫩多汁，鐵板煎至微焦，釋放出濃郁的肉香，配上蒜片或洋蔥，味道更添層次。最後有鹿兒島櫻花蝦炒飯、 面豉湯、炒什菜、甜品，成個下午都會好滿足

季節前菜三點京都豆腐栗子(右下)，蟹肉拼沖繩水雲(左下)，鮟鱇魚肝鱈魚片。上菜既時候師傅會介紹食材同埋食法，豆腐豆味濃郁，中和咗栗子既甜味，蟹肉鮮甜，水雲酸酸地好開胃，鮟鱇魚肝用咗慢煮既方法烹調，口感軟滑，味道香濃。白松露油櫻花鯛魚薄切每一片都厚薄適中，配以白松露油，再灑上淡雪鹽，味道好有層次大池魚壽司同鰈魚壽司食材非常新鮮，鰈魚都灸燒得岩岩好，油香十足野生生猛龍蝦師傳先煎香龍蝦，然後起肉用龍蝦膏炒熟，口感爽口彈牙，味道惹味。三文魚籽配北海道帆立貝帆立貝兩邊煎到岩岩好，三文魚籽餐廳自家醃製，甜甜地幾好味。美國牛柳、牛肉卷可以配以鹽、洋蔥、炸蒜片等，牛肉juicy最後仲有櫻花蝦炒飯、炒什菜、魚湯同埋抺茶布甸，十分滿足。

帶朋友嚟靚景餐廳食嘢，落地玻璃24樓個景夠晒靚仲可以坐觀賞席睇廚師料理前菜豆乳栗子、松葉蟹肉、鱈魚片魚片配海鮮膏豆乳香滑重豆味配埋栗子甜甜地好食，松葉蟹肉配海藻，酸酸甜甜又爽口好開胃，鱈魚片魚片個個要比個like ，個膏好滑好香濃魚子帶子，帶子煎得外脆內軟，鮮甜，配埋底個汁超好食，提鮮壽司有兩種，厨師已經調好味，味道啱啱好，塊魚肉夠晒厚身，咬落好香魚油，一啲都唔腥龍蝦蝦肉爽口彈牙，配搭蝦膏一流牛肉有厚切薄切，沾淡雪鹽特別好食，唔阻佢本身個牛肉味，個牛肉仲咬落有汁好juicy 櫻花蝦炒飯，平時對炒飯冇咩期望，冇諗過炒飯可以咁好食，炒櫻花蝦個時已經好香，配搭炒飯好脆口，唔油膩，好難得食到咁出色嘅炒飯仲有個魚湯，好濃縮而唔會有魚腥味甜品綠茶布甸，幾鍾意粒黑豆淡甜味，幾清新，個布甸夠晒滑，有奶味得嚟綠茶味都好夠，唔會死甜，甜中帶有少少甘，非常好食

環境5分：上電梯已經可以望到外面風景，非常興奮，天后頂樓餐廳個景冇得輸，裝修骨子，室內光猛，吧位對住個廚房，望住D師傅煮野一目了然，畀硬五分。衛生5分：地方企理乾淨，廚房衛生，一樣滿分。服務5分：服務員同師傅都一樣咁爽手，不停加熱茶同介紹食物，非常專業同好招呼，服務滿分。味道5分：1)     季節前菜三點有清甜嘅京都豆腐拼栗子，酸甜醒胃嘅蟹肉拼沖繩水雲，同香濃嘅慢煮鮟鱇魚肝拼鱈魚片。2)     刺身有四塊好香松露味又夠清潤嘅薄切鯛魚肉。3)     壽司兩件都調好曬味，完全唔使點豉油，右邊件大池魚壽司好肥美，左邊件鰈魚邊壽司好幼嫩軟滑，兩件都好惹味。4)     自家製漬物好清爽。5)     野生生猛龍蝦係澳洲龍蝦，由魚缸生勾勾拿出黎非常生猛，煮熟左食特別爽。6)     三文魚籽配北海道帆立貝刺生級嘅帶子燒到好香，加上超新鮮超彈口嘅三文魚籽好好食。7)     美國牛柳大大粒，好淋好有牛味仲好juicy。8)     鐵板炒飯睇住師傅生打D雞蛋炒，新鮮熱辣香噴噴，响面果D櫻花蝦非常香口同脆卜卜。9)     鐵板炒什菜好新鮮同爽。10)  季節濃魚湯係用鯛魚餚出，魚味非常之濃，

感謝祭限定大激賞套餐見到呢個餐做緊promotion $800有龍蝦🦞，北海道帆立貝 同8道菜就揀咗呢個餐試吓😆😆季節前菜(3點)🔸京都豆腐滑嫩的豆腐口感，搭配清新的醬汁，十分開胃嘅一道菜🔸沖繩水雲水雲口感脆爽，配上啖啖蟹肉🦀🔸鮟鱇魚肝濃郁的魚肝香氣，香噴噴🤤刺身🔸白松露櫻花鯛魚薄切新鮮的鯛魚片切得厚薄適中，每一片都帶著細膩的口感，再灑上帶有米香既淡雪鹽，味道配搭一流壽司🔸大池魚壽司、鰈魚壽司魚肉鮮嫩，米飯的酸度和魚的鮮味恰到好處調味唔會太濃，讓人感受到純粹食材的鮮味☺️鐵板燒🔸野生生猛龍蝦🦞生猛澳州龍蝦大大隻，肉質精瑩通透，睇得出非常新鮮😍廚師即席烹調火候掌握得當，唔會煮得過熟醬汁用上龍蝦膏，調味非常濃郁🤤🤤食落令人非常滿足😀🔸三文魚籽配北海道帆立貝帆立貝鮮美，廚師煮到半生熟配上三文魚籽為整道菜增添了層次感☺️🔸美國牛柳 我哋要求要五成熟，厚燒牛肉外焦內嫩，肉汁豐富薄燒牛肉捲入蔬菜蒜片，食入口更加有層次😆🔸鐵板炒飯🍚粒粒分明，蛋香處處，加上炒得焦香撲鼻既樱花蝦，味道香濃又滋味🔸鐵板炒菜鐵板炒芽菜，清脆的口感讓人覺得輕盈，品嘗完濃郁既菜色後可以refresh一下🔸鯛魚湯🍲湯底濃清甜帶有鯛魚

最近Netflix的料理韓綜《黑白大廚：料理階級大戰》成為城中熱話，節目聚集來自韓國各界的料理好手，相信很多觀眾都在電視前看得口水直流呢！位於天后的「宴．鐡板燒」是一家樓上鐵板燒店，可近距離欣賞由活生生的師傅即席炮製美食，而食材選擇非常豐富、多元化，豐儉由人，總有一款合你口味！環境：✨位於亨環‧天后24樓，能飽覽維港景色，地方明亮，另設有包廂，私隱度高，可滿足食客用餐時的低調與自在。服務：✨筆者當天預約了6時，整體上菜節奏明快；職員有禮，動作利落，積極倒水收拾及清潔檯面。食物：🎊 感謝祭限定大激賞 (原價$1,150/ 位，優惠價$800/ 位)🥢 季節前菜 (3點)✨京都豆乳：製成滑嫩可口的豆腐，頂上甜蜜粟子。✨沖繩水雲：加入松葉蟹肉，質感滑順，清爽開胃。✨汁煮鮟鱇魚乾：味道醇香對胃。🐟 刺身✨白松露櫻花鯛魚薄切：採用九州真鯛，味道清雅柔韌，搭配淡雪鹽與松露油提味。🍣 壽司✨大池魚壽司：纖細柔軟的深海池魚。✨鰈魚壽司：潔白軟滑的右口魚。🧄 自家製漬物🔥 鐵板燒✨野生生猛龍蝦：採用原隻新鮮澳洲活龍蝦，肉身飽滿鮮美，滑脆彈牙，拌上以牛油、豉油製成的龍蝦醬汁同吃，啖啖滋味！✨三文魚籽配北海

生日飯 朋友話帶我去食鐡板燒「宴·鐡板燒」坐落於天后亨環頂樓呢度景色真係一流這天天朗氣清 藍天白雲望住維港海景食鐵板燒真係一件樂事餐廳有鐵板燒席前座位個人黎講食鐵板燒好鐘意坐師傅前面可以欣賞師傅的廚藝 這裡的師傅擁有多年經驗食材配搭方面花盡心思而每道菜上桌時都會詳細跟客人講解又會同客人互動令整個用餐體驗更加愉快深刻而且餐廳定時有推廣優惠宜家就做緊八折優惠$280呢個午餐價錢真係大癲另外仲可以優惠價錢追加刺身，和牛，鵝肝客人可以各取所需 我地就加左刺身刺身方面有3片師傅教我地先吃深海池魚池魚口感清新爽口然後是真鯛個人最鐘意來自日本九州既鯛魚配上白松露油、淡雪鹽及食用紫蘇花魚肉口感彈牙 而松露味好出最後就是經火灸過太刀魚 口感最實在 季節前菜是合桃小女子漬物即是魚乾加入芝麻合桃味道甘甜而帶鹹的開胃小吃另外有自家製漬物蘿蔔漬 口感爽脆 //南非鮑魚//鮑魚非常新鮮 未煮之前仍然生猛師傅只是以牛油烹調輕輕灑上黑椒 鮑魚口感爽彈入口味道已經好出伴碟配有咸鮮味十足的明太子醬沾上了明太子醬又是另一番風味個人黎講好喜歡另外有新鮮生菜配黑醋汁食完鮑魚可清清口感 //厚切牛柳//師傅會先問客人喜歡牛柳的

「宴·鐡板燒」坐落於天后亨環頂樓，遠眺維港海景，景觀相當一流，這裏的鐵板燒師傅擁有多年經驗，食材優質新鮮，配搭方面亦花盡心思，務求令道菜帶給客人視覺和味覺上驚喜，而且定時有推廣優惠 ，好似今日我和友人去食晚餐，原來午市和晚市做緊八折優惠，我哋選擇新鮮龍蝦牛柳套餐，都只係$800一位，非常抵食👍🌟感謝祭限定大激賞原價 $ 1150限定優惠每位 $ 800▪️季節前菜（3點）✨京都豆腐～配合清甜甘栗和芥末，清新美味✨鮟鱇魚乾～口感滑嫩細滑、入口即化✨柚子蕃茄～清新又清甜▪️白松露樱花鯛魚薄切鯛魚刺身比較淡口，配合淡雪鹽、白松露油，魚香味即時提升▪️深海池魚｜右口鰈魚邊壽司深海池魚，口感柔軟，魚味濃郁，而右口鰈魚邊經炙燒過魚油滿滿，相當肥美▪️自家製漬物這裏的漬物一共有六款，味道相當出色，個人最喜歡是苦瓜漬、蒜頭漬和蘿蔔漬，用不同的材料醃漬，作為開始鐵板燒前的小食相當不錯▪️野生生猛龍蝦（每位半隻）新鮮龍蝦即劏超級生猛，龍蝦新鮮爽口又彈牙，被濃濃的龍蝦膏醬汁包圍着，味道濃香非常惹味▪️三文魚籽配北海道帆立貝帆立貝超巨型，燒至生熟程度剛好，肉質鮮甜，配上帶甜香的醃漬三文魚籽、新鮮海苔、木魚清湯、味道超鮮味

要吃到質素高又價錢合理的鐵板燒，天后的“宴·鐵板燒”必定是一個好選擇。今晚雖然不是週末或假日，但餐廳依然爆滿，座無虛席。幸好我們已預早訂了位，否則一定要吃閉門羹。餐廳正進行“感謝祭限定大激賞”，原價$1150一位的套餐，現在限定優惠只需要$800一位。這麼吸引的推廣，當然要一試吧。前菜：🍶季節前菜(3點)～3點包括京都栗子豆乳，冲繩水雲配松葉蟹及鮟鱇魚肝。席前師傅建議我們先吃相對淡味的豆乳，然後吃水雲，最後才吃滑不溜口的鮟鱇魚肝。刺身：🐟白松露櫻花鯛魚薄切～鯛魚充滿白松露油的香味，加上如雪花般潔白細緻的淡雪鹽，令鯛魚的鮮味昇華至更高層次。壽司：🍣深海池魚壽司，太刀魚壽司～先吃淡味的池魚壽司，再吃較濃味的太刀魚壽司，一口咬下便嚐到魚鮮及壽司飯香。自家製漬物：🧄以冲繩苦瓜、柚子白蘿蔔、沙葛，南瓜及木魚蒜頭佐吃鐵板燒，成功減去燒物的油膩感。鐵板燒：🦞🥩野生生猛龍蝦肉質彈牙、三文魚籽配北海道帆立貝口感鮮嫩，厚燒及薄燒美國牛柳熟成度剛剛好，肉味濃郁。鐵板炒飯鋪滿櫻花蝦干，十分惹味。鐵板炒什菜以較濃味的日式芝麻醬汁配搭清淡的芽菜，濃淡配合得宜。吸物：🥣季節濃魚湯～魚湯鮮香味美，濃郁滋味。甜品：🍵綠

平時好少食鐵板燒，尤其喺香港好難搵到好味嘅鐵板燒，同朋友嚟試嘅呢間鐵板燒就真系好有驚喜！適逢佢哋做緊感謝祭大激賞，晚餐有八折，好抵呀！前菜裡面有三個小食，栗子豆腐裡面嘅栗子好甘甜，豆腐好滑，豆味濃郁！另一碟就系淮山蟹肉水雲，日本嘅水雲好出名，甚至有話系長壽嘅秘訣！哈哈哈！食落去感覺滑捋捋，好特別！最後一個系北寄貝鱈魚乾沙律，喺鱈魚乾上面擺上北寄貝沙律，一口咬落去超滿足！白松露櫻花鯛魚薄切鯛魚肉質晶瑩剔透，每一片魚肉都好甜，可以睇得出啲魚好新鮮！壽司大池魚壽司嘅味道較淡，肉質鮮甜！右口魚壽司就較為濃味，廚師好細心咁樣介紹每款食物嘅進食順序，等我哋可以循序漸進，好好咁品嘗每一味壽司！ 鐵板燒來到重頭戲嘅鐵板燒，竟然有龍蝦！而且系啱啱喺水缸裡面撈上嚟，可見佢哋嘅龍蝦有幾新鮮生猛！廚師亦都善用每一樣食材，龍蝦頭的膏用來做成醬汁，龍蝦肉質緊實！超好味！三文魚籽配北海道帆立貝魚子是醃制過的，很甜！帶子同樣都鮮甜！另外旁邊伴碟嘅海藻原來都可以用嚟食嘅！輕輕點上一啲豉油就可以食，味道很清爽，解滯一流！美國牛柳廚師用兩種方法來炮製，薄片牛肉包住蔥蒜，咬落去蔥蒜味喺口中爆開，口感同味道都好豐富！厚切牛肉粒

🌠bar台鐵板燒試過，但睇住日落食鐵板燒就真係第一次!🌉餐廳最近有感謝祭限定大激賞，每位$800 加一就可以享受到別出心裁既高級美食，兩小時既人生享受~最特別係除左鐵板燒仲有刺身 壽司，一次過滿足哂所有願望🌟🌟先來個季節前菜3點，有黃豆味既豆腐(連芥末)、酸甜既水雲菜立連沖繩蟹肉、薯仔沙律北海道刺身白松露樱花鲷魚薄切，鯛魚配上雪鹽帶出鮮味；師傅刀工純熟切得非常簿😘🌟壽司有大池魚壽司，鯡魚壽司，肉質鮮嫩肥美，油脂豐富🐠🌟自家製漬物就可以清清喉嚨，開始進入熟食之旅🦦🌟野生生猛龍蝦好彈牙，以海膽汁調製，切到一粒粒食野好方便，而且仲可以加少少檸檬汁帶出鮮甜既味道🦞🦞🌟三文魚籽配北海道帆立貝,美國牛柳&西班牙黑毛豬🥩大大粒既帆立貝上面仲有三文籽，綠色既係海苔汁，配搭好特別呀美國牛柳有一粒 好有口感 半生熟最後仲有西班牙黑毛豬 🐽配上炸蒜片 岩鹽🌟鐵板炒飯粒粒分明 大量大量櫻花蝦、香蔥🍚🌟鐵板炒什菜 簡單既芽菜都盡量功夫 因為有自家製醬料, 食哂~🥒🌟最後仲有湯 & 抹茶布甸💚抹茶布甸好濃好滑，賣相好別緻食左兩個幾鐘, 真係好滿足!!

我朋友今個月生日，趁我放假尊登請佢出嚟食飯，知佢喜歡食好嘢，所以我都唔敢怠慢，蒐集晒所有資料，搵到呢間日本餐廳，應該合佢心意。 呢間位於天后地鐵站附近嘅日本鐵板鐵，位置很好找。而且餐廳景觀一流，面向整個維多利亞港，而且佢哋嘅午市套餐極之抵食兼好好味。➰ 季節前菜 * 京都豆乳，上層甘粟煮加埋枝豆蓉 呢個豆乳嘅豆味好香濃，又帶有甘粟嘅香甜。* 核桃小女子小女子即係日本魚仔，把魚仔酥炸後，再加甜醬油煮成，再配合埋核桃食，口感酥脆之餘又帶點甜味。➰ 季節刺身兩款* 深海池魚 師傅教先食較為淡味嘅深海池魚，魚味好鮮甜。* 太刀魚師傅把太刀魚面層用岩鹽微微燒過，令到魚嘅油脂味更香濃。➰ 精選壽司兩款* 烏賊壽司烏賊切成絲上面再加一層師傅自己磨成嘅蝦碎，夠晒鮮美兼彈牙。* 目光魚壽司師傅把目光魚微燒過，上面再加上蔥花，食落有好香嘅油脂味，蔥花嘅加入更能提香。➰ 帆立貝配鮮海苔呢個帆立貝係北海道出品，超大隻兼好厚肉，師傅把帶子煎香後，再搭配埋三文魚籽，口感夠晒鮮嫩清甜。而帶子下面更有清甜嘅海苔湯汁，令整個口感層次更為豐富。➰ 沙巴虎蝦師傅把沙巴大虎蝦煎到好香口，而蝦肉夠晒鮮甜味美，醬汁方面就係用咗

生日飯，我哋訂咗OpenRice$1988鵝肝龍蝦餐，龍蝦身做了刺身浸冰水上碟，中size西澳龍蝦, 蝦肉尚算新鮮，但係去到食甜品先知道原來這一隻龍蝦糕頭同埋爪要另外加錢先有得享用，從未試過日式鐵板燒龍蝦頭同身分開收費，基本都會用上蝦膏炒，同埋蝦頭蝦身啲肉可以做麵豉湯，反而尾二跟一個完全冇相關嘅魚湯！就係因為呢個消失咗嘅龍蝦蝦頭，的確有啲失望!

前幾日去左間位於天后既鐵板燒餐廳座位以廚師吧枱為主，可以欣賞到師傅席前料理既過程。食材高質，服務滿意。當日有兩抬客人慶生，氣氛滿滿。季節前菜（三點）京都豆腐口感非常綿密，黃豆味道濃厚，加左芥末提鮮。水雲菜帶黏滑口感，味道酸酸甜甜，十分開胃。師傅加上沖繩蟹肉絲作點綴🦀。明太子薯仔沙律北海道微辣明太子混合軟腍薯仔，配搭完美！白松露櫻花鯛魚薄切師傅以純熟刀工切出晶薄透光既魚片。產地源於日本九州既鯛魚，顏色粉嫩配上白松露油、淡雪鹽同埋食用紫蘇花，魚肉細緻彈牙，十分鮮味。 深海池魚壽司深海池魚本身已經調左味，肉質鮮嫩肥美，油脂豐富濃郁。醬油漬右口魚魚邊壽司右口魚肉質非常滑嫰，油脂感爆燈，絕對令人回味無窮！野生生猛龍蝦龍蝦鮮味濃厚，非常新鮮爽口彈牙，肉質緊實有嚼勁，以海膽汁調製，食到我地舔舔脷。三文魚籽配北海道帆立貝北海道帆立貝大大粒，肉質鮮甜，厚實彈牙。以海苔調製而成既醬汁，每一啖都充滿清新既味道。加上三文籽滿滿魚油滲進口中，多層口感，太邪惡🤣！鐵板燒牛肉分別有厚燒或者薄燒，我地各叫一款share🤩。師傅會問客人想要牛既生熟程度，我地就揀左五成熟。薄燒牛有著霜降般既油花分怖，軟嫩又多汁，牛味濃郁