宴．鐡板燒 (亨環‧天后)

營業中

休息中

呢間鐵板燒日式餐廳喺亨環‧天后頂樓，有吧枱同少量卡位，先入到去就俾佢個維港無敵大海景🌊吸引住，望住中環灣仔方向，完全冇遮擋，景觀一流！約朋友嚟慶祝，可以望住廚師即席製作料理，仲有得嘆埋個靚靚海景，成個體驗一定超好！------------------------------🍳◖感謝祭限定大激賞◗ $800套餐包咗前菜、刺身、壽司、鐵板燒、湯同甜品，原價$1200，而家感謝祭$800就可以試到！🥗/前菜前菜擺盤夠精緻，由左下角順時針食起。京都湯葉口感似腐竹，豆味濃；水雲菜配日本蕃茄夠清新，酸酸地十分開胃；汁煮黑梅貝🐟/白松露櫻花鯛魚薄切長崎縣真鯛薄切，配上白松露油同淡雪鹽，最後灑上紫蘇花，賣相一流！先食到松露嘅香氣，再有淡淡鹹味帶出鯛魚嘅鮮味，就咁食都已經好正🍣/壽司有深海池魚同醬油漬右口魚。先食淡口啲嘅深海池魚，口感軟糯；右口魚輕輕炙燒過，入口魚油香更出，口感軟滑仲附上自家製漬物🍱，苦瓜漬物第一次食，味道微苦酸酸地，唔太食苦瓜都接受到～🔥/鐵板廚師開始大展廚藝，順序由帆立貝、澳洲龍蝦、牛柳、炒飯、炒雜菜開始食。🦞澳洲龍蝦好新鮮，師傅將活生生嘅龍蝦拆肉，先將蝦膏煎出嚟，再將啲蝦膏味道迫返

嚟到天后呢間超高質鐵板燒，食個大餐先！1️⃣前菜🌹京都湯葉滑溜富有豆香，入口即溶！再加咗芥末提鮮，更香口🌹本菇水雲菜配日本溫室蕃茄水雲菜酸酸甜甜，好似食緊蒟蒻咁，加埋好鮮香嘅蕃茄，十分開胃🌹汁煮黑梅貝呢款成隻貝上，再加海鹽托底，造型好靚師傅煮足三個鐘，令貝身好淋，又有黑梅甜味滲出2️⃣刺身🌹白松露櫻花鯛魚薄切薄切晶瑩剔透，淡雪鹽＆白松露香氣十足，賣相份外夢幻高貴；魚身又比想像中彈牙3️⃣壽司🌹大池魚壽司白身魚，魚香味濃，魚身質感厚實🌹鰈魚壽司即係火炙右口魚邊，一上碟已經聞到火炙香氣！呢款油脂感較重，加上濃郁嘅醬汁，十分香口再以自家醃製洋蔥點綴🌹自家製漬物可以邊食鐵板燒，邊解膩！4️⃣鐵板燒🌹三文魚籽配北海道帆立貝海苔高湯味道濃郁，就咁飲已經好正，再加上自家製三文魚籽，鮮香再提升一個層次，而帆立貝煎得好好，外脆內軟，既保留到貝身嘅鮮味，外皮亦做到焦脆嘅效果，無得彈🌹野生生猛龍蝦師傅係面前即劏的龍蝦，鮮味爆燈！爽彈的龍蝦球仲保持到好嫩的肉質，師傅爆炒番龍蝦本身嘅蝦膏，令味道更香濃惹味🤤 每啖都有滿滿嘅蝦膏！不須另外調味都已經好正🌹美國牛柳二食🌟薄切牛牛肉有嚼口之餘，當牛油迸發，再被巨量好惹味的香蔥蒜味索番

真係好好彩我去到嗰陣仲有位，今晚係全場爆門。一去到嘅時候師傅已經好努力咁樣準備緊陣間嘅食材。今日天氣冇話特別好，雖然有海景，但冇日落，下次一定要喺好天嘅時候再嚟多次。我哋揀咗一個餐，主打有龍蝦又有牛嘅，仲再加埋其他高級食材，睇完個餐牌都已經肚餓成餐飯我覺得有幾樣嘢係我特別特別鍾意食，首先係個刺身，新鮮得來，佢加咗一啲白松露去點綴，吊起咗魚肉嘅鮮味。兩個壽司都係各有精彩，因為輕輕燒過一下，所以佢嘅油脂出晒嚟，食完之後你真係會再食多幾舊。扇貝係刺身級別嘅，所以食落零舍嫩滑。去龍蝦膏炒埋一齊嘅龍蝦肉就自然係重中之重，龍蝦肉食落爽口彈牙，上面也滿晒龍蝦膏嘅醬汁，好惹味。我同朋友一個人揀咗燒牛一個人揀咗厚切牛，廚師幫我哋Max咗埋一齊，所以我哋兩樣嘢都試得到綠色牛入邊就多咗啲蔥香，揀咗五成熟。厚切牛睇個厚度會好咬唔郁，但係一啲都唔會。牛肉好細膩無筋

🌟池魚壽司，一嚟到賣相非常靚仔，一食落口池魚既肉質非常鮮嫩肥美，而且有脂厚油香口感，入口魚既油甘香細膩，再加埋壽司飯，簡直冇得輸！非常有驚喜，我同朋友都非常鍾意呢一個池魚壽司！🌟日本帶子，餐廳用咗海藻再加埋少少清酒去烹調呢一個北海道嘅帶子，帶子嘅味道非常出色，佢嘅肉質好細嫩，第一啖咬落去就有出散發鮮甜美味既味道，成個口感做得唔錯，而且食得出食材本身非常新鮮！🌟澳洲龍蝦，一嚟到就見到餐廳喺自家嘅魚缸上面拎起呢一隻龍蝦，確保真係每一隻生猛，亦都係扎扎跳，睇落都知道非常新鮮！澳洲龍蝦肉肥美，肉質亦都非常飽滿多汁，口感既滑又彈牙！餐廳用咗最簡單嘅烹調方法，用咗本身龍蝦頭嘅膏，條配出呢一個龍蝦嘅醬汁。成個龍蝦嘅擺盤亦都非常靚，忍唔住即刻攞電話出嚟打咭，餐廳亦都成隻龍蝦肉起咗出嚟，每一啖啖啖肉非常正，呢一個菜嘅質素非常高！🌟薄燒美國牛肉，美國牛肉嘅油香非常好，而且佢嘅油花分布非常靚，我哋都非常鍾意餐廳加咗日本嘅香蔥同埋乾蒜，令到成個口感更加提升，味道上亦都非常好食！🌟櫻花蝦炒飯，廚師非常細心，會問我哋有冇啲乜嘢特別嘢唔食，炒飯上邊有大量嘅櫻花蝦乾，撈埋炒飯一齊食，真係非常好食，有滿滿嘅櫻花蝦味道，

又有景，啲野食又正到無朋友既鐵板燒算係難求，但依間位於銅鑼灣既高空餐廳就做到🔆當日同屋企人食咗佢哋既感謝祭限定大激貫set，（ 原價$1150，現每位$880❗️）有我personal favourite ：勁鮮甜既澳洲龍蝦又有煎得啱啱好，同三文魚籽夾埋一齊好match 既煎北海道帆立貝、同去鐵板燒必食既美國牛柳做主打，啲美國牛柳既肉味重得來又無日本和牛咁肥，3樣野加埋真係一次過滿足唒我胃部3個願望！另外作為前菜刺身既白松露櫻花鯛魚係可以balance 返啲燒物，令到成餐飯唔會太油膩，加埋其他漬物、主食（係櫻花蝦炒飯，但我已經唔夠位post 同食）同甜品，整體來講我好滿意呀😆！

呢日黎到天后食飯, 為左慶祝友人生日,一早已經訂好左枱! 準時赴約! 食鐵板燒其中一個最好既好處就係同師傅有互動, 睇到佢地做緊乜, 佢都會問我地有咩食有咩唔食, 佢亦都睇我地食野既時候就知我地中意食D 乜~ 呢日我地揀左食呢個dinner special set! 呢個SET 一人$1380, 真係有好多野食, 食到最後真係超滿足, 一開始就有前菜,佢既前菜擺盤都非常之靚! 魷魚令人驚喜! 跟住就係令和怪物, 呢款蠔勁大隻!個咀再大都一啖食唔哂隻蠔, 要分起碼兩啖, 可想而知隻蠔既size係幾咁巨型! 味道好好! 跟住就係佢個吞手魚卷,同平時唔同既係佢用左雪魚片係底, 成件事好特別, 味道好突出!跟住就係帶子、虎蝦、鵝肝、牛! 友人既牛係薄切,我既係厚切, 食到落口真係不得了… 全部都好好味… 食材本身好新鮮, 味道好好, 跟住鵝肝係超大舊… 食落口真係巨滿足!炒飯、炒雜菜、魚湯全部都好出色, 最後以抹茶甜點作結,真係冇得挑剔!

不愧是香港的人氣鐵板燒，就算是工作天也座無虛席，一入店內就被一線無遮擋海景吸引住，看着維港景用餐特別寫意-我們說的午市套餐 性價比好高包括前菜 刺身 壽司主菜嘅鐵板燒仲有海鮮 鵝肝 牛柳仲可以一邊享受咁靚嘅海景448 一位 物有所值今日嘅前菜係靜岡溫室蕃茄配搭了少許淡胡椒 更能夠食到蕃茄的鮮甜北海道白粟米，口感很清甜第一道菜是刺身 深海池魚和醬油漬金目鯛油甘魚腩和金鯛都很新鮮魚油很香，很豐富最深刻的菜式是帆立貝配鮮海苔自家醃製的三文魚子不會太鹹 更鮮甜加上新鮮的海苔和鮮熬上湯出汁帆立貝的鮮味更出色鐵板美國牛柳 加上蒜片真係好惹味蒜片都係自家製 食唔停口火候亦都會根據你嘅喜好我哋揀咗五成熟鵝肝多士係厚切配上意大利黑醋可以減低油膩感覺擺盤都係超靚薄燒牛柳配上蔥燒好香仲有我最鍾意嘅沙巴虎蝦完全沒有浪費蝦頭的蝦膏調味好好食 少許新鮮檸檬汁溫和好香濃啊最後仲有櫻花蝦鐵板炒飯喎，傳統味噌湯整個體驗都是非常滿意希望下次朋友可以再請我食晚餐試吓啦

這間鐵板燒在平日的晚上全場爆滿超唯美的日落海景盡收眼簾想吃的話，記得提早預約哦現在他們在進行優惠鐵板燒經典套餐由$1150 減至$800 每位整個套餐吃下去完全是飽到走不到🥢前菜京都湯葉配馬糞海膽、本茹水雲菜配日本溫室蕃茄、汁煮黑梅貝前菜擺盤非常精美 湯葉配馬糞海膽 味道鮮甜 水雲菜酸酸甜甜 黑。梅貝肉質爽口彈牙🥢白松露櫻花鯛魚薄切刀工超好的薄切鯛魚 配上白松露鹽 白松露味道在口腔溢出 更加帶出魚的鮮甜🥢大池魚壽司、左口魚壽司池魚壽司非常肥美 入口即化火灸的左口魚壽司 油脂充足 在口中化開 十分美味👍🏻🥢三文魚籽配北海道帆立貝師傅用恰當的溫度 將帆立貝烤成焦脆的外表 刺身級的帆立貝裏面環保持住軟軟的肉質 配上自家製略帶甜味的三文魚子 一口下去，非常有層次感 非常出色👍🏻🥢澳洲龍蝦師傅將龍蝦的膏拆出 作為龍蝦肉的醬汁 龍蝦肉非常彈牙爽口 配上香濃的龍蝦膏醬汁 令人回味無窮🤤🥢美國牛柳 (可選厚切/薄切)我們各自嘗試了一個厚切和薄切不怕吃生的 非常建議點選三成熟肉質會比較細嫩 厚切的牛柳 非常軟腍 咬下去肉汁非常充足👍🏻而薄切中間會夾着一些蔥花等等的調味 完全是另一個口感🤤 兩個都是我吃過

黃昏時間嚟到呢間餐廳食鐵板燒，望住個大海景Chill住咁享受佢既感謝祭鐵板餐🍽️前菜京都湯葉，本茹水雲菜配日本溫室蕃茄汁煮黑梅貝🍽️ 白松露櫻花鯛魚薄切灑上白松露油同海鹽，離遠就已經嗅到好香既松露味，配埋海鹽食落口又突出到松露既香味又可以帶出鯛魚既清甜🍽️大池魚壽司，鰈魚壽司🍽️鐵板燒澳洲龍蝦，三文魚籽配北海道帆立貝🍽️鐵板燒美國牛柳鐵板燒既海鮮用肉類都好正，值得一提既係我同友人都食牛，所以就推介我地一個嗌厚切一個嗌薄切，可以Share食到兩款唔同既美國牛。我就鐘意厚切多啲，牛味好濃。朋友就鐘意薄切因為燒出晒佢既油脂，好香🍽️鐵板炒飯，鐵板炒什菜食到最後有炒什菜可以清下個口，炒飯炒得粒粒分明，唔覺意就食晒成碗飯好飽😂🍽️季節濃魚湯魚湯係全晚最驚豔既一道菜，飲得出濃濃既魚味，好清甜一啲都唔油膩

餐廳係天后站一出行幾步就到既亨環頂層落地大玻璃可以睇到維港兩邊既景色 日落時份好靚⛅坐定定睇日落咸蛋黃 心情即時大好 🤣無論係吧枱&四人枱 都可以放鬆咁睇到靚靚景我地揀左坐吧枱 睇師傅大顯身手🥰晚餐有幾款套餐 食物既種類數量各有不同我地就揀左感謝祭優惠套餐 👍🏻開始鐵板燒之前 仲有前菜 刺身 壽司最後有熱湯&甜品 好豐富 一定夠飽🥳師傅控制火喉功力好好 仲幾TALK得食物質素不在話下 每款食物都配左獨特醬料 擺盤精美 睇到都心情舒暢海鮮類特別高質 一定要試下😝💥前菜三點京都湯葉 即係日式豆腐皮 黃豆香十足 口感嫩滑本菇水雲素麵配靜岡蕃茄 略酸好清爽 食埋好開胃汁煮黑梅貝 細細但味道不俗 仲好彈牙添🐚💥刺身 白松露櫻花真鯛薄切薄切四片 加左白松露油&淡雪鹽 幾特別配搭真鯛柔軟口感 餘韻有陣陣既白松露香 💥特選壽司深海池魚配柚子胡椒 醋飯夠熱 帶出清香魚味鰈魚配洋蔥汁 即係右口魚裙邊 魚油香突出 滿滿既油脂感🔥鐵板燒💥三文魚籽配北海道帆立貝帆立貝整得表面焦香脆口浸係海藻清湯 配埋自家醃製三文魚籽 自然既海水咸鮮味突出 食落仲有帆立貝既甜味 😛💥澳洲龍蝦新鮮撈上黎既龍蝦 即刻處理 勁新鮮🦞🦞

一見到呢間出咗限定感謝祭活動，原價$1150嘅鐵板燒套餐而家$800就食到，日落黎個景色真係無敵，望到晒維港兩岸，好適合約會或商務嚟食🙂‍↕️先上精美前菜京都湯葉、本茹水雲菜配日本溫室蕃茄以及汁煮黑梅貝刺身有白松露櫻花鯛魚薄切，淡淡松露香而唔會搶走刺身嘅鮮味，壽司則有深海池魚，以及炙燒鰈魚，即右口魚最肥嘅位🥹鐵板燒環節首先有三文魚籽配北海道帆立貝，用海藻醬汁襯托出帆立貝鮮味🤤澳洲龍蝦🦞用返自身嘅蝦膏煮成醬汁，味道香濃肉質爽彈🥰牛肉方面可揀薄切和厚切，薄切嘅會加上大量蔥蒜包埋一齊，而厚切牛柳火喉控制亦恰到好處☺️最後有炸到好酥脆嘅櫻花蝦炒飯、鐵板炒雜菜、鮮魚湯同甜品，環境同食物水準都好好🥹

辛苦完又要食返餐好嘅慰勞自己，見朋友之前post呢間食鐵板燒嘅好正，今日終於book到枱嚟試吓。呢度嘅環境好靚，好舒服，望維港靚景，拍拖慶祝之選。前菜：京都湯葉，本茹水雲菜配日本溫室番茄，汁煮黑梅貝呢個前菜好精緻，最鍾意個本茹水雲菜配日本溫室番茄，酸酸哋好開胃。刺身：白松露櫻花鯛魚薄切鯛魚好好味，加埋白松露同海鹽入口好香，唔駛點豉油都已經好夠味壽司大池魚壽司，鰈魚壽司兩件壽司都預先調咗味，鰈魚壽司有燒過先上枱，迫咗啲魚嘅油脂，食落豐富嘅油脂，正👍鐵板燒澳洲龍蝦龍蝦好新鮮，即撈即煮，龍蝦燒得剛剛好，食落好嫩好彈牙，仲要加埋龍蝦膏做醬汁，成件事濃濃嘅美味。三文魚籽配北海道帆立貝三文魚籽鮮甜，帶子煎得有牛油焦香，但又唔會過熟，燒得啱啱好，好味😋美國牛柳有厚切牛柳同薄切牛片，厚切牛很軟嫩，配上岩鹽同炸蒜，更加美味。薄切就在裏面包了蔥，第一次咁食，感覺不錯，減少油膩感。鐵板炒飯鐵板炒飯，用櫻花蝦炒，炒飯乾身粒粒鮮明，加上櫻花蝦，好香口👍鐵板炒什菜鮮嫩嘅豆芽，經過鐵板快炒，仍能保持水份和爽脆，配搭秘製醬料，令風味有所提升。季節濃魚湯濃濃的魚湯，絕對真材實料，好味是日甜品：紅豆雪糕食得出係用靚紅豆，

返工難得有得放平日，決定好好獎勵自己，揀咗間高質鐵板燒嚟食。呢間鐵板燒位於天后，位置好方便，喺地鐵站隔離，咁啱嗰日落大雨都唔使行好遠就去到。餐廳喺24樓，望出去可以見到好靚嘅海景。前菜前菜一嚟就好驚艷，京都湯葉配上本茹水雲菜，酸酸甜甜，超級開胃。日本溫室蕃茄清爽多汁，北海道白粟米十分爽甜，仲有海膽配腐皮，道道都超級好味！刺身白松露櫻花鯛魚薄切花鯛魚本身好清甜，配埋淡雪鹽同埋白松露油，連豉油都唔使點，一放入口白松露嘅味即刻爆發出嚟壽司大池魚壽司比較爽口同埋清甜，鰈魚壽司比較滑身，但師傅用火燒一燒，令到本身嘅油香完全帶咗出嚟，食完啲油香留喺嘴入邊，兩款都好高質。鐵板燒澳洲龍蝦師傅會即場喺水缸撈隻龍蝦出嚟，隻隻都好生猛，再望住師傅即場切，然後放喺鐵板上面煎。隻龍蝦又新鮮又大隻，啖啖肉好正，而且蝦膏超級濃郁，真係好食到唔捨得食晒呀三文魚籽配北海道帆立貝日本帆立貝固自然鮮甜，但再由師傅熟練嘅手勢，煎到外層香脆，再配搭師傅自家製嘅三文魚子，下面仲有海苔湯汁，無論口感同埋味道都係超級正美國牛柳牛肉可以揀厚切或者薄切，薄切嘅牛中間會夾住香脆嘅蒜片同埋香蔥，咬落去嘅味道會比較豐富。好似嘅牛牛味比較濃郁，

又托生日飯的福🥰終於讓我吃到鐵板燒🥰酸酸的水雲超開胃🥰黑梅貝也很鮮甜🫶🏻🦪跟生魚片也超新鮮🤤燒右口魚邊身金槍魚腩加上鱈魚乾好好吃🥰口感很特別🥰煎鱈魚煎得超香🥹煎魚皮也特地分開煎得很香脆🤤沙巴虎蝦也煮得很鮮甜爽口～還加上了特地煮的蝦膏醬汁🤤我超愛的鵝肝更是完美🥰超大一塊🥰🥰和牛薄片包蒜片跟牛柳煎得剛剛好🥰油脂分布也剛好🫶🏻黑松露蟹肉炒飯更是好吃到再飽也要整碗吃完🥰(因為我生日的關係 師傅還幫我加了一顆煎得很香脆的太陽蛋🤤)炒雜菜炒得很脆很甜～再配上特製的醬一起吃更香🥰魚湯也是超級濃🥰(放不了這麼多張🙈)慶生甜點佈置也是做好做滿🥰🥰

首先介紹前菜，富山灣生螢光魷魚，真係好有特色，啲魷魚透亮，口感爽脆，係絕佳嘅開胃菜。配埋本茄水雲菜同日本溫室番茄，清爽又有層次感，汁煮黑梅貝味道濃郁。🍤刺身方面，白松露櫻花鯛魚薄切，真係一絕。鯛魚肉質鮮嫩，搭配松露油嘅香氣，真係無得頂，口感嫩滑。🍣壽司有大池魚壽司同群魚壽司，大池魚壽司嘅魚肉厚切，鮮味十足，飯粒唔會太軟亦唔會太硬，剛剛好。🍣講到自家製漬物，紅心蘿蔔甜中帶酸，脆脆地好開胃，苦瓜漬物亦都冇想像中咁苦，反而有種特別嘅甘香味，食落去好清新。🥒鐵板燒係呢度嘅招牌菜，首先係澳洲龍蝦，用蝦膏嚟做嘅龍蝦汁真係一流，鮮甜濃郁，龍蝦肉質嫩滑，鮮味十足；三文魚子配北海道帆立貝，帆立貝鮮甜彈牙，魚子一咬就爆開好juicy，兩者配合得天衣無縫。美國牛柳方面，薄切配蔥蒜捲成，另外厚切配蒜片和鹽，薄切牛肉入口嫩滑，蔥蒜嘅香氣提升咗牛肉嘅鮮味，厚切牛柳肉汁豐富，蒜片香脆，非常滿足。🥩鐵板炒什菜係一個唔錯嘅配菜，炒得惹味可口，色彩繽紛，令成道菜式更添美感。🥕季節濃魚湯濃郁鮮美，每一口都充滿海洋嘅味道，暖胃又滿足。🍲最後甜品抹茶奶凍，抹茶香濃但唔會太甜，奶凍滑溜溜，口感清爽，完美嘅收尾。🍵