宴．鐡板燒 (亨環‧天后)

營業中

休息中

又要搵下好野食，今次去港島搵下好野食，好耐無食日本菜，而且係午餐食日本菜，一定要搵間有質素嘅餐廳試吓。想搵間環境又好食物又有質素嘅日本菜應該就唔難，但係日本菜又有鐵板燒，我哋今次就搵到呢一間宴.鐵板燒。首先，黎個前菜係大少少甜甜地嘅魚仔同埋乾果，好味得來又開胃，然後食超正魚生片，跟住嚟咗一碟活生生嘅南非鮑魚、頂級牛肉，仲有鵝肝，先係眼睛大飽眼福，跟住師傅就攞去鐵板燒，就係味覺嘅享受，首先食鮑魚，師傅叫我哋先品嚐原汁原味，因為鮑魚本身帶咗海水味，師傅切好一片一片鮑魚味係好香濃，係我食過最好食嘅鮑魚，跟住就食牛肉，牛肉味冇得頂，之後就食鵝肝多士，不得了入口即溶。跟住就你個櫻花蝦炒飯，櫻花蝦又脆又香個飯粒粒分明超級好食。之後就飲麵豉湯，湯味濃而不鹹係好飲嘅，跟住就食個炒雜菜，雜菜最出色係佢個配料，加落菜到脆卜卜好好食，最後嚟過甜品收尾，簡直圓滿。