影片
開飯介紹
餐廳供應多款日式料理，其中壽司卷系列更引入充滿創意、色彩豐富的美加風味。菜式定價合理，座位舒適，適合多人分享美食。
繼續閱讀
營業時間
今日營業
12:00 - 15:30
17:30 - 22:00
星期一至日
12:00 - 15:30
17:30 - 22:00
以上資料只供參考, 請與餐廳確認詳情
有關獎賞計劃
相關文章
餐廳：古今地點：銅鑼灣澳門逸園中心菜式：日式居酒屋餐牌：主打特色創意卷物。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯類，清酒同飲品，仲有二人套餐。落單用QR code。埼玉網燒牛舌 $78 另加一琦玉網燒牛舌一客4大件，熱辣辣上枱，有返相當厚度。咬落去完全唔韌，口感超彈牙，味道夠鹹，伴有椰菜絲沙律可解膩同減鹹度。另外仲有酸汁可平衡鹹味。日式章魚小丸子 $48 另加一日式章魚小丸子一客6粒，熱辣辣上枱。面頭滿滿木魚花同紫菜絲，居然加埋椰菜絲同生菜。章魚小丸子整得脆皮，入面就滑溜，真係食到煙韌章魚粒，如果多d邪惡沙律醬就perfect啦。超級龍卷風 $98 另加一超級龍卷風一客8件，兩件尾六件身，飯卷包住紫菜，入面有啖啖肉炸蝦，加上鰻魚，忌廉芝士，青瓜絲同脆脆，面頭再加上脆脆同醬汁。食落口感好豐富，有脆口脆脆同滑溜忌廉芝士，而炸蝦都好脆口，味道口感豐富，又唔會過鹹或者膩。我特別鍾意有忌廉芝士。蜘蛛 $103 另加一蜘蛛一客5件，兩件尾三件身，紫菜外皮包住飯卷，飯卷加有好多蟹籽，入面就係炸軟殼蟹，加上蟹柳，青瓜絲，牛油果。食落口感有脆口炸軟殼蟹又有爽口青瓜絲，感覺都唔會太膩。兩款卷物一齊上碟，伴有日式芥末，酸薑片同食用花瓣，賣相不俗。裝修係以木材為主，非常日式，座位舒服，食物質素唔錯。
繼續閱讀
呢排忙住搬屋，大哥話好耐都冇同我食嘢，佢今日係希慎附近做嘢，所以近近地黎呢邊食…成棟都係食嘢嘅大廈😋😋好掛住佢哋嘅牛舌！食物埼玉網燒牛舌🔥必食！🫨佢唔點汁反而食到好香牛味🫢最緊要係佢個質感😂我會形容係𡁻緊一個咕𠱸😂一個有彈簧嘅cushions 😂😂😂自家玉子燒滿滿嘅蟹籽😳加上燒過嘅沙律醬🤭成個玉子燒好有質感😀我好怕食實的的個啲玉子🙄佢哋呢個好係海綿咁軟🤭好味火山🌋哥哥話天氣凍😂嗌個火山暖下🫣其實真係好暖…個一刻不過我肚餓🤤影好相下個卡就吹熄佢食😀我呢個角度😂望落好似火化緊🥹sorry超級龍捲風最鐘意佢呢個炸蝦🍤脆卜卜壽司🍣🥹🥹🥹啖啖幸福感🤭其他呢度開12點，我哋上去嘅時候，12點未到😂然後坐咗外面櫈一陣就入得去食！貪佢呢度地方舒服，又近地鐵站，又有地方行🩷🩷望住岀面好繁忙嘅步伐，自己坐喺咁休閑嘅地方，真係好講放鬆
繼續閱讀
之前去過尖沙咀 "古今二" 食日本菜，最近得悉銅鑼灣也有店舖，於是就試名物既日式卷物及料理，有好多款式選擇，好特別架。店內環境充滿日式風格及簡約嘅設計，地方雖然唔係好大，但都有些空間感，唔算擠逼，餐廳設有bar枱同2-4人枱，同朋友傾偈食吓飯都唔錯嘅選擇。嚟睇吓餐牌先，款式好多有刺身、特色卷物、壽司、鐡板燒、鍋物、丼飯、天婦羅、串燒、小食炸物、燒物、特色飲品、日本酒等等，日式卷物更是與別不同，值得一試！壽司薄餅 (辣味三文魚) $108圓圓Pizza形狀既壽司，底層外面係脆脆飯焦，中間軟糯口感，上面鋪滿帶少少辣既三文魚蓉同爽脆既蟹籽，食材新鮮，淋上自家醬汁，食落口感豐富，有創意既特色日本料理。蜘蛛 $103這款高質日式卷物壽司，軟殼蟹炸得酥脆但冇油膩感，即使放在飯卷入面都冇變腍，再加上蟹柳、牛油果同青瓜增加層次，口感更滋味。琦玉 網燒牛舌 $78每片牛舌都有一定既厚度，口感十足！燒烤至焦香，外脆內軟，牛舌嫩滑爽口，沾上特製日式醬汁，好美味。日式章魚小丸子 $48鋪上滿滿既木魚同紫菜，與小丸子一齊食，多重口感。小丸子外層脆口，入面軟綿綿，章魚好彈牙，配合日式醬汁好夾，唔錯。
繼續閱讀
放工約埋同事一齊食dinner~去咗呢度食創意特色既卷物！！呢度既環境氣氛都幾好,店員仲好nice好有禮貌添🥰🥰當晚我哋人少少，兩個女仔唔食得多，所以淨係叫咗兩款小食料理同兩款卷物share💕✨琦玉網燒牛舌✨網燒牛舌一客四件，燒得剛剛好～肉嫩爽彈，厚薄適中！！✨大阪自家製炸雞✨同樣好有水準，炸得外脆內嫩～沾上他他醬同吃就更覺開胃😆😆✨青龍卷✨以蟹柳同鰻魚作為內餡～表面以牛油果片包蓋，味道夾搭😚😚✨搖滾樂✨以炸蝦、cream cheese 同牛油果作為餡料～面層用上鰻魚鋪蓋，食落味道同層次感都好豐富😍😍呢度有多款創意卷物，又有不同既日式料理以供選擇，加上環境同服務都唔錯，難怪平日晚上都客似雲來，我地食完既時候仲全場滿座添！！！
繼續閱讀
首先，我試咗佢哋嘅「搖滾樂壽司」。呢款壽司有鰻魚同炸蝦。鰻魚肉質鮮美，配合著壽司飯同炸蝦，味道非常搭配。炸蝦加入咗壽司裡面，增添咗口感層次。另一款我試咗嘅是「富士山壽司」。佢哋將壽司表面鋪滿大量嘅蟹柳，堆疊成一座如富士山般嘅山峰。呢款壽司好有創意，而且味道亦非常出眾。食落去好滋味。整個造型都好吸引，令我食得好開心。我仲叫咗佢哋嘅「埼玉網燒牛舌」，一份有四件。牛舌肉質柔軟，網燒得剛剛好，每一口都咁多汁嫩滑，真係令人驚喜。配上啲特製嘅醬汁，味道更加突出。最後，我試咗佢哋嘅「大阪自家製炸雞」，內裡肉質嫩滑多汁。每一口都咁滿足，好適合當作下酒菜。配上蛋黃醬，味道更加美味。
繼續閱讀