Mano (The L. Square)

後知後覺原來 Mano 喺銅鑼灣都有分店（不過呢間就無 pizza）又可以食到好味手工 pasta 同埋牛牛 😋~Italian Braised Short Ribs with roast broccolini意式燴牛小排 配 澳洲西蘭花苗 - 經過燉煮嘅牛小排軟嫩入味，一叉就離骨~最欣賞中間嗰種微微膠質嘅部位~伴碟都唔失色，西蘭花苗清甜脆嫩，小甘筍無草靑味，連薯角都烤到外皮脆脆咁~Mano Lasagne芝士肉醬千層麵 - 經典不敗之美味，千層麵中間充滿肉醬、白汁、番茄醬、Parmesan 同埋 mozzarella 層層疊疊烘烤到金黃色~ 呢間好食在唔油膩，仲係挺身唔會未食已經一pat 嘢咁，口感豐腴好有幸福感❤️Sides - Mushrooms忌廉牛油蒜香雜菌 - 原本都想食個黑松露蘑菇扁意大利麵但最後比 Lasagne 打敗咗，唔緊要我哋個 sides 叫咗個菇一樣咁好食，口味勁濃郁一食就知勁邪惡~連個包都好鬆軟！呢款 Sides 嘅水準媲美主菜，大推開咗一樽紅酒嚟伴菜，Masciarelli Gianni Montepulciano d'Abruzzo 2020~ $290 價錢唔貴幾抵飲~另外試咗佢哋嘅新 Cocktail~ 好香開心果味，竟然仲有個好鹹香嘅奶蓋，dark chocolate martini 底嘅酒感唔重反而甜甜的幾易入口，鍾意開心果同朱古力嘅要試吓！…查看更多

大隻仔今次覓食嘅店舖就係💥 MANO 💥地址：銅鑼灣駱克道The L Square 5樓大隻仔今次介紹一間位於銅鑼灣核心地帶既modern Italian 餐廳，餐廳價錢唔算貴，而且味道不錯，喺OpenRice預早訂位仲有七五折，最啱約朋友銅鑼灣行完街一齊食晚飯。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 香烤千層芝士茄子 $68傳統意式焗茄子做法，每一層茄子之間都充滿蕃茄醬同 mozzarella cheese，加上洋蔥同蒜頭嘅香味，味道濃郁。🔥 忌廉牛油蒜香雜菌 $68用牛油爆香蒜蓉炒雜菌，再加入忌廉拌勻，牛油香味好突出，會食唔停口，附送嘅麵包外脆內軟，非常好食。🔥 Traditional Porchetta $238餐廳其中一款signature dish，傳統意式脆皮燒腩卷配辣肉腸蘭度豆，豬腩卷烤焗至外皮脆卜卜，中間豬肉帶有少少油香，雖然少少肥膩，但非常好食，辣肉腸蘭度豆味道一樣咁出色。🔥 卡邦尼扁意粉 $168用上扁意粉，每一條扁意粉都非常掛汁，灑上大量芝士，味道香濃。…查看更多

同朋友慶祝生日就當然要搵個環境舒服又坐得耐嘅地方慢慢邊食邊傾。上openrice碌左好耐，最後就決定去樓上鋪嘅意大利餐廳。餐廳雖然唔算大，但寬闊嘅環境都令人好舒服，而整體上都感覺好chill，啱晒同朋友慢慢傾計。我地叫左兩個lunch set，再加配餐湯、沙律同甜品每個set都包一杯飲品，咁我就來一杯凍檸茶，生日壽星就升級飲返杯清甜解渴嘅荔枝蘋果特飲。加配嘅凱撒沙律有新鮮沙律菜配上芝士碎、煙肉同脆卜卜嘅的麵包粒，口感好爽脆。南瓜湯同樣出色，入口超濃香南瓜味又夠creamy，口感豐富。我嘅主菜係 香煎盲曹伴香草醬普羅旺斯燉菜，煎至外層香脆，魚肉嫩滑，入口即化而且一啲腥味都冇。而佢嘅燉菜軟腍香濃，加埋個蕃茄醬汁嚟搭配真係恰到好處。壽星嘅主菜係燒豬梅頭扒拼薯條，梅頭扒咬落非常軟腍又juicy，味道唔會太濃但就已經好夠味。外層燒得剛剛好，微微嘅燶邊食落加多一份香口。薯條應該係即炸，因為夠熱同埋口感外脆內軟，唔錯。最後就嚟一份是日甜點tiramisu，估唔到份量都幾足，而佢嘅味道又香又滑，餅底做得濕潤，咖啡味道都適中。…查看更多

🍗1/2 Peri Peri Chicken烤到金黃色勁吸引烤得雞皮勁趣，一啲都唔油膩招牌Peri Peri醬汁既開胃又不搶戲🥓Traditional Porchetta外皮烤得如餅乾般脆口切下時能聽到清脆的碎裂聲肥瘦相間的豬肉經過香料慢烤在口中化開層疊的香氣🥦Broccolini烤過後仍保持翠綠色澤咬下時爽脆多汁簡單以海鹽和牛油調味品嚐到蔬菜本身的清甜Mano真係超強人氣，平日晚上成間餐廳都係全full！！餐廳主打手工意粉，之前食過佢意粉都好好食，今次試埋佢哋其他嘢食都一樣出色～…查看更多

今日朋友到銅鑼灣搵我食飯，緊係要去食一餐好嘢。呢間餐廳主打手工意粉，店名「MANO」係意大利文嘅「手」，所以系真係感受到手工製作嘅用心。餐廳環境舒適，裝潢時尚，店員又有禮，即使中午滿座都係坐得舒服，整體感覺非常唔錯，真係好似置身意大利嘅型格小餐館。今日餐湯南瓜湯味道濃郁，飲落去好暖心。香辣燒春雞配烤蔬菜香辣燒春雞皮脆肉嫩，雞嫩嘅口感令我食指大動，風味非常出色，搭配烤蔬菜，每一口都充滿層次感，令人十分滿意。燒豬梅頭扒配薯菜燒乳豬梅頭扒外層微微焦香，肉質軟嫩、口感好細膩，搭配外脆內軟嘅薯條，真係好滋味，令人回味無窮。脆魚手指配薯角外層金黃酥脆嘅脆魚手指，搭配柔軟嘅薯角，唔錯。意式薯仔脆麵團意式薯仔脆麵團外酥內軟，而且有點似糯米，真係好好味，令人想再食多份。…查看更多