古今

營業中

休息中

餐廳：古今地點：銅鑼灣澳門逸園中心菜式：日式居酒屋餐牌：主打特色創意卷物。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯類，清酒同飲品，仲有二人套餐。落單用QR code。日式麻醬豆腐沙律 $88 另加一日式麻醬豆腐沙律係生菜加沙律雜菜加中華沙律做底，面頭加上10片豆腐左右，再加上好多三文魚籽同蟹籽添鹹香，同埋黑白芝麻粒，伴有少少車厘茄，日式麻醬好多，夠哂濃味。火山 $128 另加一呢個火山放喺一隻放有火石嘅木板上面，外圍滿佈火石，服務員上枱後就點火，然後呢道火山就變咗真正既火山，非常吸引眼球，打卡一流。火山一客8件，係加左黑白芝麻粒嘅飯卷包住紫菜再夾住蟹柳，青瓜絲同牛油果，飯卷上面係大量蟹柳絲同帶子絲，加左唔少醬汁。最頂再加少少蟹籽。伴有日式芥末同酸薑，不過我覺得夠味啦。自家玉子燒 $55 另加一自家玉子燒一客六件，燒得燶燶地面，面頭加上蟹籽同大量沙律醬，食落醬汁味道燶，蛋味香，凍凍地好開胃。雞胸軟骨串燒 $38 另加一雞胸軟骨串燒一串三件，第一次食雞胸軟骨，原來好脆口，又有肉，味道鹹香。黑豚豬頸肉串燒 $32 另加一黑豚豬頸肉串燒一客一串，都有好

太太喜歡吃日本菜，尤其是剌身壽司之類。不過老實說，還是熟食較啱我。於是，我會和她去古今，它的卷物不但創意無限，而且有不少是熟食配搭，太太和我都喜歡。古今位於銅鑼灣澳門逸園中心，就在Sogo隔離，木系日本居酒居格調，高層大玻璃，坐得舒服。其實都去過幾次，可是它的卷物款式超過40款，所以仍未能試曬全部，每次去都有驚喜，今天還要玩火！~~~~~~~~【卷物】🧡火山 $128上枱後店員會點火，甚有氣氛。卷物上的一大堆蟹柳絲和蟹籽非常搶眼，夾了一筷試食，混和了沙律醬的蟹柳絲新鮮又好食，之後撥開下面的卷物，原來包有紫菜、蟹柳和青瓜。整體非常出色。🧡午夜牛郎 $98包有三文魚、牛油果和芝士的卷物，特色在輕輕煎過，煎過的壽司飯變得煙韌，寧舍有口感。【串燒】🧡鹽燒雞中翼$32 - 薄鹽調味，外脆內軟。🧡黑豚豬頸肉$32 - 爽滑彈牙，焦香惹味。【炸物】🧡大阪自家製炸雞$786大件雞塊，全是髀肉，嫩滑有汁。外層粉漿薄而脆，好味道。

又到咗感謝祭嘅日子，去掃完貨當然要補充返體力，今次就揀咗澳門逸園中心上面嘅古今。火山（$128）每次嚟古今二必點嘅創意卷物，除咗有點火環節，同行人士實有驚喜！火山造型非常搶眼，餡料有帶子、青瓜、牛油果，加上滿滿蟹柳絲同微辣芥末醬汁，外層米飯微焦香，口感豐富！琦玉網燒牛舌（$78）好有驚喜，牛舌超輕腍，醬汁偏甜，尤其鐘意附上嘅醬汁，醬汁獨有嘅酸香增添唔少層次！雞腎（$32）加上椒鹽燒香嘅雞腎，惹味又有咬口，佐酒一流。雜錦刺身沙律（$108）角切魚生配上三文魚籽、新鮮沙律菜同車厘茄，撈埋沙律醬，夠曬滋味，表面黑白芝麻增加唔少香氣！今次嚟又見到有客人嚟慶生，會提供特別嘅菜式，有興趣嘅朋友記得要book枱試下！店員們服務態度非常好又有效率，值得一讚！

𝘁𝗵𝗲𝗿𝗲 𝗮𝗿𝗲 𝗱𝗮𝘆𝘀 𝘄𝗵𝗲𝗻 𝗶 𝗷𝘂𝘀𝘁 𝗰𝗿𝗮𝘃𝗲 𝗮𝗺𝗲𝗿𝗶𝗰𝗮𝗻 𝘀𝘁𝘆𝗹𝗲 𝘀𝘂𝘀𝗵𝗶🍣 @kokon.cwb ,𝘁𝗵𝗲 𝘄𝗮𝗹𝗹𝗲𝘁-𝗳𝗿𝗶𝗲𝗻𝗱𝗹𝘆 𝘀𝘂𝘀𝗵𝗶 𝗽𝗹𝗮𝗰𝗲 𝗮𝗿𝗼𝘂𝗻𝗱 𝘁𝗼𝘄𝗻 𝗰𝘂𝗿𝗲𝘀 𝗮𝗹𝗹 𝗺𝘆 𝗰𝗿𝗮𝘃𝗶𝗻𝗴𝘀! 𝗲𝘀𝗽𝗲𝗰𝗶𝗮𝗹𝗹𝘆 𝗹𝗼𝘃𝗲 𝘁𝗵𝗲 𝘃𝗼𝗹𝗰𝗮𝗻𝗼 𝗿𝗼𝗹𝗹, 𝗮𝗻 𝗮𝘃𝗼𝗰𝗮𝗱𝗼, 𝘀𝗰𝗮𝗹𝗹𝗼𝗽𝘀 𝗮𝗻𝗱 𝗰𝗿𝗮𝗯 𝗳𝗶𝗹𝗹𝗲𝘁 𝗿𝗼𝗹𝗹 𝘄𝗵𝗲𝗿𝗲 𝘁𝗵𝗲 𝗳𝗹𝗮𝘃𝗼𝘂𝗿𝘀 𝗲𝘅𝗽𝗹𝗼𝗱𝗲 𝗶𝗻 𝘆𝗼𝘂𝗿 𝗺𝗼𝘂𝘁𝗵! 𝗺𝗼𝗿𝗲 𝘀𝘂𝘀𝗵𝗶, 𝗽𝗹𝗲𝗮𝘀𝗲😋.話說次次一想食創意鬼佬壽司都諗起古今，已經數唔到係第幾次嚟食😂 打卡必點有火山，比火山圍住嘅係牛油果帶子卷，上面鋪滿蟹柳蟹籽沙律，對眼同個肚都好滿足～ 蜘蛛卷就包滿炸軟殼蟹同蟹柳，加上青瓜同牛油果呢個配搭實無死，除咗卷物外燒牛舌同燒茄子都好唔錯，整體性價比超高！

考完一科試想行下街食好西抖抖氣😪特登出左去銅鑼灣行下以前已經係觀塘食過古今一次今次再食 水準依舊 無令人失望🤩-因為價錢上 成個餐牌嘅食物確實偏貴所以今餐淨係叫左2款卷物呢到嘅卷物值得稱讚嘅係 卷物嘅大細、材料同飯嘅比例都啱啱好 對於女仔嚟講都可以一口食落去 唔會係大舊飯 呢一方面係比較細心🤙🏻 因為咁就可以體驗到成個配搭嘅完整嘅味道 唔會變咗分開食 分別食到唔同味嗰種感覺👅-搖滾樂 （$98）（其實我唔知點解佢叫搖滾樂）搖滾樂係芝士炸蝦牛油果鰻魚配搭嘅卷物🥑🍤呢個卷物嘅配搭算係相對比較常見鰻魚食落去無腥味 雖然唔係好肥美個種 但都有饅魚嘅香味卷物包住嘅芝士比例大舊 當你一食落去享受完鰻魚嘅味道之後 就會慢慢咬到芝士嘅香味🥰美中不足係我覺得炸蝦個炸皮雖然係脆的 但某幾舊輕微有少少硬 唔係全部都係咁 或者某幾個位個皮比較厚 但可以留意下🥴-火山（$88）火山係青瓜牛油果蟹柳帶子🥒呢一個配搭係幾有新意的 外面比較少會食到🌋食落去有新嘅味覺享受 賣相亦都真係成個火山咁成個卷物味道嘅來源係來自於 上面鋪滿左一絲絲嘅蟹籽蟹柳 （應該仲有帶子 不過食落去我唔係好食到帶子嘅味道）加明太子沙律醬味、蒲

今晚同男朋友睇《鬼滅之刃劇場版 無限列車》之前，去食晚飯先。呢間卷物幾抵食，我地叫左四樣野食，埋單都係$396，又食得飽。胡麻豆腐沙律幾大碟，生菜新鮮，胡麻醬落得夠多，豆腐嫩滑大舊。火山由青瓜、牛油果、蟹柳、帶子組成。上碟好驚豔，堆積如山高。底層由一個個壽司卷建立，上層鋪滿蟹柳、帶子，仲有蟹籽添，十分足料。辣妹由芝士、炸蝦、辣味吞拿魚組成。味道唔辣，但配搭幾夾，帶脆口既口感，好味。三文魚魚頭湯勁大盤，魚頭超大個，湯好清甜又唔會死鹹，而且落左勁多娃娃菜同豆腐粒，滿足。

🍣呢間又係Bookmark咗好耐，但前排先有機會食🙈話說我見好多人都推薦「蜘蛛」，咁我就跟住嗌啦！但點知勁普通，好唔特別又細舊，反而佢個「烈焰紅唇」又ok喎☺️有士多啤梨、吉列牛同芝士，估唔到食落口都幾夾，不過佢啲份量真係超級無敵細份🙈後尾再加咗個「火山」，即刻覺得抵食返，因為夠大份，而且味道都唔錯☺️仲叫咗左口魚刺身，如果再肥啲就更好喇😆今次食得比較少，但我比較推薦「紅唇烈焰」同「火山」

機緣巧合之下試左哩間比較新派既日式餐廳，哩度既卷物好受歡迎，賣相好colourful，連啲名都改得非常創新！環境方面亦都唔錯，裝修簡單清新，枱與枱之間唔會好逼，坐得幾舒服。*,.▤‥‥‥‥‥‥‥‥‥‥‥‥‥‥‥‥食評開始‥‥‥‥‥‥‥‥‥‥‥‥‥‥‥‥▤,.*🌋 火山 ($88)橙橙紅紅咁，中間仲有一堆鮮橙色既蟹籽，的確好符合火山既形象😆 睇相以為上面嗰層醬係芝士，但原來係超多蟹柳+沙律醬+帶子粒粒！下面既飯卷入面有牛油果、蟹柳、青瓜，屬正常配搭，但不得不提個沙律醬，辣辣地幾惹味，同埋蟹柳&飯卷一齊食幾夾，最面頭既蟹籽亦令到整體既口感更加豐富。但係由於沙律醬同蟹柳既味度太突出，食唔到帶子既味，令帶子既存在可有可無，不過就咁單獨夾少少帶子黎食都食得出帶子既鮮甜，證明來貨都幾新鮮👍🍕 鰻魚pizza ($88)幾特別而且頗有創意既一道菜式，個pizza"餅皮"其實係炸左既壽司飯餅🍚 口感酥脆，厚薄適中，食落有一陣好濃而且炸得好香既飯焦味，非常香口😋 鰻魚本身都新鮮，唔腥&冇骨，但係所有配搭一齊擺落口其實90%都淨係食到炸飯餅既香味，食唔出有鰻魚既鮮甜，哩個pizza感覺上同上面個火山一樣，

適逢週年紀念，就去哩間一直好想去嘅日本餐廳。上樓嘅小型居酒屋，我地早去所以冇乜客人。我地點左一個沙律，一個小食，一碗拉麵同火山。沙律幾好，魷魚爽脆，沙律菜新鮮，有番茄粟米。芝士魚餅有暖暖嘅半溶芝士。至於主食，雞湯拉麵好清淡，真係好清好清嘅雞湯，鍾意重口味嘅我就唔係我杯茶哈哈！火山就濃味嘅選擇啦，有海膽、蟹柳、沙律醬，底下用青瓜皮墊住，等d飯唔好痴住隻碟。不過個人覺得舖係壽司面嘅沙律醬有d太多，食得多會膩。好在店員會幫手添綠茶，可以解膩。

朋友約我吃日本菜, 今次約的是我較少吃的新派日本菜, 不過朋友說試過味道合格才敢邀請我來. 環境是居酒屋的一般格局, 枱與枱之間不會太擠逼, 坐得舒服. 這天只有2人, 坐吧枱感覺更好. 非常抵吃的2人刺身拼盤, 一盤已有吞拿魚, 三文魚,  帶子, 海膽. 以價格來說, 質素相當不錯, 鮮味足夠. 吃過刺身拼盤後點了2,3款喜愛的串燒. 燒白蟮,燒得皮脆肉爽,  牛肋骨肉的素材及火候均有一定水準. 不錯. 雞肉燒得剛好, 白蔥則略嫌稍欠火候. 來到新派日本菜, 創意卷物是非點不可. 蜘蛛用上的材料有軟殼蟹, 蟹柳, 青瓜, 牛油果. 軟殼蟹配牛油果這個組合意想不到地配合, 增加了卷物的豐盛感覺. 朋友之前來過, 點了這個我平常一定不會點的龍蝦壽司薄餅. 看樣子, 組合有點古怪, 熱脆的底加上冷的材料, 一定不好吃. 吃一口的感覺則令我大有驚喜, 上冷下熱的配搭意外地配搭得上. 底層其實是炸脆的飯底, 雖然底層是炸飯, 但整個配搭吃起來清爽, 最頂的三文魚子帶的絲絲咸鮮十分配合. 日本菜一年吃的次數已多到數不完, 但壽喜燒好像有2,3年沒吃過. 壽喜燒用上味醂, 砂糖, 醬油煮成, 味

好耐之前見過飲食節目推介古今嘅創意卷物上個月終於有機會試試☺️揀咗去位於銅鑼灣嘅古今Premium今日第二次再嚟古今Premium🥳👤: 🕺🏻🕺🏻🕰: 星期六2PM 兩個人食都有位 唔駛等👏🏻🍴: 環境都唔錯 座位寬敞 🤵🏻: 店員服務幾好 會主動幫你refill茶💸: ~$500(+10%)我地總共叫咗3款卷物同2樣燒物 嗌完嘢食會有一人一碗麵豉湯飲住等店員會幫你將卷物全部放喺一個木盤上 精緻擺盤已經加晒分 好想快啲逐一試晒佢地🤤首先嚟咗兩個燒物 一上枱已經聞到好香燒烤味🎏三文魚燒得啱啱好 啲肉唔會太乾📯推介！📯油甘魚鮫燒得比三文魚再出色👏🏻👏🏻👏🏻第一次食魚鮫 原來都好多肉 仲有肉汁夾埋好好食！皮好薄燒到好脆 鹽燒但唔會太鹹 沾少少檸檬汁食落仲香口☺️👉🏼三點刺身、蟹柳、牛油果、青瓜首先食咗個比較淡味嘅卷物刺身都算新鮮 入面嘅蟹柳幾有咬口 唔會好淋不過個人覺得整體感覺無咩特別👉🏼帶子、蟹柳、牛油果、青瓜呢個係一款焗嘅卷物 入口微暖賣相幾得意 反卷上面有一大堆撈咗沙律醬嘅蟹柳同小小嘅帶子粒一啖食落帶子唔突出 好似淨係食到蟹柳加埋蟹籽有多少少口感👍🏼👉🏼炸珍寶虎蝦、三文魚、芝士 📯推介！📯

早在幾年前吃過觀塘的古今二，這次由於去完中環的啤酒節於是便訂了位於銅鑼灣的分店由於店員說，所有支裝清酒會有8折優惠，所以我們便點了一支帶蜜瓜果味的小試牛刀😆這支都易入口友人見到整個粉紅色，便立刻❤️❤️👀😍不點便對不起自己啦😇味道很不錯的配料在餐牌上也寫得清楚，因此絕對不擔心會吃到自己不想吃的，也不擔心中伏有個咁美麗的夠字，當然要好好品嚐一下，果然沒有令人失望😋這是一個有溫焗過的火山冰火交溶相信就是這樣的感覺吧🤓😝這個壽喜燒鍋，吃到一半才想起未有影相，味道不過不失，但價錢較貴，不算太值得。比起特式卷物較為失色🤭J子今晚與友人的生日飯整體都十分滿意🤗下次再帶大家食好西🤓

其實第二次來，上一次係午餐，只post 咗相加小評。今次到來係晚餐！本人認為食物好味是不變了😋服務也一樣的好👍🏼地方又舒適寬敞😌我同朋友來，她都十分欣賞。今次都叫了火山，料足又好味，一定要朋友試試！有帶子蟹柳，有少少辣㗎😋跟住叫了三串串燒，呀！唔好意思，串燒帶子就差了少少😅 最後叫了牛肉煱，啲牛份量夠，又夠'林'...仲有專人幫手整😁未煮前都好靚。。。煮完後，係唔記得影的😝😝總括來講，一定會再來㗎，最開心係今時今日都有呢種服務態度，真係好難得😃👍🏼至於價錢，麻煩看翻已post 嘅相片吖，因寫呢個時張單已掉了😅😅

已經好耐冇在香港食日本野了，幾間食開的餐廳都執左，而且前一排成日去東京，返左香港之後就更是挑剔，響香港食日本野真系又貴又普通。不過前一排在銅鑼灣行街誤打誤撞遇到「古今」都算糸不錯的用餐享受，皆因佢有創意又好味。最吸引的都是創意卷物，色彩繽紛，而且多是以我最愛的鰻魚，炸蝦，牛油果來作創作。因為我本身不食吞拿魚刺身，所以餐牌上除左吞拿魚類的食物，如果晤計價錢，我諗我都好有興趣叫晒。一份卷物一百幾蚊雖然貴左d,但好在份量都幾多，一般6-8件咁。其實如果老板可以將份量變細，價錢相對減少，食客就可以試多幾款，哈哈。真系好想每款都試一下，但份量驚人，價錢都不菲，食剩打包會變硬，影響質素，食幾多叫幾多，也不用食到破產，所以我忍痛割愛，揀左幾款。👉🏽火山好驚喜！居然系一個堆成一座小山的卷物，系卷住帶子，蟹柳，牛油果，青瓜的壽司，上面有蛋黃醬，沙律醬，蟹籽扮成好似火山噴發咁。好有創意！味道系好好味！👉🏽極黑龍由鰻魚，炸蟹柳，牛油果，蘆筍組成，一份八件，脆脆的口感+綿密的牛油果+嫩嫩的蘆筍，勁多層次的口感。好喜歡！👉🏽三蕃市芝士炸物與壽司的完美結合，不得不贊！👉🏽紫菜魷魚冇想像中好味，都系鐘意呢間餐廳的創

同老婆行完銅鑼灣，晚飯就openrice下有咩好食啦，見到一間新開嘅 古今premium一於試下佢之前都食過觀塘個間，但呢間一上到嚟就感覺好唔同，感覺似居酒屋，而且位置好寬敞，舒服。不過當時已經有其他客人就無影環境啦。首先經理帶位已經好有笑容好親切，另外因爲餐牌上無寫材料，服務生都會為我地講解，態度好好，值得加分！點左4樣 首先登場係 蜘蛛同倫敦橋正所謂重質不重量 呢兩樣份量唔多，但入口嘅滿足感真係不得了蜘蛛嘅入面軟殼蟹同牛油果都好新鮮好有味而且夾倫敦橋我望住佢直頭嘩一聲，海膽嘅份量真係唔少，亦都好新鮮之後再嚟 火山同鰻魚Pizza火山 一個要焗嘅卷物 個感覺有啲似火炙壽司，但佢個口感又豐富過壽司鰻魚Pizza 個汁好好食 鰻魚都好大塊 個底係薯餅，唔會太油膩，不過唔建議兩個人食，因為薯餅都幾飽整體而言好值得一試，因為係銅鑼灣你要搵一間環境寬敞，靜，服務勁好而價錢屬於中等嘅食肆真係唔易最後去Toilet 發現都好乾淨 啲嘢都好整齊！都係一個加分位