古今

營業中

休息中

週二約了朋友在銅鑼灣吃晚飯，在Openrice預訂了古今這家很多好評的日式餐廳。工作日的晚上6點，我們到店時是唯一一枱客人被安排坐在了窗邊的位置，可惜銅鑼灣鬧市區沒有什麼景色可以欣賞店裡採用了QR code自助落單，可以慢慢揀選想吃的食物。因為沒有晚市套餐，所以單點了5款菜（最後發現還是眼闊肚窄了XD）。落單前可以確認一次所選菜色，亦顯示了訂單總價錢（網頁顯示的總價錢是還未加一的）。網燒過的味淋魚乾很香口，配合沙律醬，是不錯的小食。朋友讚不絕口的網燒牛舌。牛舌爽口，牛味香濃。我個人略嫌牛舌調味較重手，鹹了一點。之前的牛舌調味重手，七味唐揚雞軟骨對我來說又有點調味不足了。雞軟骨的口感其實很好的，炸得酥脆又不算油，份量也足。但是有點吃不出七味粉的味道，不夠惹味。超級龍卷風好吃，炸蝦很新鮮，調味恰到好處。蟹膏帶子炒飯超出預期的好吃。頂頭的帶子鮮甜，炒飯鹹香，亦炒得乾身、粒粒分明。雖然分量不少（也有可能是我們胃太小XD），還是努力吃完了整碟炒飯。古今的店員都很有禮貌、友善。食物的用料都很新鮮，味道亦不錯，是有誠意的日式餐廳

今日同朋友2人來食飯，建議大家預早訂座，我地等咗一陣好快就安排入座，店員十分有禮貌，見我地第一次來食都有作推介，我地叫咗一個主食，2個卷物同2份小食蟹膏帶子炒飯 $178米飯粒粒分明，帶子同蟹肉都比得好大方，調味不會死咸，食到海鮮粒既鮮味~份量亦相當足夠，2-3個人都綽綽有餘!火焰金龍卷 $103 (左)      富士山 $93 (右)上菜時排得相當有氣勢的卷物的確有震撼到我，火焰金龍卷內有三文魚, 炸蝦同芝士，頭尾包上炸蝦尾製作成一條龍，稍有火炙過的卷物相當惹味，入口即化，高度推介火炙類卷物!富士山則包含鰻魚和牛油果，再撒上大量蟹柳絲製成，鰻魚和牛油果稍作調味已相當好食，唔想食生嘢呢個係一個好選擇，食食下仲食到有脆片，口感層次相當豐富!自家製玉子 $52玉子蛋奶味香燶，配上蟹子更添口感!燒年糕拌北海道紅豆 $48呢個係店員推介我地叫的甜品小食，烘過的日本年糕充滿米香，口感軟糯，配上香甜紅豆更添風味!整體係一間食物選擇超多的居酒屋餐廳，加上良好服務態度，更加分!Menu太長好多野都想食，推介一大班人來可以叫多啲款式share!

古今應該不會陌生吧，開業都數年了，分店也有數間。朋友喜歡它們創新的壽司款式，而且價錢頗親民。紅龍卷 - $124卷物面上鋪了一片片吞拿魚，脂肪量較少，屬於赤身位置，魚味濃郁；每粒再以一點芝士醬作點綴，有芝士的奶香，剛好不會太搶味；中間包裹著炸蝦天婦羅，金黃酥脆又彈牙，毫不油膩。蜘蛛 - $93香酥可口的炸軟殼蟹又帶著點柔軟感，咬開散發蟹肉蟹黃的香甜滋味；再夾著青瓜、牛油果和蟹柳等多水份的配料，顯得更清新。蟹膏帶子炒飯 - $178炒得有鑊氣好乾身，每粒米飯也平均佈滿蟹膏的甘香味和醬油的色澤，間中夾雜不少厚身富彈性的鮮帶子粒，好有口感。日式炸雞 - $51五大件雞腿肉，飽腹感非常高之餘，炸得酥脆而不油膩，富水份而不乾柴，有沙律醬減去熱氣感。

澳門逸園中心出名多嘢食，今次揀咗21/F 嘅古今，入到去一邊係bar 枱超有feel🏮侍應哥哥好nice，安排咗我哋坐房仔一角，環境幾適合傾偈😌特級雞泡魚乾($73)係必食推介😚 燒得好靚又唔會太乾身吉列牛餅($45)吉列皮夠薄，牛肉餡好似仲混入芋泥😍 但係就比較滯建議share芝士魚餅($53)見到啲芝士要湧出嚟好開心🤣 唯一挑剔嘅嘢就係份量少咗啲，好想食多幾舊🤣朋友好少煮飯所以想嗌個飯食，於是叫咗好多人推介嘅蟹膏帶子炒飯($176)，果然冇失望超足料👍 基本上啖啖都食到帶子，蟹膏鮮味都好出😚 兩個人食有啲多，3 - 4 人share 應該啱啱好我哋重頭戲梗係卷物！青龍卷($103) 牛油果係主角，感覺健康啲🤩 另一款蜘蛛($93) 有大大隻軟殼蟹，口感一流🥰 不過食落發現兩款餡料有啲類似，下次嚟要試其他款式先得🤔

想食呢間日式餐廳好耐了，今日終於都食到啦，門面都好日式！見佢個卷物幾吸引而我又鐘意食三文魚，所以叫左金龍卷～入面有炸蝦天婦羅，上面有三文魚腩刺身同芝士，配搭一流🥰🥰😍我好鐘意～之後叫左個凍豆腐沙律😋個汁用左麻醬，上面有蟹籽同三文魚籽，食落凍凍地幾fresh，豆腐口感好滑～凍既口感，做前菜都幾好。之後仲叫左什錦天婦羅，有蝦、菇同茄子，呢個要襯熱食～脆卜卜🤤最後就係蟹膏帶子炒飯啦！呢個炒飯擺盤好有心思，擺左兩棵草係隔離，令到成件事冇咁單調～味道方面食得出濃郁嘅蟹糕味～砌粒嘅帶子都好爽口～不過我係重口味既人，覺得可以再咸少少會更好～🤤店舖環境有好多好靚既畫～好舒服

銅鑼灣這幢大廈多野食就人人都知，今日特別想食卷物，所以就去左古今，因為有幾十款卷物可以揀，而且卷物方便大家開心share食，叫幾款大家都可以每款食下。 卷物今日叫了金龍卷所以金龍卷，其實材料包括炸海老、三文魚、仲有芝士。1)如果鐘意食芝士既人一定要揀，係三文魚上面其實有芝士，中間其實再有多一層既，芝士味都幾重。2)中間既海老，新鮮炸起，好脆，仲暖暖地。3)口感好豐富，第一層先咬到三文魚清香，再咬到蝦既脆，芝士既軟。 另一款卷物，蜘蛛。單憑個名其實都估唔到，原來係蟹柳，軟穀蟹仲有青瓜，牛油果。因為朋友好鐘意食軟穀蟹，所以就揀定左佢啦。料都幾多，加上有青瓜，牛油果係裡面，增加左清新既感覺，與先前既金龍卷又唔太一樣。 網燒牛舌心牛舌冇太多調味，只有簡單鹽燒。所以食得出濃濃既牛味。牛舌都切得幾厚下。所以都幾有咬口。 蟹膏帶子炒飯炒飯唔會太多油，蟹膏+帶子將個飯帶黎好多既鮮味，米係用珍珠米，佢帶子既份量其實係幾多，所以係飯料中間都搵到帶子味道都唔會太咸。

星期六黎左呢間銅鑼灣澳門逸園中心嘅古今食飯，地理位置好方便，係港鐵站出口附近。古今係主打特色創意卷物，亦好似居酒屋有其他日本野食，如刺身，壽司，沙律，前菜小食，天婦羅及炸物，燒物，鍋物，湯，飯類，串燒。裝修係以木材為主，非常日式。卷物一共有40款左右揀，個清單超長，好多都改左個特別嘅名。金龍卷 $103 另加一呢個金龍卷真係真心好食，我地基本上次次都叫。賣相成條龍既樣！金龍卷一客八件，飯卷上面舖上新鮮肥美嘅三文魚刺身，加少少香辣沙律醬。飯卷中間卷住炸蝦同忌廉芝士，又脆又creamy，連炸蝦尾都食得。再加上紫菜同黑白芝麻粒增添香味。我好鍾意呢款卷物既多重口感同味道，正！蜘蛛 $93 另加一蜘蛛係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹雖然凍左不過都可以，加埋青瓜同牛油果食可減膩，面頭仲加左少少蟹籽。另外叫左個天婦羅同炒飯。雜錦天婦羅 $61 另加一雜錦天婦羅有蕃薯，茄子，同冬菇各一，蝦兩隻。蝦雖然好細隻，不過新鮮熱辣炸起，都好爽脆有蝦味，連蝦尾都可以食得。冬菇大大隻好厚肉，又夠鮮甜。茄子厚切。紫薯雖然細細粒，但係質地厚實而帶少少

今日夜晚七點幾同朋友去咗呢到食嘢全場差唔多滿座好彩我地一早book咗 如果walk-in應該好難等我地order咗幾樣嘢食整體而言都好滿意埋單每人都係兩百幾蚊！呢個質揀嚟講好抵食！1. 芝士魚餅好簡單既菜式但係整得好好雖然有芝士但都唔會覺得好膩好濟2. 蜘蛛（***必食）其實係軟殼蟹、青瓜、牛油果加蟹柳既壽司非常非常好食！！！所有材料都好配搭！（食完忍唔住再外賣返屋企xd）3. 金龍卷即係三文魚、炸蝦加芝士呢個都係好好食，三文魚好新鮮，不過就無「蜘蛛」咁驚喜，同埋食多兩舊就覺得有啲濟了～4. 蟹膏帶子炒飯呢個炒飯好夠鑊氣，日本餐廳嚟講呢個炒飯絕對係中上，蟹膏唔會遮蓋其他食材既味道，份量兩個人食岩岩好！

卷物，朋友本身一開始就想食卷物，所以我地就好明確咁以卷物為目標，一打開餐牌，已經有40幾款卷物，正好合佢意。 卷物其實要做得好食都唔易，看似簡單，但從外表，食物既配搭，以至紫菜脆唔脆，飯既軟硬度，全部都要做得好，做得細心，先會做到出色卷物。日本餐廳多有卷物提供，但款式就冇這裡咁多，所以呢,相信餐廳其中一款主打食物就係卷物了。 今次叫了兩款卷物，金龍卷(裡面係炸蝦，芝士，上面係三文魚)-炸蝦保持到個脆身既感覺-蝦夾著飯中間有一層芝士，芝士的味好重，鐘意芝士既人一定會鐘意-上面有一片三文魚，為卷物帶來一層清新。與平日既炸蝦卷唔同，多左一層芝士香濃加三文魚。 煙花聽到E個名，你會覺得係咩餡料，其實係辣味三文魚+辣味吞拿魚，放係卷物既上面，就好似一個煙花咁。這個口感其實唔錯，加上其實卷物中間都係辣味三文魚+吞拿魚，先包一層飯，上面再有一層，double左個層次。而且帶有辣味，相當開胃。 蟹膏帶子炒飯炒飯，蟹膏其實已經融入左係飯裡面，有蟹膏味，加上帶子粒其實都幾多既，夾著炒飯飯粒。飯已經帶有蟹膏及帶子既味道,所以都好夠味，都唔需要再落好多調味料去調味，成個飯都好香，亦唔會炒到好油。 雜錦天婦羅有

銅鑼灣店的店員一直都很親切，讓人有一種賓至如歸的感覺，所以今天又來到古今二吃飯了❤️————————————————龍卷風沙律$82超大份量的蟹肉沙律，一上菜有被驚訝到，真的像反轉了的龍卷風，一座小山，很多蟹肉絲、蟹子和中華沙律。沙律醬方面也不馬虎，加了明太子沙律醬，吃起來有一丁點辣，感覺更開胃。蟹膏帶子炒飯$176炒飯有香濃的蟹膏味，而且炒飯不會太油，吃到底也沒有油。然後飯粒飽滿，每一粒都有蟹膏香，加上切粒的帶子，增加口感，可以說是高水準炒飯👍🏻蜘蛛🕷️卷6件 $88 基乎每次都會點蜘蛛卷，因為裡面有我喜歡的軟殼蟹與牛油果，軟殼蟹酥脆，加上牛油果和蟹柳，一口一幸福啊❤️————————————————環境：👅👅👅👅食物：👅👅👅👅性價：👅👅👅服務：👅👅👅👅👅

好耐無食日本野啦! 而家夏天熱辣辣，最正莫過於食下新鮮壽司! 早前去左銅鑼灣既古今二 @kokon.cwb ，走雅緻路線的一間日式居酒屋風! 晚飯時段去到，都差不多滿座了! 放工肚餓，先來道招牌卷物先啦!..我地點左金龍卷🍣，賣相就好似一條金龍咁🔥 其實就係新鮮三文魚在上，然後壽司飯包裹住脆卜卜既炸蝦，加埋芝士，味道好豐富呀! 有層次! 好香好好食😋 必點哦..想飲啖湯，叫左清酒煮蜆🍶 有驚喜! 蜆肉大大粒，但最驚喜莫過於飲得出好濃好多既清酒! 令成碗蜆湯更香呢! 我地叫左芝士魚餅🐟，有4件，魚餅中夾有半溶芝士，記得趁熱食哦! 壓軸出場的還有這個蟹膏帶子炒飯🦀 份量超多!! 飯炒得香，加上蟹膏既濃郁，味道好惹味! 加上帶子，增加左口感，很不錯👍🏻..呢度仲有好多卷物都好吸引，下次要試埋其他先!

收工後，與同事係公司附近食番餐好嘢後，再去上堂。龍卷風沙律賣相一流，整到真係好似龍卷風咁，面層有蟹籽、蟹柳、脆片;底層有中華沙律和西生菜。西生菜好新鮮，一入口有少少冰涼感覺，尤其依加夏天食，真係好清新。個沙律醬味濃，帶點微辣，好開胃。蜘蛛卷花了些心思，砌到成隻蜘蛛咁，卷物里面有青瓜，牛油果,蟹柳和軟殼蟹，軟殼蟹炸得香脆可口，連賣青瓜和牛油果一齊食中和左個油膩感。辣妹卷卷物里面有芝士和炸蝦，外層有些黑芝士，面鋪左一堆辣味吞拿魚，但食落一點也不辣，炸蝦食落卜卜脆，味覺和聽覺雙重感受，好滿足。蟹膏帶子炒飯炒飯炒得乾身，飯粒粒粒分明，帶子彈牙爽口新鮮。芝士魚餅魚餅食落好彈牙，粉少魚肉多，有驚喜。中間夾左一片芝士，芝士味唔太濃，唔會搶左魚餅既味道，兩者好和諧，而且就算凍左，味道都唔錯。整體黎講，環境都唔錯，上菜速度又快，服務質素好👍👍👍

澳門逸園中心有好多野食，今次食左呢間居酒屋，入面座位唔係太多，但算坐得幾舒服，侍應服務都好親切。🍴 金龍卷 ($103) ⭐️⭐️⭐️⭐️💫賣相真係好靚，金龍卷嘅頂係用咗三文魚，入面就會有沙律醬同埋炸蝦，佢唔會整到好大舊好難放入口，可以一口食哂，食落口感非常豐富，推介！🍴 蟹膏帶子炒飯 ($176) ⭐️⭐️⭐️⭐️炒飯粒粒分明，食落都幾有鑊氣，用蟹膏炒成嘅炒飯，食落好重蟹嘅味道。飯中間仲有好多嘅帶子粒，整體份量雖然唔係好多，但係完全冇偷工減料，唔錯唔錯。🍴 網燒牛舌心 ($68) ⭐️⭐️⭐️⭐️💫呢個價錢咁嘅份量都算唔話得，每塊都係厚切同好大塊。唔會太韌而且調味得剛剛好，仲有啲炭燒味。 🍴 雜錦天婦羅 ($61) ⭐️⭐️⭐️⭐️有炸蝦、茄子、紫薯、冬菇，炸粉好脆薄薄一層，沾上醬汁唔會覺得太熱氣，每樣食材都食得出好新鮮。.............................. 古今二地址📍: 銅鑼灣軒尼詩道525號澳門逸園中心21樓總評分: 8.4/10 .............................. 味道😋: ⭐️⭐️⭐️⭐️💫環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️💫衛生🧹: ⭐️⭐️⭐️⭐️抵食💰: ⭐️

呢餐晚飯食得好開心，全因有個細心的店員叔叔係附近，佢好友善咁同客人傾計，會根據我地的口味推介佢哋嘅特色菜，又會幫我地安排上菜的次序同時間，每碟菜一碟接一碟咁上😇🌈🐟🤤🥑🥗🦀🐂如果唔講，我以為自己食緊Fine dining！前菜：胡麻豆腐沙律 🥗 脆脆的新鮮生菜做底層+爽爽的中華沙律+豆香味濃郁又軟軟的豆腐+胡麻醬，已經夠香、口感好豐富！估唔到，仲有大啖大啖的飛魚子+三文魚子，一碟沙律n重口感！🤩🤩👍👍👍小食：網燒牛舌心🐂 店員叔叔介紹，佢哋只係要左牛舌的1/4，即是牛舌心的部位，因為呢個部位最爽口！果然，比起平時食的牛舌更有口感！加上燒完之後的碳香味🤤🤤🤤主菜：彩虹卷🌈牛油果🥑的成熟程度啱啱好！加上每個卷上面都有唔同品種的刺身..口感豐富🐟吞拿魚的紅、三文魚的粉紅、鯛魚的白、牛油果的綠，不只滿足味蕾，還有視覺的享受🥳🥳蟹膏帶子炒飯 🦀，一碟炒飯裡面內有乾坤，蟹膏味濃而不「嬲」，每一羹飯都有帶子粒、蟹柳粒、雞蛋碎😇😇兩個人份量啱啱好！呢餐飯食得又滿足又開心🥳🥳

餐廳內枱與枱之間有一段距離，完全唔迫，所以唔會有嘈吵嘅感覺而且環境舒適，非常適合情侶/幾個朋友相聚。 一坐底就俾餐具吸引住，碟用嘅對比色好靚，發覺同室內裝修係有夾過👍胡麻豆腐沙律份量好多，不論蔬菜，豆腐，蟹子，三文魚子及胡麻汁嘅份量多，菜嘅口感好好，因為夠新鮮而好爽，蟹子配三文魚子混埋一齊食，口感變得更豐富。 蟹膏帶子炒飯師傅將珍珠米炒到粒粒分明，口感特別，而家個炒飯真係啖啖蟹膏香，仲要愈食愈香濃，中意食蟹膏必選呢個炒飯。雜錦天婦羅天婦羅有大蝦，香菇，茄子，紫薯仔所有都炸得乾身又脆，一啲都唔油膩，紫薯仔同茄子甜甜地好夾天婦羅，香茹外脆內多汁👍彩虹卷彩虹卷同時有幾種口味, 一次過可以試到晒不同味道的慾望而且拌碟很美, 打卡真的一流見到隔離枱既火炙金龍卷同黑龍卷, 好像也很吸引