去開上環就來到了信德中心呢間望月軒🌙 飲茶嘆中菜🥢 呢度裝修典雅，對正海景，環境唔錯👍🏻 我地既午餐就叫左： . 🍱雀籠點心拼盤 賣相十分精美🩷 三層雀籠擺放不同點心，有蒸點、炸物、甜品等，應有盡有🤩分別有 🥟望月小籠包 🍤蝦餃 🍤燒賣 🍐啤梨咸水角 🍤蝦多士 🍊大桔大利包 蝦餃大大粒，還有一點點金箔在上面點綴，增添華麗感，皮薄，餡足，蝦肉爽👍🏻 燒賣同樣大大粒很有口感！小籠包一咬開便有肉汁！蝦多士很香脆，是已很少有的傳統點心👍🏻乂桔大利包原來係奶黃包，好香滑好好味！ . 🥘干炒安格斯牛河 不得了，安格斯牛肉堅好食，第一次見牛肉差不多係多過粉咁！好有誠意！簡簡單單炒香就好好食！ . 🥟紅油抄手 呢款係我本身幾鍾意食既點心，一係酒樓見到有就會點。呢度既每條紅油抄手係長形，好足料，而且加左蒜蓉，好香口！加埋醬汁好惹味。 . 🦐鮮百合秋葵蝦仁 大大碟，每粒蝦仁都好靚，好有光澤，蝦肉好爽！加埋鮮百合同秋葵煮，好有口感！ . 本來仲諗住叫甜品，但實在太飽了😂 呢餐好滿足，食物質素好，環境不錯，去上環想飲茶食中菜來呢度就最好不過！

旺角朗豪坊新蛋糕店🍰來自日本的更紗制菓Sarasei，主打日式甜點，傳承日本職人手工藝與西方烘焙融合，嚴選天然材料製造出招牌的戚風蛋糕、飯團蛋糕和北海道生乳蛋糕卷等等。我地買左： . 原個焦糖脆餅🍯 賣相靚，滿滿的焦糖醬鋪滿蛋糕上徐徐流下，上面點綴了焦糖忌廉及朱古力薄片，內裡的蛋糕是戚風蛋糕，質地很鬆軟，不會太甜，很香很美味 . 北海道生乳皇室紅茶蛋卷🍵 充滿蛋香的蛋卷，裡面放了大量的紅茶生乳慕絲，極濃紅茶味，質感幼滑，滿足味蕾

價錢親民又美味的燒味店😋 周不時都食燒味既我想講呢間真係得! 雖然招牌係燒鵝，但叉燒都好正，係入口即溶咁。我地去左大角咀分店，都幾多客幾受歡迎! 我地叫左3款燒味👍🏻 . 🦆原隻燒鵝脾飯 呢個有跟湯，另可優惠價加配飲品! 原隻燒鵝脾一上枱真係忍不住驚呼! 色澤好靚，皮脆有光澤，好香! 鵝肉軟腍，爆汁！ . 🍖叉燒 (例牌) 由於我係好鍾意食叉燒，所以特登叫碟例牌既叉燒滿足我味蕾。個叉燒係入口即溶，蜜汁好juicy，甜度剛好，肉質軟腍，撈飯好夾 . 🥓脆皮燒腩仔飯 呢個都係有跟湯，可優惠價加配飲品! 份量都幾多，有差不多10件燒腩仔，好足料! 件件都好脆，半肥瘦最好食! 旁有黃芥末可點 . 🍲花生雞腳眉豆湯 要特別讚下個湯，通常跟餐既例湯都係普通例湯咁，但呢度跟餐既湯係好大碗好足料，而且飲落去係好天然無味精，裡面好多湯渣，好味道! . 雖然我地都加左凍檸茶，但其實食個飯飲個湯已經夠飽😂 食完就明白點解呢度咁多客同多外賣👍🏻

這夜來到尖沙咀呢間浪漫西餐廳食晚餐🍽️對住維港景色，燈光昏暗，好有情調! 我地既晚餐就食左Tasting Dinner Menu，包括有幾款前菜、餐湯、主菜同甜品，乜都有! 好貼心! . 🍽️Tasting Dinner Menu 🔺日本麵豉帶子薄片配鮮蝦肉 🔺松露煮日本年糕 🔺焗連殼食法國田螺 🔺黑松露蘑菇湯/是日餐湯 🔺鮮鱸魚柳酸甜香草汁 🔺慢燒美國牛肉眼 🔺砵酒燴法國鴨脾 🔺精選甜品 . 帶子同鮮蝦肉都好鮮! 清新既口感為晚餐打開序章! 松露煮日本年糕好有新意! 香味突出既松露醬汁，質感好rich，配一條條細既日本年糕好夾! 焗連殼食法國田螺既賣相幾精緻，食落好香口，底下既薯蓉好幼滑! 我地兩個都點左黑松露蘑菇湯，味道濃郁，食到粒粒蘑菇，質地好濃厚，口感豐富! 鮮鱸魚柳配酸甜香草汁，醬汁令成道料理更開胃! . 主菜方面一人一份，叫左慢燒美國牛肉眼同砵酒燴法國鴨脾! 慢燒美國牛肉眼質感好軟，肉味濃，配醬汁已經好惹味! 旁有紫薯蓉，好天然好滑! 而砵酒燴法國鴨脾，鴨脾煮得極軟腍，肉嫩多汁，旁伴蘑菇片及紫薯蓉! 精選甜品係曲奇慕絲蛋糕配水果粒，賣相精美!

原來係佐敦有間懷舊歐陸式餐廳，就係間酒店入面，一入去就見到好多裝飾，天花掛滿星星吊飾，好有氣氛! 我地既晚餐叫左兩份套餐，一份係法國鵝肝拼牛柳餐，一份就係Special Menu既脆炸德國咸豬手套餐! 🍽️ . 🥩法國鵝肝拼牛柳餐 ▫️三文魚撻撻 ▫️法國龍蝦濃湯 ▫️鵝肝拼牛柳 ▫️咖啡或茶 - 叫左凍檸水 三文魚撻撻係前菜，仲有沙律，滿滿的三文魚蓉放在脆多士上，好有口感，配大量沙律菜! 龍蝦湯幾鮮! 主菜有一小件鵝肝同一片牛柳，牛柳幾厚身，本身仲有一碗黑椒醬汁，旁伴大量薯條同沙律 . 🍖脆炸德國咸豬手套餐 ▫️煙三文魚沙律 ▫️牛肝菌忌廉湯 ▫️脆炸德國咸豬手 ▫️咖啡或茶 - 叫左凍奶茶 煙三文魚沙律份量幾多；牛肝菌忌廉湯有驚喜! 味道好濃郁，而且裡面都有粒粒牛肝菌。主菜既脆炸德國咸豬手好大碟，份量多，咸豬手連皮炸得脆，旁伴大量薯條同沙律菜，附有茄汁同芥末。凍奶茶幾好飲，我幾鍾意!

之前去過其他分店，呢度新開左，設計比較開放式，好多座位，中間仲有植物打卡位! 我地今次既晚餐就食左: . 🍗酥脆雞胸軟骨 同坊間出面食既一粒粒雞軟骨唔同，佢係一條條咁，以原條雞軟骨咁炸香，口感好爽脆! . 🐙炸大魷魚伴炸醬麵 魷魚真係超大😳原個炸，肉質好有咬口，炸醬麵醬汁好濃郁，撈麵好入味 . 🥘韓國螄蚶拌飯 超大份量的伴飯，有好多螄蚶，仲有數件大蝦，醬汁辛辣 . 🍊柑橘窩夫 窩夫好鬆軟，充滿蛋香味，係完全唔點醬汁或忌廉就咁食原味都好好味! 加左柑橘同柑橘醬酸酸甜甜咁好開胃! . 🍍熱情金菠蘿沙冰 呢杯菠蘿沙冰好好飲，質感好rich好綿，菠蘿味好出! 大愛! . 🍊濟州柑橘乳酪 味道好香甜

一向鍾意食大排檔美食，二訪此地，呢度就離高鐵西九龍站唔駛十分鐘路程，好方便！天氣凍，今次叫返個湯羹暖暖身先。我地叫左兩款料理、兩碗白飯、一個湯羹同兩支汽水。 . 🍤酥炸黃金蝦球 呢個幾惹味，件件蝦都大隻，蝦肉爽，加左鹹蛋黃來炒香，充滿鹹香！ . 🥬 豆苗炒牛仔肉 見到有豆苗即刻要叫，估唔到牛肉既份量都多，大大片，肉味濃！豆苗煮得好香好好食 . 🍲海皇豆腐羹 有豆腐、蝦仁、瑤柱、蛋花等等既湯羹，好鮮甜！而且份量多，我地兩個人飲都可以每人飲到兩碗半

好耐無食壽喜燒啦!😍 早幾晚同閨蜜去銅鑼灣呢間餐廳食晚餐，環境不大，裝飾以柔和的白色同淺木色為主，感覺舒服，除左座位仲有吧枱位。見到有A5和牛壽喜燒十五品套餐兩位用，包左好多野，好吸引! 而且另外仲推出左$168 三小時清酒任飲，啱哂酒鬼朋友啦🤣 我地既套餐如下:
.
🌟A5和牛壽喜燒十五品套餐 (兩人用)
🥓酒肴 - 鱈魚乾
🍅自家漬蕃茄
🦪時令生蠔
🍣季節刺身四點
🐚璣煮鮑魚
🥩A5和牛西冷120G
🥩A5霜降和牛片100G
🥩A5赤肉和牛片 100G
🍖日本豚梅片100G
🥗野菜盛合 (野菜、鮮菌、豆腐及葛絲)
🍚御飯
🍰甜品
.
生蠔真係好大件好鮮甜!😋 刺身都唔錯，有三文魚、帆立貝、油甘魚、牡丹蝦等，全部都好新鮮! 而鮑魚就好爽甜! 然後就到我地既重頭戲 - 壽喜燒啦! 和牛既紋理好靚，好香油脂，仲要全部A5，係高級享受!🤩 A5霜降和牛片最香，入口即溶，而A5和牛西冷就肉味濃郁，旁附有一碗生雞蛋俾客人將煮熟既肉片點蛋汁食用，御飯是日本珍珠米，將肉片同蛋汁撈飯食，實在太香了! 豚肉都很不錯，很嫩! 壽喜燒鍋中已放有野菜、鮮菌、豆腐及葛絲，吸收哂湯汁好入味!
.
最後我地既甜品係朱古力雪糕配窩夫，好香甜，窩夫都好鬆軟，呢晚既晚餐真係大滿足了!

早幾晚帶媽子去呢度食半自助晚餐，呢度環境好靚，位於47樓頂層，180度俯瞰將軍澳景色，而且仲有室外位置可以出去chill下影下相📸 室內都佈滿天花吊飾，就好似星夜下咁，燈光昏暗柔和，整體感覺好浪漫! . 呢度既半自助晚餐就有自助沙律吧、餐湯、自選主菜、自助甜品、咖啡或茶，仲有一杯葡萄汽酒/紅/白餐酒! 我就拎左吞拿魚沙律同大蝦芒果沙律，仲有唔同既沙律菜同配料可以自製沙律、煙三文魚同Parma Ham配哈蜜瓜咁，都幾多選擇，味道好清新好開胃! . 是晚餐湯係椰菜花湯，味道好香，質感好幼滑! 店員仲俾左餐包拼盤我地一齊食用👍🏻 而主菜方面，我同媽子當然一人一份主菜啦，我地揀左： . 🥩燴牛小排配松露薯蓉、扒澳洲西蘭花、砵酒汁 燴牛小排好厚，肉質燴得好軟腍，配醬汁好惹味! 而旁伴既松露薯蓉，松露味好香好突出，很不錯 . 🐟香煎盲鰽配紫薯薯蓉、炒波菜苗、本菇、龍蝦汁 盲鰽魚好鮮味，煎得剛剛好，將魚肉點龍蝦汁即刻增添左口感! 而魚皮煎得好香脆，入口甘香有嚼勁! 紫薯薯蓉幾特別，唔多餐廳有，天然既紫薯味好濃郁! . 來到我最喜愛的甜品環節😋 有蛋糕、鮮果撻、馬卡龍同水果等，我就拎哂全部款一齊同媽子分享🤣 最特別係朱古力慕絲甜品整成雪條造型，好趣緻! 芒果酥皮拿玻侖好好食，好香，encore左🤣 而裝載馬卡龍既盤子上有著各各式各樣的馬卡龍，好色彩繽紛! 餐酒方面叫左白酒，好清香，另外餐飲就分別叫左凍泡沫咖啡同熱檸水，為呢晚豐富既晚餐作結🥰

上星期放工去尖沙咀美麗華麵屋一平安醫肚😋 環境不大，但坐得好舒服，裝修以淺色木為主。見到晚市有2人餐都幾抵!! 包括有兩份主菜、兩款小食同兩杯飲品!! 我地就叫左: . 🍜雞白湯拉麵 呢個湯底好得! 雞白湯好香好好味，好濃郁既雞肉精華，但又唔會好鹹，除左拉麵，仲有3片大叉燒、2片雞胸肉同溏心蛋，好足料! 所有野都係剛剛好 . 🍜特製低溫叉燒麵 (醬油豚骨) 呢個一到，賣相好震撼! 碗邊都係大大片既叉燒圍住哂！湯底係醬油豚骨味，多左份醬油香但又不膩，叉燒有6大片，而且都有溏心蛋，食完好滿足! . 🥩鐵板安格斯牛扒 呢碟真心香! 安格斯牛扒燒得剛剛好，肉香味濃，加埋脆脆的蒜片好香口，另有薯角，特別在旁邊仲有炒芽菜，超香! . 🍗炸雞翼明太子 (3隻) 釀到脹卜卜既明太子炸雞翼，炸得好香! 不過原來裡面都幾辛辣下，明太子幾濃郁，好惹味! . 🍹 凍杞子紅棗蜜 呢杯好適合女士飲，好滋補又足料，味道好清甜! . 🍓士多啤梨益力多梳打 賣相好靚! 成杯粉紅色咁，味道好清新，好香甜既士多啤季味，有汽好解渴!