不嬲都係喜來稀肉嘅fans～網上面睇到有10周年感謝活動，就即刻約埋朋友嚟食😋😋 嚟喜來稀肉一定要食喜來烤肉😂😂 因為招牌必食㗎啦，肉質好軟好入味😋 入口好順口夾埋生菜食更fresh。 牛五花都係好好味既，佢上面本身就冧咗啲醬汁，似燒烤汁，鍾意醬汁嘅朋友唔可以錯過！ 雖然我知道咁樣有啲奇怪，但係我真係好想推介呢間燒肉店嘅牛骨湯俾大家😂😂因為每次去無論夏天定係冬天，都一定要叫碗牛骨湯嚟飲，因為真係好鬼正，熱度夠、又夠入味，底下面仲有粉絲，性價比極高。 跟住仲有炒年糕，啲魚糕黏曬啲辣醬好好味，仲要年糕份量剛好，不會太膩！ 同埋呢度最正嘅係可以自己去拎配菜，啲泡菜好好味，記得要揀喜來泡菜，比較鮮甜！ 呢到坐得又舒服，同朋友都好relax！

尖沙咀想搵一間私隱度高又有質素嘅打邊爐就一定要試吓呢一間，朋友介紹今晚想打邊爐就去試吓～ 一開始會俾調味料盤俾你自選配搭醬汁～ 有好多醬料選擇！ 我地叫咗個椰子雞煲，啲雞都好滑，湯底入邊嘅配料有桃膠同埋雪耳，飲完湯仲可以食下少少湯料，啲湯都好甜有椰青嘅味道❤️🙆🏻‍♀️養顏又滋潤，正👍🏻 跟住叫咗少少配菜，粟米當湯底咁樣煲😆 煲完食飯都好甜👍🏻 牛肉一定要叫㗎啦，叫咗一個價錢上最平嘅～但已經係美國頂級封門柳，食落肉質幾好，好入到湯味～ 跟住仲叫咗炸午餐肉，打邊爐要地道嘅點可以唔叫呢一個？ 不過可以再酥脆啲就更好啦🥰 叫左杯Stella啤啤佢。連埋炸支竹同烏冬，兩個人食到飽飽，好滿足 呢度仲有啲包廂，如果一大家日同一大班朋友嘅話可以預約到有自己一個私人間私隱度高好多，同埋入邊都好似有嘢玩，好正🙆🏻‍♀️

荔枝角工業大廈三期地庫美食廣場呢度有一間食日式快餐嘅餐廳， 唔熟荔枝角嘅人真係唔會知道呢度原來有個food court！ 平時返工中午都黎呢度食，因為有唔同嘅套餐，例如係咖喱飯、或者炒烏冬等等 今晚我同朋友就去咗呢度醫肚，叫咗一個咖喱唐揚雞球飯，同埋一個牛肉雜菜炒烏冬。 咖喱同唐揚雞都幾唔錯，拍得住銀咖喱， 炸雞份量都幾多～ 如果行到荔枝角想食咖喱嘅話都可以考慮吓呢一間🥰 牛肉雜菜炒烏冬，材料豐富，牛肉都好多，而且冇食錯應該係用冷凍烏冬煮，口感好滑好煙韌～ 味道唔錯！ 因為呢度嘅位置相對上比較隱蔽，所以唔使驚唔夠位坐，就算一大班同事落嚟應該都好容易搵到位👍🏻 而且所有餐都好平，好抵食～

上環呢間新加坡菜價錢幾親民，所有菜式都唔會好貴，最近食開新加坡菜食上癮，對海南雞同喇沙情有獨鍾😂 呢度同樣有個套餐係有晒海南雞同喇沙食！一次過滿足晒～ 之後我地見有米卷，都叫左份！ 呢個係牛油蔬菜米紙卷，味道好清新，由好多唔同既蔬菜絲組成，米紙好軟滑，咬落好煙靭！ 之後仲有個我好鐘意食既咖央多士！ 好脆～咖央醬份量岩岩好！ 最後仲叫左個咸蛋黃炸雞翼～ 好香咸蛋味🤤 不過呢個太邪惡，食一兩隻就夠了～ 整體覺得價錢合理！唔錯👍🏻

圓方呢間星馬泰菜環境真係好靚，餐廳座位都好舒適！ 朋友突然話好想食泰式生蝦刺身，所以就叫左一碟試下，啲蝦肉幾厚實，食落幾爽口～ 配埋酸酸地既青汁，好開胃🥰 我哋叫左個青咖喱炸軟殼蟹意大利飯，呢個飯幾好食，啲青咖喱汁好入味，而且好creamy 🥰 帶有少少青咖喱既辣味～ 口感豐富！ 加埋完隻炸軟殼蟹，好正～ 😍 平時會覺得啲飯太多食唔晒，但呢個餐係完全食得晒～ 仲想再食添！ 我地仲叫左碟炒椰菜苗 呢個用蝦頭膏炒既椰菜苗味道好濃郁！ 好夠味👍🏻 飲品我覺得一定要叫佢地既椰青～ 因為真係好清甜好冰爽～ 而且入而椰肉都好厚好軟滑🤤 整體坐得好舒服～ 係個好地方🥰

每次食呢間餐廳都必叫佢既壽司卷物同牛舌！ 今次係黎銅鑼灣分店，感覺牛舌好似比其他分店好食！ 肉汁好豐富，咬落好juice😍 燒到岩岩好 仲有個汁可以點，呢個汁都好正～ 好獨特，咸咸地酸酸地～ 好夾！ 另外壽司卷我地叫左兩條，一條係金龍卷，係由炸蝦天婦羅同三文魚刺身製成，入面仲有芝士～ 口感豐富～ 又脆又軟🤤 好快一啖接一啖咁食完！ 之後係蜘蛛卷，係由炸軟殼蟹同蟹肉棒製成，炸軟殼蟹好香，又酥脆！ 都係一樣食唔厭～ 店員仲好有心思咁擺盤擺到好靚，仲畫左朵花添！👍🏻🥰

太子呢間雞飯真係好多人食！ 平日晚飯時段都要排隊先入到去！因為見佢推出左個椰子雞鍋，好想食！ 不過好可惜今日賣晒！食唔到了，唯有食返海南雞飯啦～ 下次再試佢個椰子雞鍋！ 雖然食唔到椰子雞鍋，但佢既海南雞飯都係好出名🥰 之前都有食開～ 雞肉大大件好厚肉之餘仲好滑！ 配埋佢個泰式海南雞酸辣汁，好好食！ 套餐仲可以加15$轉迷你叻吵🥰 再用半價加購其他小食或菜 我地加左馬拉盞椰菜苗！ 好惹味！ 好爽脆～ 另一個餐叫左個’豐盛辣死你嗎’😂個名好搞笑，係炸雞髀加牛腩，仲有一隻鹵水蛋！真係好豐盛～ 隻炸髀幾大隻，炸得好脆之餘肉質唔會乾👍🏻 跟餐加錢配左個鮮牛油咖央多士！ 呢個多士超邪惡，好正，牛油好厚好大件，即上即食好好食！ 🤤 今次雖然食唔到個椰子雞鍋但佢其他食物都係值得食既～！

我同朋友不嬲都好鍾意食川菜，今晚就去試吓呢間新開喺銅鑼灣嘅川火堂。 間舖頭好新淨，坐得都好舒服，一坐低就叫咗個二人餐先，因為感覺CP值最高，有晒香鍋同埋甜品，仲有前菜等等 套餐包一個經典香鍋、入面已經有肉片、雞肉、椰菜等等，有好多香料好入味，鍾意食川菜嘅朋友一定食到流晒口水！ 仲包埋豬手一碟，以為係小食尺寸，無諗過係完整一份超多😳炸到皮好脆，好酥香，又係邪惡毒物！ 跟住仲叫左個糖醋魚塊，味道唔錯，魚片炸得好香口，魚肉都幾高質，正！ 熊貓冰粉好可愛🐼 二人餐有兩個超抵食，會食到好飽哈哈。 仲有紅糖糍粑，好煙韌好好食，雖然好飽但都忍唔住食左3條😂😂😂 整體來講呢到川菜唔錯，見有人食酸菜魚有機會下次再幫襯～！

今晚同朋友去旺角行街，順便食飯，經過呢一間餐廳聞到好香之後就想去試吓！估唔到咁有驚喜！ 我哋叫咗兩個燒肉套餐，一個係黑松露吉列牛，一個係御燒特級牛小排。 首先要讚下個黑松露吉列牛！近來周圍都好多咁樣石頭燒肉嘅餐廳，但暫時食到咁多，呢間有個黑松露版本幾得我心。 同重點係吉列部分都食到有脆脆既感覺，有啲出面會林少少，肉質OK，黑松露味都出到，算係食石燒燒肉黎講幾特別。 御燒特級牛小排份量勁多，啲牛燒左好耐先完，用左好多藍色燃料🤣🤣 抵食🫶🏻 中間都一路會有店員幫手加，店員態度好。 另外仲有個小食都好好味，係雞皮捲住啲肉，好似食緊腸仔咁但口感豐富好多嘅，叫左麻辣味唔太辣的，大家都可以一試。 食過咁多間石燒，暫時各方面最滿意呢間！ 值得再戰！

愉景新城呢間日式餐廳幾高質啵！ 裝修幾靚，好有特色～ 牆身都係特別設計！ 冬天都係會想食下熱辣辣既野，所以叫左個牛肉壽喜燒鍋～ 份量岩岩好！ 供兩人食～ 有兩粒日本雞蛋😋可以就咁點生雞蛋食～ 入口多左層滑滑既口感～ 🥰 啲牛肉會事先擺晒入個鍋到，所以唔想一次過食晒熟牛，就會先拎起擺係碗到再慢慢一塊塊碌啦～～ 😋 鍋入面既配菜都幾多，好豐富😍 壽喜燒湯底好甜～ 👍🏻 之後我哋叫左幾串唔同既串燒～ 有個牛之拼盤好似幾抵食，叫左個黎試下！ 拼盤有3串串燒 分別係一口牛、蘆筍牛肉同牛舌，全部都好好食！ 😋記得要襯熱食！ 🤤🤤 啲牛既食材都好高質！ 燒到岩岩好又夠火喉又唔老！ 之後仲叫左燒菠蘿同柚子蜜燒雞翼！😍都係好正好高質～ 個人覺得呢間餐廳既師傅幾出色～ 食物整體都好好食～ 推👍🏻