影片
港鐵尖沙咀/尖東站 P2 出口, 步行約6分鐘
繼續閱讀
電話號碼
21518133
84893133 (WhatsApp)
開飯介紹
餐廳佔地逾5000平方呎，特設三間獨立鐵板燒房，可容納5-13人。除設有魚缸養殖活海鮮，更特設大型投射的天燈許願牆，讓客人可即時寫上祝福語給驚喜身邊人！吧檯式座位設計分為兩大主題，重點主打日式鐵板燒及廚師發辦，由師傅以傳統結合嶄新的日式手法席前烹調，為客人帶來舌尖和視覺上的一流享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
*最後落單時間: 22:00
以上資料只供參考, 請與餐廳確認詳情
有關獎賞計劃
相關文章
生日慶祝活動停不了。鐵板燒teppanyaki 午市套餐（月）$380/位衝住清酒任飲而嚟，餐廳做緊全日指定清酒免費任飲 （午餐90分鐘，晚餐120分鐘）！呢個鐵板燒套餐價錢仲包清酒任飲，真係冇得彈！午餐我哋好早就嚟咗，所以餐廳未有好多人。職員俾咗一個手寫板我可以喺天燈牆度寫祝福字句，好得意好好玩👏🏻👏🏻👏🏻。🌟前菜新鮮沙律，估唔到冰菜都可以沙律凍食，原來都唔錯。🌟廣島蠔廣島蠔煎到香脆，用炒香的櫻花蝦同埋蔥煎炒作為調味，真係又香又脆！外脆內軟！🌟汁煮白鱈魚即炒洋蔥加上高湯煮汁，配上香煎白鱈魚，煎香的魚皮脆到好似食薯片咁，魚肉夾埋洋蔥食，特別香甜，好味道到一滴湯都要飲埋。🌟鵝肝多士廚師用咗少少焦糖香煎匈牙利鵝肝，減少油膩感，食落外脆內軟嘅對比非常之大，甜甜香香，回味無窮。配上柚子啫喱，可以解膩。🌟美國牛肉薄燒或厚燒 或 日本黑豚肉揀咗薄燒牛肉，可以包住香蔥同洋蔥粒，食落特別香。香炒羽衣甘藍作為伴碟，發現原來炒羽衣甘藍都好食！🌟漬物🌟吸物🌟櫻花蝦炒飯櫻花蝦炒到好香，揀咗煎荷包蛋，蛋黃汁撈埋炒飯食好滋味。🌟甜品或咖啡我揀咗咖啡，香味濃厚，完美作結。職員話每月都會有不同推廣活動，食鐵板燒晚餐，每人即送日本海膽杯1個。（每日限量供應，送完即止）。午市套餐可以優惠價$80換購日本海膽杯1個。餐廳有幾間獨立房，大嘅鐵板燒房都有天燈許願，可以book。呢間餐廳真係好適合朋友聚會、慶祝生日、紀念日。
繼續閱讀
【油尖旺區】【螢火】為慶祝 1amfoodie 成立四週年，去咗公司附近嘅呢間「鐵板燒+omakase」餐廳食晚飯。佢哋有個天燈許願設備，可以自己寫或者畫天燈內容，然後再播放動畫，我都有玩，非常有趣。佢哋仲做緊「螢火清酒祭多重優惠」，叫唔同嘅套餐就有唔同嘅優惠。我就試 $1380 嘅「晚市廚師發辦十六品」，優惠係「全日指定清酒免費任飲（午餐 90 分鐘，晚餐 120 分鐘）」，好抵呀，我都飲咗好多。講開優惠，呢個晚餐佢哋仲做埋「二人同行，一人免費」添，我同朋友兩個人去，都只係需要畀一個人價錢，平好多。先試「前菜」嘅螢光魷魚配柚子麵豉醬，好開胃好正。之後「刺身五品」有日本白象拔蚌、北海道海膽、銀鱈魚BB、深海池魚同埋肥拖羅，好新鮮，各有特色。然後到「煮物」，係煮鮑魚，肉厚得嚟唔靱，正。份「燒物」係黃金醬燒廣島蠔，食落勁邪惡。跟住係「壽司五品」，有北海道帶子壽司，灑咗柚子皮喺面更加出味。新鮮赤貝壽司加少少檸檬汁就新鮮咗咁，之後嘅金目鯛好鮮好軟熟。左口魚配左口魚邊就玩多重口感，燒肥拖羅就都係咁肥美咁強油脂感。沿途食啲伴碟嘅鹹菜、飲啖茶，油膩感盡消。呢個時候師傅畀埋「手卷」，係拖羅海膽魚子手卷，味道同口感層次豐盈，好享受。到「吸物」就係個魚湯烏冬，魚湯好濃香，有驚喜。最後嘅「甜品」係開心果雪糕，好重開心果味好正，埋單加一先 $1518，下次可以試吓 book 鐵板燒房，我見幾好氣氛。。。（地址：尖沙咀加連威老道96號希爾頓大廈LG樓1號舖）@hotaru_teppanyaki_omakase#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #紅磡 #1am紅館 #螢火 #hotaru_teppanyaki_omakase #hotaru #teppanyaki #omakase #鐵板燒 #晚市廚師發辦十六品 #廚師發辦 #螢光魷魚 #刺身 #日本白象拔蚌 #北海道海膽 #銀鱈魚BB #深海池魚 #肥拖羅 #煮物 #煮鮑魚 #燒物 #黃金醬蠔 #壽司五品 #北海道帶子 #新鮮赤貝 #金目鯛 #左口魚配左口魚邊 #燒肥拖羅 #手卷 #拖羅海膽魚子手卷 #吸物 #魚湯烏冬 #甜品 #開心果雪糕 #1am1394 #1ambackup
繼續閱讀
暫走前又無時間飛轉日本，唯有喺香港食盡佢先！🥰上網搵到尖東呢間都幾出名嘅高級日本料理，見佢鐵板燒同廚師發辦嘅價格唔算太貴，晚餐千幾蚊位，仲做緊午餐90分鐘同晚餐120分鐘全日指定清酒免費任飲🥃，就去咗試試！一入到去環境比想像中大好多，環境好闊落，鐵板燒區有兩邊bar枱，每組客都有專門師傅主理，而且仲有3間獨立鐵板燒房，私人聚餐都好合適。❤️雖然同時有幾位師傅燒緊嘢食，但完全無油煙！🍲邊食邊睇住師傅煮，好似表演咁，👨🍳而且師傅都好talk得，同我分享咗好多旅遊同飲食嘅趣聞，真正感受到咩叫service！Bar枱旁邊仲有幅好似teamlab嗰啲互動投射嘅許願牆🏮，可以喺iPad寫祝福語喺天燈，之後放上許願牆🎈，如果係生日或者紀念日慶祝，應該好有驚喜呢！🎉今次揀咗$1190/位嘅龍蝦鐵板燒，有澳洲龍蝦、日本A5和牛薄燒、黑魚籽鵝肝蒸蛋等，用料都好高級，而且樣樣嘅調味同熟度都啱啱好，而家仲送日本海膽杯，值回票價！去到先知，原來母親節做緊鮑魚鐵板燒套餐優惠，只係$540/位，一樣有清酒免費任飲，差唔多半價咁制，超抵食！🍳黑魚籽鵝肝蒸蛋細細杯好精緻，上面放咗食用花擺得好靚靚，仲有充滿鹹香嘅黑魚籽，食落卜卜聲，配埋幼滑嘅蒸蛋同甘香嘅鵝肝粒，味道細膩有層次！🦞澳洲龍蝦澳洲龍蝦絕對係今餐嘅主角，睇住師傅燒龍蝦、拆肉，再將龍蝦肉撈埋蝦頭入面嘅蝦膏，真係愈炒愈香，粒粒炒到黃金，上碟嘅時候擺盤放埋龍蝦尾同海藻，睇到都流口水！龍蝦肉鹹香又彈牙，仲好鮮味，超正！之後仲將龍蝦頭煮麵豉湯，鹹中帶鮮甜，回味無窮！🦪清酒煮蜆煮蜆有淡淡嘅酒香，蜆肉粒粒都好大粒，飽滿有口感，湯底清甜中帶少少辣，非常開胃！🐟汁煮鱈魚鱈魚先煎過鎖住肉汁，之後放入由洋蔥煮成嘅湯，魚肉嫩滑，同清甜嘅洋蔥湯超夾，而魚皮師傅會分開煎，煎得好香脆，沾洋蔥湯食好香口！🐮日本A5和牛薄燒和牛揀咗5成熟，師傅控制火喉啱啱好，蔥花同蒜頭粒吸收晒和牛嘅油脂，配埋炸蒜片一齊食，啖啖都好滿足！旁邊仲有菇、青椒同豆腐，豆腐兩邊都煎得香脆，超好食！🦐櫻花蝦炒飯其實已經食到好飽，但呢個櫻花蝦炒飯炒得好香，加上上面嘅蘭王太陽蛋，點都要食多啖！炒飯炒得乾身，撈埋蛋汁一齊食，好惹味！🥗沙律、漬物、吸物除咗主食，一開始會先上沙律開開胃，中間都會有少少漬物同吸物，都係一啲爽口嘅小食，令人增加食慾，唔覺唔覺就食到好多嘢呢！🍨紅豆雪糕雪糕幾濃紅豆味，軟滑微甜，令呢餐好完滿！
繼續閱讀
可能係尖沙咀區最好嘅日式料理餐廳🫣一間有齊鐵板燒和廚師發辦，而且CP 值超高！餐廳有魚缸養活海鮮，鐵板燒嘅海鮮係即席烹調，真係完全保存到海鮮嘅質素。而家惠顧晚市鐵板燒，每人送日本海膽杯🧡！仲有兩小時清酒免費任飲🍶食住日本野同朋友慢慢歎sake 真係好正！餐廳超有空間感，因為佔地5000呎，有間獨立鐵板燒包廂添，私隱度高，又啱晒一班朋友嚟聚餐。餐廳好特別有個天燈許願牆，可以將自己想放上天燈嘅內容寫喺平板上面，就會呈見到投影的螢光幕上，打卡一流📸，隨時可以俾驚喜身邊嘅朋友，好浪漫♥️.我哋點咗晚市鐵板燒，已經有齊澳洲龍蝦，鮑魚，仲有鹿兒島和牛真係大滿足🫶🏻前菜𓐎 黑魚子鵝肝蒸蛋，帶有鹹香味，蛋又好幼滑。鵝肝多士🪿𓐎 酥脆多士配香口鵝肝，鵝油完全可以滲透多士，入口香濃，大廚更以烤糖封面青檸解油膩。清酒煮蜆𓐎 大廚先點火將酒精揮發，再加入蜆肉烹煮，配上清甜湯底，慢慢品嚐粒粒飽滿嘅蜆肉。推介必食澳洲龍蝦🦞𓐎 燒好龍蝦肉之後，師傅會將蝦頭嘅蝦膏倒出嚟再一起炒，令到龍蝦肉更加濃郁美味。鹿兒島A5和牛💯𓐎 大廚會先詢問想要厚燒定係薄燒，小妹因為已經好飽就揀咗薄燒和牛！ 大廚控制火喉技術好好，薄燒牛燒得生熟剛好，充滿油脂味又好Juicy, 入面仲包住蔥花和蒜頭粒，大滿足！櫻花蝦炒飯𓐎大廚好貼心，加咗煎得好美味蘭王蛋上面，而且炒飯炒得夠乾身，🦐櫻花蝦外皮香脆，真係好惹味。𓐎最後奉上龍蝦麵豉湯，雪糕作結。
繼續閱讀
尖東高質嘅鐵板燒🔥，我必然會想起呢間螢火！佢入邊地方超級大🤩，又有幾個唔同大細嘅包廂👍，仲有個好大嘅🍣壽司枱專門做 Omakase，而且呢期佢哋嘅晚市👨🍳廚師發辦十六品做緊買一送一，平均每人只係💰$690。而晚市鐵板燒二人餐仲送一人一隻日本生蠔🦪，午市佢哋亦都有多款經濟實惠🥰嘅套餐，亦可以優惠價💰$160換兩隻日本生蠔🦪！佢哋呢排仲做緊螢火🍶清酒祭優惠，無需額外加錢就有😍清酒放題，而且質素唔錯清甜易入口😋，午餐有90分鐘，晚餐就有120分鐘👍任你飲！我今次就趁新年🎊食好啲，揀咗$1490/位嘅螢火廚師特選🤤鐵板燒餐。喺我食緊沙律🥗嘅時候，廚師已經擺好主要嘅🦞食材喺我面前，新鮮又高級令人食指大動😆！蒸蛋🥚十分之香滑，加上黑魚子入口好☺️鮮味，食到中間仲有🤩鵝肝粒，甘香美味。🇦🇺澳洲龍蝦肥美肉厚好鮮甜🥰，而且用咗佢啲膏去煎入口份外美味😋，食完肉個龍蝦頭🦞之後仲會用嚟煮麵豉湯🥣添！南非鮑魚有半個✋手掌咁大隻，上枱嘅時候面頭仲鋪滿三文魚子🟠，食起上嚟鹹香鮮味肉質彈牙🦷，配埋少少🍄黑松露醬一齊食，更加另有一番🤤風味。甘鯛魚肉🐟用咗乾蒸嘅手法去烹調♨️，鮮味濃郁，肉質爽滑，魚皮🔥炸到好鬆脆，配埋海膽忌廉汁一齊食😋勁好味。鵝肝厚度十足，🤩煎得外脆內軟，多士鬆脆充滿牛油🧈香，佢哋特別選配咗意大利🇮🇹焦糖醬，食起上嚟甘香滿足😍又唔會太油膩。🇯🇵日本A5和牛可選薄燒或厚燒🔥，唔食牛亦可以揀日本黑豚肉🐖。我揀和牛厚燒五成熟🤤，入口甘香鬆化，配埋香脆嘅日本🧄蒜片，簡直係完美啊！櫻花蝦🦐炒飯好夠火喉，加上燶邊蘭王太陽蛋🍳，撈勻個流心蛋黃一齊食好正👍！個麵豉湯加入咗之前嘅🇦🇺澳洲龍蝦頭入去煮，所以飲起上嚟🦞鹹香鮮味又有層次，🥣好好飲。今日甜品係海鹽🍨雪糕，為豐盛嘅呢一餐🥢畫上一個完美嘅句號🥰。呢度嘅廚師都幾健談風趣👨🍳，服務又唔錯，而且仲有個好大嘅數碼🏮天燈許願牆，啱晒大家嚟慶祝🎉唔同嘅節日，希望大家都願望成真啦！
繼續閱讀
您可能會有興趣的...