螢火

上網介紹瀨尿蝦鐵板燒諗住試下，當晚叫了龍蝦二人前$1190位再加瀨尿蝦$500龍蝦其實OK, 但同出面既鐵板燒比較，相對較一般反而出面較少食到瀨尿蝦，無比較之下，覺得呢個好過龍蝦當晚6：15到，果個時段得3枱客，2個師傅，1個師傅負責隔離枱一家四口，加我地兩個，另1個師傅就負責最遲黎既情侶，我地既野食同隔離枱搭單一齊燒，唔係我面前燒之餘（係隔離枱燒），放低食物又完全無同我地介紹過，只係企係一家四口面前講呢碟係乜，但我就聽到另一個師傅會同情侶介紹呢碟用上咩醬汁有乜配料。。。完全覺得我地被忽視好不受尊重老公問我呢個係咩醬？我話鬼知呀！你叫師傅理下我地麻結果係老公唔食得既芥末醬即時扣分個女侍應又不停想收碟，明明沙律只係食左一半，諗住望下電話，已經即刻走黎問食完未，食完龍蝦諗住食埋d配菜，明明隻手仲揸住對筷子，個口仲咀嚼緊，佢又走過黎想收碟不過我openrice訂枱時有揀到係慶祝生日，最後餐廳都有送件cake比我地，尚算安慰鐵板燒價錢間間都差唔多，但人地野食好食d, 服務又好d。。。丫，仲要上網介紹話可以天燈寫字許願，book呢間本身諗住寫比老公生日快樂。但去到只係見到大螢幕但無天燈畫面，又無人即埸介紹可以點做，所以都懶得問。。。…查看更多

呢個teppanyaki 好好食！之前睇到佢既廣告，以為佢係sell啲裝修吸引人去打卡嗰啲，但原來我錯了🤣食完德哥煮既呢一餐，真係要比個like佢🫶🏻我覺得最好食既3樣野要記低佢！佢地既招牌瀨尿蝦、白鱈魚仲有甘鯛魚！第一次食有膏既瀨尿蝦，意想原到咁好食！個口感有啲似食緊蟹膏咁，個白鱈魚汁係洋蔥湯，match 到呢🤤個湯非常甜🥰甘鯛配個creamy source …又係絕配，呢三款是日驚喜🫶🏻鮑魚都唔錯，都係typical teppanyaki 煮法。個清酒煮蜆又係好清甜！我飲哂啲湯🤣龍蝦有小小失望，啲肉質有啲爛，唔夠結實。但整體都係好值得去嘗試，店員同經理都好nice，係一個好好既teppanyaki 經驗😜💜 …查看更多

琴晚去咗尖沙咀食鐵板燒，先介紹返間餐廳，全吧檯設計分為兩個主題區，日式鐵板燒 / 廚師發板壽司吧檯。吧檯嘅設計可以讓每位食客都可以欣賞到師傅嘅精湛演技。餐廳都幾大寬敝舒適，仲有幾間獨立包房，可以容納6位/12位食客。今次我哋食鐵板燒呢部分。同朋友分別點咗兩個唔同套餐，龍蝦鐵板燒和瀨尿蝦鐵板燒，每位 $1190/位主要分別就係龍蝦同瀨尿蝦，其他食嘅嘢都係一樣。以下就係順序出餐嘅次序。▪️沙律有蕃茄、粟米、海葡萄、新鮮生菜等⋯⋯柚子沙律汁酸酸地，作為第一道開胃菜非常合適。▪️蒸蛋蛋蒸嘅時間師父控制得啱啱好，蛋香嫩滑，黑魚籽帶點鹹香，連埋蛋一齊食會更惹味。▪️澳洲龍蝦龍蝦肉鮮甜又彈牙，加埋牛油嘅香味，好好食。😍▪️瀨尿蝦瀨尿蝦又係好新鮮，煮嘅過程仲見佢不斷掙扎㗎🙈厚厚結實嘅賴尿蝦蝦膏同鮮甜嘅瀨尿蝦肉一齊食好正😍▪️汁煮白鱈魚師傅功力深厚，可以將魚肉，魚皮分開煮，鱈魚肉嫩滑，塊魚皮煎得勁香脆。洋蔥湯好清甜仲好多洋蔥，撈埋一齊食好味😋結果我全部清晒😆▪️清酒煮蜆平時我係唔會飲清酒煮蜆嘅清酒㗎，呢度選用嘅清酒味道帶甜味，我接受到呢個酒味，我都忍唔住飲多幾啖。蜆大大隻厚肉，味道都鮮甜，清酒連蜆肉一齊食甜上加甜👍▪️鵝肝多士師傅會建議先將旁邊嘅透明嘅啫喱，放係鵝肝上面，可以中和返鵝肝嘅油膩感。待啫喱溶咗之後就可以用將鵝肝多士點埋碟上嘅焦糖醬一齊食，perfect match。😍▪️日本A5 和牛厚燒選用日本鹿兒島嘅和牛，牛脂肪分布比例均勻，和牛油脂特別濃，非常嫩滑入口即溶，連埋蒜片芥末醬一齊食，可以中和返個油膩感😋拌碟仲有羽衣甘藍，梗係要食埋佢啦，除咗可以中和油膩之外，仲有益健康，可幫助降低膽固醇😍▪️日本A5 和牛薄燒都係同樣選用日本鹿兒島嘅和牛，和牛都係一樣入口即溶，入面會包住蒜蔥粒，連埋蒜蔥粒蒜片芥末醬一齊食，薄燒仲充滿層次感，薄燒一樣咁好味😋▪️櫻花蝦荷包蛋炒飯將荷包蛋蛋黃篤穿，讓蛋汁慢慢流入炒飯入面撈埋一齊食😍香濃嘅蛋味，櫻花蝦炒飯嘅鹹香味道結合為一，都不禁想叫一聲好好味呀😍▪️漬物醃漬小黃瓜+ 牛膀醬油漬味道酸酸地夠爽口👍▪️吸物吸物係龍蝦麵豉湯，我地食完龍蝦肉，會將龍蝦頭放入麵豉湯一齊煮，提升鮮甜嘅味道。😋▪️甜品抹茶布甸好嫩滑，抺茶唔會有苦澀味，又唔會太甜，甜度啱啱好。😋食埋呢度甜品之後，呢餐食得大滿足。📢餐廳仲可以放天燈許願📢透過用平板電腦，手寫自己嘅心願或者祝福語，寫完按發送，就可以透過餐廳嘅特大投射螢幕投射出嚟，個畫面好正好療癒，好似去咗台灣放天燈咁😍💬另外都想讚一讚鐵板燒嘅張師傅，張師傅都有多年嘅鐵板燒經驗，生熟程度都控制得好好，每個擺盤都好靚，功架十足，下次再嚟都要搵返佢👍…查看更多