螢火

雖然而家停咗晚市, 但就黎放假加上農曆新年都想搵下好野食😝 最近黎到尖沙咀呢間- 螢火, 佢係一間日式鐵板燒 x omakase嘅餐廳而家疫情禁晚市期間, 6點前都可以食到原先嘅晚市套餐, 仲有7折添, 即刻好抵呀!🤩平時食高質嘅晚市鐵板燒都極少見到一千落樓, 而家竟然可以平咁多食到😳😳不過更希望疫情盡快過去, 可以快D回復正常!講返餐廳先, 一入去已經見到成幅牆嘅螢幕天燈, 員工主動過黎比部tablet你, 可以寫低你想天燈顯示嘅願意送出, 就會顯示係牆上, 幾得意呀😆🌟鮑魚鐵板燒套餐 ($1190 一位, 期間限定7折晚市套餐) 🌟套餐包括有麻醬沙津、蒸蛋、清酒煮蜆、汁煮白鱈魚、南非鮑魚、日本A5和牛簿燒、櫻花蝦炒飯、炒野菜、味噌湯同甜品🔹蒸蛋師父係鐵板上面即席蒸蛋，蛋香好出好滑, 上面加上魚子醬食到另一層次嘅味道~🔸南非鮑魚黎到主角"南非鮑魚"，足足有手掌咁大隻嘅鮑魚，份量十足👍🏻師父先用高湯輕輕煮下，再用牛油煎熟，食落非常彈牙，好有咬口，而且有陣陣海水鮮味，加埋蝦膏醬同黑松露醬兩種配搭，更加有唔同口味😋🔹清酒煮蜆都好出色, 好清甜有鮮味, 肉質都嫩, 我連汁都當湯咁都飲埋大半🤣

想食鐵板燒，好友即刻介紹食呢間，原來餐廳裡面分開2個區域，一邊鐵板燒一邊壽司呢到有幾款SET可以揀，豐儉由人，今次我就揀左午市套餐(月) ($380/位)，即係包括沙律、鵝肝多士、汁煮白鱈魚、廣島蠔、美國牛肉厚燒、櫻花蝦炒飯、炒野菜、漬物、吸物、甜品或咖啡餐廳牆璧位置用投射放映天燈映像，效果幾靚😍食鐵板燒當然坐BAR枱睇師傅嘅廚藝👍🏻師傅先將呢餐會用上嘅食材一切準備就緒😃沙律：最中意就係加麻醬嘅沙律，清新醒胃鵝肝多士：肥美鵝肝煎得好香，入口即溶😍下面塊多士好脆口，再輕點一點焦糖醬味道更佳🤤汁煮白鱈魚：用洋蔥汁黎煮，白鱈魚魚肉嫩滑唔會腥，就連唔中意食魚嘅朋友仔都讚好味😋另外仲有塊魚皮煎得薄脆香口😉廣島蠔：蠔肉鮮甜飽滿，煎香後連埋伴碟嘅櫻花蝦蔥花等一拼放入口，味道更為豐富😍美國牛肉厚燒：MENU分別有薄燒同厚燒可以揀，今次我地揀左厚燒，另外如果想再食高級D嘅澳洲M9或日本A5牛可以加錢😜不過本身套餐呢個美國牛已經幾好質素，肉味香而且嫩滑，點一點碟邊嘅芥末醬，或者夾起脆脆蒜片一齊食勁惹味🤤櫻花蝦炒飯：上面加左隻太陽蛋，大大隻蛋黃而且好濃郁😄櫻花蝦炒飯飯粒分明，香氣滿分👍🏻漬物、吸物炒野菜甜品

去過中環銅鑼灣尖沙咀起碼10間鐵板燒餐廳，見到呢間新開餐廳有幾個好評，結果真心失望到貼地，味道令人無話可説。下面會詳細介紹六大伏位：食物質素一般，味道難食，低性價比，等待極長，漏單加錯單，客公然有員工陪同下行黎行去。值得讚嘅係餐廳裝修好靚，而且地理位置係尖東都幾方便，但配上甘樣嘅食材、員工同混亂嘅系統，實在暴殄天物。環境一流，味道九流，服務直接不存在，認真不知所謂。午餐方面我地點左3xx蚊嘅鐵板燒餐，等左45分鐘部分先有熱食，一句今日禮拜日好多師傅放假就解釋完。汁煮鱈魚唔係特別鮮，實在好痲痲，上菜D汁已經滴到成個碟都呢到一噠果到一噠，我地幾個都要自己用紙巾抹一抹。之後上蝦、帶子，個蝦好乾，而且口感仲帶有膠感。帶子亦都煎到變瑤柱甘出現多處裂痕。墊底嘅海帶仲要好腥。色香味不全，但由於實在等到餓扁了所以急急忙忙勉强吞曬。最值得一食嘅係薄燒牛，但係要食到都要一波三折再堅持又堅持先得。食到一半餐廳問我地order嘅牛要幾成熟，又等等等等，誰知個經理上黎話有一份薄燒牛肉入錯單厚燒，問我地可吾可以硬食。我地反問“頭先落單明明話厚燒無貨伽，而且我弟地就係想要薄燒”。餐廳表示“哦係啊岩岩突然就有貨了“。