影片
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒,客人來到，可以盡情品嘗「兩燒」美食，雖然店劃分了爐端燒和鐵板燒的座位，但客人無論坐於哪邊，亦可以隨意點選「兩燒」食物。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
食評 (429)
今次呢間餐廳位於尖沙咀天文台圍，係一間比較傳統既日式鐵板燒餐廳😋 去到搭𨋢上一樓就係今次嘅用餐地點～餐廳有好多張鐵板燒枱，每張可以坐到四至五人，如果約埋幾個朋友一齊嚟一定好開心😀當晚位大廚好細心，詳細介紹每道菜式之餘仲會詢問味道如何👍🏻 睇住佢手勢好熟練，好似喺度表演咁🥳所有嘅食物都好好味，特別鍾意海鮮部份，龍蝦好鮮甜彈牙，鮑魚又香又嫩，而家諗返起都想再食🤩餐廳仲可以畫公仔打卡，好適合慶祝啲大日子🥳
繼續閱讀
慶祝紀念日揀咗去秋田食鐵板燒！二人套餐食物有質素又多款式，最重要師傅用心製作，即席喺你面前烹煮同介紹食材，成餐飯氣氛不錯，值得推薦！🔻秋田二人前套餐 $888pp▪️季節沙律以芝麻醬配上海藻水晶粉、粟米、車厘茄等，為今餐打開味蕾▪️魚籽鵝肝蒸蛋口感香滑，蛋味夠香濃，食到鵝肝同大量魚籽▪️鮮活時令龍蝦龍蝦好生猛又大隻，睇住師傅架輕就熟咁將龍蝦起肉，好有功架，煎成金黃色嘅龍蝦肉彈牙爽口，鮮味濃郁，連伴碟都一絲不苟，好有心思▪️原隻鮮活南非鮑魚大大隻新鮮南非鮑魚，師傅將佢燒到表面金黃，鮑魚肉質嫩滑彈牙，好有質感，配有忌廉昆布汁，令味道食落更有層次▪️季節時令海鮮 是日時令海鮮係北寄貝，味道非常鮮甜，經鐵板煎香後，口感依然鮮嫩多汁，好食到要連湯汁都飲埋，真係好鮮味▪️香煎頂級鵝肝未食過咁大塊嘅鵝肝，厚到成塊扒咁，認真足料！表面煎得好靚，並灑上魚籽同金箔，貴氣十足，配上多士夾住一齊食，真係好邪惡，鵝肝入口即溶呢！▪️鹿兒島霜降和牛薄燒卷和牛卷住蒜片同蔥花一齊燒，和牛油脂豐富，牛味濃郁▪️鹿兒島霜降和牛厚燒油花紋好靚，和牛燒至五成熟，肉質軟嫩，牛味香濃，厚切和牛食落更有口感，肉汁滲透出油香，真係大滿足▪️秋田炒飯鐵板燒必有嘅項目，以櫻花蝦、蔥花同雞蛋等配料製成，米飯粒粒分明好滋味▪️炒雜菜▪️龍蝦清湯 ▪️甜品紅豆銅鑼燒配抹茶雪糕
繼續閱讀
🎊秋田雙人套餐 $888✨時令季節沙拉沙律入面有好多款式蔬菜，加入胡麻醬調味啱啱好✨魚子鵝肝蒸蛋裏面有一小塊鵝肝，已經預先煎左更加容易滲出鵝油✨鮮活時令龍蝦超高溫火焰烹調，令人驚喜使用龍蝦膏炒煮龍蝦，肉質爽滑彈牙✨原隻鮮活南非鮑魚搭配濃郁的海苔忌廉醬，鮑魚新鮮爽脆一隻份量都好足✨原隻鮮活北寄貝加入牛油烹煮得剛剛好熟，肉質鮮嫩咬落脆脆的，一定要連湯吃✨香煎頂級鵝肝鵝肝加上魚子醬和金箔，真是極致的奢華鵝肝與法包一樣厚和大，超級滿足✨鹿兒島霜降和牛薄燒卷✨鹿兒島霜降和牛厚燒估唔到一次過可以享受晒薄燒同厚燒嘅樂趣心薄燒入面有炸蒜片同香蔥碎，層次豐富厚燒相對多汁，牛肉風味更加濃郁✨秋田炒飯炒飯粒粒分明唔黏笠櫻花蝦香蔥味都好夠，食到呢度已經好飽好滿足✨炒野菜炒菜保持爽嫩，不會好油✨龍蝦清湯✨精選甜點銅鑼燒搭配冰淇淋廚師非常有驚喜，知道今天是慶祝生日所以特別為我們準備了一個大型銅鑼燒當作生日蛋糕
繼續閱讀
閨蜜生日指名要去秋田鐵板燒刺身專門店，原因是她聽老公講之前同客戶係呢間餐廳食飯，覺得用餐體驗好，服務到位，食物質素高，仲有生日打卡位，所以話一定要食呢間慶祝生日。餐廳地點係行街熱點的尖沙咀，距離港鐵站同商場都是數分鐘步行距離，十分方便。用餐環境寬敞，近距離欣賞廚師即席烹調，又可以同廚師交流，係鐵板燒的基本配置。我地叫咗個秋田二人前，重點係海鮮肉類樣樣有齊，大大份。有龍蝦、鮑魚、筆記背、鹿兒島和牛有齊薄笑同後切、大大塊鵝肝、當然套餐必有的龍蝦湯、蒸蛋、炒飯、蒸蛋、炒飯和甜品。最印象深刻係餐廳選材超級新鮮，可以見到所有海鮮烹調前都生生猛猛，超級活躍。而和牛就見到油脂分布平均，食落牛脂味香濃，入口即化。當然唔少得生日個打卡位，廚師即場表演係鐵板寫上生日祝福，再送上有蠟燭嘅小蛋糕。另外，餐廳仲有個打卡位，有可愛的卡通同拍照用的道具。同朋友嚟慶祝生日真係好有氣氛。
繼續閱讀
好耐冇食鐵板燒啦🤤 享受新鮮嘅海鮮盛宴，同時欣賞到師傅嘅功架，賞心悅目！🌟晚市套餐 $888/位✨季節沙律🥗✨魚籽鵝肝蒸蛋 😋✨時令龍蝦 😋✨原隻南非鮑魚 😋😋✨時令海鮮-帶子✨頂級鵝肝 😋✨鹿兒島霜降和牛薄燒卷✨鹿兒島霜降和牛厚燒✨秋田炒飯✨炒野菜 😋✨龍蝦清湯 😋✨甜品 🥞+🍨－:+:－:+:－:+:－:+:－:+:－:+:－✨魚籽鵝肝蒸蛋熱辣辣兼嫩滑嘅蒸蛋，入口先係蛋香，之後就係濃烈嘅鵝肝香氣🤤 ✨時令龍蝦龍蝦肉質彈牙，加埋蝦膏作醬汁更香更濃。✨原隻南非鮑魚鮑魚有嚼勁，啖啖肉，而忌廉海苔汁亦有驚喜，綿滑香甜嘅口感，有提升之效！✨時令海鮮-帶子燒得恰好，肥美厚肉，食落鹹香。✨頂級鵝肝鵝肝油脂豐腴，一咬落去就有大量肉汁，好衝擊嘅感覺！由於鵝肝太肥美，多士略嫌唔夠脆身😬 ✨鹿兒島霜降和牛薄燒卷✨鹿兒島霜降和牛厚燒跟師傅推薦揀咗五成熟，感覺啱啱好，配搭咗Wasabi同蒜片一齊食，層次感豐富😛✨秋田炒飯·炒野菜·龍蝦清湯炒飯係滿滿嘅櫻花蝦，而炒椰菜每啖都有牛油香，出色。清湯味道淡雅，每一口都有鮮味。✨甜品師傅喺面前即時製作嘅銅鑼燒，豆沙餡料唔會太甜，熱辣辣嘅外皮更加突顯到香味！
繼續閱讀
您可能會有興趣的...