影片
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒,客人來到，可以盡情品嘗「兩燒」美食，雖然店劃分了爐端燒和鐵板燒的座位，但客人無論坐於哪邊，亦可以隨意點選「兩燒」食物。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
食評 (603)
先來個醒胃 🥗時令沙律 水晶海藻加上新鮮菜蔬，配上胡麻醬清爽開胃！ 💛 魚籽鵝肝蒸蛋蒸蛋口感剛好👍🏻表面以魚籽作點綴，內藏濃郁鵝肝，一勺挖下去嫩滑驚喜！ 🦞 鮮活時令龍蝦廚師即席火焰料理，火焰表演超震撼🔥龍蝦肉鮮甜彈牙，啖啖肉大滿足😋視覺味覺雙重享受！ 🐚 原隻鮮活南非鮑魚 爽口彈牙！搭配昆布忌廉醬汁，清新中帶濃郁，層次感滿分🌟 季節時令海鮮珍寶級帶子以魚籽提鮮，鮮味在口中炸開🤭 🍴 香煎頂級鵝肝厚切份量超狂！外層焦糖香脆，內裡入口即化～完美火候💯 🥩 鹿兒島霜降和牛雙重奏 ▫️薄燒卷：包裹蔥蒜，香氣逼人 ▫️厚燒5成熟：牛味濃郁，嫩滑到犯規！ 🍚 秋田炒飯惹味櫻花蝦乾 + 蛋香均勻包裹米粒，乾身香口，瞬間清盤！ 🥬 炒野菜野菜鑊氣十足，炒得相當爽甜💚🦞 龍蝦清湯龍蝦湯用火焰龍蝦頭熬製，將整碗湯味道昇華，鮮味爆棚！ 🍡 精選甜品自家製銅鑼燒放進十勝紅豆餡，綿密香甜，加上抹茶雪糕球，完美作結～
繼續閱讀
前排同朋友話想搵啲特別嘅晚餐，最後揀咗去食鐵板燒🔪🔥喺尖沙咀好方便，天文台道8號，成棟都係秋田，1樓就係食鐵板燒。一入到去，店員全部都好nice好好招呼。最值得一讚係當日既鐵板燒師傅，John師傅幽默又健談！成餐飯唔單止味蕾滿足，仲好好傾，笑到肚痛❣️真係好好味又好funny嘅dinner！😆🍽️話說呢位John師傅，佢同我哋傾談時提到自己係馬來西亞人，以前有一大段時間去咗比利時做鐵板燒師傅，經驗豐富到不得了！佢仲話自己識得飛刀✂️🔪同好多精彩嘅席前表演，可惜我哋嗰日佢冇表演飛刀（好想睇吓！）不過佢就即興表演咗好多次其他精彩畫面，例如轉胡椒樽、拋食材，動作流暢到好似拍戲咁，睇到我哋目不轉睛，成餐飯氣氛high到爆！🔥🎬🥢 清新開胃沙律一開始上咗個季節沙律，芝麻醬拌新鮮菜同粟米，仲有甜到爆燈嘅蕃茄，清爽開胃，食完即刻精神晒！🥗✨🥢 魚籽鵝肝蒸蛋跟住嚟個茶碗蒸，滑嫩嘅蛋羹上面有魚子醬同鵝肝，鮮味同濃香夾得好正，入口嫩到飛起，係極緻享受😋🥢 火焰燒時令龍蝦主角登場——鮮活龍蝦！新鮮到燒緊嗰陣仲見到佢郁緊，師傅即席表演火焰燒龍蝦，火光衝天超震撼！🦐🔥仲貼心提醒我哋用slow motion影video📸肉厚實啖啖肉，炒咗龍蝦膏一齊，濃郁鮮甜到不得了。之後師傅仲用龍蝦頭尾熬成清湯，鮮味爆棚。🍲❤️🥢 南非鮑魚燒得香又一鮮活之選，南非鮑魚燒之前仲見到佢彈跳緊，夠晒新鮮！燒好後一聞牛油香撲鼻，火候啱啱好，鮑魚彈牙又juicy，本身已經夠完美，仲配咗忌廉昆布汁同少少椒絲，味道再升級，好正！🐚🧈🥢 時令帶子帶子除左用左牛油煎，好香牛油香氣，師傅仲塗左一層柚子胡椒汁調味，超好食！上面有魚子，包咗紫菜一齊食，鮮味加倍。仲有水晶海草、蘿蔔同紫蘇葉🌿食帶子嗰陣我提到好鍾意食紫蘇葉，師傅即刻好nice咁畀多咗幾塊我，超貼心！😍🤣🥢 香煎頂級鵝肝鵝肝真係無得輸！厚切到誇張，外脆內軟，入口即溶。伴碟既黑醋或者菠蘿都好解膩，配搭perfect!🥢 黑毛豬代替和牛一樣正今次我哋唔食牛，冇試鹿兒島霜降和牛。不過唔食牛嘅朋友唔使失望，可以揀黑毛豬代替。黑毛豬燒得好香，肉質嫩滑又juicy，味道濃郁，完全唔輸蝕，師傅仲配咗鹽昆布，呢個配搭真係令人回味。🐷👍🥢 秋田櫻花蝦炒飯炒飯都唔馬虎，師傅好豪邁咁落咗超多櫻花蝦，炒到粒粒分明，香氣四溢，食落滿足感爆棚。🍚🦐🥢 炒時蔬簡單嘅野菜炒得清甜，平衡晒成餐嘅濃味，正！🥬🌟🥢 雙重甜品驚喜甜品有兩款，紅豆沙銅鑼燒暖笠笠好香，仲有雪糕可以揀綠茶或薄荷朱古力味，收尾一流🥰食到尾聲，師傅仲即席表演倒轉寫字，寫咗「生日快樂」，餐廳仲提供好多唔同款既畫碟，同朋友黎慶祝生日簡直一流！💖✍️總括嚟講，秋田鐵板燒刺身專門店食物新鮮又美味，每道菜擺盤精緻，調味細緻，John師傅嘅幽默同手藝更加分！整餐飯食得好開心！
繼續閱讀
今日約咗朋友嚟慶祝想食好啲🎉見到呢間鐵板燒好似幾有水準保證👍🏻有幾款鐵板燒套餐CP值幾高💥師傅職場嘅表演都幾有視覺效果呢🎨 見到仲有唔同公仔嘅生日碟超得意🍰下次應該提早約定先🥹⭐️ 季節沙律 🥗 蔬菜配上日式胡麻醬清新又開胃😚⭐️ 魚籽鵝肝蒸蛋 🍳蒸蛋入口好滑溜配上魚子同鵝肝提升了鹹鮮味🩵⭐️ 鮮活時令龍蝦 🦞 龍蝦真係好生猛用大火燒過好震撼🔥 肉質爽口蝦膏精華好Creamy🍼⭐️ 原隻鮮活南非鮑魚 🇿🇦鮑魚果然好飽滿好鮮甜🌊師傅建議用紫蘇葉包住蘿蔔一次過食🍀果然更能突出鮮味⭐️ 季節時令海鮮 🐚今日嘅海鮮係帶子🤪感覺好實在輕輕用牛油煎香已經好足夠🧈⭐️ 香煎頂級鵝肝 🦢好少食到咁肥美嘅鵝肝🤤油香好豐富有半溶嘅效果用上意大利黑醋同埋菠蘿調配🍍一D都唔膩⭐️ 鹿兒島霜降和牛薄燒卷 🥓⭐️ 鹿兒島霜降和牛厚燒 🥩兩款和牛同樣入口Juicy嫩滑😋火候控制岩岩好一次嚐到兩種感覺👅⭐️ 龍蝦清湯 🍲用上龍蝦頭熬煮既清湯🤩清澈但係鮮味濃郁⭐️ 秋田炒飯 🍚⭐️ 炒野菜 🥬飯粒炒得乾身甘香配上櫻花蝦調味🦐 簡單但美味😀同時欣賞野菜唔會調味太鹹呢⭐️ 精選甜品 🍮見到即燒既銅鑼燒升起黎有種ふわふわ既感覺☁️配上雪糕終結一餐岩岩好🍨
繼續閱讀
鐵板燒通常都好貴，但係呢間自己覺得唔錯，每人唔洗過千就可以食到各類海鮮同肉類。鐵板燒師傅每次最多招呼三組食客，呢個設計唔錯，有時太多陌生人係隔離，傾偈大聲啲都唔係咁方便。前菜係沙律同鵝肝蒸蛋，蒸蛋幾嫩滑，而且面層鋪滿魚籽成個感覺高級晒。之後就開始食海鮮，超鍾意食呢個龍蝦 😍 因為用返蝦頭啲蝦膏去整個醬汁，新鮮龍蝦肉質同味道真係冇得頂。食完龍蝦就到鲍鱼、元貝、鵝肝，活鮑魚肉質勁嫩口一啲都唔韌，鵝肝雖然入口即化，不過味道就爭少少，油脂味唔夠濃郁。套餐肉類係和牛，不過朋友戒咗牛肉，餐廳都可以不用加錢轉做黑豚，呢個服務抵讚，而且份量都好多。炒飯香噴噴落咗好櫻花蝦同其他配料，龍蝦湯就用咗之前個龍蝦頭煮成，味道清清甜甜。最後鐵板燒師傅臨走時，係鐵板 show 下功架，寫上祝福語比各位顧客，呢個自發性行為都幾窩心。
繼續閱讀
餐廳位於尖沙咀地理上方便快捷這間餐廳主打的就是日式鐵板燒料理。這天和朋友一同前來定必好好品嚐。我們挑選的當然就是套餐，有前菜到主菜最後都甜品。也是有一個師傅在我們面前烹調。鐵板燒最重要的，當然就是食物質素，活龍蝦，新鮮鮑魚，日本和牛，這些都是套餐來包含的。而我最喜愛鐵板燒的，就是可以和廚師之間的互動，學習一下他們的料理文化，透過人與人之間的交流加強對食物的認識。最後，我還十分欣賞廚師對中國文字的認識，「身體健康」，最難擁有也是最貴重的東西，作為一餐完美的完結。
繼續閱讀
您可能會有興趣的...