影片
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒,客人來到，可以盡情品嘗「兩燒」美食，雖然店劃分了爐端燒和鐵板燒的座位，但客人無論坐於哪邊，亦可以隨意點選「兩燒」食物。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
食評 (592)
前排同朋友話想搵啲特別嘅晚餐，最後揀咗去食鐵板燒🔪🔥喺尖沙咀好方便，天文台道8號，成棟都係秋田，1樓就係食鐵板燒。一入到去，店員全部都好nice好好招呼。最值得一讚係當日既鐵板燒師傅，John師傅幽默又健談！成餐飯唔單止味蕾滿足，仲好好傾，笑到肚痛❣️真係好好味又好funny嘅dinner！😆🍽️話說呢位John師傅，佢同我哋傾談時提到自己係馬來西亞人，以前有一大段時間去咗比利時做鐵板燒師傅，經驗豐富到不得了！佢仲話自己識得飛刀✂️🔪同好多精彩嘅席前表演，可惜我哋嗰日佢冇表演飛刀（好想睇吓！）不過佢就即興表演咗好多次其他精彩畫面，例如轉胡椒樽、拋食材，動作流暢到好似拍戲咁，睇到我哋目不轉睛，成餐飯氣氛high到爆！🔥🎬🥢 清新開胃沙律一開始上咗個季節沙律，芝麻醬拌新鮮菜同粟米，仲有甜到爆燈嘅蕃茄，清爽開胃，食完即刻精神晒！🥗✨🥢 魚籽鵝肝蒸蛋跟住嚟個茶碗蒸，滑嫩嘅蛋羹上面有魚子醬同鵝肝，鮮味同濃香夾得好正，入口嫩到飛起，係極緻享受😋🥢 火焰燒時令龍蝦主角登場——鮮活龍蝦！新鮮到燒緊嗰陣仲見到佢郁緊，師傅即席表演火焰燒龍蝦，火光衝天超震撼！🦐🔥仲貼心提醒我哋用slow motion影video📸肉厚實啖啖肉，炒咗龍蝦膏一齊，濃郁鮮甜到不得了。之後師傅仲用龍蝦頭尾熬成清湯，鮮味爆棚。🍲❤️🥢 南非鮑魚燒得香又一鮮活之選，南非鮑魚燒之前仲見到佢彈跳緊，夠晒新鮮！燒好後一聞牛油香撲鼻，火候啱啱好，鮑魚彈牙又juicy，本身已經夠完美，仲配咗忌廉昆布汁同少少椒絲，味道再升級，好正！🐚🧈🥢 時令帶子帶子除左用左牛油煎，好香牛油香氣，師傅仲塗左一層柚子胡椒汁調味，超好食！上面有魚子，包咗紫菜一齊食，鮮味加倍。仲有水晶海草、蘿蔔同紫蘇葉🌿食帶子嗰陣我提到好鍾意食紫蘇葉，師傅即刻好nice咁畀多咗幾塊我，超貼心！😍🤣🥢 香煎頂級鵝肝鵝肝真係無得輸！厚切到誇張，外脆內軟，入口即溶。伴碟既黑醋或者菠蘿都好解膩，配搭perfect!🥢 黑毛豬代替和牛一樣正今次我哋唔食牛，冇試鹿兒島霜降和牛。不過唔食牛嘅朋友唔使失望，可以揀黑毛豬代替。黑毛豬燒得好香，肉質嫩滑又juicy，味道濃郁，完全唔輸蝕，師傅仲配咗鹽昆布，呢個配搭真係令人回味。🐷👍🥢 秋田櫻花蝦炒飯炒飯都唔馬虎，師傅好豪邁咁落咗超多櫻花蝦，炒到粒粒分明，香氣四溢，食落滿足感爆棚。🍚🦐🥢 炒時蔬簡單嘅野菜炒得清甜，平衡晒成餐嘅濃味，正！🥬🌟🥢 雙重甜品驚喜甜品有兩款，紅豆沙銅鑼燒暖笠笠好香，仲有雪糕可以揀綠茶或薄荷朱古力味，收尾一流🥰食到尾聲，師傅仲即席表演倒轉寫字，寫咗「生日快樂」，餐廳仲提供好多唔同款既畫碟，同朋友黎慶祝生日簡直一流！💖✍️總括嚟講，秋田鐵板燒刺身專門店食物新鮮又美味，每道菜擺盤精緻，調味細緻，John師傅嘅幽默同手藝更加分！整餐飯食得好開心！
繼續閱讀
今日約咗朋友嚟慶祝想食好啲🎉見到呢間鐵板燒好似幾有水準保證👍🏻有幾款鐵板燒套餐CP值幾高💥師傅職場嘅表演都幾有視覺效果呢🎨 見到仲有唔同公仔嘅生日碟超得意🍰下次應該提早約定先🥹⭐️ 季節沙律 🥗 蔬菜配上日式胡麻醬清新又開胃😚⭐️ 魚籽鵝肝蒸蛋 🍳蒸蛋入口好滑溜配上魚子同鵝肝提升了鹹鮮味🩵⭐️ 鮮活時令龍蝦 🦞 龍蝦真係好生猛用大火燒過好震撼🔥 肉質爽口蝦膏精華好Creamy🍼⭐️ 原隻鮮活南非鮑魚 🇿🇦鮑魚果然好飽滿好鮮甜🌊師傅建議用紫蘇葉包住蘿蔔一次過食🍀果然更能突出鮮味⭐️ 季節時令海鮮 🐚今日嘅海鮮係帶子🤪感覺好實在輕輕用牛油煎香已經好足夠🧈⭐️ 香煎頂級鵝肝 🦢好少食到咁肥美嘅鵝肝🤤油香好豐富有半溶嘅效果用上意大利黑醋同埋菠蘿調配🍍一D都唔膩⭐️ 鹿兒島霜降和牛薄燒卷 🥓⭐️ 鹿兒島霜降和牛厚燒 🥩兩款和牛同樣入口Juicy嫩滑😋火候控制岩岩好一次嚐到兩種感覺👅⭐️ 龍蝦清湯 🍲用上龍蝦頭熬煮既清湯🤩清澈但係鮮味濃郁⭐️ 秋田炒飯 🍚⭐️ 炒野菜 🥬飯粒炒得乾身甘香配上櫻花蝦調味🦐 簡單但美味😀同時欣賞野菜唔會調味太鹹呢⭐️ 精選甜品 🍮見到即燒既銅鑼燒升起黎有種ふわふわ既感覺☁️配上雪糕終結一餐岩岩好🍨
繼續閱讀
老公帶咗我去秋田鐵板鐵刺身專門店慶祝結婚周年，呢度真係好岩慶祝生日或紀念日，食物一流，仲要好好氣氛。👍🏻👍🏻我哋叫咗個二人套餐，每位$888，呢個價錢我覺得可以接受👍🏻👍🏻龍蝦在鐵板上煎烤後，外焦內嫩，香氣四溢，口感鮮美。肉質鮮嫩，搭配調味料後，味道更是豐富，令人滿足。鵝肝的香醇與豐富的口感，搭配烤得酥脆的多士，形成完美的口感對比。鵝肝的質地滑順，入口即化，讓人享受每一口的美味。多士的焦香與鵝肝的濃郁，令人驚喜。
繼續閱讀
📍今日同我嘅多年老友「椰子哥」一齊食飯，慶祝佢嘅生日🎂！我特登帶佢去咗尖沙咀嘅「秋田鐵板燒刺身專門店」，呢間餐廳真係好有格調，環境舒適，啱晒慶祝特別日子✨。📌我哋點咗個「秋田二人前套餐」，每位$888，雖然價錢唔算平，但係絕對物超所值！套餐內容豐富到爆，等我同大家分享一下：1️⃣ **季節沙律**：清新開胃，蔬菜好新鮮，啱晒做前菜。2️⃣ **魚籽鵝肝蒸蛋**：蒸蛋滑溜溜，配上魚籽同鵝肝，口感層次豐富。3️⃣ **鮮活時令龍蝦**：龍蝦肉質鮮甜彈牙，師傅即場處理，新鮮到不得了！4️⃣ **原隻鮮活南非鮑魚**：鮑魚煮得剛剛好，唔會太韌，鮮味十足。5️⃣ **香煎帶子**：帶子外脆內嫩，煎得恰到好處，好香口。6️⃣ **香煎頂級鵝肝配多士**：鵝肝入口即化，配上香脆多士，簡直係絕配！7️⃣ **鹿兒島霜降和牛厚燒**：和牛油脂分布均勻，厚燒口感超正，肉汁豐富。8️⃣ **鹿兒島霜降和牛薄燒卷**：薄燒和牛卷住蔥花，入口即溶，好滿足。9️⃣ **秋田炒飯**：炒飯粒粒分明，香氣撲鼻，食完仲想再食。🔟 **炒野菜**：簡單嘅炒野菜，清新解膩。1️⃣1️⃣ **龍蝦清湯**：湯底清甜，龍蝦味濃郁，飲完暖笠笠。1️⃣2️⃣ **精選甜品**：荳莎香餅同抹茶蛋糕球，甜而不膩，完美結束呢一餐。⭐️總括嚟講，呢間餐廳無論係食材、服務定環境都係一流，絕對值得一試👍！
繼續閱讀
慶祝週年紀念鐵板燒係唔錯嘅選擇近距離欣賞師傅嘅手勢師傅仲可以係鐵板上寫祝福語比另一半一個甜蜜蜜嘅驚喜🤤秋田二人前套餐 每位$888 兩位起-季節沙律-魚籽鵝肝蒸蛋-鮮活時令龍蝦-原隻鮮活南非鮑魚-季節時令海鮮-香煎頂級鵝肝-A4鹿兒島霜降和牛薄燒卷-鹿兒島霜降和牛厚燒-秋田炒飯•炒野菜•龍蝦清湯-銅鑼燒甜品🥂推薦菜式✨原隻鮮活南非鮑魚😍配埋昆布忌廉汁，香甜可口✨鮮活時令龍蝦😍龍蝦啖啖肉，新鮮彈牙成個口腔都係蝦膏香味🥹龍蝦頭會再用黎煲湯配清雞湯底，清香又帶點鹹鮮味✨季節時令海鮮-帶子採用刺身級帶子加點柚子胡椒風味用紫菜夾住好似手卷咁食我就鍾意成粒帶子啪落口!✨香煎頂級鵝肝😍一咬落去係半溶化狀態入口即化，油香爆發🥹✨A4鹿兒島霜降和牛薄燒卷厚燒油香豐富薄燒卷相對地較溫和包住蔥花同薄蒜，層次感更佳!-最後有新鮮熱辣嘅銅鑼燒做甜品配埋雪糕一冰一火更好食🤤
繼續閱讀
您可能會有興趣的...