718
12
16
港鐵尖沙咀/尖東站 B2 出口, 步行約3分鐘
繼續閱讀
電話號碼
21161735
98517951 (WhatsApp)
開飯介紹
由日本藉主廚坐鎮的鐵板燒餐廳，為多款海鮮及肉類食材自家調配多款獨特的汁醬，並配上各款清酒給你極尚的和食體驗。鐵板燒爐置於店中，讓你近距離觀賞廚師的烹調技術。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
生日月去三日月食日式鐵板燒🥳 9道菜午市套餐($498) 食物豐富，店員服務周到，非常滿足又盡興😋 前菜三小點有牛蒡、🇯🇵日本豆腐及🐥煙燻雞肉，十分精緻❤️ 沙律加咗柚子汁，酸酸地好開胃🥗🦞鮮活澳洲龍蝦肉鮮美彈牙又爽口😋 龍蝦肉沾上以龍蝦蝦膏煮成嘅汁更提鮮，好好味😋👍🏽 碟邊以食用花裝飾，賞心悅目😍 龍蝦頭會收走拎去煲湯，味噌湯鮮甜🥚茶碗蒸表面淋上鰹魚湯汁及魚子，雞蛋加了黑松露油及黑木耳絲，第一次食呢個味道嘅茶碗蒸，松露味好香😋🥩美國Prime肉眼薄燒卷選了5-6成熟，牛香味濃，內裏包裹菇菜。雖然餐廳提供了燒汁、麵豉汁及麻醬，但薄燒卷本身嘅調味已十分足夠，只配燒蒜提香已經好好味😋 燒野菜有冬菇、蘆筍及日本蕃薯，味道香甜炒飯加入咗日本酸梅醬、櫻花蝦及白飯魚，帶微微酸味，令炒飯味道更豐富😋 店員建議先食一半品嚐原味，再倒入鰹魚湯作茶漬飯食用。個人比較鍾意直接食，炒飯嘅酸梅味會較為突出最後有抹茶紅豆草餅做甜品，好滿足😋
繼續閱讀
𖠿 尖沙咀 —— 三日月尖沙咀金馬倫道23號金馬倫廣場2樓B號舖𓏸 澳洲龍蝦．美國Prime 肉眼薄燒9道菜午市套餐 | $498𖧷 有加一 ‧˚₊ ៸៸*･゜抵食高質午市鐵板燒 ゜･*節日慶祝想食鐵板燒但出面高質少少都要成千幾起跳，好難簡？ 呢到價錢實惠而且高質尖沙咀近Mtr 而且環境清靜可以望住師傅席前鐵板燒! 生日慶祝更可以要求畫碟服務～ 節日慶祝可以考慮下～‧˚₊ ៸៸✧ 前菜三小點 — 煙燻雞肉、明太子沙律、胡麻醬豆腐✧ 火龍果沙律前菜同沙律一齊上，味道正常，開胃小菜～✧ 鮮活澳洲龍蝦味道比得上市面上過千元的鐵板燒～龍蝦爽口彈牙用龍蝦膏製成的醬汁亦超鮮甜!✧ 茶碗蒸底下有木魚絲、黑松露油、三文魚籽、鰹魚湯係食過最滑嘅茶碗蒸! 一碗覺得完全唔夠喉!!✧ 鐵板燒日本野菜✧ 美國Prime肉眼薄燒卷用上松露油來燒香，將牛肉包裹著雜菇肉味較重，而且不會太油膩～ 好好食～✧ 鐵板炒飯木魚、白飯魚、櫻花蝦、酸梅味道加入咗酸梅後好特別，顏色紅紅而且酸酸味味～ 仲有壺茶比你當作茶漬飯一碗飯有兩種食法! ✧ 龍蝦味噌湯用上龍蝦頭煲味噌湯，味道不錯✧ 甜品甜品是Tiramisu 蛋糕，味道普通但畫碟服務有驚喜預早訂座可享有畫碟服務 畫碟公仔亦可以自選頗有特色～
繼續閱讀
介紹返💁🏻♀️。。🇯🇵 日式鐵板燒 在尖沙咀 🇯🇵。三日月 Mikazuki。金馬倫廣場2樓B號舖。九道菜午市套餐 9 Dishes Lunch Set前菜三小點 Appetizer沙律 Salad鮮活澳洲龍蝦 Fresh Live Australian Lobster茶碗蒸 Chawanmushi鐵板燒日本野菜 Teppanyaki Grill Veggie美國Prime肉眼薄燒卷 US Prime Ribeye Beef Roll鐵板炒飯 Teppan Fried Rice龍蝦味噌湯 Lobster Miso Soup甜品 Dessert。HKD498 + 10% per Head🤫 就咁樣..呢一日大約十二點半左右..我自己一個上到去三日月..坐喺我預先Reserve咗嘅鐵板燒吧枱位..揀選咗餐廳近排做緊嘅Lunch Time九品優惠套餐🤫 五百蚊有找有半隻龍蝦同埋薄燒Ribeye Beef喺尖沙咀嘅席前鐵板燒嚟講都算係幾性價比🤫 鐵板燒嘅三式前菜就係簡簡單單嘅牛蒡漬..麵豉胡麻醬豆腐同埋用清清地嘅Italian Sauce佐鮑魚片..三種前菜能夠清一清你口腔..配埋新鮮手打柚子醬汁嘅蔬菜沙律..成件事都相當開胃～🤫 當Appetiser享用得七七八八嘅同時..就開始見到師傅表演佢嘅拿手戲..望住師傅利落嘅動作..三兩下手勢就已經將龍蝦完美拆開..仲有時間為龍蝦嘅擺盤添置紫薯粉食用花蔥花等等..擺盤之精美令到我打卡打到欲罷不能😂然後龍蝦肉放入口嗰一刻..蝦肉嘅彈牙加上香濃嘅龍蝦膏麵豉醬汁..有令到我要瞌埋眼享受嘅衝動😌而且唔好睇佢一個人剩係得半隻龍蝦..其實嗰個龍蝦肉都幾大㗎喎～🤫 侍應姐姐喺我食哂啲龍蝦肉之後就會收起龍蝦嘅蝦頭攞去廚房度準備整後邊嘅龍蝦味噌湯🤫 再之後就係呢度特色嘅茶碗蒸..佢唔係嗰種放好多材料嘅茶碗蒸..而係㨴開個蓋你只係會見到蒸蛋同埋上邊嘅幾粒三文魚籽..肉眼睇呢個茶碗蒸冇乜料到咁..但其實佢係俾你好淡雅感覺嘅松露油茶碗蒸..當松露油加落去滑溜嘅蛋上邊係嗰種好清好鮮嘅味道..仲有幾粒三文魚籽嘅鮮甜味點綴..真係簡簡單單都得到最好嘅效果🤫 再嚟就係肉眼薄燒卷..鐵板燒師傅預先已經炒好牛片入邊嘅材料..又係有別於其他鐵板燒用嘅香蔥蒜片..佢哋嘅材料換上大量嘅野菌同埋蔥花..然後薄薄嘅肉片輕輕焫兩下就捲埋餡料放上碟..連同旁邊嘅幾款蔬菜..擺盤依然係美不勝收..薄燒卷可以加埋炸蒜片又或者係簡單點一點岩鹽胡椒..甚至乎原味放入口..個人就覺得原味非常之唔錯..薄薄嘅牛片配埋爽口嘅野菌口感相當豐富..而野菜方面有蘆筍冬菇番薯蓮藕..可以配預先準備好嘅酸汁麵豉汁或者芝麻醬..整體比我嘅感覺係可以比客人有多種嘅配搭..而且各有好處🤫 食埋最後嘅櫻花蝦炒飯就真係剛剛好啦～呢度嘅櫻花蝦炒飯除咗有櫻花蝦之外仲落咗白飯魚木魚花蔥花同埋佢哋自家製嘅酸梅汁..望住師傅左炒右炒..然後好快就可以上枱啦..三日月嘅櫻花蝦炒飯係可以兩食嘅..侍應姐姐話我哋可以首先食咗原味嘅炒飯..剩返些少就可以加入佢哋嘅鰹魚湯造成茶碗漬👍🏻可能因為炒飯落咗酸梅汁味道偏酸..個人就比較喜歡加埋鰹魚湯嘅茶碗漬..成件事就係恰到好處..同一時間龍蝦頭嘅味噌湯亦都送上..淡淡嘅龍蝦香配落清清地嘅味噌湯可以將之前所有香濃嘅味道沖洗一番..隨之而嚟就係小小嘅一粒抹茶紅豆Mochi作為甜品..為鐵板燒畫上完美嘅句號🤫 其實席前鐵板燒平時都食得多嘅..三日月嘅種種服務都令到我非常之滿意..侍應姐姐對每一道菜嘅詳細介紹啦..相當勤力咁樣添茶添水啦..鐵板師傅又會主動將食材俾我哋打吓卡先啦😂連同最重要就係食材夠新鮮擺盤又夠靚..價錢亦都相當大眾化..甩我底嘅朋友～我想同你講句：你蝕咗啦😏。。翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）。。
繼續閱讀
有人話去台灣旅行一定要食鐵板燒🤪其實留係香港，同樣有性價比極高嘅鐵板燒！今次同朋友帶咗我去呢間尖沙咀嘅三日月💕一上到去就已經見到日籍主廚welcome我地😜我叫咗三日月一人前鐵板餐❣️首先有一個勁甜勁多汁嘅富有柿沙律🥗前菜三小點裏面有估唔到咁爽脆嘅明太子沙律、香濃嘅麻醬豆腐同埋陣陣煙燻香嘅煙燻雞❤️鐵板燒北海道帆立貝呢隻帆立貝勁厚肉，用牛油煎到七成熟，外微脆內軟🤤下邊仲有好多菠菜墊底！茶碗蒸濃郁嘅鰹魚湯煮成茶碗蒸夠晒滑嘟嘟呀😍帝王虎蝦虎蝦勁大隻，口感非常爽口彈牙！醬汁用咗炒熟嘅蝦膏，令到虎蝦更加鮮味🤓紐西蘭肉眼扒肉眼扒好Juicy，牛肉味濃郁！可以配埋蒜片、黑椒、海鹽一齊食✨醬汁都有三款，分別係酸汁、麻醬汁、麵豉汁，令到肉眼扒更加有層次😚銀板燒日本野菜牛肉旁邊有幾款日本燒雜菜！有好甜嘅甘薯、爽甜嘅鮮蘆筍、脆口嘅蓮藕、濕潤嘅冬菇🫶鐵板炒飯用咗自家製梅子醬炒嘅炒飯味道酸酸，甜甜好開胃啊😌食到一半仲可以落鰹魚湯做茶漬飯😇焦糖多士最後梗係唔少得我最愛邪惡嘅焦糖多士啦🥰鐵板燒必吃！三日月 (尖沙咀)尖沙咀金馬倫道23號金馬倫廣場2樓B號舖
繼續閱讀
我最近慶祝生日去了［三日月］高級日本料理餐廳食飯，真是一個難忘嘅體驗！好喜歡坐在bar枱位置，可近距離欣賞師傅手藝，餐廳還有獨立鐵板爐的私人廂房，環境雅致好舒適，我選了［A5宮崎和牛龍蝦鮑魚套餐］，共有12道菜式，真是豪華又美味！A5宮崎和牛龍蝦鮑魚套餐 $2480（二人）🌟食材新鮮🌟龍蝦和鮑魚都好新鮮，鮑魚還在動，店員和廚師好細心介紹個款食材和菜式👍👍💓 前菜三小點牛蒡，豆腐，煙燻雞肉牛蒡清脆爽口，豆腐味好香濃，雞肉帶有淡淡煙熏味💓柚子汁生果沙律沙律菜和火龍果都好新鮮，配上柚子汁，酸甜清新好味道好開胃💓 季節時令生蠔新鮮日本廣島蠔配黑魚子，想不到加上酸汁後，鮮味十足，令人回味無窮💓剌身三味剌身有牡丹蝦、赤身、油甘魚，牡丹蝦肥美鮮甜彈牙，赤身都好新鮮，入口滑嫩，帶有鮮甜味💓茶碗蒸好吸引！一上枱已經聞到松露香，原來是加了松露油，面層有三文籽、鰹魚湯汁，底層有木耳絲，蒸蛋口感非常滑溜，味道咸香鮮美，木耳絲增加了層次感💓鮮活南非鮑非常新鮮，鮑魚味道鮮甜，肉質彈牙無比，淋上自家製鏗魚湯新鮮海藻汁，更加提升鮑魚鮮味💓 鮮活澳洲龍蝦🦞好驚喜！主角龍蝦出場了，龍蝦超新鮮，大大隻龍蝦被師傅煎到香噴噴，肉質彈牙鮮甜，內裡則嫩滑多汁，伴汁用龍蝦膏和牡丹蝦膏而煮成，鮮濃蝦味非常之好食，擺盤也特別精緻，伴碟有香草汁，食用花，紫薯粉伴碟，很有藝術感，龍蝦頭和殼還會取去煲湯，可盡情品賞💓鐵板燒日本野菜有蓮藕、蘆筍、冬菇和南瓜片，食材新鮮優質，保留原汁原味，而且仲保持住爽口清甜，不油不膩。💓A4鹿兒島和牛薄燒卷A4鹿兒島和牛有著霜降般的油花分佈，廚師會先炒菇，再將和牛煎得剛剛好，肉質非常嫩滑，卷上雜菇後增加口感，再淋上獨有的醬汁，非常滋味，可以蘸店員安排的芝麻醬、味噌醬或酸醋，連炸蒜片都好香脆，味道一流！💓鐵板炒飯炒飯的米飯都炒得非常分明，乾身，用上大量櫻花蝦、自家製粉紅梅醬的這款炒飯味道鮮中帶酸，吃到後期的時候，店員推薦可以加入鏗魚湯做成茶漬飯💓龍蝦味噌湯龍蝦頭再配搭鰹魚湯熬製而成，味道非常濃郁，帶有龍蝦鹹香的鮮味💓甜品雪糕 & 升級焦糖多士 + $38焦糖多士香甜酥脆，味道可口，幸福感滿滿，為整餐飯劃上完美的句號
繼續閱讀