影片
電話號碼
27999880
開飯介紹
以工業風裝修為主的多國菜餐廳，食物質素有保證。加上定期有樂隊表演，更有氣氛，喜歡音樂的人不可錯過。
繼續閱讀
營業時間
今日營業
12:00 - 15:00
18:00 - 22:00
星期一至五
12:00 - 15:00
18:00 - 22:00
星期六至日
11:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
影片
相片
特飲
【炭燒美國牛臀肉蓋扒 伴乾蔥百里香炒薯仔，法邊豆 配燒汁】
【炭燒美國牛臀肉蓋扒 伴乾蔥百里香炒薯仔，法邊豆 配燒汁】
+7.5K
+614
食家推介
-
餐前麵包
-
炭燒穀飼澳洲肉眼牛扒
-
鴛鴦
-
Tiramisu
-
豬手+26
相關文章
Bookmark咗呢間餐廳已有一段日子，睇中佢有室外座位，可以同狗狗一齊開餐。趁放假就同狗狗過嚟。喺IG睇咗餐廳最後更新的午市套餐（上個月），除brunch外，仲有1張餐牌列出A-E餐，似乎每個星期會轉款，但見當中總有1款素菜選項，諗住應該啱食。嚟到先發現，今個月今個禮拜，除咗brunch中的Impossible burger同Yogurt bowl外，A-E餐全部有肉/海鮮，冇素食，當下有啲晴天霹靂。餐廳咁有規模，但素食選項寥寥可數，都幾失望。最後，點咗芒果虎蝦沙律（A餐），$98，跟餐湯、牛角包同餐飲，另外再+$48，點咗Openrice上有食評寫係「世一」的Tiramisu。忌廉粟米湯：是日餐湯；濃稠；味道冇乜特別，湯面加咗幾滴油（可能係橄欖油？），睇落吸引啲，但飲落只係一般餐湯迷你牛角包：即場冇食，打包；估計係現成麵包，冇太大期望同期待芒果虎蝦沙律：賣相幾靚；沙律菜非常新鮮、爽口，惟獨蕃茄用牛茄之類，唔夠甜而茄味淡（如果係車厘茄會好好多）；虎蝦燒烤過，有3隻，似中型size，俾咗狗狗食；同侍應講想沙律醬另上，佢好貼心，不但沙律醬，連芒果都另上；雖然菜名有「芒果」，但芒果份量極其少，切到超細粒Tiramisu：賣相有心思，擺盤幾靚，大片薄荷葉望落好清新，而且散發香味，甜品份量亦大；懷住滿心期待品嚐呢個號稱「世一」的甜品，第一啖入口，覺得被fake得好徹底~Tiramisu近乎室溫，呢點已經唔ok；佢的味道好單調，有食評盛讚佢的酒香同質感，酒味係有，不過唔濃、唔夠香，口感滑淨，但𢳂落同食落口都略嫌有啲「削」，缺少質感；呢個甜品冇乜地方令人回味，雖然大大份，但唔會想追住食；慶幸冇揀喺下午茶時間過嚟食Tiramisu茶餐，否則會後悔啊~即磨咖啡：味道正常室外座位唔錯，有瓦遮頭，唔使暴曬；最近商場出入口的檯喺牆身設有一個勾，可以扣住狗繩；侍應雖然冇刻意出嚟室外，但喺餐廳入面都keep住留意外面的情況，向侍應示意點餐都好快有人出嚟回應，有服務之餘，平日午市毋須加一，都算優惠；午餐價格尚可，雖然餐湯、牛角包同餐飲係標配，冇特別，但主菜的沙律菜夠新鮮，而且$98能夠換到一個空間同狗狗進餐，算幾經濟；餐廳室外區的衛生情況麻麻地，地面唔太乾淨，有少量垃圾，始終大多數狗狗都係落地行，會有少少唔放心狗狗食評🐕🍽️：食物：⭐⭐⭐⭐我食咗沙律菜、虎蝦同埋Tiramisu伴碟的藍莓、士多啤梨，好滿足環境：⭐⭐⭐⭐雖然冇得入餐廳坐，但喺室外我都可以坐長櫈，有墊有咕𠱸；當食完曬嘢，等緊媽媽飲埋杯咖啡時，我都忍唔住挨住個咕𠱸，小睡咗一陣寵物友善度：⭐⭐餐廳只係寫有室外座位，冇話pet friendly；侍應冇同我玩
繼續閱讀
今日朋友帶我嚟到元朗食呢間 chef’s stage kitchen!! 夜晚六點開場 我哋六點令就入咗去嚕 晏啲入去食嘅話就建議book位 因為我哋食食吓開始好多人～ 入去坐低睇睇餐牌 果斷叫咗呢個dinner set~ 有沙律、餐湯、頭盤、主菜、同埋嘢飲 好豐富又唔使諗咁多😬 落咗單之後好快就嚟咗餐前麵包 烤過嘅麵包暖暖哋又好香 配埋佢特調嘅醬 酸酸地勁開胃！ Set Salad有哈密瓜同Parma Ham😍 呢兩樣係絕配！生菜新鮮 加少少沙律醋 係一個好開始😗 飲品我哋揀咗呢兩款 Gunner 呢杯mocktail入面係有ginger ale, ginger beer, 同埋bitters 一見到Ginger ale已經即刻要飲呢杯🤤 好fresh好好味😋 鴛鴦呢杯鴛鴦一開始飲係奶茶味重啲 中間有啲奶蓋 但因為配咗特濃嘅咖啡冰磚 越飲越有咖啡味！幾特別可以一試😬 煎蟹餅伴虎蝦肉沙律頭盤我哋揀咗呢個 擺盤已經好靚😍 蟹餅係滿滿嘅蟹肉同埋勁香 配埋牛油果同虎蝦肉 加埋佢特調嘅醬汁 作為頭盤真係好出色！ 酥皮周打海鮮湯一上枱已經聞到勁香 酥皮脆脆食果下好治癒😗 白湯入面仲有啲蜆肉 熱辣辣 加埋酥皮勁好食！ 蒜香白酒煮紐西蘭海鑽蜆扁意粉呢個見到餐牌寫住新鮮空運食材 而我又好鍾意食蜆 二話不說即刻揀咗佢！蜆肉果然好大隻好新鮮😍 扁意粉煮得軟硬適中 微辣越食越想食🤤 炭燒美國極黑豬鞍扒拼香草牛油焗波士頓龍蝦尾 配燒汁呢個豬鞍真係好出色 大推！溫度控制岩岩好 豬肉唔會柴仲有肉汁 配埋芥末同燒汁 好好食呀😍 龍蝦尾好香牛油味 肉質係爽口彈牙 正👍🏻薯蓉係新鮮薯蓉 綿密既口感加上調味 好食😋 整體黎講 呢間chef’s stage kitchen 環境舒適 食物質素高 店員服務態度好 黎慶祝生日或者節日都好適合呀😬 埋單之前店員仲比左個硬幣我玩夾波波😆 最後夾到張飲品券🤭 有得玩又有禮物 開心的一天😬
繼續閱讀
今晚放工周老公晚餐～老公很用心已預訂好餐廳，餐廳食客超多，所以最好一早預訂座位。看到是晚都座無虛席，十分多食客。餐廳環境空間感大，座位數目多，乾淨、明亮～而且氣氛超好，還有數檯食客都在慶祝生日，十分開心。是晚我們都吃了很好不同食物，食物高質好吃。首先一坐下，店員會送上麵包及麵包棒，沾上醬汁吃，超美味呢。醬汁酸酸的，十分開胃。之後我們所點的飲品和食材都一一送上。Chocolate Banana Strawbery~超吸引，一大杯香蕉朱古力士多啤梨，上面仲有滿滿香滑的忌廉，超吸引呀。飲起來朱古力味超濃郁，散發出清甜的香蕉味，入面仲有香蕉和士多啤梨果肉～超好味的。另一杯是凍蜜桃茶，清清甜甜，蜜桃清香，十分好渴，而且冰冰凍凍相當解暑。周打海鮮湯～加$18仲有酥皮，所以我們都有加酥皮。海鮮湯熱辣辣，趁熱飲，超美味。酥皮又香又脆身，把酥皮添加到海鮮湯中，變得更creamy,超美味好食呢。除此之外，海鮮湯內超多海鮮呀，有蝦、蜆、魷魚等等，口感好有咬口，而且超鮮甜勁足料。精選小食拼盤～金黃色香脆的小食拼盤，超惹味超吸引。有多款不同的食物，有炸水牛城辣雞翼、脆炸洋蔥圈、香炸車打芝士青辣椒、煙三文魚。每款小食都好吸引，最愛吃炸水牛城辣雞翼，香脆外皮，中間雞肉嫩滑多汁，帶點點微辣超惹味。每款小食都相當好吃，大人小朋友都喜歡。香煎白鱈魚配刁草忌廉汁～白鱈魚啖啖魚肉，魚肉好嫩滑，一入口都是滑溜溜的，魚肉超鮮甜，配埋自家製的刁草忌廉汁，又香又好味。除了鱈魚相當出色，配菜都絕不馬虎～有黑松露薯蓉、露筍、法邊豆和蕃茄粒。最喜歡黑松露薯蓉，入口又香又幼滑，而且仲帶有濃濃的黑松露味，香氣撲鼻。而且薯蓉份量超多，好飽肚又滿足。炭燒紐西蘭羊扒～羊扒香噴噴～仲有四件羊扒，點了七成熟，口感嫩，肉質有口感，羊味香而沒有羊臊味，吸引。除了羊扒出色，配菜都相當用心，有燒花椰菜苗、燒蕃茄、燒椰菜花，仲有個好好味既醬汁～紫蘇蜜糖醬。
繼續閱讀
Chefs stage kitchen 位於元朗西菁街23號富達地下52-56號經典肉醬千層麵$168味道豐富而層次分明，肉醬濃郁，帶有番茄的自然甜味，肉質鮮嫩，千層麵的麵條煮得恰到好處，柔韌滑順，與肉醬完美融合，上面的芝士融化得金黃香脆，入口濃濃的奶香味炭燒美國天然極黑厚切豬鞍扒$288 極黑厚切豬鞍扒的外層焦香，內裡肉質鮮嫩多汁。炭燒豬鞍扒獨特的煙熏香氣，肉質的鮮甜爽口，油脂豐富，口感滑順，非常厚身鮮芒果及扒虎蝦沙律$158味道清新的芒果虎蝦沙律，虎蝦肉質鮮嫩爽口彈牙，微微的甜味，新鮮的芒果香甜，沙律爽脆的蔬菜又清甜拖肥姜奶沙冰$58 味道清爽，薑的辛香與奶的醇厚入口微微香甜，沙冰的質地輕盈細膩，冰涼的口感，美味香甜TROPICAL FOREST味道清新，清甜的果香味，味道獨特的梳打特飲
繼續閱讀
最近比較疲倦，所以在屋企附近揀了一間西餐吃，就是元朗富達廣場的Chef’s Stage Kitchen 。去到食咗五樣嘢食，分別係餐包，忌廉湯，煎蟹餅伴虎蝦肉沙律（$188），墨魚汁鮮帶子海蝦扁意粉（$188）以及美國威靈頓牛柳（8安士）（$388）。 首先，關於餐包，餐廳分別給了兩款麵包，脆多士以及香脆麵包條，兩款都非常香脆，還有少少暖，尤其餐廳給了一個餐包醬特別好食，酸酸地幾開胃。其次，關於忌廉餐湯，入口非常濃郁，同埋有層次，而且湯入邊都好豐富有蝦有貝類產品以及蜆肉，非常值得一試。再者，說一說煎蟹餅伴虎蝦肉沙律，裹面包括蟹餅，蝦沙拉，青蔥，酪梨，番茄及芒果蛋黃醬 。個蟹餅食落去個味道比較特別，而且確實係有蟹肉非常足料。而沙律都係正常發揮，也不錯吃。最鍾意呢道菜就系有我最鍾意食嘅牛油果，個牛油果整到半溶狀態都唔錯吃。將沙律菜點芒果蛋黃醬，尤其好味，值得一試。然後，論一論美國威靈頓牛柳，這道菜除了牛柳，還有很多配菜，包括烤蒜頭，新薯，蘆筍，甘筍仔 及 連枝蕃茄 配乾蔥紅酒汁。吃一口威靈頓牛柳不用點醬都非常惹味，以及牛肉味十足。甘筍仔同蕃茄非常之新鮮，甘筍仔尤其有甜味。烤蒜頭粉粉地幾好吃。最後一道吃的是墨魚汁鮮帶子海蝦扁意粉，這道菜是扁麵條，墨魚汁，虎蝦和扇貝組成。這道菜給人的感官非常好，因為呢個菜有高級嘅食材有虎蝦同埋帶子，虎蝦和帶子都非常有鮮味以及彈牙。但最令人印象深刻是餐廳的扁麵條，非常之夠味，扁麵條有濃郁芝士味同埋有牛油香，與我同行之人也說必要稱讚這道菜及餐廳。而且餐廳佈置也不錯，非常之精美，令人感覺良好。總括而言，景靚也有好吃嘅菜式，所以值得推介。
繼續閱讀