世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月29日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
屯元天係一眾food lovers嘅覓食天地，只要用心搵，不難喺其中各大街小巷中搵到滿有驚喜嘅親民小店，其中呢10間就勇闖入圍喇，能唔能夠再下一城贏取埋獎項，就睇你哋投票畀邊間喇。
超足料 爆辣冷麵
圖：元朗呢間小店出晒名乜都爆多，蟹籽又爆多、芫荽又爆多，疊到成座山咁高，以驚人份量取勝。不過佢哋又唔係淨係一味得個多字嘅，配埋以辣椒、指天椒等多款椒製作嘅秘製冷麵汁，又香又辣，味道同樣取悅人心。
親民值 😻 😻 😻 😻
驚喜值 😎 😎 😎 😎
動漫日本料理 稚
圖：CAROLCHUNG430、yellowfoodfever
以動漫為主題嘅日式料理小店，最受歡迎嘅一定係原條蒲燒鰻魚定食，幾乎每枱都會柯打。巨size上枱夠晒吸睛。鰻魚肉質嫩滑，燒汁甜香。另外，汁燒豬軟骨、吉列豬扒飯等都係值得一試嘅招牌菜，白飯可轉換成舖滿木魚花嘅貓飯，香味更重。
親民值 😻 😻 😻 😻
驚喜值 😎 😎 😎
足料火鍋店 大滾友火鍋
圖：火鍋店成行成巿，如何出奇制勝？首先湯底一定要多款又夠足料。呢間火鍋店就有多款特色湯底喇。好似煲到奶白魚嘅龍躉片木瓜魚湯，魚香味濃；又有密鋪晒成個煲嘅卜卜蜆鍋等，配料同樣多選擇，牛魔王必點極品四國牛肉拼盤，一次過食齊日本飛驒和牛、澳洲和牛、韓牛頸脊柳同頂級雪花肥牛。
親民值 😻 😻 😻
驚喜值 😎 😎 😎 😎
雞白湯主打 天浮橋拉麵
圖：Cosplay Fat Guy、pigfoodiexhk
屯元天幾區都有唔少拉麵小店，入圍嘅呢間拉麵沾麵都有供應，以雞白湯湯底做主打，演變出5款唔同口味，包括盬味、黑松露、海老等，咩款都好，都會搭配隻雞髀肉。雞白湯底本身都好清甜，加埋蝦精華製成嘅海老味噌雞白湯就更加鮮味重重；而配黑松露嘅話味道則更濃稠。麵條掛湯力強，啖啖都好入味啊。
親民值 😻 😻 😻
驚喜值 😎 😎 😎 😎
兔子主題 Cafe 52
圖：裝修肯花啲心思嘅小店，通常都吸引到唔少人注意。呢間café以兔仔為主題，餐廳四圍都融入兔仔嘅蹤影，並設有室內/外座位，感覺幾chill。食物質素當然都為人樂道，芝士肉醬焗薯飽肚又「芝」味，芝士控另外仲可以揀埋肉眼扒配車打芝士、忌廉芝士，跟配牛角包又得、竹炭漢堡包又得，都係大滿足啲friend，肉眼扒仲好juicy添。
親民值 😻 😻 😻
驚喜值 😎 😎 😎
另外5間入圍嘅屯元天區餐廳仲包括公車泰國餐廳、桂花小幸 （元朗） 、野川拉麵の深燒食堂、Chef's Stage Kitchen、逸之燒，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日
