莆田 (利舞臺廣場)

營業中

休息中

我今次食第三次，但三次食完其實都唔太明白點解可以有米滋連，openrice 點解笑臉比喊臉多咁多。間嘢好坐，我哋坐圓枱，半圓梳化位，半圓普通座椅，幾舒服，裝修都幾好，聚餐嚟講環境係幾舒服嘅。食物我諗真係個人口味，其中嘅椒鹽跳跳魚，椒鹽惹味但整體真係唔及大排檔或酒樓嗰啲椒鹽九肚魚，有碟好似咕嚕肉嘅嘢，好普通，唔及咕嚕肉，有個海鮮長壽麵，呢個鍾意食麵嘅話都 OK，仲有半價嘅黃花魚，39蚊一條算幾抵，啲魚肉都嫩，一碟類似煎蠔仔餅嘅嘢，好食，但比起食開嘅大排檔煎蠔餅，或者潮州煎蠔烙，我會鍾意前者多啲，但都值得試嘅。總體呢間嘢都係 環境 4.5分，味道 3.5分，價錢 3.5分，服務 4.5分會唔會有第四次幫襯？試過3 次已經確認咗自己唔極力欣賞呢間嘅食物，所以唔會主動安排呢間為飯局選擇。星加坡人好懂得包裝。

大閘蟹季節就到尾聲啦，巿面上好多餐廳都有大閘蟹套餐，【莆田】嘅金秋大閘蟹套餐就幾抵食，而且福建菜喺香港亦比較少機會食到。今日就去試吓佢嘅大閘蟹2人A餐。今次我哋去嘅係銅鑼灣利舞台店，莆田銅鑼灣店係米芝蓮推薦餐廳。裝潢幾有高級感，感覺舒適，店員服務態度好好。【蝦苗頭水紫菜】頭水紫菜即係每年秋冬之間第一次收割嘅紫菜，營養價值高。食落口感極嫩滑，配搭蝦苗嘅鮮甜，作為頭盤相當不錯。【莆田扁肉湯(2位)】扁肉湯係福建傳統菜品，扁肉以豬腿肉做外皮包住鮮豬肉手工制成。外型比雲吞「的骰」，食落口感彈牙肉質鮮美。【清蒸大閘蟹(2隻) 】大閘蟹大約5兩，拆開啲軟膏都幾多。蟹肉結實、雪白鮮甜，係新鮮兼高質嘅大閘蟹嚟。食完仲有熱辣辣薑茶作驅寒之用。【莆田荔枝肉】我唔鍾意食咕嚕肉，因為酸甜味太重，感覺滯膩，但呢度用荔枝，甜度啱啱好仲帶果香，食落無咁heavy。【福建紅菇海鮮麵】湯底呈粉紅色係由野生紅菇釋出，又營養又有特「色」。材料相當豐富，有蝦、蠔、蜆、蟶子、豬肉、豆卜等等。海鮮全部都係新鮮，必點之選。【芋圓花生湯】見到橙、紫、綠色彩繽紛嘅芋圓，心情happy晒。芋圓口感Q彈，花生湯甜度適中。

又到食大閘蟹季節，今期主題係金秋大閘蟹，約埋朋友試吓。清蒸大閘蟹期待已久嘅主角終於出場，眼睛即時放亮，二只都昰公，有五兩重，肉質肥碩鮮嫩，蟹膏香味濃郁，加上白膏當造，粘粘的，口感細膩及棉密，果然沒有令我失望，再喝一口加熱了的花雕酒，絕對係至高享受。蝦苗拌頭水紫菜採用莆田頭水紫菜，嫩滑鮮香，伴入白蝦仔，淡淡醋味，幫助打開味蕾。莆田茘枝肉有點像咕嚕肉，外酥內嫩，味道酸甜可口。莆田扁頭湯迷你小云吞，嬌小玲瓏，部長話全手工，從皮到餡都是肉，口感鮮美，彈牙。紅菇海鮮鹵麵配料豐富，湯底味道很鮮美，有大蝦，蜆肉，蟶子肉，豬腩肉，配菜，還有莆田特色紅菇熬製而成，鹵麵夠滑溜，不錯。芋圓花生湯最後上甜品，入面有4粒不同味道芋圓及花生，芋圓軟腍帶些少煙靭，花生夠香，甜度適中，幾好味。

聽家人推薦之後同家人黎到利舞臺嘅莆田食晚餐順便慶祝家父生日，知道係米芝蓮所以一早做咗Reserch有啲咩好食，有啲咩一般同埋比較傳統嘅係一啲特色嘅菜色會係當做季節先有，所以照理黎講應該一年四季黎食都有唔同體驗嘅。咁做定功課自然都拉高咗期望值啦，不過都有一絲嘅擔心就會普遍米芝蓮認可嘅中菜係比西餐遜色嘅。咁當日去到基本上都食曬所有佢推薦嘅招牌菜㗎啦，黃花魚，跳跳魚，果凍......總括之言就係未到十分驚豔，值錢都唔算話特別貴，不過不失嘅一餐中菜，但係就唔會係米芝蓮級嘅美食。最好食反而係個前菜，蠔餅比較淡，魚就鮮甜嘅不過食骨唔叻嘅朋友要小心，個豬蹄果凍我就唔識欣賞不敢恭維，加上份量都好啲少。相同價位下可以有更好選擇，不妨一試。

又到大閘蟹當造嘅時候啦！見好多人都食大閘蟹，係時候都要帶埋老婆去食啦😋今次就去左銅鑼灣嘅「莆田」試佢地嘅大閘蟹2人套餐$668😊蝦苗頭水紫菜好開胃嘅前菜丫😂酸酸甜甜咁😊聽職員介紹每年第一批收集嘅紫菜就會叫做頭水紫菜，而因為產量少，所以就相當矜貴😂清蒸大閘蟹（兩隻）又大隻又多膏，每隻都足五兩！而且餐廳仲提供咗不同拆蟹嘅工具，食完蟹仲有薑茶無限添飲😋莆田荔枝肉呢個同咕嚕肉好相似，炸到卜卜脆😋又鮮嫩😊莆田扁肉湯小雲吞湯，酸酸地非常開胃😋福建紅菇海鮮滷麵非常足料，材料豐富！而且啲面質地非常煙韌😋芋圓花生湯好香嘅花生味，又清甜，芋圓亦都好煙韌😋

銅鑼灣食大閘蟹呢間米芝蓮一星嘅中菜好多人推介，莆田餐廳主打季節菜，11月係嘅食蟹嘅時節，莆田金秋大閘蟹每一隻都肥肥嫩嫩，鮮甜爆汁。餐廳環境寬敞座位舒適，裝修茶樓木系裝修。銅鑼灣呢間分店服務好好，收碟快，而且大閘蟹套餐，免茶芥及加一莆田扁肉湯 2碗紫菜湯裡有多粒雲吞似的扁肉，皮到餡都是肉做的蝦苗頭水紫菜酸酸甜甜嘅中式水紫菜好開胃爽口，分量比想像中多清蒸大閘蟹（2隻公）提供手套、識蟹工具：剪刀、小匙羹方便食用，蟹膏飽滿又creamy多蟹精，入口甘香，蟹肉結實，點埋蟹醋鮮味十足莆田荔枝肉荔枝肉配上香脆酸甜咕嚕肉，送飯一流興化米粉 加入蔬菜、蝦肉、豬肉等配料和米粉炒至乾身，又有好香米味，加入花生🥜令味道更豐富，份量大芋圓花生湯大大粒三色芋圓和花生一起煮，暖笠笠服務質素：8/10環境舒適度：8/10ᶘ ᵒᴥᵒᶅ個人口味評分：8/10

自從上次去完呢間餐廳食福建菜後，真係回味無窮，今次又再去試下佢既大閘蟹二人餐。蝦苗頭水紫菜呢道係冷盤前菜，紫菜用左醋調味，酸酸地幾開胃。清蒸大閘蟹有兩隻金秋大閘蟹，大約五兩重，即叫即蒸熱辣辣，拆開即見到金黃色的蟹膏，雖然吾算好爆膏，但蟹膏香甜﹐而且口感較細膩綿密，十分滿足，食完還有薑茶軀寒。莆田茘枝肉味道似咕嚕肉，酸酸甜甜，粉漿吾厚身，肉質夠軟腍、啖啖肉！莆田扁肉湯扁肉係福建傳統特產，外形似雲吞，餡料用豬後腿肉製成，肉質較煙韌有口感，配上紫菜幾好飲啊！招牌主食主食三選一，有福建紅菇海鮮麵、興化炒米粉同媽祖平安麵，我就揀左福建紅菇海鮮麵，配料有紅菇、鮮蝦、蜆、蟶子等，麵質似上海燴麵，據説紅菇有補血、美顏功效。芋圓花生湯花生湯湯色乳白，清甜爽口，三色芋圓口感煙靭彈牙。

近年去多咗莆田，因為啲嘢好食、價錢又公道。今日仲遇到窩心的服務態度，忍唔住要俾個「讚」佢！話說今日一人晚飯去咗銅鑼灣莆田（平時好少去呢間分店），待應搞錯咗以為我有兩位仲俾咗張四人雅座我。當發現我只係得一位，佢好有禮貌咁照同我落單、問我如果陣間有兩人位介唔介意調枱？我見佢咁好禮貌梗係冇所謂。結果埋單的時候，佢哋居然無收我叫個嗰薄荷枇杷凍嘅甜品嘅錢，話多謝我肯讓張四人枱俾番佢哋，去到門口另一待應仲話唔好意思麻煩到我要調枱。今時今日有咁好嘅服務態度真的很少見了👍🏻。

⭐️米芝連必食褔建菜⭐️最近做開research想尋找米芝連美食 就比我揾到呢間由新加坡起家而出名食褔建菜嘅餐廳 除咗有地道小食同經典菜式 環境好闊落 服務都好細心會主動問有冇食物敏感 同屋企人或者朋友聚餐都好啱👨‍👩‍👧‍👦-🐟跳跳魚撞豆腐 $138呢款期間限定湯品好鮮甜 用咗好跳跳魚煮到奶白色配上硬豆腐作為秋冬湯品 好暖胃☺️-🐖椒鹽豬手 $84/2豬手估唔到咁咁有驚喜 佢係首先蒸煮到得番膠原蛋白 再輕輕咁炸至脆口 配上少少椒鹽 做到皮薄肉嫩嘅效果😋-👯‍♀️二人套餐 $418唔想諗嘅話 揀套餐都好抵食 會包咗以下五款菜式-🍽️精美四小拼四款褔建在地小食前菜 包括小腸 紫菜 筍乾同土荀凍😏 好少有地方食到 好值得一試😜-🐷莆田荔枝肉有啲似咕嚕肉 不過多咗處理得冇咁油膩 仲有荔枝配搭 酸酸甜甜 送飯一流😎-🪸家燒海帶苗用咗高湯做嘅海帶苖 滑捋捋又有啲咬口 仲有少少肉碎 幾有心思😚-🍜福建紅菇海鮮滷麵好大一碗 而且仲落足料 蝦同蜆同埋其他海鮮嘅鮮甜味都好突出 呢個份量其實應該夠三個人分😙-🥣建蓮雪耳湯呢個糖水充滿膠質 但唔會好啜口同黐喉 甜度應該都有就番現代人嘅口味 係少甜 作為滋補糖水作總結

happy friday放工後想同朋友食d有新意d 嘅菜式，見到呢間米芝蓮級嘅福建菜，位置又好近我地，就決定去食下😆餐廳內座位都坐得舒服，而且都幾大幾多位～非常認同餐廳menu上所寫，三分考廚師，7分考食材，所以呢到嘅食材的確不錯。而家係「跳跳魚」主題（又叫彈塗魚），跳彈力超強。見難得有得試下，當然要點黎食！🐟香酥椒鹽跳跳魚估唔到跳跳魚內都幾多肉，而且肉質白雪雪的，外層脆香惹味，配上彈彈幾嫩嘅魚肉，口感豐富。🌟傳統海蠣煎無論係食咩菜，見到蠔仔餅我都必點，福建整法嘅傳統海蠣煎都幾特別！入面超多蠔仔，係薄薄蛋香配蔥香，加上粒粒滑香蠔仔，食落去幾滋味。🌟興化炒米粉興化炒米粉係比較有驚喜的，用上幼身米粉，炒到好乾身，配上豐富配料如蜆肉、蝦、蟶子、豆腐乾（蝦更加係細心地挑走蝦線的），夠曬香口。🍲大白菜燉軟豆腐大白菜燉軟豆腐係一鍋上的，可以飲埋湯，湯味道清甜，入面除了多軟淋豆腐外仲有好多菜、蠔仔、蜆、蟶子，拍得住海鮮湯。石鍋上熱辣辣夠暖胃🌶️另外都好推介點他們自家製辣醬，味道比較辣，食落去幾刺激味蕾。醬料是百搭的，點上後為野食添上層次感，更惹味！🤩

莆田銅鑼灣店是唯有連續6年香港米芝蓮推介的分店，的確從店面裝修到侍應的衣着及服務均可見到比其他分店優秀不少，絕對值得獲此殊榮✏️位置: 9/10✏️環境: 9/10✏️衛生: 9/10✏️服務: 9/10✏️食物: 9/10餐廳位於銅鑼灣利舞臺廣場，地點優越；店面裝修典雅、座位舒適；侍應積極，會主動幫忙加茶及跟客人交流，當日更送上幾片時令的文旦柚，相當貼心；食物方面，莆田從來不會令人失望，銅鑼灣店同樣是高質🌟跳跳魚撞豆腐 - $138莆田10月份做的跳跳魚推廣，我們點了這道跳跳魚和鹽滷豆腐煮出來的湯，甜美可口，豆腐香滑，跳跳魚嫩滑鮮味，份量亦很多🌟阿溜土筍凍 - $68福建知名小食，第一次點給太太試試，這款沙蟲做成的果凍，在福建試過後我便愛上，這裡的也做得晶瑩透明、鮮嫩脆滑，味道獨特吸引🌟莆田百秒黃花魚 - $39（原價$78）正在做特價的百秒黃花魚，來到銅鑼灣分店又怎能不再點呢，大大條用一百秒高速蒸煮的黃花魚，香滑鮮甜，必點之選🌟福建紅菇海鮮鹵麵 - $128再一次點的莆田主打菜，這一次煮出來紅菇帶來的粉紅色，配上豬肉、芥菜、豆卜、海蝦、蜆及蠔乾，非常的鮮甜，食多少次也覺得美味滿足🌟脆皮蒜香雞

難得秋風氣爽，今日放工同兩個朋友約咗喺銅鑼灣利舞臺呢間莆田食個飯，咁耐無見梗係要搵間坐得舒又靜靜地嘅地方食啦，同埋話晒都係連續多年米芝蓮推介福建菜~ 等咗大約十五分鐘到就入得去啦，入面地方唔算好大，環境都過得去啦。由於另外兩個都唔係好大食，所以三個人簡簡單單嗌咗三個小菜同埋一個飯，起初都驚唔夠食，點知最後都飽住走，所以份量都有保證。等緊呢段時間，就緊係傾下計飲啖茶先啦，呢度啲茶好甘香感覺都幾解膩，入口幾舒服。無幾耐食物就上枱喇~~~ 首先嚟既係佢哋季節限定香酥椒鹽跳跳魚，題外話...嚟之前諗住一心一意食佢個蟶子，點知呢期無得賣...咁就試下呢一個跳跳魚啦，以我對動物既認知，佢嘅學名應該係彈塗魚(好似係)... 賣相呢就一般㗎喇，點知食一條試下佢嘅味道都幾香，似九肚魚的Friend，佢又炸得好酥脆而且肉嫩，不過嫌佢啲骨都比較多，如果你哋食就要小心啲，特別係小朋友、老人家。食咗一陣間就到呢一個嘅酥糯芋香鴨出場， 佢個份量都算正常嘅，用芋頭包住鴨肉，鴨肉都算係香酥，不過感覺上就比較乾身少少，但勝在肉質都算鬆散，食嘅時都唔需要太大力咬，算係一個幾香口既小食。跟手就到呢一個嘅經典泡菜飯， 上枱嗰

今日介紹嘅餐廳嘅新加波分店為米芝蓮一星餐廳，港九新界都有分店。餐廳裝修風格跟中菜廳類近，帶點摩登，餐廳主打福建菜。到了跳跳魚當造的秋季，餐廳亦推出一系列跳跳魚菜品。 🌟香酥椒鹽跳跳魚$138椒鹽令到跳跳魚好惹味好香口，外皮炸到好酥脆 ，魚肉白嫩，外酥內嫩，惹味香口，不過美中不足嘅係原本如果魚骨係可以食得就更好。🌟傳統海蠣煎 $128比起台灣嘅蚵仔煎，呢款傳統海蠣煎嘅蛋醬比例調配得恰到好處，另外海蠣份量亦算多。🌟風味麥片蝦 $218一碟有六隻蝦，全部都大大隻。再配搭麥片口感豐富同減低油膩。🌟黃金荷葉包 (兩個)$76呢個荷葉包需要最少叫兩個，包好似炸饅頭咁炸至金黃色，隨碟附上已經切成一條條夾包嘅豬肉，豬肉唔太肥膩，夾入外皮脆脆嘅荷葉包，有d 似平時食豬排包嘅感覺。🌟芋香鴨 $98芋頭包裹住鴨肉，外面係炸嘅，而入面則有綿綿嘅芋頭同埋鴨肉，口感層次豐富。另外，我地走嘅時候發現每台都有叫魚，原來餐廳做緊優惠有一款魚做緊特價$38，大家如果去就記得試下。適逢餐廳22週年，每枱埋單嘅時候都會贈送餐廳出品嘅辣媽醬。📌莆田銅鑼灣波斯富街99號利舞臺廣場7樓A舖🚇港鐵銅鑼灣站 A 出口📍#銅鑼灣

Happy Friday同好朋友去咗銅鑼灣利舞臺的「莆田」食晚餐。店內裝修優雅時尚，座位寬敞舒適，店員服務殷勤有禮跳跳魚撞豆腐餐廳以秋季時令當造的跳跳魚新推出咗三款不同口味的菜式。跳跳魚即係彈塗魚，肉質細嫩，鮮甜肥美，吸滿湯汁。選用莆田傳統鹽滷水豆腐，口感獨特，豆味香濃。湯頭鮮味濃，原汁原味，一定要趁熱飲福建海蠣煎此乃是福建名菜，海蠣即是蠔肉。加入雞蛋、香蔥及130g的蠔仔肉一齊煎香，啖啖都有蠔仔肉，鮮甜味美，好足料芋香鴨酥炸芋泥夾著厚切滷鴨肉，鹹香滋味，充滿芋頭及鴨肉香，酥脆不膩，非常邪惡馬來風光新鮮翠綠通菜加入鮮香三巴醬一齊炒，口感爽脆，鹹香微辣，好滋味酥炒芋芯以農家傳統方法炒製芋頭中的上品「檳榔芋」，外脆內粉軟，焦香微甜，芋頭味濃郁，鍾意食芋頭嘅朋友一定要點建蓮雪耳湯雪耳透明柔軟，富有彈性，滋陰潤肺又養顏；福建建甯蓮子，一咬即化，糖水整體甜度適中度尾老樹文旦柚莆田方叔叔推薦，精品裝一盒四個$138，汁水豐盈，酸酸甜甜辣媽醬餐廳獨家製作，酸酸辣辣，無添加防腐劑。以朝天椒、二荊條紅辣椒、青辣椒、紅蔥頭、蒜頭、檸檬、魚露等等材料為主

今次去左銅鑼灣食福建菜，餐廳曾入選米芝蓮美食推介，主打清新純樸既農家菜，食材由福建莆田直接入口，保持傳統風味。餐廳滿22周年仲送辣媽醬，有得食又有得拎，十分滿足。蝦苗拌頭水紫菜呢道係冷盤前菜，紫菜用左醋調味，酸酸地幾開胃。跳跳魚撞豆腐湯跳跳魚姐係彈塗魚，湯汁濃郁鮮甜，選用傳統既鹽鹵豆腐，入口柔軟綿密又帶扎實既口感。椒鹽豬手選用豬前蹄，瘦肉比例較低，先滷後炸，令豬皮外脆又帶滷水既味道，內層軟嫩有膠質豐富，椒鹽野味可口。傳統海蠣煎海量級海蠣，粒粒脹卜卜又吾會腥，加左少少木薯粉，口感帶煙靭。滷水豆腐滷水豆腐滷得好入味，但又吾會太咸，外皮有點嚼勁，口感似食麵筋，用火暖住，確保可以保持温度。芋香鴨外皮炸得非常酥脆，順滑既芋泥包著香嫩既鴨肉，口感增次豐富。