莆田 (利舞臺廣場)

營業中

休息中

自從上次去完呢間餐廳食福建菜後，真係回味無窮，今次又再去試下佢既大閘蟹二人餐。蝦苗頭水紫菜呢道係冷盤前菜，紫菜用左醋調味，酸酸地幾開胃。清蒸大閘蟹有兩隻金秋大閘蟹，大約五兩重，即叫即蒸熱辣辣，拆開即見到金黃色的蟹膏，雖然吾算好爆膏，但蟹膏香甜﹐而且口感較細膩綿密，十分滿足，食完還有薑茶軀寒。莆田茘枝肉味道似咕嚕肉，酸酸甜甜，粉漿吾厚身，肉質夠軟腍、啖啖肉！莆田扁肉湯扁肉係福建傳統特產，外形似雲吞，餡料用豬後腿肉製成，肉質較煙韌有口感，配上紫菜幾好飲啊！招牌主食主食三選一，有福建紅菇海鮮麵、興化炒米粉同媽祖平安麵，我就揀左福建紅菇海鮮麵，配料有紅菇、鮮蝦、蜆、蟶子等，麵質似上海燴麵，據説紅菇有補血、美顏功效。芋圓花生湯花生湯湯色乳白，清甜爽口，三色芋圓口感煙靭彈牙。