滿樂潮州 (東薈城名店倉)

營業中

休息中

之前聽過東涌的朋友介紹這家店，這天終於和朋友來光顧了。環境不錯，我們選了近落地玻璃的位置，窗外風景更佳。 坐下之後開了一壺香片，然後叫菜。我們叫了胡椒咸菜豬肚湯，先喝一碗暖暖肚子，胡椒味濃郁，豬肚也很彈牙好吃。之後的韭菜豬紅堡也是很濃郁，豬紅入味！接下來來了一大碗鮮蠔仔泡粥，雖然相比之下較清淡，但鮮味是足的，但蠔比較小。我們叫了椒鹽九肚魚，而這碟是我重點推薦的，因爲它非常酥嫩，香滑，味道剛剛好，出色。我和朋友一邊吃粥一邊吃椒鹽九肚魚，非常合適。接下來還有清湯蘿蔔牛筋腩煲和鹵水雙拼， 鹵水雙拼我們叫了墨魚片和豬大腸，朋友最愛吃豬大腸，我覺得墨魚片挺滑呢！ 清湯蘿蔔牛筋腩煲正常發揮，牛筋很好吃~總得來說，在東涌覓食的話推薦這家哦～

係東涌行完街血併完就緊係要去醫下肚！行過見到滿樂潮州門口掛住好多肥美既滷水鵝，就比佢吸引住行左入去佢地有好多經典潮州小菜，係出面比較少見！首先又點少得滷水鵝片，我哋配埋墨魚，仲有滷水豆腐墊底！鵝肉味香濃，鵝肉唔會鞋口，沾埋少少酸醋食更加好味！滷水豆腐煮得好入味，個滷水唔會太鹹，岩岩好！墨魚片亦都唔會韌！然後就係家鄉煮荀蝦，唔好以為荀蝦係海鮮呀，其實荀蝦係竹荀乾，加入左南乳一齊煮，煮得好入味好爽脆！蒜香梅汁蒸鱔片 呢種食法真係第一次食到！醬汁梅味好濃，酸酸既味道令人好開胃，魚肉嫩滑唔會腥紅棗烏豆豬尾煲咁大個女第一次食豬尾呀！佢既口感同食緊豬手差唔多，煮得好腍好入味，滿滿骨膠原最後就叫左甜品鴛鴦水晶包，分別係紅豆同埋蓮蓉餡，水晶皮好薄，餡料足！紅豆蓉裡面仲有陳皮香，今日呢一餐潮州菜真係好有特色

今日同朋友去東涌行outlet，行到夜晚就去食晚餐，我地搵到呢間叫滿樂潮州既餐廳，見幾多人食，就入去試下。佢地主打食潮州菜，我就叫啲特別既試下，平時好少食到果啲😂首先會有前菜小食兩碟，個花生超好味，有少少甜，比我食晒，停唔到口。個咸菜都可以，朋友話好味，但我比較喜歡甜的😂😂兩碟都比我地清晒。滷水骨香鵝片，滷水鵝片係潮州菜必食既，啖啖肉，滷水汁既味入晒鵝肉，好味。底部的豆腐都好正，外皮韌內裏軟，加上滷水汁，無得彈👍🏻家鄉煮筍蝦，我本身不食筍的，但朋友好鍾意食，咁我就陪佢食啦。點知一上菜，果個南乳香味，勁吸引，竹筍煮到非常淋，好似豆腐一樣，而且竹筍吸收了南乳汁的味道，用嚟送飯非常之適合。蒜香梅汁蒸鱔片，梅醬酸酸甜甜，勁開胃，一放入口，魚香味加上梅醬，味道非常夾，將魚嘅鮮味帶晒出嚟。紅棗烏豆豬尾煲，豬尾煮咗好長時間，淋晒，豬尾入邊含有好多嘅骨膠原，食多啲，皮膚都滑啲。鴛鴦水晶包，食咗咁多好味嘅餸，梗係要食返個甜品滿足下自己個胃啦。呢個水晶包新鮮熱辣，入面嘅餡料有豆沙和蓮蓉，粒粒都非常之甜，作為甜品，非常之合適。

之前試過呢個集團嘅中菜，的確幾抵讚幾夠誠意，今次試埋佢旗下嘅潮州菜餐廳，睇睇水準如何鹹菜豬肚湯夠香，濃濃胡椒味飲落成身暖曬，豬肚爽口冇異味，個湯真係好多豬肚同埋鹹菜，飲曬之後真係幾果腹鹵水拼盤就必須嘅，今次叫咗露水大腸+墨魚片，爽口彈牙，唔會太鹹，反而香料味好出，好明顯有種類似藥材嘅香味，我地都幾鍾意韭菜豬紅都惹味，望落好辣但食落唔辣，一試之下竟有類似沙爹嘅香味，有趣，豬紅結實不鬆散，超級入味而唔腥椒鹽九肚魚上台超級熱，入面魚肉真係好滑，就算望落有軟刺，但入口完全唔覺，之前食過嘅係原條細魚炸，但今次呢個就係炸魚塊，我比較鍾意呢款，啖啖肉蠔仔粥嗰度我地略嫌蠔仔唔夠鮮，但overall可以接受，粥嘅質地係我比較鍾意嘅水狀而唔係傑塔塔清湯牛腩好清新，唔會有肉嘅油膩感，入面牛腩都大大舊，肉質淋身，尤其佢牛筋，真係好糯好香總結：今次食物都令人滿意，服務幾專業，我地心血來潮咁問服務員有關菜式嘅問題，佢地都可以對答如流，當日餐廳人流唔少，我諗餐廳口碑都唔錯

星期一約了朋友到東薈城掃Outlet，行到攰就黎到呢間潮州菜館打冷，入內環境寬敞，裝修簡潔堂煌，座位間隔闊落。點了3個餸，1粥1湯 。試試佢D手勢，先上鹹菜豬肚湯$168開一下腸胃，味道唔錯。再黎一碗鮮蠔仔泡粥$78，涵料好足，有好多蠔仔同飯粒冬菇都係入面，我地兩個人都每人都可以食到兩碗，呢個值得推介跟著椒鹽九肚魚$98，打親冷都必叫菜式。相比之下較外面出色 。椒鹽味濃， 外表又爽脆，一片片既九肚魚炸完後唔硬又容易入口。 最後上的是清湯牛腩煲$128，厚實牛腩肉與牛筋新鮮軟腍，筋膜入口滿是甘香。

今日嚟到東涌outlet，行左咁耐街血拼，梗係會行到肚餓，突然間好想食潮州嘢，竟然俾我發現到呢間有得食潮州菜既酒樓，不過間酒樓喺UNIQLO附近，如果大家喺地鐵站出嘅話就先入東薈城，然後要行上兩層，行到盡頭再行返落兩層先可以去到呢間酒樓㗎一入到黎就見到啲杯、筷子、碗全部都用滾水煲緊，咁就可以殺曬啲菌，又唔使自己洗，大家食得開心又健康，衛生方面真係攞滿分正呀有落地玻璃，景觀開揚餐前小食$24就有酸梅味嘅花生同酸菜，大家見到呢一大煲嘅就係我至愛嘅鹹菜豬肚湯，真係好耐冇飲過啦豬肚分量十足，我諗都有大概十舊，最欣賞呢碗湯就係辣味十足，因為酒樓落咗好多胡椒粒、夠哂驅風椒鹽九肚魚都係即叫即炸，所以大家食嘅時候都小心辣親個咀份量都認真唔少，有數十舊九肚魚想清清地嘅話可以叫個清湯牛腩，入邊有好淋嘅牛腩、牛筋仲有蘿蔔，蘿蔔就可以索晒牛肉嘅鮮味我哋仲叫咗個蠔仔泡飯用個匙羹刮起真係唔得掂，全部都係非常肥美既蠔仔最後食潮州菜又點少得豬紅呢

有事出開東涌，見這店環境舒適，座位闊落，可以慢慢享受晚餐。店員有禮貌，還沒有落單，茶水及前菜已經送上。平時習慣先洗碗筷，一摸發現全部都是熱熱的，原來這店是會幫客人先用滾水淥過所有餐具才給我們，感覺良好。兩碟小食味道很好，青瓜片很脆，紅棗蓮藕是用蜜糖浸煮的，很甜很入味。必叫滷水鵝肉拼盤，份量很足。滷水汁清香，上面鋪滿鵝片，鵝肉香滑入味。下面是彈牙爽口的墨魚片，入味的滷蛋及豆腐片。真的美味抵食。紅棗烏豆豬尾煲，上枱時滾熱辣。豬尾烏豆很淋，煲得很入味，尤其是豬尾，吃起來很有口感。家鄉煮筍蝦，煮法麻煩需時，小時常吃，叫一份回味一下。小份也很大煲，微辣，完全冇渣，喜歡筍蝦的也可以叫來吃。蒜香梅汁蒸鱔片，賣相好看，整體份量大份。每塊鱔片都充滿梅汁香蔥的香味，配飯一流。甜品是鴛鴦水晶包，深色是我喜愛的果皮豆沙味，淺色是白蓮蓉，皮薄，不會太甜，不錯啊！

今日心血來潮入東涌行Outlet，經過這間滿樂潮州，外面玻璃看到各式滷味十分吸引，而且滷水香氣撲鼻，忍不住要進店試試先。餐廳裝潢高雅漂亮，地方大，樓底高，坐得十分舒適。看看Menu介紹，餐廳保留傳統，把南洋、傳統、港式的潮州打冷的精髓融合而成。店員先送上前菜潮式紅棗蓮藕$12，味道蜜甜，好有特色的前菜。潮州鹹雞花生（半隻）$138雞十分入味，帶咸香，肉質腍軟嫩滑不油膩，而且是凍食的，這個也是必試的招牌菜色。半煎煮馬友魚 $298帶香濃湯汁，魚煎過十分香，皮煙韌有口感，魚肉嫩滑，和湯汁十分夾。和味橙香排骨 $108果味香濃，十分掛汁，排骨肉質十分爽嫩，骨位剛剛好离骨不會韌，十分推薦這道菜。鮮蠔仔泡粥 $78蠔仔份量十分豐富，粒粒飽滿肥美，食打冷蠔仔粥是我必點項目，這裡的蠔仔粥真不錯。養顏紅棗糕（四件）$48最後還點了一款特色甜品，養顏紅棗糕質感Q彈有口感，餡料豐富，甜度適中。茶芥15/位餐廳的服務十分好，店員誠懇有禮，食物質素高，下次我會再來光顧。

出開東涌當然要食埋個晚飯才閃人吧, 東薈名店城擴張左, 開咗好多新食店, 滿樂潮州就係其中一間食潮州菜的食店。近期疫情穩定左, 限聚令又放寬咗, 但估唔到平日晚飯都咁多人‚大家忍口忍得太耐了一般出名嘅潮州菜都有, 鮑參翅肚, 潮州鹵水等,  好似呢個 4人餐 $588, 每人百多元, 坐得舒服, 其實好抵食.潮州鹹雞花生 ($138/半隻)潮州人鍾意食粥, 鹹雞是伴粥良伴也, 鹹脆花生也是。潮州鹹雞關鍵在於皮脆肉滑且乾身, 不帶水分及芡汁最能食出鹹雞的原汁原味。鹹雞皮薄薄的, 微爽, 脂肪不多, 鹹香肉嫩, 雞肉嫩口得黎富彈性, 肉質不是霉霉粉粉那些無味雞。鮮蠔仔泡粥 ($78)潮州菜必食的蠔仔粥足料, 好多漲卜卜的蠔仔, 還有香口柴魚碎, 個湯底唔鹹, 都幾鮮甜。蠔仔新鮮甜美,  完全唔腥, 分量又多半煎煮馬友魚 ($298)原條馬友略煎表面, 除了可封存魚汁, 還令條魚香口些, 煎好後的馬友魚放入蘿蔔魚湯煮熟後放上大量芫茜、香芹及蔥段上檯。馬友魚肉質好甜好嫩滑, 魚肉索盡蘿蔔魚湯更顯鮮味。又腍又甜的蘿蔔, 完全冇根, 仲要索埋魚湯嘅鮮味, 好吃養顏蓮子紅棗糕 ($48)蓮子安神,

在東涌附近收工，食個飯才回家。餐廳環境寬敞，枱與枱之間的距離十足。餐具用熱水浸著，感覺衛生。前菜 | $12潮州人餸粥會食鹹酸菜，鹹酸菜甜甜的，不太酸。潮州咸雞花生 | $138半隻雞肉不太鹹做餸一流，脂肪少，不會太肥，肉質滑溜。底下有花生，好適合飲番杯。半煎煮馬友魚 | $298本身便很喜歡吃馬友魚，喜歡它充滿魚油的香味，這味半煎煮馬友魚浸在魚湯內，充滿膠質魚肉滑溜。鮮蠔仔泡粥 | $78蠔仔粥好大碗，粥內有很多隻蠔仔，每隻蠔仔蠔身飽滿又鮮甜。加少許胡椒粉，粥有少少胡椒辣味，更添美味。和味橙香排骨 | $108排骨有六件，每件都啖啖肉，而且醬汁入味，帶有橙味，酸酸甜甜， 十分開胃。養顏紅棗糕 | $48紅棗糕有四件，甜味剛好質感煙韌，作為飯後甜品，為整頓飯畫上一個完美的句號。

去東薈城的outlet買東西，感覺就像執到便宜貨，不知不覺就買了好多無謂嘢，錢就花了，手上就一籮不太有用的東西，肚子餓了要找東西吃。小食是糖蓮藕，甜的前菜感覺非常特別。鹹菜豬肚湯，正值春天，潮濕的天氣最好是喝這個湯，裏面的胡椒味很重，可驅走濕氣，鹹菜的鹹度適中還帶有微微的甜味，豬肚沒有那種內臟的味道做得出色。鮮蠔仔泡粥，每粒蠔肉的肚身異常飽滿，既嫩滑，又鮮嫩，蠔身在口中爆開的一瞬間，真是不能言語，還有很多脆脆的方魚，粥底綿滑。清湯蘿蔔炆牛腩煲，蘿蔔多汁沒有花芯的，牛腩炆得入味，沒有黏口的感覺。豬紅韭菜，用了辣的手法來製作味道很濃，豬紅沒有一用筷子夾起就碎開，質量有保證。味道: 值得一試環境: 較擠迫衛生: 整潔，店員用熱水洗餐具服務: 尚可價錢: 經濟實惠

與朋友在東涌行山後，到了東薈城搵好野食，路過這間潮州食館，被櫥窗內的滷水鵝吸引著😍即入內點一份。店舖樓底非常非常高，落地玻璃採光度高，有房有卡位坐得舒服。前菜小食有紅棗蓮藕，沒想過可這樣配蜜糖，味道清甜很特別。滷水鵝肉拼盤是必點的，鵝肉份量多，大大片肉味香，還有豆腐及滷水蛋，加點酸汁更添美味。蒜香梅汁蒸鱔片有驚喜，平日膳片多數鼓汁蒸，但這裡用了梅子汁蒜頭辣椒蒸熟，酸酸甜甜小辣的，味道清新開胃😋下層更放了大量蔥段，最適合我這愛蔥之人。紅棗烏豆豬尾煲是道健康菜，烏豆營養價值高，豬尾肉不太多但有少少膠質，兩者配搭不俗👍🏻家鄉煮筍蝦真的很有特色，筍蝦質感極之幼滑，無渣，再以花生醬辣椒油及魚露等煮成醬汁，少許糊口感覺很特別。鴛鴦水晶包分別有白蓮蓉及陳皮紅豆餡，陳皮味道極為香濃，應該選用了靚的老陳皮才有這效果。服務員都很貼心有禮，令顧客吃得舒適安心。

喜歡吃潮州菜的我一直都想試試「滿樂潮州」，今晚剛巧到在東薈城，終於可以一嚐！吸引人之處是它比一般潮州菜特別，是由三家朝菜流派 - 南洋、傳統及港式朝菜打冷的精粹融合而成！餐具用滾水淥過才送上，清潔令人安心。職員有禮又有主動性；地方很寬敞，很有空間感，坐得舒適又不會嘈吵，印象良好。*茶芥 醬油 15/位*前菜有 《潮式紅棗蓮藕 $12》，味道甜甜的很開胃。《潮州鹹雞花生（半隻）》*（半隻$138/全隻$248）*是餐牌的招牌菜式。咸雞是客家菜的必備菜肴，但潮州人做嘅咸雞既十分入味但又比客家人做得比較少咸，而且肉質更嫩，味道討好，佐酒的話很不錯。《半煎煮馬友魚 $298》半煎煮意思是單煎一面，另外一面是煮。 當中的特式，取煎魚散發的香味，和取煮魚透出的嫰滑魚口感。  中芹菜提升整道菜的鮮味。  中芹菜的營養豐富，降三高之高血脂、高血糖及高血壓。《和味橙香排骨 $108》《橙香排骨》 橙香排骨比糖醋排骨來得較清淡， 口味没那麼重，香橙的味道更可以解膩，令人 ..它和糖醋排骨一樣有著酸甜的味道，但水果的酸甜並沒有糖醋般刺激，只有溫和的果酸香甜味。《鮮蠔仔泡粥 $78/碗》真材實料，啖啖都係肥美

去大嶼山一天遊，回家前就在東薈城吃過晚餐才回家。進入餐廳時，先量度體溫。小食係蓮藕件，蓮藕爽脆，有少少甜。鹹菜胡椒豬肚湯豬肚軟腍冇異味，鹹菜超爽口，湯底看似很清，味道卻很濃郁，胡椒味甚香，入口後有辛辣的感覺，很痛快。清湯蘿蔔牛筋腩煲蘿蔔清甜，腍滑冇渣；牛腩爽口冇黏牙，牛腩味濃，牛筋腩膠質豐富，清湯有着香濃的蔥味。鮮蠔仔泡粥蠔仔大大粒，脹卜卜，鮮甜飽滿，沒有腥味，份量都幾多，每一匙都幾乎有蠔仔，方魚香脆。椒鹽九肚魚九肚魚表面的脆槳夠薄，香脆可口，魚肉嫩滑，食到停唔到口。侍應招呼不錯，上菜夠快。

一坐低就已經安排咗鹹菜同小食，然後就飲住茶睇吓叫咩嘢食。食潮州嘢梗係要食滷水系列。叫咗例牌滷水骨香鵝片拼墨魚🦑墨魚夠薄片，煙煙韌韌幾入味。揀咗傳統小菜家鄉煮筍蝦（小份），個煲一嚟到已經聞到筍嘅味道。鹹鹹酸酸，食落去口感幾爽，一煲份量非常多。蒜香🧄梅汁蒸鱔片，賣相睇落唔錯，鱔片夠新鮮。肉質彈牙爽口，調味有蒜香梅汁，幾香。紅棗烏豆豬尾煲，豬尾已經調味。呢個非常有益，充滿骨膠原。烏豆紅棗份量都唔少。鴛鴦水晶包固然有兩款，一款係蓮蓉口味；另一款係豆沙口味。下次可以試其他。