影片
更多
2021-04-05
95 瀏覽
之前試過呢個集團嘅中菜，的確幾抵讚幾夠誠意，今次試埋佢旗下嘅潮州菜餐廳，睇睇水準如何鹹菜豬肚湯夠香，濃濃胡椒味飲落成身暖曬，豬肚爽口冇異味，個湯真係好多豬肚同埋鹹菜，飲曬之後真係幾果腹鹵水拼盤就必須嘅，今次叫咗露水大腸+墨魚片，爽口彈牙，唔會太鹹，反而香料味好出，好明顯有種類似藥材嘅香味，我地都幾鍾意韭菜豬紅都惹味，望落好辣但食落唔辣，一試之下竟有類似沙爹嘅香味，有趣，豬紅結實不鬆散，超級入味而唔腥椒鹽九肚魚上台超級熱，入面魚肉真係好滑，就算望落有軟刺，但入口完全唔覺，之前食過嘅係原條細魚炸，但今次呢個就係炸魚塊，我比較鍾意呢款，啖啖肉蠔仔粥嗰度我地略嫌蠔仔唔夠鮮，但overall可以接受，粥嘅質地係我比較鍾意嘅水狀而唔係傑塔塔清湯牛腩好清新，唔會有肉嘅油膩感，入面牛腩都大大舊，肉質淋身，尤其佢牛筋，真係好糯好香總結：今次食物都令人滿意，服務幾專業，我地心血來潮咁問服務員有關菜式嘅問題，佢地都可以對答如流，當日餐廳人流唔少，我諗餐廳口碑都唔錯
鹹菜豬肚湯夠香，濃濃胡椒味飲落成身暖曬，豬肚爽口冇異味，個湯真係好多豬肚同埋鹹菜，飲曬之後真係幾果腹
鹵水拼盤就必須嘅，今次叫咗露水大腸+墨魚片，爽口彈牙，唔會太鹹，反而香料味好出，好明顯有種類似藥材嘅香味，我地都幾鍾意
韭菜豬紅都惹味，望落好辣但食落唔辣，一試之下竟有類似沙爹嘅香味，有趣，豬紅結實不鬆散，超級入味而唔腥
椒鹽九肚魚上台超級熱，入面魚肉真係好滑，就算望落有軟刺，但入口完全唔覺，之前食過嘅係原條細魚炸，但今次呢個就係炸魚塊，我比較鍾意呢款，啖啖肉
蠔仔粥嗰度我地略嫌蠔仔唔夠鮮，但overall可以接受，粥嘅質地係我比較鍾意嘅水狀而唔係傑塔塔
清湯牛腩好清新，唔會有肉嘅油膩感，入面牛腩都大大舊，肉質淋身，尤其佢牛筋，真係好糯好香
總結：今次食物都令人滿意，服務幾專業，我地心血來潮咁問服務員有關菜式嘅問題，佢地都可以對答如流，當日餐廳人流唔少，我諗餐廳口碑都唔錯
張貼
