滿樂潮州 (東薈城名店倉)

營業中

休息中

東涌潮州菜推介-滿樂潮州嚟東涌shopping攰攰地，搵咗呢間食潮州嘢嘅酒樓，估唔到又唔錯喎，坐得幾舒服，點咗幾款小菜同埋點心: 有滷水鵝紅、蝦餃王、蟹籽百花釀魚肚、鹹水角同埋糖醋伊麵😛 好豐富😂滷水鵝紅好入味，好滑👍🏻 魚肚吸晒上湯嘅精華，蝦滑都好彈牙；蝦餃大大粒，晶凝通透，估唔到皮咁薄😚估唔到質素都有驚喜☺️枱之間都唔會太貼，坐得舒服，啱晒一家大細😂

去了東涌潮州滿樂點了滿樂鮑魚燒賣皇 ($68/4)和杭州菊花 ($25), 點心很好吃。鮑魚燒賣皇是一種升級版的燒賣, 果然沒有令我失望。「皇」字通常暗示其體積比普通蝦餃更大，同時它的賣相造型十分精緻。稱賣皮晶瑩剔透，能看見內裡的餡料。製作手法講究，皮不會太厚。蝦仁是主要餡料，用了大隻、鮮甜、爽脆的蝦仁，蝦味足兼爽口彈牙。豬肉餡也很香, 與蝦仁形成口感對比，比例又協調，豬肉絲滑, 豬肉與蝦仁比例恰到好處。鮑魚更是點睛之筆。它放在頂部作為裝飾和提味, 完美之作。

滿樂潮州集傳統、港式及南洋三派風格為一，提供豐富潮州菜式～ 環境闊落，簡樸又不失典雅，一家人聚會最適合不過( •̀ᴗ•́ ) ̖́-百樂潮州58載•經典滋味再重現 $580/位適逢58周年，餐廳推出期間限定套餐✨非常豐富！滷水鵝肉拼墨魚🦑色澤誘人～鵝肉醬香味濃郁，肉質鮮嫩，搭配鮮味爽口的墨魚。鮮蝦黃金角外皮酥脆，內餡飽滿🤤是日我的mvp是不可以錯過的竹笙螺頭燉湯⸝⸝꙳十分滋補，湯底清澈，螺頭鮮味十足！六頭湯鮑魚炆柚皮非常考功夫～特選較成熟厚身的柚皮，再以多重工序去苦入味。鹹菜煮馬友魚件魚的肉質細嫩，搭配鹹菜的鹹甜滋味👅原隻滷水鮑魚撈麵的麵條彈牙，鮑魚香氣醇厚⌯•͈ᴗ•͈⌯ಣ最後仲有福果清心丸綠豆爽和合時生果作為甜品😆

最近去東涌Outlet Shopping都食咗好多唔同嘅餐廳今日去酒樓飲茶 最緊要係要有潮州辣椒油呀── ✦── ✦ ── ✦ ── ✦ ──ʚ #香煎蘿蔔糕 ɞ呢個蘿蔔糕真係真材實料佢入邊嘅蘿蔔並唔係蘿蔔絲而係大大粒方形既蘿蔔肉 真係大滿足ʚ #香煎韭菜粿 ɞ韭菜果皮夠薄 一上到枱已經望到入邊綠油油嘅韭菜食落有少少肉汁 唔會太鹹 加埋潮州辣椒油真係冇得頂ʚ #腐皮卷 ɞ腐皮卷外皮金黃色咬落非常脆口 味道都係一貫腐皮卷嘅味道ʚ #魚肚雞扎 ɞ雞扎都係一般酒樓嘅質素，整體都係好食嘅── ✦── ✦ ── ✦ ── ✦ ──

其實搭地鐵去好方便 ，兩個人幫襯叫咗兩個套餐同埋一盅魚羹。 套餐係 黑毛豬肉， 好有燉嘅味道 ，肉質唔錯，茶樹菇亦好好味， 唯一 想 complain 嘅就係好咸 ， 幽默啲咁諗係咪廚師去完中東地中海的死海遊水？ 第二客係湯年糕，煮得非常好味，同樣都係一個問題，真係 非常好有鹹味 ，落咗好多 salt? 唔通 買鹽 真係唔使錢嘅， 好咸好咸。 豆腐魚羹非常抵 跟餐叫 只係 $38， 今日唯一要投訴嘅就係唔夠魚 (平時都 有應有嘅份量，今日唔知點解好少！) 餚肉做唔錯又一定嘅水準。

今次點菜係老細拍板，所以有啲菜我都唔知係咩🤣首先每人一碗翅，應該係紅燒鮑翅，幾入味，翅的份量都幾多😋😋潮式藍瓜子，比平時清蒸，更加惹味，因為條魚煎好左再淋汁上面，幾有特色川椒雞球，又係啖啖肉，唔會好咸，幾啱送飯花膠海參煲，滿滿的骨膠原，而且花膠同海參都好入味😋炒芥蘭就正正常常糖醋伊麵，都算係正正常常鴛鴦水晶包，睇落去係幾靚，不過皮就厚左少少潮州返沙芋條，幾好食，超熱辣辣整體來說，都算係幾好既潮州菜館👍

行完東薈城outlet，見時間有啲晏，就決定係東薈城求其搵一間醫自己既五臟廟落到地下見依間冇咩人唔洗等位，就行左入去食，睇睇餐牌，價錢都偏貴我地叫左滷水拼盤，椒鹽鮮魷，炒飯同蠔仔粥滷水拼盤唔好食，鵝好鞋椒鹽鮮魷不過不失，有小小咸反而炒飯同蠔仔粥有驚喜👍🏻👍🏻

作為東涌街坊，不時也到這間潮州酒樓飲茶，食物質素可以的，但營商手法實在不敢恭維；我兩個人去飲茶，一開始便放了兩碟前菜給我，不是第一次來，我即說我只要一碟鹹菜便可，但店員沒有理會，最後埋單兩個人收兩碟前菜；結帳時，工作人員還辯稱，你是可以拒絕的；我跟她說我拒絕了，但你的工作人員沒有反應，她還說可能工作人員是新來的不熟程序；當然我是一個有品的客人，我有付錢才離開。這樣的經營手法，把員工培訓不足的成本轉嫁消費者，祝他好運吧。備註：旁邊的一台三人桌只放了一個前菜。

今日年三十晚帶屋企人去食飯時是潮州菜！我已經一個星期前訂位！我到前台每一個人接待員都好似發緊夢中，唔知自己寫咗咩記錄夢遊仙境！繼而我哋7:00已經坐喺座位開始點餐，潮州菜館七點餐市時間，已經沒有煎豪樂同埋鵝掌翼拼盤…最熱門嘅潮州菜全部沒有？如果食普通小菜為什麼來這間潮州菜館呢？服務員說，因為今日生意好，所以沒有菜式😅😅😅我覺得並不是生意好，而是他們不想招呼想逼你食為餐💰😓😓我們感到無奈及失望，食物水平一般，我的評價下次可以用再來。

一路行過呢間餐廳，以為好一般。但係心郁郁成日都想去試吓，所以就揀咗今日。平日lunch hour 居然完全唔使等位，我就咁入去就可以。估唔到潮州菜都有點心食。去食潮州菜，梗係要食滷水鵝片，但係滷水鵝肉片有啲小貴，所以就揀咗滷水拼盤，出奇地入味，亦唔算太咸同太油膩。豆腐、豬腩肉、魷魚，都整得唔錯，真係有驚喜。相反，個炸蠔咯就真係唔得，正宗潮州菜應該係炸，不過佢係雞蛋煎蠔餅咁嘅形式，下次再嚟可以淨係Focus佢啲滷水

今日中午諗住食呢間，2個人拎A39飛，果時已經叫到A38，諗住等一張應該好快，點知等左成個鐘一張A飛都冇叫到，入面出2個人又係叫3-4人枱嘅B飛，一直都係叫大枱飛，入面2個枱走咗又係叫3-4人入去，既然餐廳只係想做多人生意，不如cancel A飛唔使人哋等咁耐，一直呆等左成個鐘都未有得入，2人走又唔係叫返2個人入去，等到一肚氣😤😤😤😤😤😤😤😤以後都唔會再去，太唔尊重少人（2人）光顧。

去咗東薈城shopping，順便食埋飯，最方便係有停車場🚗 揾左一陣，發現竟然有潮州菜食。好少shopping mall 會有乾淨四正嘅潮州菜館，所以立即入去試吓好彩唔使等位，waitress姐姐又好貼心咁幫我安排可以放shopping bag嘅位👍🏼 坐低即刻order黃金炸雙棗、潮州蠔烙、咸雞，再叫多個菜。炸雙棗做到外脆內軟，好好味🤤 蠔烙就煎得啱啱好，唔會太油，味道又唔會太咸；咸雞就普普通通，略嫌乾身咗少少

滿樂潮州的菜單展示了豐富多樣的潮州菜餚，每道菜都充滿了獨特的風味。開胃菜中，招牌蒸蝦餃是一道必點的菜品。蝦餃皮薄，內餡鮮美，每一口都散發著鮮甜的海鮮香氣。主餐方面，滿樂潮州的砂鍋粥是一道受歡迎的招牌菜。砂鍋中的米粥煮得濃稠順滑，配以鮮嫩的海鮮和滑蛋，口感豐富。蒸石斑魚也是一道推薦的菜品，魚肉鮮嫩，蒸得剛好，保持了魚的原汁原味。滿樂潮州還提供多種燒味選擇，如叉燒和燒鴨。叉燒肉質鮮嫩多汁，外皮烤得香脆，帶有甜味和炭燒風味。燒鴨皮脆肉嫩，滋味鮮美，每一口都令人陶醉。素食選擇也相當豐富，如炒時蔬和潮州素燴。炒時蔬保持了蔬菜的鮮嫩口感，清淡爽口。潮州素燴則是將各種素食配料燉煮在一起，湯汁濃郁，味道豐富。

去東涌行街，老人家想食中菜，路過見到潮州菜就試下！晚飯時間唔使等就直入，座位算闊，接待員好快送上四小杯功夫茶，話係送！天氣熱本身胃口麻麻，食左餐前小食青瓜涼拌後開始有返D 胃口！點左欖菜肉碎炒飯(例) $158，夠四位用，飯炒得幾乾身，個人覺得唔錯，但老人家話飯有點硬…再點涼瓜炆排骨煲，諗住會係好似雞煲炒香嘅菜式，但原來係清湯煲…排骨都夠腍，但$168 咁細煲只有6件排骨仔，就覺得有點不值…潮州蠔格即係蠔餅 $168，呢個雖然等得比較耐，但食落香口，蠔仔非常多而且夠鮮味，加左薯粉煙煙韌韌，點埋魚露特別好味！基本上餐牌見到基乎碟碟都$158、$168起，本來想叫碟炒菜，但都要$168，食物質素感覺算是中等較好，但價格略為偏貴…四位叫左三碟，但茶介收左$120，再加埋一接近$700賣單，如果以這個價錢，相信有唔少食得更多款及更好的選擇…

到東薈城飲茶後再去血拼, 酒樓離港鐵站有點路程, 一點鐘左右去到, 人流不多, 立即可以坐低 食物 : 炒飯比較好味, 韭菜棵皮好厚, 蝦餃彈牙, 其他都是味道正常 環境 : 坐位舒服, 地方乾淨, 可能人不多, 所以沒有其他酒樓的嘈吵 服務 : 員工有禮貌主動 價錢 : HK$666.60/3人 (加一服務費)