滿樂潮州 (東薈城名店倉)

營業中

休息中

一坐低就已經安排咗鹹菜同小食，然後就飲住茶睇吓叫咩嘢食。食潮州嘢梗係要食滷水系列。叫咗例牌滷水骨香鵝片拼墨魚🦑墨魚夠薄片，煙煙韌韌幾入味。揀咗傳統小菜家鄉煮筍蝦（小份），個煲一嚟到已經聞到筍嘅味道。鹹鹹酸酸，食落去口感幾爽，一煲份量非常多。蒜香🧄梅汁蒸鱔片，賣相睇落唔錯，鱔片夠新鮮。肉質彈牙爽口，調味有蒜香梅汁，幾香。紅棗烏豆豬尾煲，豬尾已經調味。呢個非常有益，充滿骨膠原。烏豆紅棗份量都唔少。鴛鴦水晶包固然有兩款，一款係蓮蓉口味；另一款係豆沙口味。下次可以試其他。