最近先發覺太古城中心有一間餐廳我未去過，今晚黎太古城就嚟呢度食飯。睇咗廚師特選菜單，覺得好豐富，就叫咗兩份。

👉🏻頭盤可以任選兩款，要生蠔就要加$68。🔸生牛肉韃韃靼
生牛肉加咗洋蔥、香草和松子仁，味道很香，牛肉嫩滑，麵包脆口。🔸布拉塔芝士沙拉配醃番茄
火箭菜很新鮮，蕃茄酸酸甜甜令人開胃，大大塊的芝士亦令人滿足。🔸黑胡椒碎金䱽魚韃靼配馬卡龍杏仁餅
金䱽魚經醃製過，有香草和胡椒味，最特別係配馬卡龍，馬卡龍脆得來微甜，估唔到和金䱽魚很夾。🔸法國紛迪加蠔
蠔肉很滑，充滿了海洋的鹹鮮味，加入黃色醬汁，味道很辣，很刺激。

👉🏻第二道菜任選一款，要鵝肝就要加$78。🔸蒜蓉蝦
蝦肉彈牙，蒜蓉味很突出，香辣勁濃。🔸香煎鵝肝配牛油甜包，無花果醬
鵝肝煎得外邊脆而富有油分，質地軟滑，麵包軟綿，配上無花果醬汁，油膩感全消。

👉🏻主菜任選一款，乳豬加$68，和牛腹加$78。🔸西班牙乳豬配西班牙帕德龍辣椒和燒薯角
乳豬的外型像一塊肉餅，底面很脆口，而乳豬肉的油分十足，帶有淡淡的香草味，配菜的薯角爽口，辣椒香而不辣。🔸風乾和牛腹側扒配有機混合蔬菜和紅酒汁
風乾過的和牛味道濃郁，肉質很軟腍，伴菜亦都甜美。

👉🏻甜品任選一款🔸廚師特選蛋糕
芝士蛋糕厚重結實，芝士味濃厚又唔膩。🔸西班牙油條配巧克力醬
西班牙油條新鮮，炸得外酥脆內軟，除咗冇油膩感，肉桂粉、砂糖和朱古力醬比例適中。

另外散叫咗個燜飯。🔸巴塞羅那海鮮燜飯
飯用咗龍蝦汁燜煮，唔會過鹹。每粒飯都沾滿醬汁，飯的口感唔會硬身。帶子、青口和蝦很甜美。最後分別叫咗Virgin Sangria Tino，有果香的葡萄汁和Cappuccino。店員熱情有禮，環境舒適，食物亦好高質，週末可以嚟呢度食Brunch。

今年有諗過去韓國食醬蟹，最後都係冇時間去，唯有係香港食。韓大叔醬油拼盤✨醬油蟹啲膏幾鮮甜。
✨醬油蝦質地軟腍。✨鮑魚有酒香，口感彈牙。✨紫菜拌飯，紫菜微鹹，和飯拌勻令人愛不釋手。海鮮煎餅
煎餅面頭鋪滿海鮮，口感腍腍地，煎餅的邊微焦脆。韓式熔岩芝士蛋捲
蛋捲拉絲，入口已經有濃烈鹹香的芝士味，而蛋捲厚實帶甜。原味炸雞 （半份）
炸雞炸至香脆可口，仲有兩種醬汁點。韓式豬五花炒年糕
年糕形狀係長條型，很索汁。食第一條覺得有甜有辣，再食會覺得香辣，口感煙韌。豬五花肥美多汁。人蔘雞湯
雞湯質地很濃，雞肉很嫩滑，糯米吸收雞湯和人蔘的精華，口感軟身，味道清甜。桂花烏龍水果茶
百香果味道幾濃，茶清香。Paldo甜米露
味道似薏米水。男店員笑容親切，不時遞上餐具和濕紙巾，又會送上凍水，服務窩心又親民。

去旅行前一晚，我選擇了去居酒屋食晚飯。

坐下後，店員就送上熱茶。看過餐牌，選了小食、壽司、丼飯和串燒。🌸唐揚日本池魚苗
池魚苗脆中帶韌的口感，魚帶甘香味，加點檸檬汁味道更鮮，很適合做下酒菜。🌸北海道海膽壽司
海膽的顏色橙橙黃黃，味道鮮甜，質地柔嫩。🌸本鮪壽司盛✨赤身的肉呈紅色，質地軟滑。✨中拖羅的肉帶粉紅，魚的油分適中，口感嫩滑。✨大拖羅的肉呈淺粉紅，油分最多，軟身無筋，入口易融。
而壽司飯口感較黏微甜。🌸日本花魚一夜干
一夜干外表乾爽帶少許油分，肉質結實，味道唔會太鹹。🌸鹽燒牛舌
牛舌薄身，有咬口。🌸生燒白鱔
白鱔皮燒得焦脆煙韌，魚肉厚身帶鹹味。🌸生薑燒黑豚肉丼
豚肉片有肥肉，口感較爽，醬汁微甜又帶點薑的香味，飯跟蔥、洋蔥和芝麻拌勻很惹味。唔飲啤酒都叫返枝冰凍有氣的波子汽水飲下啦！

經過門口，見到有隻好大的片皮鴨模型，就入咗去食飯。餐牌有套餐，亦都可以散叫餸菜。小食青瓜雲耳帶酸甜和辣味，令人開胃。🌸紫砂功夫燉湯
蟲草花瘦肉湯，湯清味濃，用紫砂茶壺倒湯入杯中，湯長期保持熱度，亦可一小杯一小杯飲，味道仲越飲越濃，飲完覺得滋潤暖身。🌸乾逼拆蟹肉粉絲煲
蟹肉餅外表煎過，將蟹的肉汁鎖住，蟹肉鮮味濃郁，洋葱爆過，油香帶甜，粉絲口感乾爽。
先食一碗原味，加入花椒油拌勻食，就多咗份麻辣香味。🌸燒味雙拼
揀咗燒鵝拼叉燒，叉燒腍滑，有蜜汁味；燒鵝鵝皮脆，肉汁都幾香。🌸啫啫唐生菜
蝦乾和肉碎鹹香，唐生菜爽脆，吸收了蝦乾和肉碎香味，仲有少少辣。

今晚同屋企人去到尖沙咀食飯。餐廳用屏風間開，座位寬敞。🌸話梅涼瓜
很少見到用涼瓜做小食，涼瓜爽脆，話梅汁的甜味中和涼瓜的味道。🌸鐵板沙薑雞
上枱時噴曬煙，熱辣辣，沙薑味很香濃。平時食沙薑雞，有時會覺得過鹹，但呢個雞冇過鹹，味道適中，雞肉即使焗過皮都仲香脆，肉質彈牙唔乾身。🌸百花馬友鹹魚蝦膠煎肉餅
肉餅薄身脆口，但材料豐富，有鹹魚的鹹香、豬肉粒唔膩口和蝦膠唔鬆散。🌸鮮淮山百合炒勝瓜
淮山爽口唔會黏口，百合脆口微甜，勝瓜爽脆鮮甜，仲有紅黃椒點綴。🌸香煎琵琶豆腐
豆腐炸至金黃色，外脆內有薄薄的豆腐和蝦膠，口感軟腍。最後食埋南瓜西米露，質地雖然稀，但係南瓜味極濃，西米軟身。

JOMO Kitchen & Health Hub係太古城開咗分店。餐廳有兩層，上層可以做運動，下層為客人提供主食、甜品和咖啡。

JOMO戚風蛋糕有多款口味，伯爵茶、黑芝麻、開心果、熱情果、草莓、柚子和紅莓口味。🌸開心果戚風蛋糕 （6寸）

✨蛋糕口感鬆軟，食落仲有少少濕潤的感覺，每一啖都食到粒粒開心果碎，與外面白色夾有淺綠色的忌廉食，味道微甜仲會有迷鉄香的味道，很特別。✨外面的忌廉較挺身，而切開後見到中間亦填滿勁多忌廉，而忌廉就好綿和軟滑，味道較淡唔甜，感覺健康。

預訂蛋糕要去JOMO網址落單，可以選擇去門市自取蛋糕或者送貨，好方便。

突然間好想打邊爐，放工後就約咗老公去打邊爐。坐低後，侍應就攞咗載着8款醬料的盒俾我哋自行調配醬料。跟住就揀咗火鍋湯底和配料。🌸招牌鴛鴦鍋
鴛鴦鍋湯底係沙嗲拼莞茜皮蛋，湯底勁濃厚，沙嗲湯有勁多花生粒，而莞茜湯底味道亦很濃和馬蹄清甜。🌸頂級駝鳥肉
駝鳥肉顏色呈深紅色，冇咩脂肪，就算淥佢的時間耐咗，質地軟滑冇腥味。🌸招牌四寶丸
四寶丸有墨魚丸、蝦丸、鯪魚丸和牛丸。
蝦丸味道濃郁，放入沙嗲湯底，我覺得牛丸最好食，味道香濃而彈牙，係最有驚喜。🌸不倒翁金牌手切肥牛（脊位）
肥牛的油花都幾均勻，肉質幾有嚼勁，牛味濃郁唔羶，就算放係沙嗲湯底個邊淥都冇被沙嗲湯掩蓋佢的味道。🌸鮮淮山
淮山色澤雪白，口感爽脆。🌸油麥菜
油麥菜新鮮，口感脆嫩。

今日去咗啟德的商場睇戲，順便喺附近搵間餐廳食飯。俾門口的意式雪糕吸引，就揀咗呢間餐廳食飯。🌸Hawaiian 蕃茄醬、莫札瑞拉起司、火腿和鳳梨
12吋的薄餅都幾大個，有8件，我揀呢款係薄批，餅底夠薄，但口感鬆軟和脆，👍🏻最讚係材料分佈得好平均，每件薄餅都食得到鹹香的芝士，微酸的鳳梨和火腿片。🌸火腿哈密瓜
火腿的鹹香味濃，蜜瓜清甜，和火腿味道很配合，沙律菜很新鮮，加了橄欖油、蔥花和芝士，更增添風味。🌸芝士烤雞
手工意粉的質感真係唔同，麵質較有彈性，雞排表面鋪滿芝士，份量多到令人滿足，芝士跟酸甜的茄醬令人開胃。🌸Dolci兩球杯裝
加$18升級窩夫，餐廳的意式雪糕選擇很多，最後揀咗椰子和焦糖香蕉。
椰子味道一流，仲食到椰子蓉，意式雪糕冰凍，口感較綿；而焦糖香蕉的香蕉味道很濃。🌸士多啤梨旋風
士多啤梨旋風質感很細滑，味道唔會太甜，有淡淡的士多啤梨味。🌸American，single espresso
4咖啡泡沫味道濃郁，又夠熱。我覺得薄餅和意式雪糕係必食。

曾經因為菠蘿生炒骨去食飯，今日卻因為飯店再獲米芝蓮推介而食飯。

今次冇叫菠蘿生炒骨，反而叫咗其他餸菜。🌸招牌砵仔焗魚腸
蛋皮微焦脆，蛋包着魚腸，另有膶和叉燒，口感軟滑冇腥味，食完都冇油膩感。🌸懷舊蝦多士
蝦多士鋪滿芝麻，蝦膠大大粒，口感實淨，多士香脆唔油。🌸生記招牌古法鹽焗雞
鹽焗雞的皮乾爽，肉質有嚼勁，味道冇過鹹而係帶鹹香。🌸家傳手磨生煎藕餅
機乎每枱都會叫呢個餸，藕餅外表煎得香脆唔易散，仲食到粒粒爽脆蓮藕，鯪魚肉和豬腩肉。🌸蝦籽古法扣柚皮
柚皮吸曬芡汁的香味，冇澀味，口感柔軟入味。最後侍應仲送上白糖糕做甜品。

食串燒可以好隨意，好容易就食完一串，今晚黎咗Hea Ha Hea Ha 居酒屋食串燒。

坐低後，店員便送上熱茶和前菜。🌸前菜
有3款醃製的漬物，蘿蔔、薑片和青瓜。我較喜歡蘿蔔，爽口微甜，令人開胃。🌸枝豆
枝豆爽口，外面加咗鹽粒鹹鹹地。🌸花花玉子燒
上枱時已聞到蕃茄香，蛋白幾滑包着雞蛋，口感很滑。🌸燒油甘魚鮫
油甘魚鮫可以點蘿蔔酸汁食，又或者加青檸甘桔汁食，我鍾意加青檸甘桔汁，除咗提升油甘魚香味，仲有微酸的香氣，味道清新。🌸免治雞肉串
外脆內有粒粒軟骨，雞蛋加豉油，醬汁微鹹香。🌸雞腳筋
雞腳筋有嚼勁的骨，帶有膠質。🌸熊本豬腩肉串
外表燒得焦香，皮的口感煙韌，肥膏軟腍肥美，腩肉較乾身。🌸雞翼
雞翼頗肥美，咬開時冒出煙，皮脆肉結實。🌸大蔥雞肉串
大蔥鮮嫩多汁，仲有少少鹹香，雞肉嫩滑。🌸日本BB番薯仔
細細粒BB番薯仔帶蜜糖甜味，質地軟糯。🌸燒日本淮山
淮山超脆口，醬汁微鹹，木魚很香。

果然係Hea Ha Hea Ha又一串。