食Omakase每次都有驚喜，今次去左鮨逸食左「逸」 Omakase set，一共有25款菜品！ 前菜有沖繩水雲醋，上面加咗松葉蟹肉，味道酸酸甜甜，好開胃 然後就係小龍蝦刺身，龍蝦肉晶瑩剔透，可以點小小豉油食更能突顯龍蝦肉嘅鮮味，然後龍蝦頭用黎煲湯，濃郁既海鮮味裡面仲有少少龍蝦肉同膏，真係幾正！ 另外前菜仲有鮟鱇魚肝配柚子酸汁、汁煮黑梅貝、斧山灣螢光魷魚，每一樣都各有特色！ 左口魚薄切配海膽豆腐 ，左口魚魚油味香，海膽豆腐，口感滑溜 帆立貝磯邊燒係有由脆脆嘅紫菜包住用醬油燒過既帆立貝，除咗帆立貝嘅鮮奇味道，再增添一份醬油嘅香氣 壽司有赤貝、金目鯛壽司、松葉蟹肉、鰤魚、白見貝、喜之次、銀鱈魚、赤身醬油漬馬糞海膽、吞拿魚蓉配紫海膽、大拖羅等等！種類好多，可以食到好多唔同味道嘅魚同海鮮 炸香魚bb幾得意，脆卜卜有d似多春魚！ 毛蟹醋啫喱有啖啖蟹肉，加上酸甜啫喱提升鮮味 南非鮑魚口感好爽，配上蟹膏麵豉醬令味道更豐富 白海膽配上鱈魚乾一齊食雙重鮮味 最後玉子布丁、龍蝦舞茸菇清湯同埋黑醋糖同黃豆粉水信玄餅，真係一次過試到好多唔同嘅款式

1邊食私房菜1邊唱K🎤 就係位於尖沙咀既「南北匯」🩷，私隱度高，獨立房間裡面享受精緻中菜同時同班朋友盡情唱K，房間夠大坐得舒服，隔音設施仲好好👍🏻 套餐係以每位計算，上餐既時候都係獨立上餐，Menu都非常豐富 ✨頭盤 - 一共有5款，包括蕃茄仔、木耳、萵筍一口鮑、蓮藕、鳳爪同春卷，甜、酸、辣味都有，好開胃 ✨鳳尾翅淮紅杞燉黑豚肉 - 個鳳尾翅真係不得了，大大舊好夠排場！湯頭夠清甜💓 ✨蜜餞金蠔煎帶子 - 金蠔味道濃郁，帶子鮮甜！ ✨椒鹽鮑魚脆皮海參 - 椒鹽好惹味、海參好爽脆 ✨鳳城酸菜煮魚 - 酸酸辣辣，魚肉吸收酸辣湯味道更佳 ✨東江客家鹽水雞 - 雞件嫩滑，加上咸香醬汁味道更豐富 ✨瑤柱扒田園時蔬 - 矜貴瑤柱醬汁加上新鮮嘅時蔬，更添滋味 ✨黑松露菠蘿海皇燴絲苗 - 炒飯夠乾身，加上黑松露既香氣及菠蘿酸甜味，味道夾得好好 ✨時令甜品及水果 - 蓮子紅棗茶夠滋補，加上新鮮水果為晚餐劃上完美句號！ 成班朋友唱得盡興又食得開心

Check In TaiPei既食品賣相打卡一流！ 而且座位舒適寬敞！ 小食叫左蒜香三色台腸、皮蛋蜂巢豆腐 三色香腸一次過可以試幾個口味，岩哂鍾意多選擇既我，蒜片好香脆！ 皮蛋蜂巢豆腐夠哂入味，上面仲有好多肉鬆，咸咸甜甜既味道好正 主食就叫左麻辣牛肉麵，用既係牛𦟌，厚身但唔會韌，轉咗做水晶粉更能吸收湯底嘅味道，辣得過癮 食台灣嘢又點少得一杯台式飲品，我哋就叫咗杯宇治抹茶牛乳，抹茶味好香，加埋牛奶口感好滑，有茶香之餘，又有牛奶香，真係唔錯

成日經過pizza maru見到pizza d 相真係好吸引，今日再路過又未食飯，一於試吓啦！ Pizza叫左個韓國烤肉芝加哥，呢款pizza有雙倍份量芝士🧀，仲有牛肉、辣肉腸、乾蕃茄等等配料，薄餅非常鬆軟煙靭，拉絲既芝士見到都好興奮，我好鍾意呢隻芝士唔會太咸，同蕃茄同烤肉醬好夾，大家唔會搶左各自味道！ 果然冇令我失望呀！ 之後叫左個蟹肉飛魚子意粉，忌廉醬汁夠濃郁又creamy 飲品就叫左Pineapple Flora ice tea ，味道好清新又唔會太甜！ 見到隔離枱食炸雞都好吸引，下次要試埋炸雞先

原來而家尖沙咀都開咗新南苑呀！ 上到去見到好多唔同類型模型嘅收藏，真係大開眼界！ 彷彿好似去咗模型博物館咁！ 而座位都係以卡位為主，非常舒適！ 另外仲會有VIP房，仲可以唱埋K添！ 今次我哋食咗個牛牛餐，首先就可以喺雞煲、毛血旺揀一款任食，或者可以揀金湯酸菜魚，而我哋就揀咗雞煲任食，雞煲啖啖肉，醬汁夠惹味 食完雞煲之後就可以打邊爐，打邊爐嘅湯底唔係直接到湯落雞煲裏面，而係可以另外揀！ 我哋揀咗個南瓜公仔蜆湯，個warning出嚟嘅時候，見到一隻好可愛，用南瓜湯造成嘅公仔，然後倒啲湯落去等佢慢慢溶解，南瓜湯嘅味道好濃郁，建議大家喺配料裏面點選蕃茄同薯仔加埋落去一齊煮，湯底更好味 套餐都包括咗一啲頭盤同小食，有刺身拼盤同埋蝦多，刺身拼盤有三文魚腩、北極貝、劍魚、牡丹蝦、榮螺，仲有冰鎮鮑魚，非常豐富 然後就係主角牛牛出場，第一輪會想所有牛牛嘅拼盤，每一款牛肉都各有特色，質素好高，牛魔王表示好滿意 除咗牛肉之外，仲有多款配料，咖喱魚蛋好特別，入面係咖喱餡，並非用咖喱汁煮出嚟嘅魚蛋，仲好彈牙 另外出面仲有飲品任飲同埋雪糕任食，用熊仔樽裝住嘅自家冷泡茶解渴解膩又可愛 原來除咗牛牛餐之外，仲有海鮮餐可以揀，下次都試吓海鮮餐先

今日屋企人生日，訂咗古琴雅苑食晚飯慶祝，餐廳坐位算寬敞，坐得好舒服👍🏻 烤北京填鴨 - 這道菜是古琴雅苑的招牌菜之一，北京填鴨外皮酥脆、內裡肉嫩，配上鴨卷餅皮和甜醬，非常好味。 花鵰醉雞 - 加入花鵰酒調味，味道獨特迷人。醉雞肉質鮮嫩，花鵰的香氣與雞肉的鮮味完美融合，給人一種獨特而美味的口感。 風味松子魚 - 這道菜以新鮮的魚肉為主料，搭配酸甜的芡汁，味道豐富而獨特。 蒜子干貝時蔬 - 干貝的鮮甜和時蔬的清爽完美結合，給人一種鮮味又清新的感覺。 南翔小籠包 - 小籠包薄皮、多汁。每一個小籠包都包含著鮮美的肉汁和餡料，讓人回味無窮。

好耐冇食燒肉啦，要食返夠本！今次去熊本燒肉食日式燒肉+火鍋放題！一共有4款唔同既套餐！ 要食就緊係要食日本和牛😍 日本和牛套餐仲包括埋刺身任食同任飲UMAI MUGI麥啤！ 和牛入口即化，牛脂味香，一次過可以試哂咁多款唔同牛既部位，好滿足呀！ 除左牛肉之外，仲有豬肉、雞肉、蔬菜同海鮮可以食，火鍋同燒都可以！ 飲品可以係自助區既雪櫃攞，另外仲有好多唔同既前菜、熟食同小食，仲有甜品添！ 整體真係好多野食，地方都坐得幾舒服，食肉獸必到呀

係香港都可以食到好食川菜！ 今次同米媽去到灣仔既天府人家叫左幾款野食！ 當然要叫米媽最鍾意既酸菜魚，用既係桂花魚，魚肉嫩滑又唔腥，而且份量都好多 今次試到一個幾特別嘅菜式，叫糯米鴨方！表面係炸到香脆嘅糯米，另外一面係切片嘅鴨肉連皮，一樣炸到酥香，鴨肉既肉汁滲入糯米，整體口感香脆煙靭！ 酸辣三鮮都係第一次食到，佢既醬汁有少少似泰式嘅酸辣汁，三鮮包括左魷魚、桂花蚌同埋大蝦，作胃開胃菜一流 另外叫左清炒萵筍同紅糖糍粑！ 萵筍好爽脆，食完咁多味道較濃既菜式食返個清炒萵筍就啱晒 紅糖糍粑表面炸到脆卜卜，內裏煙靭及加上果仁，加埋紅糖漿一齊食作為甜品最好不過 鍾意食川菜既朋友可以試下呀

平時同屋企人都鍾意去莆田食嘢，因為地方舒服，服務又好，估唔到今次去到仲有大閘蟹食 個大閘蟹真係幾大隻，打開就係滿滿嘅蟹膏，餐廳都細心準備咗工具同埋薑茶，好貼心 另外佢哋嘅百秒黃花魚都係非常出色嘅菜式，魚肉非常嫩滑 炒芋芯加入左甜甜既醬油，炒香後有少少脆，咸咸甜既味道令人忍唔住食多幾嚿 炒花蛤每一粒都好飽滿，醬汁少少辣更惹味 划包都唔錯，先將麵包炸香，再加入炒肉絲同洋蔥，口感豐富 最後叫左薏米水同蓮子雪耳糖水，非常足料又唔會太甜，食到好飽呀

一家人夜晚食小菜就最好不過，鋒味廚房真係幾有驚喜，而且離西鐵站唔遠！餐廳環境都唔錯，仲有2個大魚缸，d海鮮望落去都好生猛 夜晚都有唔同題優惠套餐同海鮮孖寶，價錢都唔貴 最後我地叫左3個小菜 鮮菠蘿咕嚕肉 - 用既真新鮮菠蘿唔係罐頭菠蘿，好甜！咕嚕肉炒得外酥內軟，好香好好味 鹹魚雞粒豆腐煲 - 我撈飯既必定唔少得佢，豆腐炸香左，入面有粒粒鹹魚，鹹香味加上個醬汁真係可以叫白飯殺手 瑤柱海味什菜煲 - 有肉就要有菜，呢個什菜煲清清地加上唔到海味，乜都有d都唔錯 整體黎講價錢都唔貴食物質素都幾高，原來呢度日間有茶飲，下次黎試下先