尚鮮海鮮料理

營業中

休息中

一上到去有私房菜小店嘅感覺，店舖唔算太大，但枱與枱之間尚算寬敞， 環境唔會太嘈太熱鬧，最啱同朋友打住邊爐、飲酒傾下偈👍 而且冇限入座時間，唔洗怕夠鐘被趕走！由於餐廳座位唔多，如果想嚟記得預先book位！火鍋調味醬料非常足夠，有成10款可以俾大家調製最啱自己嘅口味Prime頂級牛頸脊 $238牛肉油脂分佈得好靚好均勻，色澤偏紅， 厚度適中，牛頸脊嘅部位肉質未算超嫩滑，下次有興趣試下佢其他牛肉部位鮮打蝦丸蝦丸幾彈牙，因為新鮮手打出嚟，每一粒都鮮味十足脆鯇魚片新鮮冇乜骨， 肉質彈牙

#佐敦原來有間隱世火鍋店#今日同朋友去咗佐敦，行行吓好肚餓，就見到有間餐廳， 於是我哋九秒九衝左入去食🤣呢間餐廳店都有好多選擇，又有串燒食啦，又火鍋，仲有刺身食☺️啱晒我呢個為食鬼😄但我同我朋友覺得火鍋好似好好食，所以我哋就決定咗食火鍋🍲我哋今次就點左個鴛鴦湯底😌 分別係姫松茸冬瓜湯底同埋池麻辣湯底個姬松茸冬瓜湯底令我喜出望外😍個底湯底好清甜,d 冬瓜吸收晒松茸嘅味道😁我哋都未開始打邊爐就差唔多飲晒個湯😂個麻辣湯底都好正，辣到適中而且又冇油膩嘅感覺，用嚟食牛就啱晒😊我哋分別叫咗：手切安格斯牛個牛肉紋理分明，而且切得好薄，淥幾一兩鐘就可以食😙而且牛肉味都幾重二人海盛呢個海鮮拼盤非常之豐富，入面有不同類型海鮮，包括鱔片，海蝦和大蜆等等。啲海鮮非常之新鮮，而且都幾大隻下🤫仲會食到鮮味😄將佢哋放入姬松茸冬瓜湯底到滾下佢😍令到個湯底更加突出鮮打四寶 手打丸肉質彈牙，而且用非常之新鮮我最鍾意食嘅係墨魚丸同蝦丸😀如果下次再嚟😀會試吓串燒

第二次幫襯呢間，平日去都唔洗點等位，但係OpenRice book位就有85折，都唔錯。呢間出色係食材方面，唔會話有咩打卡位甘樣，如果係比較重質，就可以黎試。除左打邊爐，仲會有小菜，刺身，烤魚同埋串燒，款式比較多元化，可以一間餐廳食唔同地方野食😊姫松茸冬瓜湯 - 呢個湯底，偏向清淡，健康，無論大人或小朋友都無問題，呢啲天氣食都唔錯。醉雞 - 因為突然間想食，見有就叫左，不過食起上黎都唔錯，幾特別。雞好有雞味，唔係雪藏雞，而且份量好大。二人海鮮盛 - 之前食過，覺得海鮮好新鮮，所以今次都一如既往甘叫返個海鮮拼盤黎食，質素高，可以一試四寶丸 - 墨魚丸、蝦、牛同埋豬 ，四種唔同款既丸，本人最鍾意牛肉丸同埋蝦丸豚肉片 - 呢個薄薄一片，放落去唔洗好耐可以食，豬肉味好出，清湯既好處就係可以食出肉既原味。好正👍🏻田園盛 - 有蘿蔔粟米同埋時令生菜，粟米好清香炸魚皮 - 呢個都係打邊爐會叫既野食之一，一樣係炸到好脆身甘上黎另外，調味佢會有一個調味盒俾你自己調校，乾淨衛生，疫情期間都可以安心享用。

今日介紹尚鮮火鍋，一間佐敦嘅樓上海鮮火鍋料理。裡面有大水缸，養滿新鮮海鮮，又掛滿傳統燈飾佈置，設計典雅又有特色。血池麻辣湯｜三高茶什菌湯（素）湯底方面想試下唔同口味，所以揀咗鴛鴦，一款辣一款唔辣。什菌湯比較清香淡泊，麻辣湯相對溫和，都適合新手。四圍餃．尚盛｜尚鮮蟹皇餃、松葉蟹皇餃、木耳鮮蝦雲吞、西洋菜香菇餃（各兩件）餃子係呢餐飯入面其中一樣最驚艷嘅自家製食品。每款餃子嘅外皮同餡料都豐富飽滿。特尚手切牛手切牛嘅肉質非常之鮮嫩，口感有嚼勁，每一片牛肉都切得好勻稱，肉味鮮香。齋睇外表已經覺得肥瘦均勻嘅雪花非常吸引，真係好高質！黑豚肉片同樣高級而且味道上得檯面嘅肉食。粉嫩嘅肉塊，切得透薄誘人。食落口都好彈牙，嚼勁十足。正！鮮打四寶丸｜墨魚、豬、蝦、牛（各兩粒）手打丸整得好均勻，質地爽口彈牙，而又足夠實淨飽滿。一碟可以試曬四款口味，抵食！

好耐都冇去廟街行吓啦，今晚放工約埋個朋友去行吓，諗住去食返個煲仔飯嘅，朋友醒起之前去過附近有一間食串燒店都幾唔錯，所以就轉軑走咗上去食。上到去見到有人食緊火鍋，仲聞到嗰陣麻辣香味，完全令我哋一再要轉軑🤣，決定來一個火鍋吧。睇睇餐牌除咗火鍋之外，仲有串燒同私房菜料理。選擇咗鴛鴦鍋🥘，姫松茸冬瓜湯底同埋麻辣湯底，松茸嗰邊味道清甜，松茸入口香氣撲鼻，麻辣呢邊又麻又香。🥢手打四寶丸，食得出完全係人手製作，又鬆又彈，尤其墨魚丸味道最出。🥢手切安格斯牛，牛味濃郁，油花充足，入口又滑又甘香。🥢脆似鯇魚片，份量都唔少，肉厚又脆又彈牙，完全冇魚腥味，唔錯。🥢芝士腸同娃娃菜，正常發揮用嚟吸收麻辣汁最啱。

話說今日同久未見面既朋友聚舊，當然要揾d好野邊食邊吹水，行過佐敦見到間唔起眼既樓上火鍋店-尚鮮，我同友人都係勁喜愛打邊爐，就把心一橫試下，上去發現店鋪佈置幾有日式小店感覺，座位唔算多坐落唔迫店面約500多呎 , 只有8張枱左右 , 坐滿估計容納50人咁上下環顧四周約兩名店員 , 殷勤有禮 , 並會約略同客交流介紹下有咩好推介睇完餐牌同店員推介後首先揀左個姬松茸冬瓜湯，湯底算足料好多冬瓜粒，飲落非常清甜冇油膩感，亦都唔會蓋過其他食材既鮮味 , 相當唔錯章紅魚刺身我同友人都係第一次食章紅魚，好大份啊，一開頭以為係落火鍋食食左一舊 , 後店員先提醒係刺身生食 sosad唔算薄厚厚有口感，食落仲好鮮甜！正😍手切安格斯牛肉黎到見到賣相d雪花就知靚野，果然肉質勁嫩滑，牛味甚濃，有入口即溶既感覺，同一般放題既肥牛相距甚遠啖啖都好滿足～ 必食推介鮮打四寶丸有蝦丸，牛丸，墨魚丸，豬肉丸，食得出自家手打既新鮮同彈牙，各款有唔同特色，同一般急凍丸真係兩個世界，個人就覺得蝦丸最好食，味道無得可挑剔 , 如果可以大粒少少就更佳。黑豚肉片黑豚肉片大大塊肥瘦均勻，食落有油甘香冇豬騷味。沒有油膩感 , 啖啖肉娃娃菜一

如果喺佐敦打邊爐 好多人都會諗起莊士倫敦廣場嘅火鍋店 不過其實附近都有有質素既樓上火鍋店 今晚嚟咗試呢間尚鮮海鮮料理😚呢間餐廳除咗有火鍋之外 仲會有私房菜同刺身 真係好多元化 不過今日試咗佢嘅邊爐先啦🐷火鍋湯底揀咗姬松茸冬瓜湯 清淡嘅湯底飲落有冬瓜嘅甜味 仲唔會令湯底蓋過晒食材嘅鮮味 搞到樣樣野都一樣味👍🏻 而且冬瓜可以為炎炎夏日消暑炸魚皮 脆卜卜 最適合個湯底未滾起嘅時候過吓口癮🐟特尚手切牛 呢種質素嘅牛肉冇可能喺平價嘅火鍋放題搵到🙊 牛嘅雪花好靚 食落好嫩滑 好重牛味 兩個人食 呢個中size就岩岩好🤤芝心獅子狗卷 呢樣好有驚喜 細細粒嘅獅子狗竟然收埋咗好多芝士 食嘅時候差啲俾爆出嚟嘅芝士燙親😂鮮打四寶丸 有蝦丸 墨魚丸 牛丸 同豬肉丸 蝦丸同墨魚丸都好彈牙 牛丸同豬肉丸就好重肉味 每粒各有特色😻娃娃菜 同粟米 真係好新鮮同清甜 份量都好足 感覺呢個邊爐健康咗好多😝木耳鮮蝦雲吞 非常足料 每隻雲吞都有一整隻蝦喺入面 食落好飽滿🤓晚餐食呢個火鍋真係好令人滿足😆 服務仲唔錯㗎 店員有間唔時過嚟幫我不起火鍋面嘅泡泡😛

好友移民，今晚突登揾間沒有用餐時限的餐廳食飯，為她餞行這間火鍋店是另一好友提議的，她說看到open rice有好多人讚，所以想試下。火鍋店地方不大，但坐得尚算舒適。醬油$15一位，有加一收費。我們一行五人點了：香茅花甲雜菌鍋$194 - 湯料有花甲，蝦，菇類同香茅，可惜湯無鮮味，連香茅味都無木耳鮮蝦雲吞$86 - 皮薄饀多，好食黑豚肉片$55 - 略肥，一般白鱔片$127 - 有點腥，一般牛尚盛$368 - 牛肉肉質中規中矩，無驚喜四色丸尚盛$94 - 彈牙好食，每粒丸都有不同饀，有驚喜加分還有其他火鍋料比較普通無特別

加咗人工要食餐好嘅，黎到呢間位於佐敦嘅樓上舖，搭𨋢上到去都唔覺佢係火鍋舖，入到去原來有大約十張枱左右， 而且仲有個細魚缸。 Menu選擇都非常多， 除咗火鍋好多湯底可以揀，海鮮好多種類可以揀，肉類、雲吞、丸、其他食材都好多種類。 原本想食辣但係見到佢啲湯底好似好鮮味咁，就叫咗兩個同菇菇有關嘅湯，一個係三高茶什菌湯，三高茶即係減三高果啲，都好似第一次見要黎做湯底，另外一邊係姬松茸冬瓜湯，店員建議我地一開始飲咗個湯先，本身都好鍾意食姬松茸，加埋冬瓜同瘦肉粒落去煲唔洗打邊爐，就咁飲都已經好好味。 火鍋料方面第一次黎食點啲穩陣野，雖然係穩陣但質素比想像中嘅好，值得一戰。 先黎係四寶丸同雙拼餃。 四寶丸係蝦墨豬牛各兩粒，各個丸都食到爽口彈牙同各自嘅鮮味，尤其以墨丸同蝦丸最食得出好味道。 雙拼餃要咗一半鮮蝦雲吞，一半香菇餃，似乎地係自己包嘅餃，皮唔太厚太薄剛剛好，而且用料豐滿，非常唔錯。 跟住跟住就梗係打邊爐唔少得嘅牛啦，要咗本地手切牛同，手切short rib，兩者各有特色，各有口感，各有好味。 差啲唔記得講埋個響鈴，其實一開始已經上咗，新鮮炸出黎我地連湯都未滾就已經清晒，超香脆。 另外佢地嘅服

有日經過佐敦，心血來潮想打邊爐，於是要搵咗間望落去質素幾高嘅火鍋店朋友shabushabu下～我哋揀咗鴛鴦湯底，一邊係三菇湯底，一邊係麻辣湯底。麻辣湯底值得一試，啲料浸落去真係索晒啲味。反而三菇湯底略嫌似清湯，唔太食得出有菇味，但入面啲菇係幾好食嘅。見到有一版menu都係牛，所以就嗌咗手切安格斯牛肉，食落去肉感幼嫩，同平時任食嗰啲真係唔同，果然要單嗌先會食到呢種質素嘅牛肉。當然唔少得叫牛柏葉，配埋豬皮，一上枱見到啲牛柏葉好大塊，應該唔會好似平時咁淥淥下融咗消失埋。果然皇天不負有心人，淥完好易搵返上嚟，仲唔會縮水縮得好誇張，算係打邊爐嘅一大樂事。我哋仲嗌咗啲丸類，分別有椰菜香菇餃配雲吞，同埋四寶丸。兩碟都真材實料，餃入面啲餡冇濫芋充數，香菇餃皮薄餡靚，鮮蝦雲吞連入面啲豬肉都係鮮嫩嘅。平時打邊爐都係食牛丸貢丸腸仔呢啲加工丸，四寶丸係免治肉丸同埋墨丸滑蝦滑，雖然係貴咗啲，但都值呢個價錢。另外麻辣湯底真係唔惹小，所以我哋嗌咗兩罐椰青水解辣，但成餐飯都食得好開心，因為係樓上鋪，都幾有私人空間。

久聞尚鮮大名,果然名不虛傳。同朋友黎打邊爐,叫左兩款湯底,都係清清地既養生湯底,飲完湯我就先開始打邊爐。我地例牌都會叫肉同埋丸。有牛,牛就係入口即融,豬都好特別,好快就食得。丸有幾款,係佢地手打既,有牛丸、豬肉丸、墨魚丸等等,口感豐富,好味道。仲有蔬菜盤,有粟米、蕃茄、娃娃菜等,好豐富又有營養,唔洗諗叫咩蔬菜。粟米好鮮甜。我地叫左D可樂同汽水已好夠。店員服務好,不時幫我地整走鍋上既穢物,值得一讚!

想係屋企打邊爐又唔想煩要周圍買料，而家有係呢間「尚鮮海鮮料理」幫到你！呢間位於佐敦既火鍋店，除左可以堂食同朋友一齊吹水打邊爐之外，最特別係佢既火鍋竟然可以外賣一入門口就見到大大個水缸，入面大大條龍蝦，好吸引！火鍋料呢到都好足，午餐肉、丸類、豬牛雞海鮮通通都有！今日外賣左返屋企人食，連湯底調味料都包埋，返屋企倒出黎加熱就食得，勁方便！湯底係雜菌素鍋，好清甜無乜油，唔錯。調味料都提供埋，自己切都唔洗黑豚肉片，好軟身，好重豬味，幾高質魚片夠新鮮，爽口，每一片都大大塊，無乜碎塊，有時去火鍋店堂食叫到黎都係斷頭斷尾，放完落個煲到都搵唔返好似消失左咁。呢到件一件食材都確保一定要係完完整整自己包既香菇餃子，啲餡滿晒，食落入面啲菜同菇爽口一粒粒，好有咬口菜都好新鮮，無乜爛菜無乜黃，良心

同朋友第一次嚟呢間餐廳😊湯底雙拼 $165麻辣湯底+什菌湯，什菌湯底裏面真係有兩包茶包，愈煮愈香濃，茶湯香口，可以更加帶出食物鮮味。特尚手切牛 $180牛肉片非常軟滑，而且油脂平均，滲出濃濃牛肉香味，值得一讚。🥩鮮打四寶丸 $86四種口味: 豬肉、牛肉、墨魚、蝦，唔同口味適合多人聚會。入口彈牙，味道濃，爽口🐷🐮🦑🦐花甲 $119大大隻，感覺新鮮，值得一讚係入面完全冇沙，店員清洗得好乾淨😊職員服務態度十分良好，主動更換碟子，斟水~

好耐都冇食過打邊爐啦聽同事介紹呢間打邊爐食材好新鮮之餘價錢仲好相宜 今日就同老公嚟試試佢啦一坐低就俾佢餐牌上面嘅牛三拼吸引咗有三種唔同嘅牛 估唔到牛柳粒都可以用嚟打邊爐 食起上嚟仲好有肉汁 完全顛覆我對打邊爐嘅想像至於手打丸都可有誠意每一粒入面都包有唔同嘅餡 最印象深刻一定係松露豬肉丸 黑松露味一啲都唔會太勁又夠香午餐肉排到好靚 忍唔住食吓一條又一條估唔到兩個人都清得晒一碟蔬菜拼盤好新鮮 一面有生菜油麥菜番茄粟米同蘿蔔 入面嘅粟米真係好甜仲有脆肉魭切到厚薄啱啱好又好有魚味連一向怕腥嘅我都忍唔住食下一舊一舊

雖然天氣好熱，但突然好想一大班人打邊爐，而家疫情4人限聚，唯有叫fd上黎屋企打，不過最煩就係周圍買料買湯底。有朋友就介紹左我黎呢間尚鮮，竟然火鍋都有得外賣呢到係單點邊爐，不過唔會睇黎睇去唔知食咩都可以叫套餐。呢到叫外賣返屋企，包埋湯底豉油調味料，真係一條龍服務!打邊爐丸類午餐肉基本啦，仲有台灣黑椒腸，唔錯，不過呢啲都只係前菜黑豚肉，啲紋好靚半肥瘦食落好軟身，而家豬味極出！餃子大大隻，入面啲料都好足，睇得出係自己包，入面塞滿西洋菜同香菇，食落脆卜卜好有口感。鯇魚同白鱔，估唔到都幾多片，好新鮮，勁脆勁爽口，好高質！手切安格斯，望落都知好軟身，好好食，勁重牛味，必食呀！估唔到打邊爐都有一條龍外賣，又抵又好食，下次約fd打邊爐唔洗再R晒頭！