人氣馬拉餐廳馬六真心幾好食，價錢唔貴但份量十足，全港已經有好多間分店，所以食咗好多次啦，每次食完都覺得好抵食好好食。 辣菜圃排骨飯😌😌😌超多件排骨大大件，煮得夠淋身容易咬，配上少少辣菜脯調味，好香好好味！加咗小食蝦多士，新鮮即炸蝦味香濃，配上少少千島醬汁超正。 咖喱豬扒配米飯 豬扒正，邊邊位有少許脂肪😍咬落香脆，最緊要豬扒，真係幾厚身，性價比高。佢哋嘅咖喱味道香濃，豬扒沾上少少已經好香，咬落去脆口整體一流。

PORTON喺元朗已經好幾年，日頭係咖啡店晚上變成西餐廳，裝修以灰色水泥牆為主調走工業風路線，十分型格。周圍都係打卡位，門口仲有bar枱位用黎打卡就一流。 仲係寵物友善餐廳，坐門口sofa打卡位就更好~而家晚餐自選主菜然後加$58就可以有前菜、甜品同埋飲品，前菜都幾大份感覺幾抵! 前菜食咗三文魚沙律同龍蝦湯，龍蝦味道香濃熱辣辣超好飲🌟推 香煎鵝肝安格斯牛肉漢堡包薯條 呢個好抵食，有牛肉漢堡、鵝肝、芝士同菜等等。塊牛肉厚過漢堡，一啖係咬唔曬咁多層。鵝肝肥美，入口即溶濃濃油脂香，薯條係即炸油而不膩，仲有少量沙律平衡下。 香煎澳洲西冷牛扒、煎蛋、薯餅、烤串茄、大啡菇、沙律 食落類似all day breakfast~牛扒5成熟，切開肉質熟度剛好，都幾厚肉，中間內裡粉粉地色。煎蛋煎得靚，蛋黃仲係流心🌟食落都唔會太油膩。 套餐仲包埋甜品，分別要左Earl grey同Blueberry cheesecake賣相好靚 。

呢間廚師發辦真係性價比好高😃呢個價錢可以食到25品，特別推介佢哋有原隻新鮮龍蝦😋好正啊!!! 逸 $1580@ 松葉蟹肉加沖繩水雲
酸酸甜甜易入口，加上清甜蟹肉。 北海道產磯粒貝
質感嫩滑有咬口，吸收晒醬汁嘅香味。 鮟鱇魚肝  大大片鮟鱇魚肝口感滑嫩細滑入口即化😋 鱈魚白子
白子咬落去好香入口柔滑順口，味道鮮甜✨沖繩產海葡萄清清地令白子味道更出，另外配上醋、蘿蔔蓉調味。 海鱸魚薄切  白身魚味道清，入面捲住鮮甜十足嘅海膽豆腐，整得好靚好吸引。

北海道北寄貝
非常之新鮮，因為上枱嘅時候仲係識得郁! 龍蝦刺身
龍蝦刺身好嫩，有少少甜甜的味道，咬落爽甜，加少少豉油已經好好味，師傅話佢個蝦頭仲會拎去熬湯俾我哋飲！ 鯛魚
鯛魚係上等魚嚟㗎，上面加咗少少鹽調味。 赤貝
師傅即場拍一下令肉質收縮更爽，證明真係好新鮮！ 深海池魚包蟹膏豆腐
一向超鍾意食深海池魚，因為佢油脂豐富😆 有白身魚嘅爽口又重油香。 鰤魚
成年油甘魚😀魚肉嫩滑油份重! 就咁食已經好正！ 令和怪物 生蠔
中size~口感偏軟身，重海水味感覺正。 喜知次
輕輕火炙，魚皮燒至微焦，入口有焦香肉質緊實。 吞拿魚腦天
矜貴又肥美嘅部份，成條魚100幾公斤先得幾片，係吞拿魚嘅天靈蓋🫢 吞拿魚赤身馬糞海膽蘿蔔苗  兩樣極品吞拿魚同海膽做配搭😇諗吓都知好食，平時好少食到蘿蔔苗，食落勁香羅蔔味，有少少澀又幾得意。 吞拿魚蓉海膽
超鍾意呢個，用最中餅夾吞拿魚蓉、海蓉、魚子醬、三文魚子，淨係睇到食材已經知道好食，最中餅脆脆口感咬開就有軟滑海膽! 蟹膏鮑魚
蟹膏好濃好香唔會太鹹，今日師傅比咗好多醬，好正！ 甘鯛立鱗燒
肉質特嫩，先將魚鱗一面炸脆，再以滾油淋上魚肉，咁樣件魚肉就唔會熟過龍，又食到佢脆脆嘅鱗片😀 拖羅
最緊要夠肥，充滿油香

花咲蟹
啖啖肉啖啖清甜 😀花咲蟹本身係全身刺，好難拆肉~辛苦晒師傅 白海膽
新鮮海膽，放喺鱈魚乾上面，加咗少少淡雪鹽令鮮味更出，入口香軟。 布丁蛋
江戶前做法，代表呢餐要結束。

龍蝦慕茸菇清湯
師傅拎咗頭先個龍蝦頭攞去熬湯，仲有成個龍蝦頭喺度😋加少少慕容菇已經足夠提鮮。 赤肉蜜瓜+十勝紅豆咖啡杏仁雪糕
蜜瓜好甜😛

今天去了一間我好想去的鐵板燒「龍亭」，他有幾款廚師發板套餐，我叫了$588的入門版（五道菜），有沙律、海鮮二品、肉料理一品、炒飯及甜品 沙律(煙三文魚、黑魚籽、沙律菜、黑醋、柚子醋）： 煙三文魚鮮味和煙熏風味，與黑魚籽的美道很配合。沙律菜的清脆和黑醋也十分配合。而柚子醋帶來了一絲清新的果香，非常美味。 鐵板燒（蒜香鮑魚、帶子、白鱔）： 蒜香鮑魚的口感鮮嫰，蒜的香味帶起了鮑魚鮮味。帶子味道鮮甜，而且口感十足。白鱔肉質彈牙，味道很好，鐵板燒的獨有焦香，令味道提昇了很多。 鐵板燒(澳洲牛柳粒)： 澳洲牛柳粒的嫩滑口感和濃郁的牛肉香味，經過烹調後保持了肉質的鮮嫩和肉汁。每一口都能夠品嚐到牛肉的鮮美和嫩滑，鐵板燒的獨特焦香令使牛肉更加美味。 海鮮炒飯： 炒飯的米粒鬆軟而有咬口，與蝦的鮮味完美融合。調味料的適度使用使整道菜的味道平衡而不油膩，保留了蝦的原汁原味。 柚子雪芭： 柚子的酸甜味和清香與雪芭的冰涼口感非常配合，每一口都能夠帶來一陣清新的味道，非常適合夏季享用。 龍亭 佐敦寧波街27-31號地下A-D號舖 #佐敦美食#鐵板燒#廚師發板、肉料理#香港探店#香港美食地圖

餐廳個名好特別，之前都有留意過，午市定食由百幾蚊起，中環日本餐廳來講算幾抵😊有前菜、麵豉湯、茶碗蒸、主食，咩都有齊一定夠飽。餐廳裝修好靚，樓底好高，又有大大個玻璃窗，環境舒服! 特上刺身丼•特盛雜錦魚生飯 刺身款式有帶子、吞拿魚、鯖魚、三文魚、深海池魚、魷魚同三文魚子🦑款款新鮮色澤靚，吞拿魚最香最好食🤓深海池魚油份充足，口感正好香魚味。另外帶子都好鮮甜👍🏻 佢地用醋飯做飯底，唔使再額外調味已經好好食

未去過北海道但就食左北海道鄉土料理😆成吉思汗燒肉主打烤羊肉。佢哋嘅鍋係圓拱形，蔬菜放喺邊緣位置，將肉類放喺中間，咁肉類嘅油脂肉汁就會流落啲菜到😊令啲蔬菜更加香！傳統就淨係食羊肉，嚟到香港調整左，所以有羊、牛、雞、豬、海鮮等等，咁就個個都啱食！ 食烤肉點可以唔食和牛😊 日本和牛三角胸牛小排色澤紋理都雪花狀態，每一舊都比較厚身，所以咬落去口感鬆軟。 香蔥薄燒牛舌嘅精髓就係炸蒜同蔥✨將牛舌燒熟咗之後中間夾滿厚厚嘅蔥同蒜，唔使點樣落醬汁已經好好食。 美國安格斯牛小排脂肪比例少啲，食多幾件都唔怕肥肉味比較重。成吉思汗烤肉主打羊點可以唔試吓，羊頸柳好大件本身以為會好騷，原來都唔係，有羊肉香夾埋洋蔥嚟食幾吸引。 西京豬頸肉非常之爽口，感覺又唔會好肥，豬頸肉點少少檸檬汁，更加能夠帶出脂香。柚子雞腿份量比較大，雞肉連雞皮一齊燒至焦脆！ 生燒活白鱔🤓先燒皮再燒肉，最後加少少蒲燒汁再燒一下就大功告成。食果時外脆內裡嫩的肉質爽口😊 桂花烏龍水果茶🍹飲算太甜，入邊有百香果同橙等等。

銅鑼灣真係好多正嘅餐廳☺️餐廳位於鬧市嘅亨環超方便，入到去座位好舒適，有塌塌米位適合大班人聚會！特別推介和牛omakase，款式份量質素都很好，和牛靚🫶🏻

日本A5和牛廚師發辦 $688
❁ 前菜
間白水雲 活貝

❁ 刺身
赤蝦，深海池魚

❁ 大根A5和牛TaTaki
和牛表面輕輕炙燒烤過，所以邊邊位置焦脆，肉質肥美紋理靚✨內部還要保持半生狀態粉紅色好靚。底部配咗啲生洋蔥、日本紫蘿蔔同埋芝麻汁。

❁ 煙燻芝士配牛舌
師傅即場燒熱芝士，暖笠笠建議細細啖食，勁香。可以食咗一啖芝士，再夾埋牛舌食，有牛香同時又芝士濃郁香。

❁ A5 和牛壽司
輕炙A5和牛再卷住少少飯，A5和牛火炙後半生熟肉質軟嫩，加上特製嘅醬汁、紫蘇葉、蔥絲、芝麻一齊食。先有和牛脂香，再加上紫蘇葉獨特香。

❁ A5和牛蒸籠鍋
職員將成個蒸籠放枱面，蒸和牛只需要幾分鐘，過程入面職員會打開幫手將和牛翻轉，和牛剛剛熟就可以食。和牛油脂紋理鮮明，滿滿脂香，食嘅時候仲係粉紅色，肉質軟熟牛味濃，和牛可蘸上蛋漿平衡味道。底部嘅菜吸左和牛嘅肉香，

❁ 迷你和牛素麵
上面嗰片和牛仲係粉粉嫩嫩✨見到已經好吸引。素麵口感柔軟份量剛剛好，湯底清特出和牛香~

❁ 甜品
開心果紅豆雪糕，靚靚打卡

Hika丼 $488
入面嘅食材都好高質素，火炙A5和牛、大拖、海膽、三文魚籽同松葉蟹肉。

鹽燒活鰻 $98
大葉豚肉卷 $48
特選牛舌 $78

紅磡特色沙縣小食，價錢唔貴平平哋好親民😋🌟樓面姐姐好有禮貌，會主動推薦佢哋嘅嘢食，幾十蚊已經食得好飽，而且好好食！ 招牌蒸餃 $35 佢哋嘅蒸餃好大粒好抵食，即使用蒸籠粒餃子仲可以原隻夾得起😱師傅包得好有技巧。餡料多，一路食淨係諗到好食真係好抵食 高湯雲呑 $30 呢種係皮薄而細細粒嘅雲吞，咬落去非常之爽脆，所以好似細細粒嘅肉丸，加埋少少紫菜同埋蔥花，清清地幾好味。 麻辣汁拌餃 $38 呢種即係蒸餃，再加上佢哋秘製麻辣汁😋本身蒸餃已經好香好大粒，加咗辣汁之後更加有層次。 豬肝 $45 很好吃🌟豬肝先經過油炸，再加入辣汁、炸豆乾、芽菜炒熱，聞落已經好香口好惹味。份量好似一碟主餸菜咁多好抵食！ 牛𦟌 $53 好香牛味✨食到底知唔知個底嗰啲青瓜絲，同埋有少少酸味嘅辣汁，如果早啲發現就可以將啲牛𦟌點多啲汁，更好食。

荔枝角新開有格調Cafe☺️環境好靚好舒服，以深色木系裝修為主，燈光比較昏暗座位闊落係個傾偈好地方。餐廳名叫做孵化生活，感覺餐廳老闆對生活有要求有品味。 午市套餐有前菜主食同飲品，非常精緻。 前菜有黑松露泡沫蘑菇湯，兩塊黑色麵包好得意，有少許鹹味而且烘到脆卜卜🌟非常推介。田園沙律配有各種水果、腰果等等，好豐富。 ❁ 美國安格斯牛沙朗 $188 牛扒揀咗五成熟☺️切開仲係粉紅色好嫩滑，油脂分布平均，所以口感唔錯。底部配有三色椒同埋菇，薯條每一條都脆卜卜。 ❁ 一樓沙律 $128 佢哋嘅沙律好特別，沙律菜用玻璃兜裝住，自己親自加腰果芝麻醬/柚子汁落去，到出嚟之後就可以加其他配料。配料擺盤好特別，一個個細兜仔裝住，有腰果、麵包粒、牛油果、雞肉等等。有得食又有得玩☺️仲可以自己控制沙律醬份量，真心好正。 ❁ 巴斯克蛋糕 太想食甜嘢，佢哋嘅巴斯克蛋糕好出色，特別在於佢哋中間係軟心🌟🌟🌟近排真係好流行，而且食落唔算太甜，非常驚喜❤️❤️ 嘢飲揀咗熱latte拉花出色，expresso tonic好大杯好抵飲😋 📍 孵化生活 (荔枝角) 荔枝角青山道495號誠信中心1樓2號舖

海膽主題餐廳🌟環境氣氛一流 而家星期五六晚仲有Busking表演😇可以點自己嘅歌😌佢哋嘅真係唱得好聽㗎，而且唔係清唱，每首歌之間都會分享少少感受，所以一啲都唔悶。唱歌嘅位置係露台，會望到高樓層嘅景色，感覺好舒服。到咗晚上8:30就係happy hour串燒套餐🤓4串串燒加嘢飲，只係$98好抵食。 前菜堤魚醬配上蘿蔔，青瓜，紅蘿蔔，食落去味道偏向鹹，但幾好食。美國生蠔 細細隻但係味道香濃，比較甜身。 慢煮雞胸無花果沙律 推🌟好好食，慢煮雞胸非常之嫩，而且大大件。沙律菜係羽衣甘藍，佢哋剪到細細片容易入口。 海膽蒸蛋 呢個好抵食咁精緻咁靚用嚟打卡一流❤️入面有超多三文魚子，同滿滿海膽，啖啖鮮味。 海鮮蒸蛋同樣好精緻，入邊有大大粒三文魚，蒸蛋吸收咗海鮮嘅鮮甜，食落去好滑。 立鱗燒係好出名嘅日式煮法，用熱油一勺勺淋在魚鱗上，讓鱗片層層立，肉質保持嫩滑，再配埋creamy既海膽汁 ，是日最愛 海鮮蒜香意粉麵質幼細，咬落去軟滑，醬汁分量剛剛好味道比較清，女仔應該會好鍾意❤️ 香煎西冷牛扒好大件，脂肪比例較少，所以肉味比較重。好大件好吸引🌟 串燒方面好豐富，雞翼尖、秋葵豚肉、蘆筍豚肉、青椒仔、雞肉大蔥、橫隔肌wasabi、雞腎，燒得火候剛剛好，唔算好油膩。