尚鮮海鮮料理

營業中

休息中

政府俾左消費券，一定要約埋朋友出去食番餐好野，以慰勞一下自己。又藉口慶祝一下香港在奧運奪得1金2銀。朋友早前嚟過呢間尚鮮，話食材新鮮，非常好味。所以，我今次就約埋佢，上嚟試一下，正唔正先!朋友同我都唔食辣野，所以，我地首先選左一個清湯底，無咁肥膩。安格斯牛肉（必選）🌟🌟🌟🌟🌟～超，超，超，超好味。一見到，口水都流埋。色澤鮮艷，網型肥紋，肉質非常嫩滑。下湯涮一下，即刻攞上嚟就可以。配埋我自家製的配料，可以話一絕。👍👍👍👍👍鮮打四寶肉丸（必選）🌟🌟🌟🌟~肉丸有4款，每款兩粒，看上去非常精緻吸引。而且肉質軟滑彈口，讚!黑豚肉片~ 一樣吸引，肉味十足。脆肉鯇片～魚片非常新鮮，非常彈牙，爽脆，沒有腥味。一句到尾，食材非常新鮮，想打火煱，必考慮之選。

幫襯尚鮮海鮮料理店多年，喜歡他們崇尚食材新鮮，店面雖小，衛生一向搞得好，食材多年保持高水準，抽風該唔錯，食完不會一身油煙味，且一段時間又有新款推出。今晚經過佐敦又心思思上去食火窩， 疫情關係佢哋把手衛生更加嚴謹，進門侍應便用酒精為我們噴手，令人心更加安。今次見他們推出了新火窩底"三高茶“，咋看心想食完會否就有三高。出於好奇在谷歌搜查，才知三高茶實為南非國寶茶，具有抗衰老功效，可清除有害人體健康的壞分子——自由基，也有預防腫瘤和冠心病的作用。既然有益就點三高茶鮮菌菇來試試，味清清淡淡來焯肉也夾順便去油膩。來到不免要點他們的安格斯肥牛同埋全人工手製嘅四色丸。 安格斯肥牛一如既往雪花均勻、肉色光澤鮮紅，不太肥，厚薄切得剛好。放喺茶湯內灼幾秒剛熟，入口嫩，油脂即溶肉味滿滿，滲出香濃牛肉味。四寶丸為鮮牛、鮮豬、鮮蝦及鮮墨魚丸，款款鮮材料人工手打，食得出的汁多肉彈牙，鮮肉刴碎搞成膠再人手達到彈牙，真係功夫菜。木耳鮮蝦雲吞及西洋菜香菇餃兩樣都係人手即日包製，食材新鮮味道醃得剛好。田園盛款款蔬菜均取材有機農田所以份外清甜爽脆 。

同老公慶祝生日第一炮，我地簡左位於佐敦站附近嘅<尚鮮火鍋海鮮料理>，放工過來非常方便，而且之前食過，對佢哋嘅食材質素好有信心，今次再來，果然冇令人失望吖!!餐廳雖然不算好大，但枱同座位都好闊落，絕對吾會覺得好迫，仲坐得好舒服，而且我好鐘意呢度好有日式居酒屋的小店感覺，可以慢慢傾住計，嘆住甘打邊爐，亦唔會趕客。先來火鍋調味料，足足有十款，客人可以自由配搭。<湯底：98三高茶什菌素鍋>湯底以什菌為主要材料，菇味好香，味道清甜。<手切安格斯牛肉>牛肉非常新鮮，油花好靚，而且油脂分佈得非常均勻，色澤帶紅，厚度適中，不會過薄。只要將牛肉放入湯底，輕輕灼一灼，就已經非常好食。牛肉入口極為嫩滑，而且仲有好濃郁嘅牛肉味，不用太多調味，已經好完美。<黑豚肉片>黑豚肉片肥瘦適中，肉質鮮嫩，入口亦完全沒有根同揸，值得推薦。<脆鯇魚片>脆鯇魚片肉每一片都切得好厚好大塊，入口非常爽滑彈牙，而且仲帶有魚肉的鮮甜味道，非常新鮮，絕對係必食之選。<四色丸尚盛>四色丸入面，包括有金沙鮮牛丸、松露豬肉丸、甜薯墨魚丸及芥末籽蝦丸

突然想打邊爐又唔夠時間去街市買嘢，屋企人提議火鍋店外賣係個好選擇。而且仲有好多外賣自取做緊特價添☺️特別係佐敦火鍋店多，附近收工拎返屋企又可以睇東京奧運慢慢食🥳🥳呢間之前試過堂食，印象中材料新鮮，特別係海鮮😊湯底材料都好足。今次外賣二人set,考慮到同屋企人夜晚想食清啲😅所以湯底揀咗三高茶什菌湯。個湯好香鮮菇味，唔會影響到牛同海鮮本身嘅鮮味不得不佩服，外賣包裝得非常好👍🏻所有食物底都有椰菜，如果海鮮出水都唔會整濕個盒。湯底用錫紙袋包裝得好完美，最正係蒜蓉係新鮮即磨😃醬料必備辣椒蒜蓉。盒牛雪花適中睇落已經好正，食落好軟熟好重牛味同個湯底好夾。每塊都好厚身👍🏻白鱔好肥美好大塊，好有口感個蠔都好得，熟咗都冇嘜縮水😬蝦好大隻，食落勁彈牙😌四寶丸（豬肉、牛肉、蝦、墨魚）全部都好足料彈牙今次外賣火鍋好滿意，樣樣都好食。海鮮真心推介👍🏻不過海鮮種類會因應當日情況而決定，之前試過其他海鮮都好滿意，對呢間嘅海鮮好有信心😊位置方便，就喺永安附近，大中華後面上一層。店內位置唔多，但座位舒服，好啱聚舊吹水。附近幾間火鍋店都試過，呢間係唯一一間會encore 😃

天氣咁鬼死熱辣辣，都無阻香港人去打邊爐，今日約咗一個好耐冇見嘅朋友，請我食餐飯，咁我就唔客氣啦！於是我哋去咗佐敦一間嘅樓上火鍋店！入去環境都靚，地方夠闊大，氣氛夠晒舒服。好啦，事不宜遲啦肚仔餓啦，睇吓個餐單先！有唔同嘅湯底任大家選擇！亦都有唔同新鮮嘅火鍋素材，當然除咗火鍋之外亦都提供咗好多唔同日式料理！有刺身，有燒物！咁我哋嗌左餐廳限定嘅養生鍋！蟲草花花膠燉雞湯底湯底非常之清！配料非常之多同豐富，落咗好多蟲草花，花膠，雞爪，豬肉，飲落去非常之香甜可口！花膠同蟲草花好爽甜，雞腳亦煲到得好淋入味！非常之好飲！安格斯牛肉呢個一定要嗌，因為真係超級無敵好食，油脂分布平均，中間仲有層軟骨，香滑，好濃嘅牛肉味，爽口！雙拼餃子雲吞鮮蝦木耳雲吞，非常之好食，蝦肉大大粒粒，木耳爽口，豬肉香濃！西洋菜餃子亦都非常之好食，豬肉多多，西洋菜豐富！四色丸尚盛老闆手打自制，打到起膠，食落去爽口彈牙，肉味都非常之鮮甜，同機器整出嚟係完全唔同。黑豚豬肉片肉味香濃，唔會切得太厚，油脂分布平均，食落去唔會嚡熠熠，油麥菜洗得好乾淨，同切得好整齊，塊塊都鬼咁靚，唔會有爛葉，烚到岩岩好，清租爽脆！服務員態度非常好，幫我地預備好

餐廳環境整潔，配以簡約嘅日式裝修，座位整齊闊落，坐得舒服。打開Menu發現 “尚鮮” 除咗火鍋仲有刺身、私房料理同串燒等提供。今晚想打邊爐於是點咗個湯鍋。香港人平時好少響屋企飲到靚湯，嚟到喱到真係要試吓佢嘅湯。“姬松茸冬瓜湯” 姬松茸食療價值好高，具有健腦、益腎、降血壓、膽固醇、血糖及改善肝功能等功效，而冬瓜係夏天湯水嘅主要食材之一，有助清熱解暑、消痰及止咳。冬瓜粒、豬肉粒加入姬松茸嚟煲，味道清潤，補而不膩。飲咗幾碗靚湯後就叫職員加入上湯繼續打邊爐。 今晚叫咗幾樣食材，每樣嘢都好新鮮！手切安格斯牛真係好正，油脂分佈平均，肉質鮮嫩，厚薄切到啱啱好。放入湯度淥幾秒就食得，入口充滿肉汁同濃郁嘅牛味，必食！二人海鮮盛賣相真係好吸引，帶子、海蝦、花枝片、紐西蘭蜆、廣島蠔，每一樣都唔會令你失望，帶子鮮甜，海蝦爽口彈牙，花枝片嬾滑爽口，紐西蘭蜆鮮甜帶海水味，廣島蠔够哂鮮味。 鮮炸脆響鈴新鮮即叫即炸，食落去嘅口感酥脆，浸落湯度吸少少湯汁直頭令響鈴味道再昇華。鮮打四寶丸牛肉丸、豬肉丸、鮮蝦丸、墨魚丸，每款丸都由人手新鮮製作，食到食材嘅鮮味，口感特別爽口彈牙！娃娃菜好新鮮，味道清甜。火鍋食材，無論肉類、海

ᶠʳᵉˢʰⁿᵉˢˢ ᵒvᵉʳˡᵒᵃᵈᵉᵈ 👃如果唔係fd話我知佐敦有一間叫尚鮮既火鍋店，我應該成世都唔會知有一個咁既地方😂因為間野實在太隔涉。but anyway 我又再次抱住獵奇既心態去嘗鮮，發現間野雖然略嫌有少貴，居然驚人地好味！首先我想講下個湯底姬松茸冬瓜湯（$94)，好好飲，消暑不在話下，重點係啲冬瓜粒同小菇菇☺️真係多到一個點，我同友人食足全晚都仲有 xd 配料首推手切安格斯牛（$209) 同鮮打四寶丸（$86) 。前者肉味濃，而且好鮮（唔係腥），雖然你睇幅圖都知佢唔夠油脂感，但佢食落嗰下咬口真係啱啱好同會令人上癮，可謂一吃難忘；後者四寶丸分別係指牛、豬、墨魚同蝦丸，四者都食得出真係手打唔係機製，因為我第一次食咁有口感既丸ssss，食落唔會太硬又唔好一咬就散，而係恰到好處。雙併餃子（$96) 都值得推介，餃子既內餡係西洋菜同香菇instead of平日經常食到既菜肉，雲吞所用既鮮蝦來自本地，大大粒配合雲耳同肉碎爽口又入味。不過成晚重點真係湯底同侍應們勁殷勤嘅服務，全晚不斷幫我同朋友不走浮喺煲面嘅泡泡💛🥺愛！

尚鮮呢間火鍋🍲真係可以話由細聽到大😎天氣越熱越想開住冷氣打邊爐😆收工諗唔到食咩就去食打邊爐啦😛上到去，一入門口，職員就會即刻用消毒酒精噴你清潔雙手，之後就會俾個餐牌你睇下㨂咩湯底，食咗咁多次，次次都會有一兩款新出嘅湯底，今次就係「98三高」養生湯😯一開始我同朋友以為呢款湯飲完之後會有高血壓高膽固醇高血糖🤣🤣點知原來其實佢係一種茶🍵係一種高抗氯化、高礦物箕、高山成長既茶葉，加埋新鮮既菇類，調配成嘅湯底😄本身打邊爐就熱氣，好似配左呢個湯底，感覺健康啲😛可以食多啲都唔怕😆嘢食方面，點少得至愛既安格斯牛肉😍薄切、紋理分明，肥瘦啱啱好，正👍🏻👍🏻脆鯇魚片大大塊，冇咩血水，唔會硬，感覺新鮮切出嚟既，淥30秒左右就已經夠熟，捲邊，食落口好脆爽😄仲有尚鮮四寶丸，墨魚丸、牛丸、豬肉丸全部都係新鮮手打，唔係街市一般貨色👍🏻彈牙😋😋食到最後，個湯已經入曬味，就係時候食烏冬了～～呢度嘅烏冬仲要係讚岐烏冬🤩🤩吸收湯底精華，簡直一流！啲蔬菜🥬都好新鮮，唔會又梅又爛咁，整整齊齊，食落都好味啲😌😌最後再試左一個串燒🍢雞皮墨魚丸，價錢小貴，$38得2塊仔🙈不過係好脆，熱辣辣，外脆內軟👍🏻尚鮮真係幾時食質素都維持到😄環境

今日同友人一齊黎到佐敦食朋友介紹既邊爐—尚鮮，離佐敦地鐵站3分鐘左右，地點方便👍🏻店舖空間唔算大，所以預早訂位比較穩陣啲餐廳提供好多菜式，有串燒、刺身、打邊爐、炸物等等，啱晒乜都想食嘅朋友😎但係我同有人都想打邊爐所以最後淨係嗌咗打邊爐嘅嘢食我哋嗌左98三高茶什菌湯$119，湯底10分鮮甜，啲味好出，將啲菜浸落去滿滿嘅什菌湯味，正👍🏻我哋嗌咗一款魚一款牛肉一款豬肉同埋一款丸脆鯇魚片$72好新鮮，冇魚骨，食落去好脆，啲肉質彈牙，份量都好多手切安格斯牛$209超靚雪花，入口即溶，正👍🏻黑豚肉片$55切得好靚，肉質唔錯，食落去豬味濃，唔會好油，不錯👌🏻四色丸尚盛$86四款丸都好有特色，分別係金沙鮮牛丸、松露豬肉丸、甜薯墨魚丸同埋芥末籽蝦丸，每一粒丸都好有彈牙，口感10分豐富，我就最鍾意食墨魚丸嗰隻味好濃味，正👍🏻娃娃菜$39新鮮，甜、同埋湯底一齊食有濃濃嘅什菌湯味醬料方面，有好多選擇，例如有辣椒、蔥、芫荽、蒜蓉，麻油等等另外一提，呢度間唔中有唔同嘅推廣可以一試👍🏻最後，一定要讚下呢間餐廳嘅服務質素10分好，店員會周不時幫手隔走啲油，我哋完全唔使郁手，佢哋都會主動幫我哋，又會主動幫我哋拎走食完嘅

剛巧經過佐敦，約朋友到尚鮮吃晚餐。鄰近地鐵站，可以先約朋友到地鐵站B出口等，再步行過去都很近。店舖佈置就像進入了日式小店，入口是紅色的布簾，店內掛著圓形的日式紙燈籠。店員有禮地遞上餐牌，由於時間尚早，所以決定吃火鍋。湯底是姬松茸冬瓜湯，用料十足！很多姬松茸及冬瓜粒。姬松茸很香，用來熬湯一流！打邊爐較熱氣，加上冬瓜粒便會減少燥熱。上食物前，職員先給我們醬料，有麻油、醋、芫茜、芝麻、沙茶醬、薑蓉、蒜蓉、炸蒜、蔥粒等，豉油麻油就另外一支支排著。手切安格斯牛雪花很均勻👍有口感，大大片。而且有心思，把牛肉中間再薄切一半，更快熟，牛肉口感更好，真的手切才做到。有肉味，優質牛肉。黑豚肉片大大片，以黑豚肉來說，這個價錢是超價！雙併餃子是西洋菜香菇餃及木耳鮮蝦雲吞。西洋菜餃加入馬蹄，所以很爽。雲呑大大粒，用料充足！鮮打四寶丸是手打丸，有牛丸、豬丸、墨丸、蝦丸各兩粒。丸子的大小剛剛好，彈牙有口感。鮮炸脆響鈴共4客，脆脆的，是打邊爐必點之選。唐生菜 很新鮮，可以用來吸收湯的精華。

今日去左佐敦見到這間尚鮮海鮮火鍋，餐牌介紹打邊爐又可食魚生同生蠔就好想食😍 （原來魚生要預先預約先有）好彩都食到生蠔😁 生蠔够鮮味😋 這款法國生蠔 size 不太大，但頗鮮味，好食😋😋 同朋友商量點左鴛鴦火鍋湯底麻辣同98三高茶什菇湯，這到麻辣湯底味道剛剛好，辣度適中，什菇湯底都好特別😋 這間火鍋店有樣人氣美食就鮮炸脆響鈴 ， 上台有陣香噴噴味道，店員即話這個係佢地本店獨有即炸響鈴，即食可以香脆，最鍾意浸一浸湯底食好味👍👍 肉類方面點左本地手切牛肉及四色丸，牛肉夠鮮味有咬口，油脂分佈剛剛好，食完一碟要再 encore. 田園盛（有機）蔬菜非常新鮮，特別係栗米好清甜，還有其他番茄，蘿蔔同時菜，感覺好健康。 打邊爐都可以咁健康，feel good

首先買咗話值$568嘅海鮮拼盤歺券，但原來唔包湯底，要再加兩百幾買湯煱底，至可以食到盤海鮮，原先話4-6位用嘅海鮮，除咗一隻小龍蝦，就只有帶子、珊瑚蚌、海蝦、花甲各四隻。加埋醬油同服務費，就算有open rice 優惠，埋單都要六百八⋯⋯有啲貴夾唔飽

今日約左朋友去佐敦永安買野 完左之後係附近搵野食 係內街之間見到有間樓上鋪係食火鍋 見網上都多人推薦 就決定試一試 上到去發現位置唔多 不過坐落都唔會話好迫 湯鍋方面 選左個98三高茶什菌湯 另一邊係拼麻辣小辣湯料都豐富的 飲落都有個種麻的感覺 唔係淨辣鮮打四寶丸 手打丸黎講 都叫幾滑 如果可以大粒d口感會更好雙拼餃子 有菜餃同蝦肉餃手切安格斯牛 肉質紋路都ok 稍為薄身 睇下個人口感鐘唔鐘意黑豚肉配麻辣湯底係唔錯選擇 全餐最有驚喜係即炸響鈴 食落去的口感酥脆 都係我第一次係火鍋店食到即炸田園盛規規矩矩成餐每個人平均都食左400 左右 有部分食材有驚喜 抵唔抵食就見仁見智啦

今次嚟到呢度打邊爐，俾佢個蟲草花膠雞湯底吸引咗！呢個湯底勁清甜，好似飲緊湯咁，我自己都真係飲咗幾碗先再用個湯底嚟打邊爐，仲要勁足料。佢而家做緊特價呢個蟲草花膠雞加埋一個章紅魚刺身都係$288。 佢個刺身仲要勁大份，而且夠新鮮😉。配料方面必食佢個手切安格斯牛$209，價錢同出面差唔多，但係佢呢個啲雪花真係靚到入口即溶，打邊爐來講真係第一次食咁靚嘅牛，用呢個價錢。佢個炸油炸鬼同埋響鈴都幾特別，新鮮炸起可以即食或者點少少湯，吸少少湯底嘅鮮味！佢個手打四寶丸$86，肉質彈牙，而且可以試晒四款唔同嘅丸！食過咁多間火鍋嚟講， 呢間都真係少數一間係會推介嘅！抵食得來湯底同埋配料都好高質。

咁啱阿媽話想打邊爐，但係落大雨又唔想出街。於是我就叫細佬直接去外賣邊爐湯底同埋火鍋料，唔使洗又唔使切，呀媽可以休息一天☺️☺️尚鮮之前已經有去過打邊爐，知道所有食材都新鮮而且質素有保證😋咁樣即興打邊爐鐘唔使預先訂，即日訂完就可以自取，而且散叫好似仲有折添👍🏻👍🏻細佬仲影左d堂食優惠，決定下次再encore 😋😋🎈姬松茸冬瓜湯呢個湯底用料十足，倒出黎已經有勁多料而且分量十足👍🏻打邊爐之前飲左啖湯，好清甜，飲落明顯唔係味精湯。🎈手切安格斯牛肥牛雪花紋清晰可見，入口即溶又有牛味😋😋我諗我一個人都可以食晒一份☺️☺️🎈脆鯇魚片最鍾意食魚既呀媽，一見到d魚就不斷話好靚好新鮮，色澤又好👍🏻魚肉爽口而且去骨好乾淨👍🏻🎈鮮炸脆響鈴打邊爐除左牛肉係必備，響聆亦都好重要😍😍所以指定細佬一定要買響鈴🤣響鈴新鮮炸起，返到屋企都仲係暖又脆，正😋🎈鮮打四寶丸四款手打丸都爽口彈牙，真材實料，唔會溝粉溝到冇晒口感👍🏻我個人最鍾意墨魚丸😋另外我哋仲有黃沙豬膶、豬皮、雙色水餃同埋蔬菜籃。豬潤新鮮，唔會有怪味👍🏻水餃入面d蝦都好大隻又彈牙，粟米又好甜，好滿足的一餐。❣️仲有值得一讚，餐廳有提供埋足夠豉油、辣椒、蔥同埋蒜，好貼心🥰雖然