尚鮮海鮮料理

營業中

休息中

今次嚟到呢度打邊爐，俾佢個蟲草花膠雞湯底吸引咗！呢個湯底勁清甜，好似飲緊湯咁，我自己都真係飲咗幾碗先再用個湯底嚟打邊爐，仲要勁足料。佢而家做緊特價呢個蟲草花膠雞加埋一個章紅魚刺身都係$288。 佢個刺身仲要勁大份，而且夠新鮮😉。配料方面必食佢個手切安格斯牛$209，價錢同出面差唔多，但係佢呢個啲雪花真係靚到入口即溶，打邊爐來講真係第一次食咁靚嘅牛，用呢個價錢。佢個炸油炸鬼同埋響鈴都幾特別，新鮮炸起可以即食或者點少少湯，吸少少湯底嘅鮮味！佢個手打四寶丸$86，肉質彈牙，而且可以試晒四款唔同嘅丸！食過咁多間火鍋嚟講， 呢間都真係少數一間係會推介嘅！抵食得來湯底同埋配料都好高質。