尚鮮海鮮料理

營業中

休息中

好耐都冇食過打邊爐啦聽同事介紹呢間打邊爐食材好新鮮之餘價錢仲好相宜 今日就同老公嚟試試佢啦一坐低就俾佢餐牌上面嘅牛三拼吸引咗有三種唔同嘅牛 估唔到牛柳粒都可以用嚟打邊爐 食起上嚟仲好有肉汁 完全顛覆我對打邊爐嘅想像至於手打丸都可有誠意每一粒入面都包有唔同嘅餡 最印象深刻一定係松露豬肉丸 黑松露味一啲都唔會太勁又夠香午餐肉排到好靚 忍唔住食吓一條又一條估唔到兩個人都清得晒一碟蔬菜拼盤好新鮮 一面有生菜油麥菜番茄粟米同蘿蔔 入面嘅粟米真係好甜仲有脆肉魭切到厚薄啱啱好又好有魚味連一向怕腥嘅我都忍唔住食下一舊一舊