割烹 櫓杏 (iSQUARE國際廣場)

營業中

休息中

舅父每次從日本返嚟都會約我哋去割烹食晚餐，因為舅父覺得呢度嘅日本菜非常正宗，好適合佢嘅胃口。呢度嘅set menu種類非常多，每一個都睇落好吸引我。晚上食火山鍋真係非常暖胃，滿滿嘅豬五花肉令湯底非常鮮甜，熱辣辣飲非常爽！除咗肉，仲放咗好多菜，所以成個湯底更加清甜，飲多都唔會膩。仲有三件嘅鮮魚壽司鮮味十足，魚肉亦都處理得好乾淨，鮮甜肥美，正！炭燒鶏頸肉口感同鮮魚一樣滑軟，燒得非常香甜，加點檸檬汁，味道別有一番風味！舅父每次嚟都必點嘅刺身盛合真係非常新鮮，除咗擺盤靚，海鮮亦都好肥美，原汁原味，唔需要任何搭配！最後仲有甜品菠蘿雪葩可以食，冰冰涼涼嘅，食飽嚟一杯，真係好享受！舅父依然食到讚不絕口，下次返嚟仲要繼續嚟食！

同朋友行完街唔知晚餐去邊度食好，就諗到咗呢間割烹 櫓杏試下。呢度環境優雅，好有自己嘅特色，係同朋友食飯嘅好去處。呢度有好多好特別嘅set menu，每一件都係靚嘢，有咁多款式嘅菜單，總有一道啱你胃口。大冷天就最啱嚟呢度食佢哋嘅火山鍋，暖胃之餘味道又正，佢嘅豬肉嘅料真係足，仲有啲蔬菜，食落感覺非常之爽。食完火鍋，可以再試下幾件刺身，呢度嘅刺身拼盤同鮮魚壽司都係好美味，刺身肉質非常鮮嫩，可以食到魚肉最純粹嘅口感同鮮美，因為非常新鮮，食落非常爽口。青瓜鰻魚好特別，經過處理后加上土佐酢，味道香濃，非常有特色，係我最鍾意嘅小食之一。最後嚟個菠蘿雪葩做收尾，食完好清爽，口味又甜又帶啲酸，呢餐食落特別滿足。鍾意食日本菜嘅朋友不妨嚟試下，呢度嘅日本菜真係好好食!

夜晚七點收工好想食香口嘢，於是揀咗熊本黑毛和牛扒食。幾年冇食，水準依然好高。我哋三個人嗌咗一個吉列免治特製熊本黑毛和牛及北海道豬扒、刺身盛合、炭燒煙肉，再加一個鹽燒雞翼，每一個份量都非常足夠，比想像中多。熊本黑毛和牛外皮炸得好鬆脆香口，小朋友食到停唔到口。豬柳豬扒都非常之厚身，出奇地一點都唔乾，仲好Juicy又有好濃嘅豬肉味，用料好新鮮。加埋專用嘅醬汁，一點都唔肥膩，好新鮮彈牙。嚟到日本料理餐廳梗係唔少得刺身！一大盤刺身有唔同嘅種類，每樣都好新鮮，特別係海蝦入口即溶唔腥的確鮮味。😋炭燒煙肉好香炭燒味，質地啱啱好，好爽口，燒嘅時間啱啱好👍👍👍燒雞翼都唔錯，燒到外皮香脆，而入面啲肉仲好嫩！好大隻，抵食！推介👍🏻職員都唔時主動行過嚟幫我哋收走空盤子，服務好好。餐廳座位好闊落，又冇限時間，下次可以同朋友一齊嚟食飯傾偈。

收工約咗朋友去isquare 食飯想食火鍋又想食壽司上網見到呢間日料店好吸引所以就試下餐廳面積好大 以熊本同木系為主調加上柔和既暖色燈 坐位闊落舒服餐牌上既嘢食都幾多選擇試左招牌菜式火山鍋一上枱就先試啖湯 味道好鮮甜而賣相好似雪山 好靚豬五花油花豐富 肉質滑嫩豬味濃香蘸埋辣豉油味道香辣 真係幾好味😋炭燒雞雞頸肉外層軟腍 炭燒後仍然保持住雞肉既精華食落好入味兼彈牙爽口💯壽司三件賣相靚又好足料 而且好新鮮鰻魚賣相好靚 魚肉鮮味爽口配埋青瓜同埋土佐酢味道更加清香醒胃👍🏻甜品有菠蘿雪葩菠蘿味好香 好清爽既甜品D嘢食味道唔錯又有特色又可以打卡服務態度又好 係聚餐既好選擇!

都係encore嘅之前同朋友嚟過，覺得幾好食喺尖沙咀邊邊嘅位置～刺身：熊本天草の鮮魚刺身食完開胃嘅前菜就接著上嘅兩種刺身魚鮮甜， 鮮甜彈牙，肥美入口即溶，非常鮮甜～串燒：柚紅樽魚上枱嘅時候亦都熱辣辣，自己幾鍾意佢嘅口感，彈牙爽口，煙煙韌韌～海膽壽司師傅用咗熊本出嘅赤海膽握咗一件海膽壽司，呢種赤海膽比起以前食過嘅更加鮮甜，高咗一級，係比起鮮甜更加鮮甜！真係好想再要幾個！味噌湯食到最後雖然好飽，但師傅話呢碗湯好重骨膠原，就算好飽都要飲晒佢😂整體魚生刺身新鮮肥美💗✨個人最鍾意係「柚紅樽魚」、「鮮魚刺身」、「海膽壽司」、「味噌湯」✨環境舒服，服務有禮貌，師傅望落professional

服務員親切有禮。食物質素很好。環境舒服位置很寬闊，我哋坐對住窗口位可以一路望住個景一路食午餐好舒服。因為我哋係慶祝結婚周年，所以佢哋有同我哋影相好開心， 10分感謝佢哋。

嗰晚，我同男朋友喺尖沙咀嘅割烹櫓杏慶祝我哋嘅紀念日，度過咗一個難忘嘅夜晚。我哋食咗幾款好味嘅日式料理，令我哋食到難以忘懷。首先，我哋叫咗鹽燒天草大王雞全翼，肉質結實，油潤豐厚，最緊要係雞翼足足有隻手臂咁大隻，令人一啖接一啖停唔到口。跟住，吉列免治特製熊本黑毛和牛『和王』同北海道豬扒更加令我哋驚艷，酥脆嘅外皮配搭肉質好嫩滑嘅肉，食落去簡直肉香四溢，呈現咗日式料理嘅精緻。我哋仲食咗極味壽司，每一款壽司都好新鮮，每一啖都令人感受到海鮮嘅鮮味。新鮮刺身盛合更加令我哋難忘，色澤鮮艷嘅刺身睇落去垂涎欲滴，無論口感味道都好好，完全冇腥味，仲鮮味十足。沙律竹輪卷天婦羅咬落去係酥脆嘅口感，入面嘅竹輪又爽口又彈牙，簡直係完美。總括嚟講，呢餐飯唔單止係味覺嘅享受，成個環境同服務都係一流，重要嘅係佢哋嘅午餐仲有特別優惠，週末同公眾假期第二份Set Lunch半價，真係好抵。

今次係我第三次嚟喇，最鍾意食佢哋嘅廚師發辦，食物每一樣都一如既往咁好食😋✨用料好新鮮同埋高質！環境都好舒服😌十貫壽司唔誇張咁講每一件都好好食～海膽壽司🍣最鍾意嘅其中一樣就係海膽壽司，微微嘅鹹味仲有甜味，食得出用料好新鮮😍軟嫩嘅口感仲有醋飯一齊入口，口感同味道層次真係好驚艷！白子天婦羅🍤白子經過油炸之後麵衣變得好酥脆！白子本身帶住淡淡嘅鮮甜味，而且口感好細膩而且好有彈性🤤 好好食～熊本天草鮮魚刺身🐟呢道刺身都令我哋印象深刻！師傅好刀功，刺身切片薄厚均勻，每一塊肉質都好鮮亮，咬落去仲充滿彈性🥹 魚肉好新鮮，每一啖都係食材本身嘅原汁原味，好正🙌蜜瓜🍈飯後嘅甜品係熊本縣嘅蜜瓜，呢種高質素水果真係名不虛傳，口感超級細膩！真係好好食啊🤤

見到一間好多好評嘅日本餐廳 就約咗男友嚟食咗餐Omakase💗💗以下就係我地食嘅set⬇️:.✨前菜：揚銀杏&鵝肝銀杏係外脆內嫩，略略帶有香氣。鵝肝係醇厚滑順 好似啲cream咁滑，入口即化!!.✨碗物：連根饅頭超級柔軟嘅texture ，食落去係脹卜卜，味道上係幾好食，令人好開胃😋‼️.✨一系列の刺身：整體都係好有魚香同海水味（但冇魚腥味），食得出刺身好新鮮🐠🐠

上個星期，我帶男朋友嚟呢間日本餐廳慶祝6週年，主要係為咗佢哋嘅omakase套餐。我哋坐喺吧台前面，廚師喺我哋面前親手整每一道料理，好有feel。喺呢種環境食晚餐，氣氛溫馨又浪漫。第一道菜係海膽壽司。飯好柔軟但有嚼勁，配埋鮮甜嘅海膽，一口食落去，感覺到好濃郁嘅海洋風味。食材真係好新鮮，好正！接住係揚銀杏同鵝肝。呢個搭配對我嚟講好新奇。揚銀杏嘅口感好軟糯，鵝肝就綿密香滑，兩個一齊食，好有層次感，好好食。之後係柚紅樽魚，煮得好紅橙色，睇落就好可口。食起嚟真係好好食，魚皮脆嫩，肉質好軟嫩，非常鮮甜。每一口都好享受！當時，廚師準備嘅甜品係梨同蜜瓜嘅組合。呢兩種水果都係好清甜多汁，特別係梨，口感脆嫩。我男朋友就比較鍾意蜜瓜，非常甜，好爽口。之後主菜係牛肉。牛肉入口即化，好有嚼勁，散發住濃郁嘅牛肉味，每一口都好享受。整頓晚餐落嚟，又有視覺嘅享受，亦都有味覺嘅滿足。我同男朋友都食得好開心，令我哋嘅週年慶有著滿滿嘅快樂回憶。

尖沙咀｜割烹櫓杏之前同朋友來過，環境食物大家都好滿意，可以觀賞整個維港景色，絕對是視覺味覺享受，適逢新年又是聚聚時間，立即決定再來這裡，品嘗一下其他菜式💫今次決定試試她們的 OMAKASE ，晚市OMAKASE價錢非常吸引，$1280/位，依家更有優惠，第二位半價，算起上來人均也只是$1000左右可以吃到18品菜式，絕對超值🫶▪️清湯九繪魚 - 九繪魚日本石斑，白身魚味道濃郁。▪️鮟鱇魚干 - 低溫慢煮鮟鱇魚干，面頭灑上黑七味粉、日本萬能蔥，入口牛奶般嫩滑。▪️蓮根饅頭這個非常特色，酥脆饅頭包裹着爽脆蓮藕，饅頭外脆，咬落軟彈，中間蓮藕爽脆，再配上自家製醬汁及山葵漬，口感層次豐富 。▪️深海池魚肉質鮮嫩肥美，油脂非常厚，魚油甘香細膩，入口質感爽脆，食時加少少山葵，帶出魚香▪️八角魚 - 白身魚 油份較重 北海道小津八角魚 爽口，口感似拖羅▪️白子天婦羅 - 配蒜鹽，白子天婦羅，來自鱈魚的精子，入口嫩滑，一點腥味都沒有，配上薄薄脆漿，一嫩一脆口感豐富無比💫▪️炙燒梭子魚炙燒後逼出魚皮油脂，魚皮油香突出，魚油滲入魚肉及米飯中，甘香美味，可配搭柚子胡椒、山葵、豉油，味道更提鮮💫壽司▪️魷魚 - 爽口彈牙，鮮味

望住維港景食Omakase絕對係視覺與味覺雙重享受割烹 櫓杏位於尖沙咀ISquare 28/F · 可以180度抱攬維港夜景最近推出0makase $1280第二位半價·真係超級抵！⁜ Omakase Set （$1280）ꕺ前菜｜沙律 熊本水沙律·聽住音樂生長嘅時令沙律菜添加熊本縣礦泉百川水、海鹽 + 橄欖油可以品嚐最原始蔬菜味道·同清爽口感ꕺ熊本生蠔很少會遇上熊本出產生蠔｜海水味幾重·口感較creamy ꕺ慢煮鮟鱇魚魚肝以日式醬油慢煮烹調手法·口感會較為cream入口似鵝肝的入口即溶·細嚐醬油甜味同魚肝甘香ꕺ漬物｜醃青瓜·蔥卷配醋麵豉醬ꕺ松葉蟹茶碗漬蒸蛋佈滿手拆松葉蟹肉·蒸蛋如豆花般細滑刺身ꕺ熊本石斑手拆大石斑·肉質緊緻富有彈性·餘韻清甜師傅另將魚邊炙燒·迫使魚油滲出·兩種食法各有特色ꕺ天然寒鰤可以一嚐腩位同魚肉部位；魚腩位口感爽嫩·充滿油香魚肉魚味較重·添加紫蘇花增加味道層次ꕺ漬物｜山藥·淮山ꕺ炸白子春卷體現外脆內嫩嘅極致·配以蒜鹽點綴白子絲滑般不帶異味ꕺ燒物｜備長炭燒和牛香濃炭燒味·和牛粉嫩·簡單配鹽食用已經很完美ꕺ壽司昆布漬左口魚：口感較煙韌·帶淡淡昆布清香ꕺ魷魚：較為黏口·

嚟到尖沙咀玩嘅時候偶然間搵到呢間割烹櫓杏，感覺好特別，入面仲有好多熊本熊裝飾，真係好可愛，決定就喺呢度食晚餐。菜單種類好多，啱啱又係一個人，就打算點個set menu嚟試下最令我驚艷嘅就係呢道刺身盛宴，光係睇已經好靚，食起嚟鮮味十足，簡直係視覺同味覺上嘅享受！而且海鮮種類亦都好多，口感極為豐富！除咗海鮮盛宴，鮮魚壽司三件味道亦都好唔錯，魚肉肥美香甜，仲好新鮮，唔輸其他嘅刺身，令人食到停唔落。再嚟就係好好飲嘅火山鍋，係講豬五花擺到好似火山咁，非常精緻，豬肉涮進湯底後，湯底更加鮮甜，每一口都係精華。炭燒鷄頸肉帶有微微嘅焦香味，非常滑軟，完全唔會柴，咬住非常香！仲有最令我胃口大開嘅就係特製青瓜鰻魚，係拌咗士佐酢嘅，酸酸甜甜嘅，食住好清新，加上鰻魚好香，食咗一又一口，停唔落呢間餐廳嘅食物真係非常好食，下次可以嚟試下omakase

服务差，食材差，每个服务生都不知道在干什么，点什么，回复没有了，菜一盘一盘上，菜上完了也不说，就让客人一直坐在那里等，询问已点菜上完没有，说去问问，然后就没有回复了，要求低消，根本配不上这个价钱！从来没有试过这个价位如此差劲的餐厅！从头到尾整个就餐心情都非常差！4个人吃了4000，感觉吃了个寂寞？已经很生气的在找服务员了，结果来一个服务员话没说上两句，开始接电话就不管了…真的是等了很久很久，都不知道在干嘛，总之太无厘头！强烈不推荐来吃

前排偶然間搵到呢間尖沙咀嘅割烹櫓杏，食咗一次之後就徹底愛上咗呢度，真係冇諗過日本菜可以咁好味。上次試咗佢哋嘅晚餐套餐，選擇好多，加上佢哋嘅用餐環境，簡直係一流，環境光線色調非常適中，用餐嘅時候會覺得呢度非常放鬆。我自己叫咗佢哋賣相已經好吸引嘅火山鍋，入面嘅火鍋料真係好足，不止係豬五花，仲有各種蔬菜，豬五花嘅口感同味道都非常新鮮，而且可以好快吸收湯汁嘅精華，好入味。呢度嘅特色黑松露茶碗蒸味道亦都係一流，微微嘅黑松露香氣，茶碗蒸入口即化嘅口感，令人慾罷不能。佢哋仲有熊本天草直送嘅刺身盛合同鮮魚壽司三件，樣樣都係極品。刺身盛合入面嘅蝦口感非常綿密，然後有非常濃郁嘅鮮蝦甜，魚肉嘅口感亦都非常軟糯。鮮魚壽司就係非常鮮甜，再加上一啲調料同醋飯嘅點綴，味道不同凡響。仲有值得一提嘅菜就係佢哋非常有特色嘅土佐酢青瓜鰻魚，佢哋嘅土佐酢醬汁加喺鰻魚同青瓜上面，使味道千變萬化，為口味帶嚟新鮮感，食住唔膩。環境好，食物又好食，今時今日好似呢啲餐廳已經好難搵啦！