割烹 櫓杏 (iSQUARE國際廣場)

營業中

休息中

位於尖沙咀ISquare 的28樓嘅呢間日本餐廳唔單止對住成個維港夜景🌃而且以「熊本城」為設計藍本，仲有日籍師傳擔當主廚，有時仲會見到日籍和服美人招待！👘🎎務求提供最好嘅體驗俾每一位客人✨餐廳引入熊本縣產食材，提供多元化食物選擇，除咗有廚師發辦，仲有各款日式料理同鍋物，午市更有定食同會席料理🥰呢次主要食A La carte，居酒屋價錢仲有維港景，性價比非常高😝🌟鯛魚白子🌟炸白子春卷🌟他他醬炸雞🌟新鮮刺身盛合5款 $290🌟明太子蛋黃醬燒炸豆腐 $50🌟鹽炒青椒雞腎 $100🌟燒牛舌扒 $180🌟吉列熊本黑毛和牛『和王』 $280🌟熊本黑毛和牛『和王』扒丼 $150🌟熊本晚柑梳打 $58🌟柚子梳打 $48

又一間日本熊本直送食材，日料終於可以多一個選擇。上網睇到話平日都好多人等位，所以今次提早訂位‼️ 建議入座前就睇好食乜😋今次點咗網上最火嘅火山鍋，套餐主要以豬五花🐷為主，擺盤真係好似火山咁。每一款套餐都會包埋小菜、沙律、黑松露茶碗蒸，份量都有誠意㗎，仲有菠蘿雪葩。小菜係刺身盛合同鰻魚同青瓜配土佐酢。刺身肉量好多，其中比較有驚喜嘅係海蝦，冇乜腥味之餘口感都幾嫩口；另外一道小菜，鰻魚同青瓜配土佐酢，雖然係配送嘅小菜但魚畀嘅厚度同份量都唔吝嗇，配搭酸醬汁特別開胃。黑松露茶碗蒸嘅黑松露都畀得好足，但又唔會蓋過咗蛋香味。主角火山鍋入面嘅豬五花，紋路都好靚，好好食，湯底都唔會淨係味精味，食完都唔會覺得口渴。呢間嘅一人鍋套餐我嚟講係值得再幫襯，價錢都算公道💁🏻‍♀️

前幾日同屋企人去咗尖沙咀嘅【割烹 櫓杏】，食咗個舒舒服服嘅晚餐 。呢間餐廳主打日式高質料理，每一道菜都好有心思，分享下我哋嗰晚食過嘅餐點啦！鹽燒天草大王雞全翼雞翼燒到皮脆肉嫩，帶住少少炭香味，加埋鹽味，食落唔會太鹹，好香口，屋企人都話幾正😍吉列免治特製熊本黑毛和牛『和王』及北海道豬扒牛肉同豬扒炸得香脆，外皮薄而且唔油膩，入面啲肉汁鎖得好實。尤其係牛肉，肉味濃郁但唔膩，配埋吉列醬汁，好夾！極味壽司壽司每一啖都用唔同嘅食材搭配，魚生好新鮮，壽司飯嘅醋味啱啱好，唔會搶走魚味。熊本黑毛和牛及北海道豬伴櫓杏特製湯涮涮鍋湯底味道清清地，涮牛同豬都啱晒！牛肉滑而且有脂香味，豬肉偏甜，兩種肉質地唔同，各有特色，可以試下比較下。炭燒自家製煙肉煙肉燒得啱啱好，帶住啲焦香，但唔會硬，鹹度又啱啱好，連食幾片都唔會覺得膩 。呢餐真係食得幾滿意，每一道菜都做得好有水準，價錢亦算合理，值得一試！如果你哋都鍾意日本料理，可以一試

女仔都鍾意食日本料理，呢度嘅餐好多選擇，價錢又唔係貴， 所以好多時唔知去邊度食嘅時候就會嚟呢一間餐廳，仲有好靚嘅尖沙咀Harbour view , 一邊食嘢一路睇feel無論係晏晝或者夜晚景色都咁chill， 服務我畀五星，食物都係五星。

女朋友話懷念日本，想食啲日本菜，我就book咗呢間割烹 櫓杏嘅omakase嚟招待佢。呢度食物正宗，價錢公道，係一間值得推薦嘅日本餐廳。廚師發落嘅菜品道道都好好食，我哋特別鍾意呢幾道菜，真心推薦。鮮魚刺身真係非常新鮮，仲帶有海洋嘅清新味，一口咬落，滑嫩鮮甜，魚肉慢慢喺口中化開，總結嚟講就係非常新鮮。仲有燒魚燒得香味十足，魚肉非常新鮮，入口即化，加啲配料一齊食，魚本身嘅味道更加突出！再嚟就係海膽壽司鮮甜無比，再加上壽司飯粒粒分明，喺口感上非常加分，食到我停唔落。睇落普通嘅味噌湯，飲住好清甜，仲好香，而且味噌嘅味道唔會太過濃郁，飲住好開胃。女朋友食到讚不絕口，仲話下次可以帶埋父母一齊嚟試。

呢晚帶阿媽同阿爸去尖沙咀割烹 櫓杏，幫阿媽慶祝生日🎉！成間餐廳氣氛好舒服，燈光柔和，環境又唔嘈，真係好啱一家人慢慢食飯。火山鍋呢個鍋真係幾特別，湯底清甜，配埋啲新鮮海鮮同蔬菜，暖晒胃❤️！阿媽話湯底清得嚟有味，大家飲到一滴都唔剩，真係夠正。炭焼鶏鶏頸肉雞頸肉炭燒得啱啱好，外層微焦，內裡仲好嫩滑，仲帶住炭香味🔥，阿爸直話呢個係佢今晚最鍾意嘅一道菜。鰻魚同青瓜配土佐酢鰻魚脂香濃郁，配埋爽脆嘅青瓜，再加上酸酸甜甜嘅土佐酢，開胃一流！阿媽邊食邊笑住話呢個組合真係好夹～天草直送新鮮刺身盛合刺身盤有鮪魚、海膽同帶子，全部都好新鮮✨，每一啖都甜美鮮味，阿爸仲笑住話質素好似喺日本食咁高級！菠蘿雪芭甜品係菠蘿雪芭🍍，清新又唔太甜，食完啱啱好可以平衡返啲油膩感，成個晚餐畫上完美句號！呢間餐廳啲菜真係好有心思，用料十足，每樣都做到水準，阿媽阿爸食得好滿足🥰！呢餐慶生飯搞到咁圓滿，真係超值👍

忙碌嘅工作日結束後，我同同事決定犒勞一下自己，揀咗呢間日本餐廳，試下佢哋嘅招牌set menu。呢度有日本風嘅裝修，好精美，又唔會太複雜，係一個好舒服嘅環境。今日我哋嘅主菜係佢哋嘅“火山鍋”，擺盤好似一座小火山。鍋入面滿係蔬菜嘅鮮甜——白菜、椎茸、姬菇、金針菇、杏鮑菇等蘑菇類嘅豐富組合，表面圍住一排五花肉，睇落就好有食慾。跟住上桌嘅係鮮魚壽司，入面有三種唔同嘅魚，全部魚肉都非常新鮮，軟軟嫩嫩，入口即化。佢哋嘅炭燒雞頸肉都好唔錯，炭火嘅香氣完美滲入肉質，外皮微脆，入面柔嫩多汁，令我哋回味無窮。之後嘅刺身盛合，每片刺身嘅切工都好精細，厚薄剛剛好，每一片都好新鮮。入面仲有蝦，都好新鮮，咬落去好Q彈，超正！最後，仲點咗鰻魚同青瓜，鰻魚煮得剛剛好，表面好黃金，肉質軟嫩，食一口再配埋青瓜，呢個搭配好好食。整體嚟講，食物都好唔錯，每樣都好好食。餐廳嘅環境好溫馨，好適合大家一齊嚟。

同事約我今晚去割烹櫓杏食晚餐傾偈，順便試下好評滿滿嘅omakase。啱啱好我今日有空，就答應一齊去試下！呢度除咗食物，景色都好有特色，尤其係晚上，夜景更加靚！而且服務員同廚師都好熱情。前菜係鵝肝，新鮮肥美，好有食慾！跟住廚師就開始準備主食。先嚟係連根饅頭，非常Q彈，越嚼越香，一口饅頭，一口湯，爽！接住就係新鮮無比嘅刺身。刺身都處理得好乾淨，完全冇腥味，切工亦都好，食起嚟口感非常好，令人回味無窮！最令我記得就係鮮魚，味道甜甜哋，唔需要任何配料，都好美味！再嚟就係天婦羅。呢度嘅天婦羅比較特別，係有加白子作為配料嘅。兩種食材都非常新鮮，滑嫩嘅白子同彈牙嘅天婦羅一齊食，香味十足，簡直係極品！低溫煮牛肉嘅火候控制得啱啱好，好有牛肉香氣，而下一道嘅燒魚，香氣四溢，新鮮無比！至於海膽壽司就更加正啦！海膽鮮美多汁，作為壽司食，算係非常肥美嘅。我同同事都對呢度嘅食物讚不絕口，下次聚會都可以嚟！

🍗鹽燒天草大王雞全翼外皮金黃酥脆，入面鮮嫩多汁，散發住雞肉甜味同香氣。食落去仲會有淡淡嘅鹽味，咀嚼之間滿溢肉汁，好食。🥩吉列免治特製熊本黑毛和牛『和王』同北海道豬扒入口外酥內嫩，油脂豐富，帶有濃郁嘅和牛香味，酥脆外皮提升成個口感，脂香濃郁，食咗好滿足。🐟新鮮刺身盛合新鮮刺身入口鮮甜滑嫩，質地細緻，唔同嘅刺身各有特色，柔軟細膩，略帶彈性，成個口感非常清爽，鮮味十足。🍤沙律竹輪卷天婦羅外皮脆脆地，入面竹輪彈牙鮮美，點少少沙律醬增添酸甜嘅口感，食咗停唔到口。🍚熊本黑毛和牛『和王』扒丼滿滿嘅黑毛和牛質嫩滑多汁，油脂豐富香醇，配埋半生熟嘅蛋同柔軟嘅米飯，撈埋一齊食，釋放咗香濃嘅和牛香味。🥓炒辣味熊本黑毛和牛『和王』鮮嫩多汁的黑毛和牛帶少少微辣刺激胃部，每一啖都帶有豐富嘅肉汁同淡淡嘅辣味，好好味。

尖沙咀呢間【割烹 櫓杏】係我食過最正嘅日本菜，而且平時都有做優惠，星期一至五嘅lunch set都有第四份lunch set免費嘅優惠，然後周末同公眾假期有lunch set半價優惠，最適合帶多啲人嚟一齊食！呢度嘅用餐環境好舒服，帶埋一家人嚟呢度食omakase晚餐，仲有風景睇，裝潢睇落都好有自己嘅風格。前菜已經令我驚艷，揚銀杏配鵝肝已經俾我品嚐到前所未有嘅好味，仲特別開胃。omakase嘅菜品味道唔錯，嚟分享一下我印象深刻，非常好食嘅幾樣菜品。老竇食咗第一口就睇住我哋嘅海膽壽司真係好有鮮味，細膩甘甜，入口即化，每一口都係享受。老媽就比較鍾意魚肉，滑軟中又帶有甜味，仲好新鮮，放啲配料一齊食，味道更好。而我就比較鍾意鮮魚刺身，完全冇腥味，仲帶有魚肉嘅鮮甜味道，每一片都深得我心啊！今日嘅甜品亦都好有特色，梨同蜜瓜都好新鮮，仲好清新，食到都唔會膩。我哋一家人食到好開心，食咗咁一餐舒服又優質嘅日本廚師發辦！

最鍾意食廚師發辦🧑‍🍳，朋友生日同佢去咗尖沙咀嘅割烹櫓杏，佢哋嘅OMAKASE套餐真係好值得推介！套餐包前菜、兩款精緻嘅刺身、十款壽司，仲有其他唔同嘅嘢食，令人忍唔住想encore🇯🇵餐點啱啱落完單，侍應就送上兩款開胃小菜：炸銀杏同埋好清新嘅鵝肝。特別推薦鵝肝，好肥美，真係令人陶醉💖跟住上枱嘅係兩款刺身，每一啖都好似藝術品咁精緻。首先係魚刺身，配埋清新嘅醬汁，令魚生嘅鮮甜喺口中爆發。熊本嘅白子天婦羅，淋上芥末，即刻感受到鮮味，口感濃郁，油香四溢，令人忍唔住一啖接一啖🥰壽司嘅配搭一樣咁令人驚艷，海膽壽司清新又細膩，脂肪感簡直係口腔入面嘅幸福。火炙柚子紅樽吞拿魚，濃郁嘅油香撲鼻而嚟，帶出紅樽吞拿魚嘅香味，令人食慾大開。食完主菜，我哋食咗嚟自熊本嘅蜜瓜，好清甜，令人心滿意足🍈今次嘅用餐體驗唔單止係享受，絕對係嚟尖沙咀必試嘅美食之地😋😋😋

同舊同學聚會，同學仔介紹呢間舖，咁啱大家都幾耐冇去過，就去啦識呢間舖都係火山鍋頂瓜瓜嘅⋯不過今次我哋決定點唔同嘅餸試吓啦3個人，1份豬扒、1份刺身拼盤梗係唔少得、1炸豆腐、1牛舌扒、1燒雞翼梗係唔少得，最後都食到好飽前菜先嚟嘅刺身，同學仔讚好。豬肉方面，大家都讚肉質鮮嫩，配芥末、特製醬汁、檸檬汁唔同味！大家都覺得keep得住以前嘅水準，冇白嚟。黑毛豬扒，炸煮得香而不膩，外衣脆感十足，同食材黐得好實，夾起嚟唔鬆散。豬扒同豬柳味道差唔多，豬味好濃。因為豬柳出品比較厚身，口感軟嫩。豆腐上枱嗰陣滿滿嘅明太子蛋黃醬，呈金黃色，皮香脆熱辣辣燒牛舌扒，肉質鮮嫩，炭燒突顯咗牛肉嘅原味，口感細膩。雞翼皮脆肉嫩，表面用簡單嘅鹽燒烤，充滿油脂香，爽口彈牙，口感十足聚會吹水之餘，又可以享受美食，好開心嘅一晚。座位闊落有私隱。服務方面，年長嘅男店員/經理有禮貌，值得一讚。

喺尖沙咀iSQUARE國際廣場，朋友搵到呢間睇落好特別嘅日本餐廳，佢哋有壽司刺身、有火鍋同廚師發辦，環境仲非常有特色，就安排晚上嚟呢度體驗豪華嘅日本套餐。我哋睇咗睇菜單，決定先試下呢度嘅套餐。火山鍋原來係用豬五花疊成嘅火山，仲未涮肉，就已經非常香，加啲菜落去煮，湯底更加濃郁鮮甜，好惹味！仲有呢度嘅招牌，黑松露茶碗蒸好滑軟，食住香甜十足，又有黑松露獨有嘅風味，令人難以抗拒。鮮魚壽司三件真係好鮮味，仲帶有淡淡嘅海洋味。魚肉亦都好肥美，唔會有腥味！我就比較鍾意青瓜鰻魚，係配咗土佐酢嘅，酸甜嘅味道仲帶有獨有嘅香氣，口感非常絲滑，簡直令人胃口大開！

朋友介紹咗一間隱藏住Omakase嘅日料餐廳，主要食材嚟自日本熊本，嚴選時令食材，啲料好新鮮，一個人食都好享受。餐廳環境好舒服，以簡約日式風格為主，一入到去就感受到清新同雅致。特別鍾意呢幾道：低溫慢煮牛，口感爽脆、入口軟糯，肉質滑嫩肥美，鮮甜。配埋微辣嘅芥末，提升牛肉嘅鮮海膽壽司：獨特甘甜魚油芳香，口感豐腴肥美，入口即化，口感細膩而濃郁，放咗芥末都好提鮮。味增湯：睇落去好普通，食落去好爽口，有淡淡嘅鮮味清香。連根饅頭：一上枱真係睇唔出係乜嘢，但一入口，口感綿密滑嫩，香氣同鹹甜味滑完美結合。總結餐廳師傅資歷好深厚，仲會用當造時令食材嚟煮嘢食，啲嘢食出品有驚喜又高質有保證，好抵食，一定可以滿足想試吓正宗發辦風味嘅大家。味道：5環境：4服務：5衛生：5抵食：4整體評分：

前幾晚同姐妹去咗尖沙咀嘅割烹櫓杏，試咗佢哋嘅Omakase晚餐。整體感覺係一間值得回頭嘅餐廳，環境靜靜哋，師傅嘅手勢好專業，食物水準好穩定✨ 1️⃣海膽壽司壽司一上嚟就好吸引🍣，海膽新鮮滑溜，飯嘅酸度啱啱好，食落去平衡到味道，簡單又唔失驚喜。2️⃣揚銀杏同鵝肝呢道小食賣相簡單但好精緻，炸得香脆嘅銀杏咬落去有少少黏，帶住鵝肝嘅濃香，口感層次豐富✨ 不過份量唔算多，係好啱伴酒嘅小食。3️⃣柚紅樽魚呢道刺身係當晚嘅亮點之一🌟，魚肉鮮甜嫩滑，配埋柚子醬汁提味，味道清新又唔搶戲，啱啱好。4️⃣白子天麩羅炸物炸得香脆，白子內裏滑溜，搭啲簡單嘅鹽或者天婦羅汁嚟食都幾出色👍聽講佢哋午市都有Lunch Special優惠，第二份Lunch Set仲有半價（星期六、日同公眾假期適用），如果唔想夜晚先去，都可以趁中午試下～🎉